FC Sports logo

កំសាន្ត


កំសាន្ត

រវល់តែពីហែកហួររឿងទ្រព្យសម្បត្តិការពិតអតីតតារាសម្តែងមេម៉ាយកូន ៤  កែវ វល័ក្ខ បានភ្ជាប់ពាក្យគូស្នេហ៍ថ្មីតាំងពីចូលឆ្នាំ ខ្មែរ !

7 months ago
7 months ago

រវល់តែពីហែកហួររឿងទ្រព្យសម្បត្តិការពិតអតីតតារាសម្តែងមេម៉ាយកូន ៤  កែវ វល័ក្ខ បានភ្ជាប់ពាក្យគូស្នេហ៍ថ្មីតាំងពីចូលឆ្នាំ ខ្មែរ !

កំសាន្ត
រវល់តែពីហែកហួរគ្នារឿងទ្រព្យសម្បត្តិរវាងអីតតតារាសម្តែង កែវ វល័ក្ខ និងលោក លាន អាហ្រ្វីល គីនីន ការពិត កែវ វល័ក្ខ ក៏បានភ្ជាប់ពាក្យមានស្នេហាថ្មីតាំងពី ខែ មេសា មកម្លេះជាមួយបុរសម្នាក់ មិនឱ្យចាញ់លោក លាន អាហ្រ្វីលគីនីន ដែលមានដៃគូស្នេហាថ្មីឡើយ ។   ថ្វីដ្បិតតែ កែវ វល័ក្ខ បានលែងលះគ្នាជាមួយលោក លាន អាហ្រ្វីលគីនីន អស់ពេលជាច្រើនខែមកហើយក្តី តែមួយរយៈពេលចុងក្រោយនេះ កែវ វល័ក្ខ បានចេញមុខញឹកញាប់បំផុតនៅលើបណ្តាញ សង្គម ដោយនិយាយពីរឿងបំណុល និងប្រាក់ចិញ្ចឹមកូនទាំង ៤ ដែលលោក លាន អាហ្រ្វីលគីនីន ធ្លាប់ថានឹងផ្តល់ដល់នាង តែជាក់ស្តែងមិនឃើញបានផ្តល់អ្វីទាំងអស់ ។ ស្របពេលរឿងនេះមិនទាន់ស្ងប់ទៅវិញផង ស្រាប់តែថ្មីៗនេះគេចាប់អារម្មណ៍ឃើញថា អតីតតារាសម្តែង និងចម្រៀង កែវ វល័ក្ខ បានភ្ជាប់ពាក្យជាមួយបុរសវ័យក្មេងម្នាក់តាំងពីខែ មេសា ឆ្នាំ ២០២២ ក្នុងអំឡុងចូលឆ្នាំ ខ្មែរ មកម្លេះ ជាក់ស្តែងនាងបានបង្ហោះ រូប ភាពភ្ជាប់ពាក្យរបស់ខ្លួនតាំងពីយូរហើយ គ្រាន់តែមិនមានអ្នកចាប់អារម្មណ៍ប៉ុណ្ណោះ ។ លោក លា​ន អាហ្រ្វីលគីនីន ក៏មានដៃគូស្នេហាថ្មី ចំណែក កែវ វល័ក្ខ ក៏មានដៃគូថ្មៃ អ្នកទាំងពីរកំពុង សាងជីវិតគ្រួសាររៀងៗខ្លួន គ្រាន់តែចុងក្រោយនេះ កែវ វល័ក្ខ ចេញមកហែកហួររឿងទ្រព្យសម្បត្តិ នេះគឺ នាងចង់ឱ្យអតីតស្វាមីខ្លួន លោក លា​ន អាហ្រ្វីលគីនីន ទទួលខុសត្រូវនូវពាក្យសម្តីដែលអតីត ស្វាមីខ្លួនធ្លាប់សន្យាឱ្យប្រាក់ចិញ្ចឹមកូនទាំង ៤ ព្រមទាំងសងបំណុលមួយចំនួន​ ៕ ...
កំសាន្ត

រាលដាលកាន់តែធំហើយ រឿងផ្ទៃក្នុងទូរទស្សន៍ CTN និងក្រុមកំប្លែង នាយ ពាក់មី

7 months ago
7 months ago

រាលដាលកាន់តែធំហើយ រឿងផ្ទៃក្នុងទូរទស្សន៍ CTN និងក្រុមកំប្លែង នាយ ពាក់មី

កំសាន្ត
  ភ្នំពេញ៖ តាមរយៈវីដេអូផ្សាយផ្ទាល់ (ឡាយ) របស់ នាយ ពាក់មី កាលពីរាត្រីថ្ងៃទី ១២ ខែមិថុនា នេះ បានឱ្យដឹងថា នាយ រួមទាំងតារាកំប្លែងរួមក្រុមពីរនាក់ទៀត នឹងចាកចេញពីស្ថានីយ៍ទូរទស្សន៍ CTN ជាផ្លូវការនៅដើមខែ កក្កដា ឆ្នាំ ២០២២ ខាងមុខនេះ ។ តាមពិតទៅកាលពីអំឡុងចុងខែឧសភា ឆ្នាំ ២០២២ កន្លងទៅ តារាកំប្លែង ចែម ចាន់តារា ហៅ ពាក់មី បានប្រកាស ចាកចេញពីស្ថាននីយទូរទស្សន៍ CTN ម្ដងរួចមកហើយ ដោយសារតែមិនពេញចិត្តជាមួយការដឹកនាំរបស់អ្នកគ្រប់គ្រងថ្មីជាជនជាតិឥណ្ឌា ។ ប៉ុន្តែពេលនោះក៏ត្រូវបានដឹងដល់គណៈគ្រប់គ្រងស្ថានីយទូរទស្សន៍ខាងលើ ក៏បានសម្របសម្រួលគ្នាឡើងវិញ ។ ជាថ្មីម្ដងទៀត ត្បិតតែបានសម្របសម្រួលគ្នាទៅលើបញ្ហាមួយចំនួន ប៉ុន្តែក្រោយមក សម្រាប់នាយ ពាក់មី ត្រូវបានគេលប់ឈ្មោះចេញពីកម្មវិធី  «បាទមេ! វគ្គ២» ដែលជាកម្មវិធីកំពុងមានប្រជាប្រិយភាពខ្លាំងមួយរបស់ស្ថាននីយទូរទស្សន៍ CTN ដែលជាហេតុនាំឱ្យនាយតូចចិត្ត នឹងសម្រេចចិត្តចាកចេញជាផ្លូវការតែម្ដង នាដើមខែក្រោយនេះ ។ យោងតាមវីដេអូផ្សាយផ្ទាល់រយៈពេល ២៦នាទី តារាកំប្លែងដែលមានប្រភពពីខេត្តស្វាយរៀងខាងលើ បានបញ្ជាក់ថា មិនត្រឹមតែនាយប៉ុណ្ណោះទេ ដែលនឹងចាកចេញពី CTN ពោលគឺនៅមានតារាកំប្លែង ២រូបផ្សេងទៀត ក៏នឹងចាកចេញដូចគ្នា គឺមាននាយក្រូច និងនាយគ្រឿន ។ ជាងនេះទៅទៀត សូម្បីតែស្ថាបនិកក្រុមកំប្លែង CBS លោក សុវណ្ណ ឬទ្ធី ហៅលោក តា វិចទ័រ ក៏ចាកចេញផងដែរ ។ ស្របពេលជាមួយគ្នានេះ នាយ ពាក់ មី  ថែមទាំងបានអរគុណដល់អ្នកឧកញ៉ា គិត ម៉េង ដែលបានផ្ដល់ឱកាសឱ្យលោកមានថ្ងៃនេះ និងអរគុណដល់ស្ថាននីយ CTN ដែលកន្លងមកលោកបានចាត់ទុកជាផ្ទះទី២ ដ៏កក់ក្ដៅ ។ ប៉ុន្តែដោយសារតែមិនពេញចិត្តជាមួយនឹងការគ្រប់គ្រងដ៏តឹងតែងរបស់អគ្គនាយកថ្មីជាជនជាតិឥណ្ឌា ទើបលោក  និងបុគ្គលិកផ្សេងៗទៀត បានសម្រេចចិត្តចាកចេញតែម្ដង ។   គួរឱ្យដឹងផងដែរថា នាយ ពាក់មី គឺជាកំប្លែងដ៏មានប្រជាប្រិយភាពខ្លាំងបំផុតនាពេលបច្ចុប្បន្ន ។ ក្រៅតែពីមានទេពកោសល្យសិល្បៈកំប្លែង នាយក៏មានសមត្ថភាពដឹកនាំសម្ដែង និពន្ធរឿង និពន្ធទំនុកចម្រៀង និងច្រៀងបានដោយខ្លួនឯងផងដែរ ។ នាយ ពាក់ មី បានប្រឡងជាប់ជ័យលាភីលេខ១  នៅក្នុងកម្មវិធី មហាកំប្លែង របស់ស្ថានីយទូរទស្សន៍ CTN កាលពីឆ្នាំ ២០០៩ និងបានលេចមុខសម្ដែងជាលើកដំបូងនៅលើឆាកកម្មវិធីរាត្រីកម្សាន្ត ក្នុងឆ្នាំ ២០១០ ៕...
កំសាន្ត

ស៊ីន យូប៊ីន និយាយបែបនេះទៅ ខាត់ វៃហាំង ពេលចូលមន្ទីរពេទ្យ

7 months ago
7 months ago

ស៊ីន យូប៊ីន និយាយបែបនេះទៅ ខាត់ វៃហាំង ពេលចូលមន្ទីរពេទ្យ

កំសាន្ត
  ភ្នំពេញ៖ គូស្នេហ៍តារាសម្តែងដ៏មានប្រជាប្រិយភាពកញ្ញា ស៊ីន យូប៊ីន  និង ខាត់ វៃហាំង ថ្វីដ្បិតថាមិនទទួលស្គាល់ថាជាសង្សារគ្នាជាផ្លូវការ ប៉ុន្តែអ្នកទាំងពីរតែងតែទៅណាមកណាជាមួយគ្នាជាញឹកញាប់ និងបង្ហាញភាពផ្អែមល្ហែមគ្រប់ពេលវេលាជាយូរមកហើយ។ តួយ៉ាង នៅថ្ងៃទី១៣ ខែមិថុនា ឆ្នាំ២០២២ នេះកញ្ញា ស៊ីន យូប៊ីន បានបង្ហោះរូបភាពជាមួយលោកខាត់ វៃហាំង ដែលអ្នកទាំងពីរបានចូលរួមបរិច្ចាគឈាមទៅកាន់មន្ទីរពេទ្យ ដោយបង្ហាញអារម្មណ៍ទៅកាន់ដៃគូយល់ចិត្តថា “អរគុណដែលកំដរmeធ្វើរឿងដែលme ចង់ធ្វើរមករហូត វគ្គបន្តចង់អោយកំដរmeតែងស្រីដើរផ្សាម្តង”។ ក្រោយពីបង្ហោះសាររួមជាមួយអំពើល្អដែលអ្នកទាំងពីរបានសាង ធ្វើឱ្យមហាជពោលសរសើរមិនដាច់ពីមាត់ ខណៈកន្លងមក មិនថារឿងផ្តល់ឈាម ឬបរិច្ចាគថវិការទៅកាន់មន្ទីរពេទ្យ និងការងារផ្សេងទៀតអ្នកទាំងពីរតែងតែជួយដល់សង្គមជាតិ ។ គួរឱ្យដឹងថា កញ្ញា ស៊ីន យូប៊ីន បានចាប់ផ្ដើមប្រឡូកក្នុងអាជីពជាតារាសម្ដែង ក្រោយពីបានប្រឡងជាប់កញ្ញាឯក ជ័យលាភីលេខ១ នៅក្នុងកម្មវិធីមួយ កាលពីឆ្នាំ ២០១៤ ។ ដោយសារតែរូបសម្រស់ស្រស់ស្អាតពីធម្មជាតិ បូករួមទាំងមានទេពកោសល្យខ្ពស់ទៀតនោះ  នាងក៏ត្រូវបានផលិតករក្នុងស្រុកហៅថតនៅក្នុងរឿងភាគ និងដុំជាច្រើនរឿងក្រោមតំណែងជាតួឯក ។ ជាមួយគ្នានេះដែរស្រីស្អាត ស៊ីន យូប៊ីន ត្រូវបានទស្សនិកជនកត់សម្គាល់ឃើញថា នាងបានបង្ហាញសញ្ញាស្នេហា ជាមួយតារាប្រុស វៃហាំង អស់រយៈពេលយូរឆ្នាំមកហើយ ហើយគេទាំងពីរនាក់ អាចនិយាយបានថាជាគូស្នេហ៍តារា ដែលមានអ្នកគាំទ្រច្រើនជាពិសេសក្នុងស្រទាប់យុវវ័យ ៕ ...
កំសាន្ត

រឿងថ្មី Miss Universe Cambodia 2022 សុគន្ធ ចរិយា កើតឡើងទៀតហើយ...

7 months ago
7 months ago

រឿងថ្មី Miss Universe Cambodia 2022 សុគន្ធ ចរិយា កើតឡើងទៀតហើយ...

កំសាន្ត
  ភ្ណំពេញ ៖ ព័ត៌មានចុងក្រោយនេះ ទោះជាបេក្ខភាពបវរកញ្ញា Miss Universe Cambodia 2022 កញ្ញា ចរិយា បានចេញមុខបដិសេធថា ខ្លួនមិនមានប្តី មិនមានកូន ដូចការចោទប្រកាន់ពីបុរសម្នាក់ដែលអះអាងថា ជាប្តីរបស់នាង ក៏ដោយ នៅពេលនេះមានរឿងដែលកើតឡើងថ្មីទៀតហើយ គឺមានទស្សនិកជនស្ទើរតែមួយរយភាគរយ ក្នុងចំណោមអ្នកចូល Comment នៅក្នុងបណ្តាញសង្គម សុទ្ធតែបញ្ចេញមតិ ច្រានចោលចំពោះការអះអាងរបស់នាង។ ក្រោយផ្ទុះរឿងខាងលើនេះ គេសង្កេតឃើញបេក្ខភាពបវរកញ្ញា Miss Universe Cambodia 2022 កញ្ញា សុគន្ធ ចរិយា ព្យាយាមចេញមុខលាងជម្រះរឿងអាស្រូវ ដែលកើតឡើងចំពោះខ្លួន មានទាំងការ Live ផ្ទាល់ខ្លួន រួមទាំងការផ្តល់បទសម្ភាសន៍ជាមួយក្រុមអ្នកសារព័ត៌មានក្នុងស្រុកផងដែរ។ ប៉ុន្តែការលើកយកហេតុផលផ្សេងៗ មកទប់ស្កាត់ចរន្តព័ត៌មានដែលកំពុងឆាបឆេះនេះ ហាក់មិនបានផលគាប់ប្រសើរឡើយ ខណៈដែលទស្សនិកជនស្ទើរភាគច្រើន បានបញ្ចេញមតិថា នាងមិនមែនជាជនរងគ្រោះនោះទេ ផ្ទុយទៅវិញថែមទាំងស្តីបន្ទោសដាក់បន្ទុកលើនាងថែមទៀត។ យោងតាមមតិ Comment ក្នុងបណ្តាញសង្គមហ្វេសប៊ុកភាគច្រើនសុទ្ធតែបានលើកឡើងនូវចំណាប់អារម្មណ៍ក្នុងន័យតែមួយ ដោយពួកគេបានដាក់សំណួរតបទៅកញ្ញាវិញថា បើនាងមិនពាក់ព័ន្ធស៊ីជម្រៅ មិនដែលបុរសម្នាក់ដែលអះអាងថា ជាប្តីរបស់នាង ហ៊ានធ្វើរឿងបែបនេះដាក់នាងទេ ។ ដូចជារឿងនាងមានកូន គេមិនជឿថា បើពួកគេ គ្មានកូនមិនដែលបុរសម្នាក់នោះនិយាយច្បាស់ៗដូច្នេះទេ ព្រោះសម្តីនេះត្រូវប្រឈមនិងផ្លូវច្បាប់ នោះបើសិនពួកគេគ្មានអេតាស៊ីវិលពិតមែន។ ក្នុងនោះដែរក៏មានមតិខ្លះបានលើកឡើងថា បើរឿងនេះមិនពិតកញ្ញា សគន្ធ ចរិយា ប្រាកដជាបានដាក់ពាក្យបណ្តឹងទៅលើកបុរសម្នាក់នេះបាត់ទៅហើយ ព្រោះកាលៈទេសនេះនាងមានសិទ្ធអាចបដិសេធបាន តែគេជឿ ឬមិនជឿជារឿងផ្សេង ប៉ុន្តែបើទំនាក់ទំនងរបស់នាងពិតជាមានកូនពិតមែន ដោយគ្រាន់តែមិនបានចុះសំបុត្រអាពាហ៍ពិពាហ៍នោះ គេអាចរកស្វែងរឿងពិតឃើញជាក់ជាមិនខាន ដោយការពិនិត្យ DNA តែបើនាងមិនហ៊ានពិនត្យ នោះអ្វីៗ ចប់ទាំងគ្មានវាចារ ៕ អត្ថបទ៖ តាន់ ចន្ថា...
កំសាន្ត

ទេព បូព្រឹក្ស រត់ចូលពេទ្យ យ៉ាងលឿន ពេលច្រមុះ ចេញការៈឈឺចុកចាប់

7 months ago
7 months ago

ទេព បូព្រឹក្ស រត់ចូលពេទ្យ យ៉ាងលឿន ពេលច្រមុះ ចេញការៈឈឺចុកចាប់

កំសាន្ត
  ភ្នំពេញ៖ ថ្មីៗនេះតារាចម្រៀង ទេព បូព្រឹក្ស បានទៅហាងកែសម្ផស្សផ្លាស់ប្តូរខ្ទង់ចម្រុះថ្មីដើម្បីបង្កើតសម្រស់ ប៉ុន្តែភាគច្រើនទស្សនិកជននិយាយថា ខ្ទង់ចម្រុះថ្មីនាងមិនស្អាតដូចខ្ទង់ចម្រុះចាស់ទេ ចុះហេតុអ្វីសុខៗនាងទៅកែប្រែបែបនេះ ? ជុំវិញនៃការកែខ្ទង់ច្រមុះថ្មីនេះត្រូវបានកញ្ញា ទេព បូព្រឹក្ស បញ្ជាក់ប្រាប់ថា មិនមែននៅសុខៗនាងទៅ កែច្រមុះនោះទេ គឺដោយសារច្រមុះចាស់នាងមានបញ្ហា ធ្វើឱ្យឈឺ ត្រូវប្រញាប់ដកចេញ បើមិនដូច្នេះទេអាចនឹងកាន់តែធ្វើឱ្យឈឺធ្ងន់ធ្ងរ ដូច្នេះហើយទើបនាងសម្រេចចិត្តកែចម្រុះថ្មីបែបនេះ ។ ណាមួយច្រមុះចាស់ខ្លួនបានធ្វើយូរឆ្នាំមកហើយ ក៏ដល់ពេលត្រូវដកចេញដែរ ។ បន្ទាប់ពីធ្វើខ្ទង់ច្រមុះថ្មីឱ្យកាន់តែស្រស់ស្អាត បានធ្វើឱ្យតារាចម្រៀង ទេព បូព្រឹក្ស មានយីអ៊ុនល្អ ទទួលបានការងារថ្មីៗ ជាបន្តបន្ទាប់ រហូតនាងនិយាយថា ច្រមុះថ្មីពិតជានាំលាភនាំសំណាងមែន (សើច...)។ មើលទៅ ទេព បូព្រឹក្ស ពិតជាពេញចិត្តខ្លាំងជាមួយនិងខ្ទងចម្រុះថ្មីរបស់ខ្លួន សូម្បីលោក ជា ដេវីដ ដែលជាគូស្នេហ៍ ក៏បានសរសើរ ទេព បូព្រឹក្ស ផងដែរថា បូព្រឹក្ស ពិតជាស្រស់ស្អាតណាស់ លោកពេញចិត្ត ។   ស្របពេលមានការរិះគន់ចម្រុះថ្មីរបស់ ទេព បូព្រឹក្ស មិនដូចមុន លោក ជា ដេវីដ ថែមនិយាយការពារមនុស្សជាទីស្រឡាញ់របស់ខ្លួនថា មិនមែននៅសុខៗ បូព្រឹក្ស ទៅកែច្រមុះនោះទេ ដោយសារច្រមុះគាត់ ( ទេព បូព្រឹក្ស ) មានបញ្ហា ទើបគាត់ធ្វើច្រមុះថ្មី មិនថាគាត់ធ្វើអ្វីលោក គាំទ្រ បូព្រឹក្ស គ្រប់ពេល ៕ អាលូហ្សា  ...
កំសាន្ត

ក្រោយឆាក យក់ ឋិតរដ្ឋា ដាច់យ៉ៃរហូតគ្មានលុយទឹកដោះគោកូន ធ្លាយចេញហើយ...

7 months ago
7 months ago

ក្រោយឆាក យក់ ឋិតរដ្ឋា ដាច់យ៉ៃរហូតគ្មានលុយទឹកដោះគោកូន ធ្លាយចេញហើយ...

កំសាន្ត
  ភ្នំពេញ៖ ថ្មីៗនេះតារាចម្រៀងអ្នកនាង យក់  ឋិតរដ្ឋា  និងស្វាមី ព្យាយាមបង្ហាញឱ្យឃើញថា ពួកគេកំពុងដើរដល់ចំណុចទីទ័ល រហូតគ្មានសូម្បីលុយទិញទឹកដោះគោឱ្យកូន ដោយត្រូវខ្ចីបុលពីមិត្តភក្តិថែមទៀត។ ប៉ុន្តែរូបភាពនេះត្រូវបានគេសង្ស័យថា វាគ្រាន់តែជាផ្លូវយុទ្ធសាស្រ្តមួយនៅពេលនាងកំពុងជួបរឿងក្តី ពាក់ព័ន្ធនឹងការទិញដីសង់ផ្ទះលក់ ដែលនាងកំពង់ស្វះស្វែងរកអ្នកជួយ។ រឿងរ៉ាវអ្នកនាង យក់ ឋិតរដ្ឋា បង្ហាញនៅលើបណ្តាញសង្គមហ្វេសប៊ុកថា គ្រួសារនាងធ្លាក់ខ្លួនទីទាល់ក្រ ហាក់នៅមិនទាន់មានអ្នកជឿថា វាជារឿងពិតទាំងស្រុងនោះទេ ព្រោះដើមចមដែលធ្វើឱ្យនាងធ្លាក់ខ្លួនដុនដាបដល់ថ្នាក់នេះ នៅមិនទាន់បង្ហាញពីមូលហេតុជាក់ច្បាស់នៅឡើយ។ ម្យ៉ាងទៀតរយៈពេលតែមួយប៉ប្រិចភ្នែក វាមិនអាចធ្វើឱ្យគ្រួសារអ្នកសិល្បៈមួយនេះជួបរឿងស៊យដល់ថ្នាក់នេះទេ ព្រោះពួកគេទើបតែក្លាយជាថៅកែ ដី ឡូតិ៍ និងផ្ទះល្វែង ដែលធ្លាប់បានប្រកាសបោះទុនរាប់លានដុល្លារឯណោះ។ គួរបញ្ជាក់ដែរថា អ្នកនាង យក់ ឋិតរដ្ឋា បានប្រកាសថាខ្លួនកំពុងជួបបញ្ហាសេដ្ឋកិច្ចចាប់តាំងពីថ្ងៃទី២៧ ឧសភា ឆ្នាំ២០២២មកម្ល៉េះ ហើយរឿងនេះពេលអ្នកព័ត៌មានតាមសួរនាំរកមូលហេតុពិតប្រាកដ ដើម្បីបង្ហាញជូនទស្សនិកជន អ្នកនាងព្យាយាមគេចវេសមិនព្រមឆ្លើយតបទេ  ។   ជាមួយគ្នានឹងការបង្ហាញនូវភាពទីទាល់ក្រនេះដែរ គឺស្របពេលដែល យក់ ឋិតរដ្ឋា ក៏ធ្លាប់បានបញ្ជាក់ថា នាងកំពុងតែជួបបញ្ហាផ្លូវច្បាប់ ព្រោះមានបណ្តឹងមកលើរូបនាង និងស្វាមី ហើយរឿងនេះនាងក៏បានឆ្លើយតបដៀមដាមទៅភាគីជម្លោះដែរថា ទោះជានាងគ្មានលុយ ក៏នាងតស៊ូតក្តីនេះដល់ទីបញ្ចប់ផងដែរ។ ទន្ទឹមនឹងការធ្លាយចេញរឿងក្តីនេះ ទោះជា យក់ ឋិតរដ្ឋា មិនបានបញ្ជាក់ប្រាប់ថា ភាគីប្តឹងនាង ជានរណាក្តី តែក៏មានលេចចេញនូវព័ត៌មានខ្លះៗថា បណ្តឹងនោះ គឺពាក់ព័ន្ធនឹងរបរទិញដីសង់ផ្ទះលក់។ ព័ត៌មាននេះក៏មានអ្នកខ្លះបានវិភាគថា រឿងនេះបើសិន យក់ ឋិតរដ្ឋា ដោះស្រាយមិនបានលឿនោះទេ វាអាចប៉ះពាល់ដល់រឿងថ្មីមួយទៀត គឺអាចប្រឈមជាមួយអតិថិជន ដែលបានទិញផ្ទះនាងមួយជាន់ទៀត ព្រោះបញ្ហានេះអាចរាលដាលតគ្នា ក៏អាចថាបាន។ ទោះយ៉ាងណាជុំវិញរឿងរ៉ាវនេះ Lee News ក៏រង់ចាំការចេញមុខបញ្ជាក់ពីតារាចម្រៀង យក់ ឋិតរដ្ឋា ចេញមកនិយាយពីរឿងរ៉ាវដែលកំពុងមានចម្ងល់នេះ ដើម្បីកាត់បន្ថយការងឿងឆ្ងល់របស់មហាជនផងដែរ៕ អត្ថបទ ៖ តាន់ ចន្ថា  ...
កំសាន្ត

អ្នកនាង ទ្រិញ ផល្លា ប្រកាសតាមចាប់ខ្លួន អេតមីន ជីងចក់ រត់ទៅពោសាត់ និងឱ្យរង្វាន់ ១០.០០០ ដុលា្លរ បើចាប់បាន

7 months ago
7 months ago

អ្នកនាង ទ្រិញ ផល្លា ប្រកាសតាមចាប់ខ្លួន អេតមីន ជីងចក់ រត់ទៅពោសាត់ និងឱ្យរង្វាន់ ១០.០០០ ដុលា្លរ បើចាប់បាន

កំសាន្ត
  ភ្នំពេញ៖ ជារឿងភ្ញាក់ផ្អើលមួយសម្រាប់មហាជនដែលនិយមតាមដាននៅលើបណ្ដាញសង្គមជាពិសេសអ្នកគាំទ្រលោក ប៊ុន ចក់ ហៅ អេតមីន ជីងចក់ ដោយនាព្រឹកថ្ងៃទី ១៣ ខែមិថុនា ឆ្នាំ ២០២២ អ្នកនាង ទ្រិញ ផល្លា ដែលជាអតីតតារាម៉ូឌែល និងជាអ្នកលក់ផលិតតាមអនឡាញដ៏មានប្រជាប្រិយភាពម្នាក់ ហើយក៏ត្រូវជាភរិយាពេញច្បាប់រប​ស់ពិធីករបាល់ទាត់ខាងលើ បានចេញមុខប្រកាស ប្ដឹងប៉ូលិសឱ្យតាមចាប់ប្ដីរបស់ខ្លួន ហើយថែមទាំងមានរង្វាន់ជាទឹកប្រាក់ ១ម៉ឺនដុល្លារ ប្រសិនបើចាប់បានទៀតផង ។ ហើយខណៈពេលនេះ អេតមីន ជីងចក់ កំពុងរត់គេចទៅខេត្តពោធិ៍សាត់ ជាមួយមិត្តភក្ដិពីរនាក់ផ្សេងទៀត ។ អ្នកនាង ទ្រិញ ផល្លា ត្បិតតែពេលនេះពុំបាននិយាយវែងឆ្ងាយពីមូលហេតុអ្វី ដែលបណ្ដាលឱ្យនាងខឹងក្រោធខ្លាំងដល់ថ្នាក់ប្ដឹងប៉ូលិសឱ្យតាមចាប់ខ្លួន អេតមីន ជីងចក់ ប៉ុន្តែបើតាមការបង្ហើបរបស់នាងនៅក្នុងប្រអប់បញ្ចេញមតិ (Comment) គឺអាចកាត់យល់បានថា ទំនងជារឿងពូ ចក់ ដួចមានស្រីខាងក្រៅ ព្រោះអ្នកនាង ទ្រិញ ផល្លា បាននិយាយថា «វាជារឿងដដែលៗ» ។ ជាងនេះទៅទៀតអ្នកលក់ផលិតផលអនឡាញរូបស្រស់សាច់សខ្ចីខាងលើ ថែមទាំងបានទម្លាយរូបថតមួយសន្លឹក បង្ហាញពីសកម្មភាពប្ដីរបស់ខ្លួន (អេតមីន ជីងចក់) បានក្រាបសូមទោសនាងដល់បាតជើងថែមទៀតផង ដែលសកម្មភាពនេះ ត្រូវបានកើតឡើង មុនពេល អេតមីន ជីងចក់ រត់ចេញពីផ្ទះនៅភ្នំពេញទៅខេត្តពោធិ៍សាត់ ។ សូមជម្រាបជូនថា នេះពុំមែនជាលើកទីមួយឡើយ ដែលអ្នកនាង ទ្រិញ ផល្លា ទម្លាយពីបញ្ហាគ្រួសាររបស់នាងឱ្យមហាជនលើបណ្ដាញសង្គមហ្វេសប៊ុក បានដឹង ។​ តួយ៉ាងកាលពីប្រមាណជាង ១ខែមុននេះ នាងបានទម្លាយថាប្ដីរបស់នាងដូចទាក់ទងនារីខាងក្រៅចំពេលនាងទៅប្រទេសវៀតណាមព្យាបាលជំងឺ ។ ហើយពេលនោះនាងក៏បានសម្រេចចិត្តលែងលះទៀតផង ប៉ុន្តែទីបំផុតគេទាំងពីរនាក់ក៏បានត្រូវរ៉ូវគ្នាវិញ ដោយ អេតមីន ជីង ចក់ ចេញមុខសូមទោសនាងជាសាធារណៈ ៕  ...
កំសាន្ត

បាត់ខ្លួនពីសិល្បៈ តាមពិតស្រីស្អាត ណាណា សម្ងំកើបលុយលើមុខរបរមួយនេះ

7 months ago
7 months ago

បាត់ខ្លួនពីសិល្បៈ តាមពិតស្រីស្អាត ណាណា សម្ងំកើបលុយលើមុខរបរមួយនេះ

កំសាន្ត
   ភ្នំពេញ៖ ទស្សនិកជនប្រាកដជាបានស្គាល់រួចមកហើយ តារាសម្ដែងស្រីស្រស់សោភា រាងតូចច្រឡឹង កញ្ញា ណាណា ប៉ុន្តែប៉ុន្មានឆ្នាំចុងក្រោយនេះ ស្រាប់តែបាត់ឈ្មោះ បាត់មុខនាងពីពិភពសិល្បៈ ។​ ទាក់ទងនឹងភាពស្ងប់ស្ងាត់នេះ ត្រូវបានកញ្ញាប្រាប់ដឹងថា ដោយសារនាងចំណាយពេលវេលាខ្លាំងទៅលើមុខរបរលក់ផលិតផលសម្រស់នៅលើអនឡាញ ជំនួសឱ្យការងារជាតារាសម្ដែង ។ កញ្ញា ណាណា ត្បិតតែបានប្រឡូកក្នុងការងារជាតារាសម្ដែង បានតែមួយរយៈពេលខ្លី និងពុំសូវបង្ហាញមុខនៅតាមកញ្ចក់ទូរទស្សន៍ ក៏ដូចជាសារព័ត៍មានយ៉ាងណាក្ដី ប៉ុន្តែនាងជាតារាស្រីម្នាក់ ដែលត្រូវបានទស្សនិកជន ចាប់អារម្មណ៍ខ្លាំងទៅលើរូបសម្រស់ដ៏ស្រស់ស្អាត ជាពិសេសរាងតូចច្រឡឹង  សាច់សខ្ចីហ្មត់រលោង របស់នាងតែម្ដង ។ មិនតែប៉ុណ្ណោះ រាល់ពេលបង្ហាញខ្លួនក្នុងកម្មពិធីម្ដងៗ ណាណា តែងតែងបង្ហាញពីស្នាមញញឹម និងរួសរាយរាក់ទាក់ខ្លាំងបំផុត ។ យ៉ាងណាមិញ រហូតពេលបច្ចុប្បន្ននេះមានរយៈប្រហែលជិត ៣ឆ្នាំហើយ ដែលស្រីស្អាត ណាណា បានឃ្លាតឆ្ងាយពីសិល្បៈ ដោយនាងកំពុងងាកខ្លួនទៅកាន់អាជីពជាអ្នកលក់ផលិតផលសម្រស់តាមអនឡាញ ព្រមទាំងទទួលបានការគាំទ្រយ៉ាងខ្លាំង ។ ជាមួយគ្នានេះដែរ អ្វីដែលទស្សនិកជនចាប់អារម្មណ៍ខ្លាំងនោះ គឺសម្រស់របស់នាង កាន់តែស្រស់ស្អាតទ្វេរដង ជាពិសេសគឺការផ្លាស់ប្ដូរស្ទីលស្លៀកពាក់សិចស៊ី ចូលចិត្តបញ្ចេញសាច់ដើមទ្រូងដ៏មូលក្លំ និងសខ្ចីឃើញសរសៃរបស់នាងតែម្ដង ។ សូមបញ្ជាក់ថា ណាណា  ជាតារាស្រីម្នាក់ ដែលមិនសូវលេចមុខខ្លាំង ក្នុងសិល្បៈ តែរូបនាង បែរជាទទួលបានការចាប់អារម្មណ៍ខ្លាំងពីទស្សនិកជនទៅលើការតុបតែងខ្លួន ជាពិសេសសម្រស់ដ៏លេចធ្លោរបស់នាងតែម្ដង ។ សម្រាប់ជីវភាពរបស់ស្រីស្អាតរូបនេះវិញ ក៏ត្រូវបានមហាជនកត់សម្គាល់ឃើញថា នាងជាកូនស្រីនៅក្នុងត្រកូលគ្រួសារមានជីវភាពសមរម្យមួយ ដែលមានន័យថា មិនបាច់មានអាជីពជាអ្នកសិល្បៈ ក៏នាងអាចរស់ដោយស្រួលដែរ ៕ ...
កំសាន្ត

មិនធម្មតា ម្កុដបរវកញ្ញាចក្រវាឡ កម្ពុជា តម្លៃ 180.000ដុល្លារ ស្អាតគ្មានកន្លែងទាស់

7 months ago
7 months ago

មិនធម្មតា ម្កុដបរវកញ្ញាចក្រវាឡ កម្ពុជា តម្លៃ 180.000ដុល្លារ ស្អាតគ្មានកន្លែងទាស់

កំសាន្ត
  ភ្នំពេញ ៖ នៅថ្ងៃទី ១០ ខែ មិថុនា ឆ្នាំ ២០២២ មានការរៀបចំបង្ហាញម្កុដបរវកញ្ញាចក្រវាឡ កម្ពុជា តម្លៃ 180.000ដុល្លារ ពិតជាស្រស់ស្អាតខ្លាំង ក្រោយពីបានឆ្លងកាត់ការច្នៃយ៉ាងប្រណិតពីម្ចាសហាងពេជ្រល្បីឈ្មោះមួយកន្លែង ដែលចំណាយពេលវេលាច្នៃជាង ៣ ខែ ក្រោមអធិបតីភាពដ៏ខ្ពង់ខ្ពស់របស់លោកជំទាវចិត្តធម៌ ហ៊ុន ស៊ីណាត និងលោក ចិន សំណាង ម្ចាស់ហាងពេជ្រ CSNJ និងបរវកញ្ញាជាច្រើនរូបទៀត ។  លោក ចិន សំណាង បានបញ្ជាក់ប្រាប់ថា ការធ្វើម្កុដនេះ គឺដើម្បីជួយលើកស្ទួយដល់បវរកញ្ញាកម្ពុជាអោយមានភាពរីកចំរើនទៅកាន់ពិភពលោក និងចង់បង្ហាញពីត្បូងដ៏មានតម្លៃ គឺត្បូងរតនៈគីរីរបស់ខ្មែរយើង ។ ម្កុដនេះ មានត្បូងរតនៈគីរី និងត្បូងពេជ្រ ដែលមានតម្លៃរហូតដល់  180.000ដុល្លារ ( ដប់ប្រាំបីម៉ឺនដុលារ ) ដែលជាការឧបត្ថម្ភពីម្ចាស់ហាងពេជ្រ CSNJ ផ្ទាល់ ។ កញ្ញា សំណាង អេលីណា និង កញ្ញា ងិន ម៉ារ៉ានី ដែលជាអតីត បរវកញ្ញាចក្រវាឡ កម្ពុជា ជំនាន់ផ្សេងគ្នា តែមកទទួល ម្កុដថ្មីតម្លៃ 180.000 ដុល្លារនេះបានបង្ហាញនូវអារម្មណ៍រំភើបយ៉ាងខ្លាំង នៅពេលទទួល ម្កុដ ដ៏មានតម្លៃនេះ ។ អ្នកទាំងពីរសូមអោយបេក្ខនារីទាំងអស់ដែលកំពុងប្រកួតប្រជែង ប្រឹងប្រែងអស់ពីសមត្ថភាព ដើម្បីបង្ហាញបរទេសអោយឃើញថា កម្ពុជា ក៏មិនធម្មតាដែរក្នុងវិស័យ បរវកញ្ញា៕ ...
កំសាន្ត

ជឿរទេ ពេជ្រ វត្តីសារ៉ាវឌ្ឍី ស្រស់ស្អាតយ៉ាងហ្នឹង ថាអត់មានម្ចាស់បេះដូង

7 months ago
7 months ago

ជឿរទេ ពេជ្រ វត្តីសារ៉ាវឌ្ឍី ស្រស់ស្អាតយ៉ាងហ្នឹង ថាអត់មានម្ចាស់បេះដូង

កំសាន្ត
  ភ្នំពេញ៖ តារាសម្តែង  និង ម៉ូដែល ពេជ្រ វត្តីសារ៉ាវឌ្ឍី  បានកសាងប្រជាប្រិយភាពខ្លាំងមិនធម្មតា ក្រោយពីបានក្លាយ ជាអ្នក តំណាងឱ្យ កម្ពុជា ក្នុងការ ប្រកួត បវរកញ្ញា អន្តរទ្វីប ប្រចាំឆ្នាំ ២០២១ (Miss Intercontinental 2021)  ធ្វើនៅឯប្រទេស អេហ្ស៊ីប ។ សព្វថ្ងៃនេះ ពេជ្រ វត្តី សារ៉ាវឌ្ឍី  កំពុងផ្សព្វផ្សាយសម្រស់ដ៏ស្រស់ត្រកាលរបស់នាង តាមរយៈបណ្ដាញសង្គម រួមជាមួយការងារម៉ូឌែលផងដែរ។ ហើយគ្រប់កាលទេសៈនៃការតុបតែងខ្លួនរបស់នាង ឃើញថាពិតជាសមសួនមិនថាទាំងសិចស៊ី និងបុរាណ នោះទេគឺសុទ្ធតែស្រស់ស្អាត និងទាញចំណាប់អារម្មណ៍ខ្លាំងពីសំណាក់ទស្សនិកជន ។ តួយ៉ាងថ្មីៗនេះ ស្រីស្រស់វ័យ ២៤ឆ្នាំ ដែលមាន ស្រុកកំណើត នៅ ខេត្ត ព្រះសីហនុ ខាងលើ ក្រោយពីបានបង្ហាញរូបថតបែបស៊ីវិល័យជាហូរហែរ នាងក៏បានបង្ហាញរូបថតស្លៀកឈុតប្រពៃណីជាច្រើនសន្លឹក ដែលទទួលបានការកោតសរសើរយ៉ាងខ្លាំងពីសំណាក់មិត្តភក្ដិ និងអ្នកនិយមលេងបណ្ដាញសង្គមហ្វេសប៊ុក ។ គួរឱ្យដឹងផងដែរថា កញ្ញា ពេជ្រ វត្តីសារ៉ាវឌ្ឍី   ក្រៅតែពីំមានសម្រស់ស្អាតដូចផ្កាហើយនោះ នាងក៏ជានារីម្នាក់ដែលមានចំណេះដឹងខ្ពស់ផងដែរ ដោយនាងគឺជាអតីតនិស្សិតបញ្ចប់ ការសិក្សា ផ្នែក ទេសចរណ៍ ហើយក៏បានហក់ចូលក្នុងសិល្បៈតាមរយៈការប្រឡង បវរកញ្ញា កម្ពុជា ឆ្នាំ ២០២០ ។ ត្បិតតែមិនបានក្លាយជាម្ចាស់មកុដនៅក្នុងកម្មវិធីប្រឡង បវរកញ្ញា កម្ពុជា ឆ្នាំ ២០២០ ពិតមែន ប៉ុន្តែនាងត្រូវបានគេមើលឃើញពីទេពកោសល្យ និងសម្រស់ រហូតផ្ដល់ឱកាសជា បរវកញ្ញាតំណាងឱ្យ កម្ពុជា ទៅ  ប្រកួតក្នុងកម្មវិធី  បវរកញ្ញា អន្តរទ្វីប ប្រចាំឆ្នាំ ២០២១ (Miss Intercontinental 2021)  ធ្វើ នៅឯ ប្រទេស អេហ្ស៊ីប ។ ទោះបីជាសម្រស់ស្រស់ត្រកាលបែបនេះក្តី ងាកមកសួរនាំរឿងស្នេហាវិញកញ្ញា ពេជ្រ សារ៉ាវឌ្ឍី បានប្រាប់ថា បេះដូងនាងនៅទំនេរស្អាតមិនទាន់មានអ្នកឃុំគ្រង់នៅឡើយ ព្រោះនាងចង់ប្រជីវិតនៅលីវ មួយរយៈទៀតសិន  ៕...
កំសាន្ត

អតីត Miss Grand Cambodia 2020 លីវ ជីលី ជួបរឿងខកចិត្តពេលប្រើផលិតផលសម្រកគីឡូ

7 months ago
7 months ago

អតីត Miss Grand Cambodia 2020 លីវ ជីលី ជួបរឿងខកចិត្តពេលប្រើផលិតផលសម្រកគីឡូ

កំសាន្ត
  ភ្នំពេញ ៖ អតីត Miss Grand Cambodia 2020 ធ្លាប់ជាតារាស្រីមានដើមទ្រូងធំទ្រលុកទ្រលន់ពីធម្មជាតិ ប៉ុន្តែក្រោយពីនាងព្យាយាមប្រើផលតិផលសម្រកគីឡូ សម្រស់ដើមទ្រួងនាងក៏ជួបបញ្ហាស្វិតតូចធ្វើឱ្យនាងខកចិត្តជាខ្លាំង ។ តាំងពីដើមមកនរណាៗក៏ចាប់អារម្មណ៍ដើមទ្រូងធំពីធម្មជាតិរបស់ កញ្ញា លីវ ជីលី ដែរ សូម្បីតែពេលចេញទៅប្រកូតនៅប្រទេស ថៃ ក៏មានការសរសើរច្រើនថា នាងជារីដែលមានដើមទ្រូងស្អាត រហូតធ្វើឱ្យនាងកាន់តែមានភាពជឿជាក់លើខ្លួនឯងដែលមានដើមទ្រូងអំណោយផលពីធម្មជាតិបែបនេះ ។ កញ្ញា លីវ ជីលី បានប្រឹងប្រែងសម្រក់ទម្ងន់មានរាងស្អាត ស្លីម ដើម្បីបន្ថែមសម្រស់ខ្លួនឱ្យកាន់តែ ស្រស់ស្អាត និងជឿជាក់ តែអ្វីដែលនាងខកចិត្តនោះ ក្រោយពីសម្រក់គីឡួបានសម្រេច ស្រាប់តែដើមទ្រូងធំទ្រលុកទ្រលន់របស់ខ្លួន ប្រែទៅជារួមតូច មិនមានសម្រស់ដូចមុនទេ ។ បញ្ហានេះធ្វើឱ្យ លីវ ជីលី មិនសប្បាយចិត្តប៉ុន្មានឡើយ ។ កញ្ញា លីវ ជីលី បានបញ្ជាក់ជាថ្មីម្តងទៀតថា « ដើមទ្រូងខ្ញុំធំតាមបែបធម្មជាតិពិតៗ មិនមានការកែច្នៃទេ តែដោយសារចុងក្រោយនេះខ្ញុំប្រឹងសម្រក់ទម្ងន់ខ្លាំងពេក ស្រាប់តែដើមទ្រូងខ្ញុំប្រែទៅជារួមតូចតាមរាងដែរ ខ្ញុំខ្លួនឯងសឹងតែមិនជឿ ។  ខ្ញុំខកចិត្តណាស់នៅពេលឃើញដើមទ្រូងប្រែទៅជាតូចបែបនេះ មើលទៅមិនជឿជាក់ដូចមុនសោះ តែទោះជាយ៉ាងណាខ្ញុំបានរាងស្អាត ដូច្នេះរឿងដើមទ្រូងចាំគិតពេលក្រោយទៀត »។ ដើមទ្រូង លីវ ជីលី មិនត្រឹមតែប្រែទៅជាតូចប៉ុណ្ណោះទេ សូម្បីតែសប្បុរស្បែករបស់នាងក៏មិនភ្លឺថ្លាដូចមុនដែរ នាងកំពុងប្រឹងប្រែងថែរក្សាសម្រស់ខ្លួនឱ្យមកស្រស់ស្អាត និងភ្លឺថ្លាដូចដើមវិញ ដើម្បីងាយស្រួល ឈរជើងនៅក្នុងវិស័យនេះ នាងសង្ឃឹមថា អ្វីៗនឹងវិលត្រឡប់មកដូចដើម ហើយនាងមានភាពជឿជាក់លើខ្លួនឯងដូចមុន ៕ អាលីហ្សា     ...
កំសាន្ត

សាឡាត់ស្រីឡាង រកមុខអ្នកលេងហ្វេសប៊ុក ជេរតេះដៀល ពេលLive លក់កាហ្វេរ  ​

7 months ago
7 months ago

សាឡាត់ស្រីឡាង រកមុខអ្នកលេងហ្វេសប៊ុក ជេរតេះដៀល ពេលLive លក់កាហ្វេរ  ​

កំសាន្ត
  ភ្នំពេញ ៖ ប៉ុន្មាននាទីមុនននេះតារាសម្តែង និងម៉ូដែល កញ្ញា សាឡាត់ស្រីឡាង បានជួបរឿងឈឺចាប់ដែលពុំធ្លាប់ជួប ដោយត្រូវអ្នកលេងបណ្តាញសង្គមហ្វេសប៊ុកឈ្មោះ “តស៊ូ ដើម្បីគ្រួសារ” ម្នាក់បានជេរដៀលនាងកប់ៗមាត់ រហូតរាលដាលដល់ម្តាយនាងដែរថែមទៀត។ ការជេរប្រមាថនេះមិនថា តែកញ្ញា សាឡាត់ស្រីឡាង ទេ ដែលពិបាកទទួលយក សូម្បីតែអ្នកទស្សនាក៏ចូលរួមខមិនពិបាកទទួលយកផងដែរ ។ នេះគឺជា សាជេរប្រមាថពីសំណាក់ម្ចាស់គណន័យហ្វេសប៊ុក ឈ្មោះ “តស៊ូ ដើម្បីគ្រួសារ” “ម្រាយងែងមើលទៅសំផឹងហើយ បានមានកូនដូចមីចុយម្រាយឯង លក់ខ្លួនលក់កាដួយមិនអស់ចិត្តហើយ បោកប្រាសគេទៀត មេចគ្មានអាណាទិញក្បាលងែងទៅចុយមែន? ” ជាមួយគ្នានេះដែរ កញ្ញា សាឡាត់ស្រីឡាង ក៏បានចេញសារភ្លាមថា “បងបងប្អូនមានអ្នកស្គាល់គាត់ ឬផ្ទះគាត់ទេ?ខ្ញុំមិនដឹងថាមូលហេតុអីបានគាត់ចូលមកជេរខ្ញុំបែបនឹងទេខ្ញុំមិនបានបោក ឬធ្វើអ្វីប៉ះពាល់ដល់គាត់ទេ ហើយខ្ញុំក៏មិនអោយមនុស្សដែលទំនេរមាត់រួចខ្លួនដោយស្រួលដែរ” ។ ការបញ្ជានេះគេពុំទាន់ដឹងថា កញ្ញា សាឡាត់ស្រីឡាង មានវិធានការយ៉ាងចំពោះម្ចាស់ ហ្វេសប៊ុក ខាងលើនេះទេ ប៉ុន្តែនាងបញ្ជាក់ថានាងមិនអោយមនុស្សបែបនេះរួចខ្លួនទេ ៕ តាន់ ចន្ថា  ...
កំសាន្ត

ប៉ាច គីមមួយ មានអ្នកបំបែកពី សយ រតនៈ ច្រើនលើកតែទៅមិនរួច

7 months ago
7 months ago

ប៉ាច គីមមួយ មានអ្នកបំបែកពី សយ រតនៈ ច្រើនលើកតែទៅមិនរួច

កំសាន្ត
  ភ្នំពេញ ៖ ចំណងស្នេហ៍ ៧ ឆ្នាំតារារបស់ចម្រៀង ប៉ាច គីមមួយ និងលោក សយ រតនៈ ជួបរឿងរកាំរកូសច្រើនលើកណាស់ ដោយមានអ្នកទីបីចូលជ្រែក ប៉ុន្តែឧបសគ្គនេះមិនអាចទាញចិត្តអ្នកទាំងពីរអោយជិនណាយគ្នាបានឡើយ។ នៅក្នុងថ្ងៃកំណើតរបស់លោក សយ រតនៈ កាលពីប៉ុន្មានថ្ងៃមុន កញ្ញា ប៉ាច គីមមួយ បានជូនពរដៃគូរខ្លួនយ៉ាងផ្អែមល្ហែមហើយនាងក៏បានប្រាថ្នាសុំឱ្យក្តីស្រមៃរបស់ខ្លួនបានសម្រេចក្នុងពេលឆាប់ៗផងដែរ ។ ប៉ាច គីមមួយ បន្តថា ក្តីប្រាថ្នាដែលនាងចង់បាននោះ គឺសន្សំប្រាក់បានច្រើន ដើម្បីឆាប់បានចូរោងការជាមួយដៃគូរបស់ខ្លួន ព្រោះពួកគេបានស្រឡាញ់គ្នាអស់រយៈពេលជាង ៧ ឆ្នាំមកហើយ ម្យ៉ាងទៀតមិត្តភក្តិរួមជំនាន់គេក៏បានរៀបការអស់ហើយ  ។   ប៉ាច គីមមួយ និងលោក សយ រតនៈ ក៏បានទិញផ្ទះរួមគ្នាផងដែរ ដូច្នេះហើយទើបអ្នកទាំងពីរខំប្រឹងធ្វើ ការងារមិនដែលទំនេរឡើយ ហើយពេលទំនេរពីការច្រៀងពួកគេបានឡាយលក់សម្លៀកបំពាក់រួមគ្នា ថែមទៀត។  ប៉ាច គីមមួយ ជាតារាចម្រៀងស្រីសប្បូរស្នេហ៍មួយរូប មានបុរសអ្នកមានទ្រព្យជាច្រើនចង់ថ្ពក់យកបេះដូងនាងពី សយ រតនៈ ជាក់ស្តែងកន្លងមកអ្នកទាំងពីរមានរឿងរកាំរកូសជាច្រើនលើកដោយសារក្តីប្រចណ្ឌ តែទោះជាយ៉ាងណាក្តីអ្នកទាំងពីរនៅតែរក្សាចំណងស្នេហ៍នោះឱ្យនៅរឹងមាំ ហើយចុងក្រោយនេះក៏មានគម្រោងដឹកដៃគ្នាចូលរោងជ័យទៅតាមប្រពៃណី និងអញ្ជើញមិត្តភក្តិចូលរួមធ្វើជាសាក្សីថែមទៀត ៕ អត្ថបទ៖ អាលីហ្សា      ...
កំសាន្ត

ល្បីមួយប្រាវ ស្សាវរីយ មានលុយដល់ថ្នាក់នេះ...បោះទុនវិនិយគដីនៅជាយដែន ថៃ ២០០ ហិចតា

7 months ago
7 months ago

ល្បីមួយប្រាវ ស្សាវរីយ មានលុយដល់ថ្នាក់នេះ...បោះទុនវិនិយគដីនៅជាយដែន ថៃ ២០០ ហិចតា

កំសាន្ត
  ភ្នំពេញ ៖ តារាចម្រៀង យឿន សូត្រអនុស្សាវរីយ ទើបតែល្បីឈ្មោះខ្លាំងបានរយៈពេលប្រមាណជា២ឆ្នាំនេះទេ ពេលវេលាដ៏ខ្លីនេះលោកទទួលបានលាភសការៈស្ទើរមិនគួរឱ្យជឿរ ព្រោះពេលនេះលោកមិនត្រឹមមានភាពឡូយឆាយប៉ុណ្ណោះទេ ថែមទាំងមានលុយរាប់សែនដុល្លារវិនិយោគលើវិស័យអចលនទ្រព្យថែមទៀត។ ផ្តល់បទសម្ភាសន៍ជាមួយLee News នៅព្រឹកថ្ងៃ១០ មិថុនា លោក ស្សាវរីយ បានប្រាប់ថា ត្បិតតែលោកទើបតែល្បីឈ្មោះបានរយៈពេលតិចឆ្នាំក្តី តែលោកខិតខំទទួលកម្មវិធីស្ទើរមិនលោះមួយថ្ងៃទេ ពោលគឺកម្មវិធីទាំងតូចទាំងធំលោកទទួលទាំងអស់មិនថា លុយតិច ឬលុយច្រើនទេ ពោលគឺខំទាន់មានឱកាស។ លោក​បន្តថា មួយរយៈលោកមិនសូវបានចេញបទចម្រៀងញឹបញាប់មួយខែបួនប្រាំបទដូចមុនទេ ព្រោះលោកគ្មានពេលថតសំឡេង និងវីដេអូ ដោយសារជាប់រវល់នឹងការងាររកស៊ីដីឡូតិ៍នៅ ដូងបានឡែម ជាយដែន ខ្មែរ ថៃ ។ តារាឆ្នើមរបស់ផលិតកម្ម សាន់ដេ រូបនេះបន្តថា សម្រាប់ការងាររកស៊ីដីឡូតិ៍​ គឺមានភាគហ៊ុន៣នាក់ គឺម្ចាស់គម្រោង នាគខៀវ លោក ជុំ លីណូ និងរូបលោកម្នាក់ទៀត។ លោកបន្តថា ទំហំដីដែលក្រុមលោកវិនិយោគគឺមានទំហំចំនួន២០០ ហិចតា តែជំហានដំបូងយើងធ្វើចំនួន២០ហិចតាសិនទេ ក្នុងនោះលោកបានបោះទុនចំនួនជាង២០ម៉ឺនដុល្លារជំហានដំបូង ហើយមកដល់ពេលនេះ គម្រោងដីឡូតិ៍របស់លោកលក់ចេញអស់ប្រមាណជា៧០ភាគរយហើយ។ លោក យឿន សូត្រអនុស្សាវរីយ គម្រោងដីឡូតិ៍របស់លោកគឺធំជាងគេនៅក្នុងតំបន់ ដូងបានឡែម ដែលបានរៀបចំយ៉ាងល្អមានផ្លូវសួនច្បារ មានសួនលំហែរ ទិញភ្លាមប្រគល់ប្លង់កម្មសិទ្ធិភ្លាម ហើយតម្លៃវិញ គឺរិតតែល្អទៅទៀត គឺមានចាប់ពី ៧.០០០ រហូតជិត២ម៉ឺនដុល្លារ ទៅតាមប្លង់។ លោកបន្តថា នៅពេលប្រទេស ថៃ គេបើកច្រក ការលក់ដីឡូតិ៍ គឺហក់ឡើងវិញហើយ ព្រោះមានបងប្អូនខ្មែរយើងចេញចូលច្រើន ហើយបើតាមគោលការគម្រោងនេះនឹងត្រូវពង្រីកបន្ថែមឱ្យកាន់តែធំក្នុងពេលឆាប់ៗខាងមុខនេះផងដែរ ៕ អត្ថបទ ៖ តាន់ ចន្ថា ...
កំសាន្ត

បែកធ្លាយរូបថតនាង Song Ji A ចូលក្លឹបកម្សាន្តល្បីឈ្មោះមួយកន្លែង បង្កការរិះគន់ខ្លាំង

7 months ago
7 months ago

បែកធ្លាយរូបថតនាង Song Ji A ចូលក្លឹបកម្សាន្តល្បីឈ្មោះមួយកន្លែង បង្កការរិះគន់ខ្លាំង

កំសាន្ត
  សេអ៊ូល៖ ថ្មីៗនេះរូបថតរបស់តារាល្បីល្បាញនាង Song Ji A ដែលបានទៅកម្សាន្តនៅក្លឹបរាត្រីល្បីឈ្មោះមួយកន្លែង ត្រូវបានបែកធ្លាយជាសាធារណៈ បង្កឱ្យមានការចាប់អារមុ្មណ៍យ៉ាងខ្លាំង ។ ជាងនេះទៅទៀត រូបថតទាំងនោះ ក៏បានក្លាយជាប្រធានបទក្ដៅមួយ សម្រាប់អ្នកលេងបណ្ដាញសង្គមនៅកូរ៉េវែកញែកពិភាក្សាថែមទៀតផង ។ រូបថតរបស់ស្រីស្អាត Song Ji A ដែលបានបែកធ្លាយនោះ គឺបង្ហាញពីសកម្មភាពនាងស្លៀកពាក់សិចស៊ីអង្គុយកាន់កែវស្រា ធ្វើឱ្យអ្នកលេងបណ្ដាញសង្គមភាគច្រើនមិនពេញចិត្ត ព្រោះវាជាគំរូមិនល្អដល់សង្គម ខណៈដែលនាងនៅមានវ័យក្មេងខ្ចីនៅឡើយ ។ ជាងនេះទៅទៀត ក៏មានរូបថតមួយសន្លឹកបង្ហាញថា ពេលដែលចូលក្លឹបរាត្រី Song Ji A មិនត្រឹមតែផឹកស្រាប៉ុណ្ណោះទេ នាងថែមទាំងជក់បារីទៀតផង ។ Song Ji A ដែលត្រូវបានគេស្គាល់ថា ជាតារាបណ្ដាញសង្គមដ៏ល្បីឈ្មោះ និយមថតរូបសិចស៊ីនោះ បច្ចុប្បន្នមានវ័យ ២៥ឆ្នាំ ប៉ុន្តែសម្រាប់រូបថតដែលបែកធ្លាយបង្ហាញពីសកម្មភាពនាងនៅក្នុងក្លឹបរាត្រី បែជាបង្កឱ្យមានការមិនពេញចិត្តពីសំណាក់មហាជន កូរ៉េ ដោយយល់ឃើញថា​ ជាសកម្មភាពមិនល្អប៉ះពាល់ដល់អារម្មណ៍អ្នកគាំទ្ររបស់នាង ដែលភាគច្រើនមានវ័យក្មេងៗ ហើយមួយវិញទៀតក្លឹបរាត្រីដែល  Song Ji A  ទៅលេងកម្សាន្តនោះ គឺជាក្លឹបដែលមានរឿងអាស្រូវផ្លូវភេទច្រើនបំផុត។ តែយ៉ាងណាមិញ ក៏មានមតិមួយចំនួនធំលើកឡើងថា ពុំមានអ្វីចោទជាបញ្ហាឡើយ ព្រោះ Song Ji A ក៏មិនមែនក្មេងដែរ នាងមានអាយុលើសពី ១៨ឆ្នាំ មានសិទ្ធដើរហើរ ហើយគ្រាន់តែចូលក្លឹបកម្សាន្តនោះជារឿងតូចតាចបំផុត ។ គួរឱ្យដឹងថា Song Ji A កាលពីពេលថ្មីៗនេះ បានចូលកម្សាន្តក្នុងក្លឹបរាត្រីល្បីឈ្មោះមួយកន្លែងឈ្មោះ Burning Sun ស្ថិតនៅសង្កាត់ Gangnam ទីក្រុង សេអ៊ូល ។ អ្វីដែលមហាជនរិះគន់ និងមិនពេញចិត្តនោះគឺថា ក្លឹបរាត្រីមួយនេះជាកន្លែងមានរឿងអាស្រូវផ្លូវភេទជាច្រើន ដូច្នេះមិនគួរ  Song Ji A  ចូលទៅប្រឡូកឡើយ ៕   ប្រភព៖ koreaboo...
កំសាន្ត

ពេជ្រ សូលិកា បង្ហោះសារប្លែកៗ ឯប្តីក៏មិនសូវបង្ហាញមុខ មានរឿងអី...?

7 months ago
7 months ago

ពេជ្រ សូលិកា បង្ហោះសារប្លែកៗ ឯប្តីក៏មិនសូវបង្ហាញមុខ មានរឿងអី...?

កំសាន្ត
  ភ្នំពេញ៖ ស្របពេលបង្ហោះសារប្លែកៗប៉ុន្មានថ្ងៃចុងក្រោយនេះ កាន់តែធ្វើឱ្យអ្នគាំទ្រជាច្រើនគិតថា ចំណងស្នេហ៍ ពេជ្រ សូលិកា និងដៃគូកំពុងជួបនូវបញ្ហា រហូតអាចឈានដល់ការបែបបាក់ ។ មូលហេតុដែលធ្វើឱ្យទស្សនិកជនជាច្រើនគិតបែបនេះ ដោយសារតែ ពេជ្រ សូលិកា លែងបង្ហោះរូបភាពផ្អែមល្ហែមរបស់ខ្លួនជាមួយស្វាមីដូចមុន ជាក់ស្តែងសូម្បីតែទៅចូលរួមកម្មវិធីមួយចំនួនក៏មិនឃើញអ្នកទាំងពីរថតរូបជុំគ្នាដែរ ជាពិសេសថ្មីៗនេះនាងបានបង្ហោះសារប្លែកៗនៅលើ ហ្វេសប៊ុក ក៏ដូចជា IG របស់ខ្លួន កាន់តែធ្វើឱ្យទស្សនិកជនមានការយល់ច្រឡំ ។ ចំពោះរឿងនេះផងដែរ តារាចម្រៀង ពេជ្រ សូលិកា បានបញ្ជាក់ថា ចំណងស្នេហ៍នាងនៅដូចដើម គ្មានបញ្ហាអ្វីកើតឡើងឡើយ អ្វីដែលនាងបានបង្ហោះនោះ គ្រាន់តែជាអារម្មណ៍មួយប៉ុណ្ណោះ ។ តារាចម្រៀង ពេជ្រ សូលិកា បានភ្ជាប់ពាក្យជាមួយលោក គឹម ហាន កាលពីថ្ងៃទី ២៥ ខែ តុលា ឆ្នាំ ២០១៩ ហើយនាងសម្រាលបានកូនប្រុសម្នាក់នៅបំណាច់ឆ្នាំ ២០២០ ។ បើតាមគម្រោងអ្នកទាំងមានគម្រោងនឹងរៀបការនិងគ្នានៅឆ្នាំ ២០២១ តែដោយសារបញ្ហាជំងឺកូវីដ ១៩ អ្នកទាំងក៏សម្រេចចិត្ត ពន្យាពេលរៀបការរហូតមកដល់សព្វថ្ងៃនេះ ។ ពេជ្រ សូលិកា ជាតារាស្រីមួយរូបដែលមានសំណាង បានស្វាមីស្រឡាញ់ថ្នាក់ថ្នម បច្ចុប្បន្ននាង មានផ្ទះ និង ខុនដូ ជាច្រើនកន្លែង រួមទាំងមានរថយន្តទំនើបៗជាច្រើនគ្រឿងជិះ ។ ក្រៅពីអាជីពចម្រៀង នាងក៏មានអាជីវកម្មជាច្រើនកន្លែង ទោះបីជាមិនប្រកបអាជីពសិល្បៈជីវិតនាងក៏រស់នៅយ៉ាងសុខស្រួល ៕ អត្ថបទ៖ អាលីហ្សា ...
កំសាន្ត

ហេង ប៊ុនលាភ ប្រហែលជាទៅលែងរួច ទើបចេញមុខមួយភ្លែត ស្ងាត់ទៅវិញ

7 months ago
7 months ago

ហេង ប៊ុនលាភ ប្រហែលជាទៅលែងរួច ទើបចេញមុខមួយភ្លែត ស្ងាត់ទៅវិញ

កំសាន្ត
  ភ្នំពេញ៖ តារាចម្រៀងប្រុសដ៏ល្បីល្បាញកាលពីជាង ១០ឆ្នាំមុនលោក ហេង ប៊ុនលាភ បានធ្វើឱ្យអ្នកគាំទ្ររំភើបចិត្ត ខណៈឃើញលោកឈានជើងចូលប្រឡូកក្នុងវិថីសិល្បៈចម្រៀងវិញ តាមរយៈផលិតកម្មថ្មីមួយ ឈ្មោះ ដាវីត្រា មេឌៀ (Davitra Media) កាលពីអំឡុងបុណ្យចូលឆ្នាំខ្មែរកន្លងទៅ លោក ហេង ប៊ុនលាភ បានចេញបទចម្រៀងពីរបទ ក្នុងនោះមាន «ក្រមុំ Discount » និងមួយបទទៀត «ក្រមុំព្រោងព្រាត» ។ យ៉ាងណាក៏ដោយ ចេញបានបទចម្រៀងតែពីរបទខាងលើ រហូតមកទល់ពេលនេះ ស្រាប់តែវត្តមានរបស់លោក  ហេង ប៊ុនលាភ បានស្ងប់ស្ងាត់ទៅវិញ ។ ជាមួយគ្នានេះ ក៏មិនមានតំរុយថាលោកអាចនឹងឈរជើងនៅផលិតកម្ម ដាវីត្រា មេឌៀ (Davitra Media) បានយូរអង្វែង ឬគ្រាន់តែមកច្រៀងកែកម្សាន្តមួយរយៈពេលនោះទេ ។ គួរឱ្យដឹងផងដែរថា លោក ហេង ប៊ុនលាភ អតីត ប្រុស ស្អាតចំណាត់ថ្នាក់លេខ  ២ កាលពីឆ្នាំ ២០០១ ហើយលោកក៏ក្លាយខ្លួនជាតារាចម្រៀងក្នុង ផលិតកម្ម SSB  មានលោក ហ្វៃ សំអាង ជាអ្នក ផ្ចុងផ្តើមក្នុងរយៈពេលដ៏ខ្លី ក៏ចាប់ផ្ដើមមានភាពល្បីល្បាញតាមរយៈទឹកដមសំនៀងដ៏ស្រទន់ មាន មន្តស្នេហ៍នៃបទល្បីៗរបស់លោក មានដូចជា « ទឹកភ្នែកស្វាមីស្រីឡង់សេ» បទ «ជីដូនកាកី» បទ  «សឹកហួសព្រោះ ស្នេហ៍» និងបទដ៏ពីរោះៗជាច្រើនទៀត ។ កាលពី អំឡុង  ឆ្នាំ  ២០០៧ ខណៈដែលទីផ្សារចម្រៀង ក៏ដូចជាសម្ដែង របស់លោក ហេង ប៊ុនលាភ កំពុងស្ទុះឡើងខ្លាំង ស្រាប់តែលោកបាន សម្រេចចិត្តរៀបអាពាហ៍ពិពាហ៍និងកូនស្រីដ៏ស្រស់ សោភារបស់ថៅកែឡូត៍នេសាទម្នាក់នៅឯខេត្តពោធិ៍សាត់ និងផ្អាក ការងារ សិល្បៈចាប់តាំងពីពេលនោះមក ដោយស្រវាចាប់យកជំនួញដីធ្លីជំនួសវិញ។ បច្ចុប្បន្ននេះគេដឹងថា ជីវភាពរបស់លោក ហេង ប៊ុនលាភ ប្រៀបបានដូចជាសេដ្ឋី ឧកញ៉ា យ៉ាងដូច្នេះដែរ ព្រោះក្រៅពីមានដីធ្លីជាច្រើនកន្លែងហើយនោះ លោកក៏មានផ្ទះវីឡាធំស្កឹមស្កៃរស់នៅ និងរថយន្តទំនើបៗជាច្រើ់នស៊េរីទៀតផង ។ ប៉ុន្តែដោយសារចំណង់ចំណូលចិត្តលោកងប់ខ្លាំងទៅលើជីវិតបែបសាមញ្ញៗ  ទើបលោកចូលចិត្តចំណាយពេលច្រើនរស់នៅជាមួយទីជនបទ ស្រុកស្រែចំការ និងជិះតែរថយន្តកាម៉ារីគូទស្វិតរបស់់លោក មើលទៅពិតជាមានក្ដីសុខខ្លាំងណាស់ ៕ ...
កំសាន្ត

ម្ចាស់បទ “អស់ពេលស្តាយក្រោយ” ចេញមុខបដិសេធរឿងរ៉ាវអ្នកកាសែតកំពុងតាមសួរ

7 months ago
7 months ago

ម្ចាស់បទ “អស់ពេលស្តាយក្រោយ” ចេញមុខបដិសេធរឿងរ៉ាវអ្នកកាសែតកំពុងតាមសួរ

កំសាន្ត
  ភ្នំពេញ ៖ មួយរយៈចុងក្រោយនេះតារាចម្រៀងកញ្ញា អេង ស្រីអូន ត្រូវបានទស្សនិកជនជាច្រើនចាប់អារម្មណ៍ខ្លាំង ខណៈដែលនាងឈានជើងចូលច្រៀងនៅក្នុងផលិតកម្ម Zone ហើយក៏ទទួលបានបទចម្រៀងល្អៗ ចេញលើកទីផ្សារភ្លាមៗ ធ្វើឱ្យទស្សនិកជនស្គាល់ឈ្មោះកាន់តែច្បាស់តាមរយៈបទ “មេម៉ាយស្រួលចិតត” និងបទ “អស់ពេលស្តាយក្រោយ”។ ផ្តល់បទសម្ភាសន៍ជាមួយ Lee News កញ្ញា អេង ស្រីអូន បានប្រាប់ថា នាងបានចូលប្រឡូកអាជីពសិល្បៈអស់រយៈពេលជិត១០ឆ្នាំមកហើយ តែទើបមកល្បីឈ្មោះនៅពេលចូលច្រៀងនៅក្នុងផលិតកម្ម ហ្គោល ច្រៀងបទ “អូនមិនមែនធនាគារ” និងបន្តមកច្រៀងនៅផលិតកម្ម Zone ច្រៀងបានពីរបទ គឺបទ “មេម៉ាយស្រួលចិត្ត” និងបទ “អស់ពេលស្តាយក្រោយ” ។ តារាស្រីសម្បុរស្រអែមវ័យ២៦ឆ្នាំរូបនេះបន្តថា ទោះជាអាជីពចម្រៀងរបស់នាងប្រើពេលច្រើនឆ្នាំទើបត្រូវបានគេស្គាល់ឈ្មោះក្តី តែនាងក៏អរគុណដល់អ្នកជួយជ្រោមជ្រែងនាងតាំងពីពេលដំបូងផងដែរ ព្រោះមានថ្ងៃដំបូងនោះហើយ ទើបនាងមានថ្ងៃនេះ។ កញ្ញា បន្តថា ពេលមានបទចម្រៀងចេញទៅល្បីមានអ្នកស្តាប់ និងគាំទ្រច្រើនដូចពេលបច្ចុប្បន្ននេះនាងពិតជាសប្បាយចិត្តខ្លាំងណាស់ ហើយនាងក៏មិននឹកស្មានថា មានថ្ងៃនេះទេ ។ កញ្ញា អេង ស្រីអូន បន្តថា ពេលនេះនាងមានបទចម្រៀងថ្មីជាច្រើនបទនៅក្នុងផលិតកម្ម Zone សម្រាប់ត្រៀមចេញជាបន្តបន្ទាប់នៅពេលខាងមុខ ហើយក្នុងចំណោមបទចម្រៀងទាំងនោះក៏ល្អៗផងដែរ ព្រោះចាងហ្វាងផលិតកម្ម Zone គាត់ចម្រាញ់បទល្អៗទុកសម្រាប់នាង ដោយគាត់យល់ថា​បទចម្រៀងទាំងនោះស៊ីនឹងសំឡេងនាង ចេញទៅអាចទទួលបានការចាប់អារម្មណ៍ច្រើនដូចបទមុនដែរ។ ការបញ្ជាក់របស់តារាចម្រៀង អេង ស្រីអូន ដូចជាបង្ហាញ​ឱ្យឃើញថា ថៅកែផលិតកម្ម Zone យកចិត្តទុកដាក់លើរូបនាងខ្លាំង ស្របពេលមានព័ត៌មានខ្លះៗថា អ្នកទាំងពីរមានទំនាក់ទំនងលើសពីធម្មតា ប៉ុន្តែចំណុចនេះត្រូវបាន នាងឆ្លើយតបយ៉ាងឆាប់ថា នាងមិនមានទំនាក់ទំនងអ្វីលើសពីថៅកែ និងកូនចៅទេ សូមប្រិយមិត្តកុំយល់ច្រឡំ ។ ជាមូយគ្នានេះដែរលោក អ៊ុច រ៉ាវុទ្ធ ជាចាងហ្វាងផលិតកម្ម Zone បានប្រាប់ Lee News ដែរថា មូលហេតុដែលលោកលើកស្ទួយកញ្ញា អេង ស្រីអូន មកពីលោកមើលឃើញពីសមត្ថភាពរបស់គាត់ អាចលើកមុខផលិតកម្មឱ្យឡើងខ្ពស់បាន ព្រោះសំឡេងគាត់ពីរោះ ចេញបទចម្រៀងតេស្តលើទីផ្សារបានពីរបទ ក៏ទទួលបានការគាំទ្រច្រើន នេះហើយជាដើមចោមដែលលោកទម្លាក់បទចម្រៀងឱ្យគាត់ច្រើន។ ចំណែករឿងទំនាក់ទំនងពិសេសអ្វីនោះ គឺគ្មានទេ ពោលគឺលោកសុំបញ្ជាក់ក្នុងពេលនេះដើម្បីកុំឱ្យប៉ះពាល់ដល់កេរ្តិ៍ឈ្មោះ យើងទាំងពីរ៕ អត្ថបទ ៖ តាន់ ចន្ថា...
កំសាន្ត

ថ្ងៃខួបកំណើត ពេជ្រ សោភា  ត្រូវសង្សារចាស់លោក ឆឹម​ សក្កដា ធ្វើឱ្យភ្ញាក់ផ្អើលពេញហ្វេសប៊ុក...

7 months ago
7 months ago

ថ្ងៃខួបកំណើត ពេជ្រ សោភា  ត្រូវសង្សារចាស់លោក ឆឹម​ សក្កដា ធ្វើឱ្យភ្ញាក់ផ្អើលពេញហ្វេសប៊ុក...

កំសាន្ត
  ភ្នំពេញ៖ តារាសម្តែង និង ចម្រៀង លោក ឆឹម សក្កដា បានបែកផ្លូវគ្នាជាមួយតារាចម្រៀង ពេជ្រ សោភា ជិត២ឆ្នាំមកហើយ ប៉ុន្តែបេះដូងលោកនៅតែដិតជាប់ស្រមោល ពេជ្រ សោភា នៅក្នុងបេះដូងនៅឡើយ សូម្បីតែថ្ងៃកំណើតនាង ក៏លោកមិនភ្លេចដែរ ថែមទាំងបានធ្វើរឿងដ៏គួរឱ្យភ្ញាក់ផ្អើលថែមទៀត ។ ថ្ងៃទី ០៩ ខែ មិថុនា គឺជាថ្ងៃកំណើតរបស់តារាចម្រៀង ពេជ្រ សោភា  ជារៀងរាល់ឆ្នាំនាងតែងតែ ចំណាយពេលវេលាជាមួយមនុស្សដែលខ្លួនស្រឡាញ់ដូចជាលោក ឆឹម សក្កដា ជាដើម...ប៉ុន្តែគួរឱ្យស្តាយចំណងស្នេហ៍របស់អ្នកទាំងពីរបានបញ្ចប់ជិតពីរឆ្នាំមកហើយ ។ ថ្វីដ្បិតតែបែកគ្នាគូស្នេហ៍ តែបុរសសង្ហារ ឆឹម សក្កដា នៅតែមិនភ្លេចពីថ្ងៃពិសេសរបស់តារាចម្រៀង ពេជ្រ សោភា ទេ ជាក់ស្តែងលោកបានសរសេរសារនៅលើ ហ្វេសប៊ុករបស់ខ្លួនថា « Happy Birthday to you 09.06.22 សូមឱ្យមានតែស្នាមញញឹមគ្រប់ពេល ... » ។ អ្វីដែលគួរឱ្យភ្ញាក់ផ្អើលនោះ ស្រាប់តែតារាចម្រៀងស្រី ពេជ្រ សោភា ទទួលបាន នំខេកដ៏អាថ៌កំបាំងមួយ ដែលគ្មានឈ្មោះអ្នកផ្ញើរ ។ ភ្លាមៗ ពេជ្រ សោភា បានថតរូបនំខេក និងបង្ហោះសារនៅលើ ហ្វេសប៊ុករបស់ខ្លួនថា « គ្មានឈ្មោះ ពាក្យជូនពរដូចធ្លាប់បានឃើញ រកនឹកដែរតែគិតមិនចេញ យ៉ាងណាអរគុណម្ចាស់នំអត់ឈ្មោះ » ។ តាមរយៈសារនេះល្មមគ្រប់គ្រាន់បញ្ជាក់ថា នំខេកដ៏ស្អាតដែល ពេជ្រ សោភា កំពុងស្វែងរក ម្ចាស់នោះ គឺជារបស់លោក ឆឹម សក្កដា យ៉ាងពិតប្រាកដ ។ លោក ឆឹម សក្កដា ធ្លាប់បាននិយាយថា ទោះបីយើងទាំងពីរបែកគ្នា តែលោកនៅតែមានអារម្មណ៍ល្អ ចំពោះ ពេជ្រ សោភា មិនអាចជាគូស្នេហ៍ ជាមិត្តក៏ល្អដែរ អ្វីដែលលោកអាចធ្វើសម្រាប់នាងបាន លោកនឹងធ្វើ ។ ក្រៅពីផ្ញើនំខេកអាថ៌កំបាំង លោក ឆឹម សក្កដា ក៏បានផ្ញើកាដូដ៏ភ្ញាក់ផ្អើលមួយទៅកាន់ ពេជ្រ សោភា ផងដែរ គ្រាន់តែនាងមិនបង្ហាញប៉ុណ្ណោះ ។ គួររំលឹកផងដែរថា ពេជ្រ សោភា កំពុងមានស្នេហាថ្មីជាមួយបុរសសង្ហារម្នាក់ ក្រោយបែកផ្លូវគ្នាជាមួយលោក ឆឹម សក្កដា ចំណែកលោក ឆឹម សក្កដា វិញ ក៏មិនទាន់បើចិត្តទទួលអ្នកថ្មីមកស្អំបេះដូងខ្លួននៅឡើយទេ លោកថែមទាំងធ្លាប់និយាយថា បើមានស្នេហាលើកក្រោយ លោកប្រហែលជាមិនជ្រើសរើសអ្នកសិល្បៈឡើយ ៕ អាលីហ្សា    ...
កំសាន្ត

មូលហេតុ សារ៉ាយ សក្ខណា មិនវិលទៅអាមេរិកវិញ ធ្វើឱ្យមានការសង្ស័យថា នាងមានបញ្ហាជាមួយប្តី

7 months ago
7 months ago

មូលហេតុ សារ៉ាយ សក្ខណា មិនវិលទៅអាមេរិកវិញ ធ្វើឱ្យមានការសង្ស័យថា នាងមានបញ្ហាជាមួយប្តី

កំសាន្ត
  ភ្នំពេញ ៖  តារាសម្តែង សារ៉ាយ សក្ខណា បានមកលេងស្រុកកំណើតជាងកន្លះឆ្នាំហើយ នាងនៅពុំទាន់វិលត្រឡប់ទៅ អាមេរិក វិញទេ ជាពិសេសនាងបានយកកូនរបស់ខ្លួនដាក់ចូលសាលារៀននៅ ស្រុក ខ្មែរ ថែមទៀត រហូតធ្វើឱ្យអ្នកគាំទ្រជាច្រើនគិតថា សារ៉ាយ សក្ខណា ប្រហែលជាជួបបញ្ហាជាមួយគ្រួសារទើបនាងត្រឡប់មករស់នៅស្រុកកំណើតវិញ ។ មិនត្រឹមតែអ្នកគាំទ្រប៉ុណ្ណោះទេដែលមានការងឿងឆ្ងល់ថា តើហេតុអ្វីបានជាតារាស្រីសប្បុរស្រអែម សារ៉ាយ សក្ខណា មិនទាន់ត្រឡប់ទៅអាមេរិកវិញ សូម្បីតែមិត្តភក្តិក្នុង និងក្រៅសិល្បៈក៏ឆ្ងល់គ្រប់ៗគ្នា ដោយមូលហេតុថា នាងមកលេងស្រុកកំណើតតាំងពីខែ វិច្ឆិកា ២០២១ មកម្លេះ ។ រឿងរ៉ាវនេះ សារ៉ាយ សក្ខណា បានបញ្ជាក់ប្រាប់ថា មូលហេតុដែលនាងមិនទាន់ត្រឡប់ទៅ អាមេរិក វិញ មិនមែននាងកើតមានបញ្ហាជាមួយប្តីទេ ដោយសារតែមានភារៈកិច្ចត្រូវនៅមើលការងាររកស៊ីមួយចំនួន ម្យ៉ាងទៀតចិត្តនាងនៅនឹករលឹកស្រុកកំណើត ព្រោះច្រើនឆ្នាំមកហើយនាងមិនបានមកលេងស្រុក និងសាច់ញាតិ ។ សារ៉ាយ សក្ខណា បន្តថា ការដែលដាក់កូនស្រីឱ្យចូលរៀននៅស្រុកខ្មែរ គឺនាងចង់ឱ្យកូនស្រីចេះភាសាខ្មែរឱ្យច្បាស់លាស់ ពីព្រោះគាត់ជាកូនខ្មែរ មានតែឆ្លៀតពេលនេះទេ ទើបគាត់អាចចេះអក្សរបានខ្លះ ទោះតិចឬច្រើនក្តី នាងស្រឡាញ់ និងរីករាយនៅពេលឃើញកូនចេះភាសាជាតិយើង ។ សារ៉ាយ សក្ខណា មានអាជីវកម្មជាច្រើននៅក្នុងប្រទេស កម្ពុជា ហើយការឆ្លៀតពេលរស់នៅស្រុកកំណើតលើកនេះនាងបានចេញមុខនៅក្នុងកម្មវិធីធំៗជាច្រើន ហើយនាងថែមទាំងមានគម្រោងថតភាពយន្តខ្នាត ខ្លីជាបន្តបន្ទាប់ផងដែរ ដើម្បីកុំឱ្យបងប្អូនភ្លេចមុខ ៕ អត្ថបទ ៖ អាលីហ្សា  ...