FC Sports logo

ប្រដាល់


ប្រដាល់

Floyd បាន​ចំណូល​​ជាង​២០​លាន​ដុល្លារ ក្រោយ​ផ្ដួល​កីឡាករ​ជប៉ុន​ផុយៗ

4 months ago
4 months ago

Floyd បាន​ចំណូល​​ជាង​២០​លាន​ដុល្លារ ក្រោយ​ផ្ដួល​កីឡាករ​ជប៉ុន​ផុយៗ

ប្រដាល់
កាល​ពី​​ចុង​សប្ដាហ៍ អ្នក​ប្រដាល់​អាមេរិក Floyd Mayweather បាន​ផ្ដួល​កីឡាករ​ជប៉ុន Mikuru Asakura ត្រឹម​ទឹក​ទី​ពីរ​​ក្នុង​ការ​ប្រកួត​បែប​មិត្តភាព។ក្នុង​ការ​ប្រកួត​ដែល​រៀបចំ​ត្រឹម​តែ​៣​ទឹក Floyd បាន​​ម៉ាត់​ Mikuru ​​ចូល​មុខ​ពេញ​នៅ​ចុង​ទឹក​​២ ធ្វើ​ឲ្យ​អាជ្ញាកណ្ដាល​រាប់​ដល់​១០​​បញ្ចប់​ការ​ប្រកួត​តែ​ម្ដង។ តាម​ពិត​ទៅ​ Mikuru ជា​កីឡាករ​អាជីព​គុន​ចម្រុះ​ទេ ហើយ​នេះ​​ជា​លើក​ដំបូង​ដែល​គេ​មក​ប្រកួត​បែប​សកល។ក្រោយ​បញ្ចប់​ការ​ប្រកួត Floyd ត្រូវ​បាន​គេ​ដឹង​ថា ទទួល​បាន​ចំណូល​ពី​ការ​ប្រកួត​ខាង​លើ​២១,៥​លាន​​ដុល្លារ​ឯណោះ។ រឿង​ពិសេស​មួយ​ទៀត អតីត​​អ្នក​ប្រដាល់​ជើង​ខ្លាំង​របស់​អាស៊ី Manny Pacquiao ក៏​បាន​ទៅ​ទស្សនា​ការ​ប្រកួត​របស់ Floyd ក្នុង​នាម​ជា​ភ្ញៀវកិត្តិយស។បន្ទាប់​ពី​ឈ្នះ​ងាយ​ៗ Floyd Mayweather ​បាន​និយាយ​​ថា៖ “ខ្ញុំ​សប្បាយ​ចិត្ត​ដែល​ពួក​យើង​​អាច​​ផ្ដល់​ឲ្យ​អ្នក​គាំទ្រ​​នូវ​ការ​ប្រកួត​ដ៏​រំភើប។ អរគុណ​ដែល​ផ្ដល់​ឱកាស​ឲ្យ​ខ្ញុំ​មក​ទី​នេះ។ ខ្ញុំ​នឹង​ត្រឡប់​មក​វិញ​ម្ដង​ទៀត។ វីរបុរស​​ផ្សេង​ទៀត​ក៏​បាន​មក​ទី​នេះ ម្ចាស់​ខ្សែ​ក្រវាត់​​ពិភពលោក​៨​ស្ថាប័ន​ផ្សេង​​គ្នា​ Pacquiao។ ម្ចាស់​ជើងឯក​ដ៏​អស្ចារ្យ”៕ ...
ប្រដាល់

កីឡាការិនី ខាន់ ចេសា ត្រៀមចូលរួមប្រកួត ONE Championship ខែក្រោយនេះ

7 months ago
7 months ago

កីឡាការិនី ខាន់ ចេសា ត្រៀមចូលរួមប្រកួត ONE Championship ខែក្រោយនេះ

ប្រដាល់
កីឡាការិនីជឺជិតស៊ូជម្រើសជាតិកម្ពុជា ខាន់ ចេសា នឹងចូលរួមប្រកួតក្នុងស្ថាប័នប្រដាល់ដ៏ធំបំផុតប្រចាំទ្វីបអាស៊ី ONE Championship ដោយត្រូវជួបជាមួយកីឡាការនី Amanda Alequin កូនកាត់អាមេរិក-អេក្វាឌ័រ នៅថ្ងៃសុក្រ ទី២២ ខែកក្កដា ឆ្នាំ២០២២។ មុនចូលរួមប្រកួត ONE Championship កាលពីថ្ងៃទី១៤ ខែឧសភា នៅក្នុងព្រឹត្តិការណ៍កីឡាករស៊ីហ្គេម​លើកទី៣១ នៅ​ទីក្រុងហាណូយ ប្រទេសវៀតណាម កីឡាការិនី ខាន់ ចេសា ត្រូវបានគណៈកម្មាធិការ​រៀបចំ​ការ​ប្រកួត​កីឡា​ស៊ីហ្គេម​ ​ដកចេញ​ពី​ការ​ប្រកួត​កីឡាជូជីតស៊ូ Ju-Jitsu ដោយ​សារ​លើស​ទម្ងន់​២​ខាំ ឬ​២៤០​ក្រាម។ យ៉ាងណាមិញ ខាន់ ចេសា ក៏បានធ្វើការសុំទោសដល់អ្នកគាំទ្រ និងបានប្តេជ្ញាប្រឹងប្រែងសម្រាប់ការត្រៀមខ្លួនឲ្យកាន់តែខ្លាំងជាងមុនសម្រាប់ស៊ីហ្គេម ឆ្នាំ២០២៣ នៅកម្ពុជា។ កីឡាការិនីខ្មែរ-អាមេរិកកាំង ខាន់ ចេសា (Jessa Khan) គឺជាម្ចាស់មេដាយមាសនៅ Asian Games 2018 នៅទីក្រុង Jakarta ប្រទេស​ឥណ្ឌូនេស៊ី និង SEA Games 2019 នៅទីក្រុង Manila ប្រទេសហ្វីលីពីន ត្រូវបានចាត់ទុកថា ជាកីឡាករដែលកម្ពុជារំពឹងខ្ពស់​ក្នុងការឈ្នះ​មេដាយ​មាស​ស៊ីហ្គេម SEA Games លើកទី៣១ នៅទីក្រុងហាណូយ ប្រទេសវៀតណាមនេះ៕    ...
ប្រដាល់

អ្នកប្រដាលមិនដែលចាញ់ Floyd នឹង​ប្រកួត​ជាមួយ Asakura ក្នុង​ប្រទេស​ជប៉ុន

7 months ago
7 months ago

អ្នកប្រដាលមិនដែលចាញ់ Floyd នឹង​ប្រកួត​ជាមួយ Asakura ក្នុង​ប្រទេស​ជប៉ុន

ប្រដាល់
  អ្នករៀបចំការប្រកួត បាននិយាយកាលពីថ្ងៃ អង្គារ ទី14 ខែកក្កដានេះ ថា កំពូលកីឡាករប្រដាល់មិនដែលចាញ់ Floyd Mayweather នឹងត្រូវប្រកួតទល់នឹងអ្នកប្រយុទ្ធក្បាច់គុនចម្រុះ (MMA) Mikuru Asakura នៅចុងឆ្នាំនេះ ក្នុងប្រទេសជប៉ុន ។   ប្រព័ន្ធផ្សព្វផ្សាយ​ បានរាយការណ៍​ថា ការ​ប្រកួតដ៏ធំ​នេះ​គ្រោង​ធ្វើ​នៅ​ខែ​កញ្ញា ហើយកាល​បរិច្ឆេទ​ពិត​ប្រាកដ ទីកន្លែង និង​ច្បាប់​សម្រាប់​ការ​ប្រកួត​នឹង​ត្រូវ​ប្រកាស​នៅ​ចុង​ខែ​នេះ។     តាមពិតទៅ កីឡាករអាមេរិក Floyd Mayweather​ ធ្លាប់បានចូលនិវត្តន៍ក្នុងឆ្នាំ 2015 ប៉ុន្តែបានត្រលប់ចូលទីលានប្រកួតវិញ នឹងបានយកឈ្នះ កំពូលអ្នកលេងក្នុងទ្រុង Conor McGregor ក្នុងឆ្នាំ 2017 និងបន្តកំណត់ត្រាមិនដែលចាញ់ 50ប្រកួតក្នុងអាជីពរបស់ខ្លួន។   គួរបញ្ជាក់ថា នេះ​នឹង​ជា​ការ​ប្រកួត​លើក​ទី​ពីរហើយ​របស់ Mayweather នៅ​ប្រទេស​ជប៉ុន បន្ទាប់​ពី​ការ​ឈ្នះលើ​កីឡាករ Tenshin Nasukawa ក្នុង​ឆ្នាំ 2018៕...
ប្រដាល់

ម៉ឺន មេឃា ឆ្លើយទៅកាន់ហ្វែនថា «ខ្ញុំមិនដូចពីមុន» ខណៈវៃ ១ ទល់ ៣

7 months ago
7 months ago

ម៉ឺន មេឃា ឆ្លើយទៅកាន់ហ្វែនថា «ខ្ញុំមិនដូចពីមុន» ខណៈវៃ ១ ទល់ ៣

ប្រដាល់
ភ្នំពេញ៖ ទោះបីជាប្លែកភ្នែកបន្តិចក្តី សម្រាប់ ១ ទល់ ៣ ប៉ុន្តែចំណុចនេះ ហាក់មិន Fair Play ឬ យុត្តិធម៌ក្នុងក្បួនកីឡា  ខណៈដែល ម៉ឺន មេឃា អះអាងថា ខ្លួនមិនដូចពីមុននោះទេ ។ ម៉ឺន មេឃា នឹងស្វាគមន៍ទទួលការវៃ ១ ទល់ ៣ នៅស្ថានីយ៍ទូរទស្សន៍ក្នុងស្រុកមួយ ដោយត្រូវជួបជាមួយអ្នកខាង ៣ មាន  ពុធ សំបូរ ជ័រ ពៅ សេក គឹមសាន  ដែលជាកីឡាករកំពុងឡើងកូដគួរ សម ដែរ ។ មេឃា បានបង្ហោះនៅលើបណ្តាញទំនាក់ទំនងសង្គមអន្ទង់ចិត្តស្វែងរកការគាំទ្រខ្លួនថា «ទោះជាលទ្ធផលយ៉ាងណា កាប្រកួតបីទល់នឹងមួយនេះខ្ញុំនឹងទទួលយក សូមបងប្អូនជួយគាំទ្រខ្ញុំបាទផង»។ ម្ចាស់មេដាយមាស ស៊ីហ្គេម វ៉ូវីណាម ក៏ទទួលបានសារខម្មិនពីអ្នកគាំទ្រថា  «ពុធ សំបូរ មិនដូចពីមុននោះទេ តិចសន្លប់របស់ ពុធ សំបូរ ទៅ ! »។ ការខម្មិនបែបនេះ មិនរាប់បញ្ចូលនូវ កំលាំង ពីរនាក់ថែមទៀត មានដូចជា  ជ័រ ពៅ សេក គឹមសាន  ។   ទន្ទឹមជាមួយគ្នានោះដែរ ម៉ឺន មេឃា ដែលជា តំណត្រកូលគុនខ្មែរ របស់លោក អេ ភូថង បានឆ្លើយតប វិញថា «ខ្ញុំក៏មិនដូចពីមុនដែរ» ។  តើប្រិយមិត្តកំពុងតាមដាន គិតថា ខាង ១ ឬ ខាង ៣ ?...
ប្រដាល់

ត្រឹមគីឡូ 48 គោរមៈ ចន្ទរាជ្យ មានឱកាសដំបូងឡើងទៅវៃខ្សែក្រវ៉ាត់នៅប្រទេសថៃ

7 months ago
7 months ago

ត្រឹមគីឡូ 48 គោរមៈ ចន្ទរាជ្យ មានឱកាសដំបូងឡើងទៅវៃខ្សែក្រវ៉ាត់នៅប្រទេសថៃ

ប្រដាល់
ភ្នំពេញ៖ចាត់ទុកជាឱកាសថ្មីស្រឡាងមួយ របស់កីឡាករវ័យក្មេងកម្ពុជា ដោយត្រឹមតែ គីឡូ 48 បានហក់ឡើងវៃដណ្តើមខ្សែក្រវ៉ាត់ នៅលើទឹកដីថៃ ។  បើតាមការបញ្ជាក់របស់លោក ហ៊ុន ចន្ទរាជ្យ នៅលើបណ្តាញទំនាក់ទំនងសង្គមហ្វេសប៊ុក បានឲ្យដឹងថា គោរម: ច័ន្ទរាជ្យ នឹងធ្វើការប្រកួតដណ្តើមខ្សែក្រវ៉ាត់ ប្រភេទទម្ងន់ 48Kg ប្រចាំ ស្តាត Rawai Boxing Stadium នៅឯខេត្តភូកេត ប្រទេសថៃនៅថ្ងៃទី17 ខែមិថុនា ខាងមុខនេះ ។  គោរមៈ ចន្ទរាជ្យ បានផ្តល់បទសម្ភាសន៍ដល់ក្រុមការងារ Lee News នៅថ្ងៃទី ៩ ខែមិថុនា ឆ្នាំ២០២២ ឲ្យដឹងផងដែរថា  ខ្លួនពិតជាសប្បាយរីករាយខ្លាំងណាស់ ដែលមានឱកាស ដំបូង ឡើងវៃដណ្តើមខ្សែក្រវ៉ាត់ក្នុងប្រភេទទម្ងន់ 48 គីឡូក្រាម នៅលើទឹកដីថៃ ។ គោរមៈ ចន្ទរាជ្យ បានបន្តថា ការប្រកួតនៅថៃនេះ ធ្វើឡើងតែមួយថ្ងៃតែប៉ុណ្ណោះ ដោយវៃ ១ ទល់ ១ រួចលើកខ្សែក្រវ៉ាត់តែម្តង   ប៉ុន្តែសម្រាប់ តម្លៃថវិកាអមខ្សែក្រវ៉ាត់ កីឡាករវ័យក្មេងរូបនេះ មិនទាន់ដឹងថាតម្លៃប៉ុន្មាននៅឡើយ  ។  ត្រឹមគីឡូ ៤៨  នាពេលបច្ចុប្បន្ន គោរមៈ ចន្ទរាជ្យ ហាក់ដូចជាអស់គូប្រកួតដើម្បីចាប់វៃ ក៏ព្រោះតែពិបាកក្នុងការរកដៃគូផ្គូរផ្គង់ ឲ្យមានកម្រិតប្រហាក់ប្រហែល កូនសិស្សលោក ហ៊ុន ចន្ទរាជ្យ ម្នាក់នេះ ។ គោរមៈ ចន្ទរាជ្យ  បានបញ្ជាក់ថា «សម្រាប់ការប្រកួតនៅថៃនេះ គ្រូរបស់ខ្ញុំ កំពុងតែពិចារណាថា តើគួរជួបកីឡាករថៃ ឬម៉ាឡេស៊ី ក្នុងការប្រកួតដណ្តើមខ្សែក្រវ៉ាត់លើក ដំបូងរបស់ខ្ញុំ »៕...
ប្រដាល់

ជ័យ ស៊ីណេត ស្នើសុំស្ថានីយ៍ផ្សាយក្នុងស្រុករៀបចំការប្រកួតឲ្យខ្លួនផង 

7 months ago
7 months ago

ជ័យ ស៊ីណេត ស្នើសុំស្ថានីយ៍ផ្សាយក្នុងស្រុករៀបចំការប្រកួតឲ្យខ្លួនផង 

ប្រដាល់
ភ្នំពេញ៖ ខ្លាចាស់  ជ័យ ស៊ីណេត ក្រោយរងបរាជ័យ ក្រោមថ្វីដៃរបស់កីឡាករថៃ យ៉ត សែនឆ័យ នៅក្នុងទឹកដីថៃ ឥលូវបានអន្ទងអ្នករៀបចំកម្មវិធីតាមប៉ុស្តិ៍ ក្នុងស្រុកចាប់គូឲ្យខ្លួនបានឡើងសង្វៀនវិញផង ។ បើទោះបីជារាងចាស់បន្តិចក្តី ប៉ុន្តែ អ្នកលេងកែង និងកណ្តាប់ដៃ ជ័យ ស៊ីណេត បានបង្ហាញការប្រកួតយ៉ាងល្អ ជាមួយ កីឡាករ​ជើងខ្លាំងវ័យក្មេង របស់ថៃ បើទោះបីជារូបខ្លួនចាស់បន្តិច​ក្តី ។  ការប្រកួត  នៅស្ថានីយ៍ប៉ុស្តិ៍លេខ ៨ របស់ថៃ ជ័យ ស៊ីណេត អាចទប់ទឹកបាន នឹង​ចាញ់ត្រឹមតែពិន្ទុប៉ុណ្ណោះ ។ ក្រោយចប់ការប្រកួត ជ័យ ស៊ីណេត បានធ្វើការស្នើសុំ ទៅកាន់អ្នករៀបចំកម្មវិធីក្នុងស្រុកថា «អាចទេតាមស្ថានីយទូរទស្សន៍ស្រុកយើងសូមផ្តល់ឲកាសអោយខ្ញុំបានប្រគួតអន្តរជាតិដូចមុនផងគីឡូ 57 ហើយខ្ញុំនិងខិតខំប្រឹងប្រែងអោយអស់ពីសម្ថតភាពជួយស៊ែផងហ្វេនៗ សូមអរគុណ។» ទន្ទឹមជាមួយការស្នើសុំ ដោយប្រើតាមរយៈគណនីបណ្តាញសង្គមរបស់ខ្លួន  អ្នកគាំទ្រ​គុនខ្មែរ​ រំពឹងថា នឹងមានការរៀបចំការប្រកួត តាមអ្វីដែល សាមីខ្លួនបានស្នើសុំ  ។ បន្ថែមលើសពីនេះ អ្នកគាំទ្រ​គុនខ្មែរ សង្ឈឹមថា ជ័យ ស៊ីណេត នឹងធ្វើឲ្យអស់ពីសមត្ថភាព បើសិនជា ស្ថានីយ៍ក្នុងស្រុក រៀបចំមែននោះ ៕ ...
ប្រដាល់

មឿន សុខហ៊ុច ចោលសង្វៀនស្រុកខ្មែរ ទៅធ្វើការនៅថៃ  ?

7 months ago
7 months ago

មឿន សុខហ៊ុច ចោលសង្វៀនស្រុកខ្មែរ ទៅធ្វើការនៅថៃ  ?

ប្រដាល់
ភ្នំពេញ៖ ក្នុងរយៈពេល ២ថ្ងៃមកនេះ  មានការល្បីល្បាញថា  អ្នកប្រដាល់ជួរមុខម្នាក់ ដែល ហាក់បាត់បង់សមត្ថភាព បានលាចាកសង្វៀន ទៅធ្វើការនៅថៃ  ដែលធ្វើឲ្យមានការងឿងឆ្ងល់ពីសំណាក់អ្នកគាំទ្រគុនខ្មែរ គ្រប់ៗគ្នា ។ តាមរយៈរូបភាពមួយផ្ទាំងដែលត្រូវបានចែកចាយនៅលើបណ្តាញសង្គមហ្វេសប៊ុក ក្នុងនោះមានទាំង កីឡាករ មាជ សុខរ៉ា  កីឡា មឿន សុខហ៊ុច ដែលជា​អ្នកលេងជើងរន្ទះ ជ្រកក្រោមក្លិប នាយកដ្ឋានអង្គរក្ស បានដើរចេញតាមច្រកជើងហោះហើរ ឆ្ពើទៅកាន់ទឹកដីថៃ ដើម្បីប្រកបរបរ​រកស៊ីថ្មី ។​ម្ចាស់អាខោនឈ្មោះ ឡាយ តុលា  បានសរសេរថា «កីឡាករល្បីៗ កម្ពុជា ទៅធ្វើពលករថៃអស់ តើមកពីកក្តាអីបានចឹង មកពីថ្នាក់នាំសហពន្ធ័ល្អពេក» ។ តើរូបភាពដែលគេបង្ហាញនោះ តើវាពិតដែរឬទេ ?   ទន្ទឹមជាមួយគ្នានោះដែរ ក៏មានការលើកឡើងពីម្ចាស់អាខោន ឈួនដារ៉ា គុនខ្មែរ ដោយភ្ជាប់មកជាមួយ Status របស់ អ្នកលក់ទូរស័ព្ទគុនខ្មែរ ថា «គាត់ទៅធ្វើការនៅថៃ» ។  បើសិនជារឿងជារឿងពិត វាហាក់ជារឿងសោកស្តាយមួយដែរ សម្រាប់អ្នកប្រដាល់គុនខ្មែរខាងលើ  បើក្នុងករណី ព្យាយាមហ្វឹកហាត់ពេញលេញ ថែខ្លួន ទឹកលុយជាច្រើនតាមសង្វៀនកំពុងចាំពួកគាត់ ស្របពេល ដែល​សង្វៀនក្នុងស្រុកកំពុងកង្វះខាត កីឡាករឡើងប្រកួត ៕...
ប្រដាល់

លឺថា អ្នកលេងពូថៅដៃ ធឿន ធារ៉ា បង្ហាញខ្លួនជាថ្មីស្វាគមន៍កីឡាករថៃ ពាក់កណ្តាលខែមិថុនា ក្រោយចាញ់ការប្រកួតនៅបរទេស

7 months ago
7 months ago

លឺថា អ្នកលេងពូថៅដៃ ធឿន ធារ៉ា បង្ហាញខ្លួនជាថ្មីស្វាគមន៍កីឡាករថៃ ពាក់កណ្តាលខែមិថុនា ក្រោយចាញ់ការប្រកួតនៅបរទេស

ប្រដាល់
ភ្នំពេញ៖ អ្នកលេងពូថៅដៃ ធឿន ធារ៉ា កូនសិស្សលោកគ្រូ អេ ភូថង  ក្រោយប្រកួតចាញ់នៅបរទេស បានត្រៀមខ្លួនសារជាថ្មី ដើម្បីទទួលស្វាគមន៍ កីឡាករថៃ  ក្នុងប្រភេទទម្ងន់ 71 Kg  ។ ធឿន ធារ៉ា ត្រូវបានគេបង្ហើបឲ្យដឹងថា រូបគេនឹងបង្ហាញវត្តមាន ក្នុងការប្រកួតនាពាក់កណ្តាលខែមិថុនា នៅស្ថានីយ៍ទូរទស្សន៍០១  ដោយត្រូវបានអ្នករៀបចំការប្រកួតនោះ ផ្គូរផ្គង់ ឲ្យជួបកីឡាករថៃ  ដោយគេកំពុងកំណត់នឹងចរចារការប្រកួត ថាគួរឲ្យវាយលក្ខណៈគុនខ្មែរអំបោះឆៅ ឬ លក្ខណៈ ប្រើហ្គង់  ។ ទោះជាយ៉ាងណាប្រភពខាងលើដែលសុំមិនបញ្ចេញឈ្មោះបានបញ្ជាក់ថា ពិតណាស់ ធារ៉ា ត្រូវ ប៉ះថៃ តែកីឡាករថៃជានរណា ឲ្យប្រាកដនោះ មិនត្រូវបានអ្នកផ្គូរផ្គង់នៅក្នុងស្ថានីយ៍ទូរទស្សន៍នោះ បញ្ចេញឲ្យដឹងនោះទេ  ដោយឲ្យរងចាំអ៊ុតពីការផ្សព្វផ្សាយសិនទៅ ៕ ...
ប្រដាល់

នី សុភី នឹកសង្វៀនពេក ដាច់ចិត្តបង្ហាញខ្លួននាចុងខែមិថុនា ក្រោយអាកខានច្រើនខែ

7 months ago
7 months ago

នី សុភី នឹកសង្វៀនពេក ដាច់ចិត្តបង្ហាញខ្លួននាចុងខែមិថុនា ក្រោយអាកខានច្រើនខែ

ប្រដាល់
ភ្នំពេញ៖  អ្នកលេងជង្គង់ មាន់ចឹកស្រូវ នី សុភី ឬ ឡុងសុភី បានត្រៀមខ្លួន បង្ហាញមុខសារជាថ្មី លើសង្វៀនប្រដាល់ នាចុងខែមិថុនា ឆ្នាំ២០២២ ខាងមុខនេះ  ក្រោយការអាកខាន នឹងមិនអាចរកគូប្រកួតបានជាច្រើនខែនោះ ស្របពេលដែលរូបគេ បានទៅរកការងារធ្វើនៅ ទឹកដី ព្រះសីហនុ ។ ឡុង សុភី បានចាកចេញពីពិភពសង្វៀនប្រដាល់ មិនក្រោម ១ឆ្នាំនោះទេ ដោយរូបគេបានទទួលការងារ ជាកងអង្គរក្សរបស់ចិន នៅទឹកដីក្រុងព្រះសីហនុ ដោយទទួលបានកម្រៃ ច្រើនគួរសម សម្រាប់ចិញ្ចឹមជីវិត ស្របពេលដែល រូបគេចាកឆ្ងាយពីសង្វៀនប្រដាល់​។ បុរសសង្ហារ មិនចេះពិសាសុរា ឬ អង្គរក្សមុខស្រស់ នី សុភី ត្រូវបានប្រភពទម្លាយមកថា​ រូបគេបានត្រៀមខ្លួនប្រកួតទទួលស្វាគមន៍កីឡាករថៃ នាចុងខែមិថុនា  ។ ប្រភពដដែលថា មកដល់ពេលនេះ នី សុភី ឬ ឡុង សុភី បានហ្វឹកហាត់ត្រៀម កើបលុយពីសង្វៀនគុនខ្មែរ ជាថ្មី ស្របពេលដែល ធនធាន អ្នកប្រដាល់នាពេលបច្ចុប្បន្នកំពុងត្រូវប៉ាន់  ដោយខ្វះកីឡាករក្នុងប្រភេទទម្ងន់ រូបគេសម្រាប់ប្រកួតលក្ខណៈអន្តរជាតិ ។  ទោះជាយ៉ាងនេះក្តី អ្នកលេងបណ្តាញសង្គមមួយចំនួន ស្នើឲ្យ នី សុភី វាយឲ្យអស់ពីសមត្ថភាព ដើម្បីកុំឲ្យអ្នកគាំទ្រខកចិត្ត ។ អ្នកលេងបណ្តាញសង្គមម្នាក់បានលើកឡើងថា «បើមកវ៉ៃនៅតែដដែល កុំមកល្អជាង ខ្មាស់ក្មេងជំនាន់ក្រោយ» ។ ក្នុងនោះក៏មានការសាទរផងដែរថា ចង់ឃើញ កឡាករ រូបនេះ វៃឡើងវិញ នឹងបញ្ចេញស្នៀត​ឲ្យអស់ពីសមត្ថភាព ៕ ...
ប្រដាល់

ធន់ រិទ្ធី ត្រៀមខ្លួនជាថ្មីលេង អំបោះឆៅ នៅស្តាតមរតកតេជោ 

7 months ago
7 months ago

ធន់ រិទ្ធី ត្រៀមខ្លួនជាថ្មីលេង អំបោះឆៅ នៅស្តាតមរតកតេជោ 

ប្រដាល់
ភ្នំពេញ៖ ក្រោយឈ្នះកីឡាករថៃ សនខាវ ថ្មីថ្មោង  កីឡាករ ធន់ រិទ្ធី ត្រូវបានគេផ្គូរផ្គង់ នឹងត្រៀមខ្លួនលេង កម្មវិធីថ្មីមួយទៀត គឺ វើលស៍ហ្វៃ  ដែលធ្វើឡើងនៅស្តាតមរតកតេជោ  ក្នុងពេលខាងមុខដ៏ខ្លី ។ ធន់ រិទ្ធី ត្រូវបានគេយកទៅផ្គូរផ្គង់ ម្តងហើយម្តងទៀត ជាកីឡាករថៃ ជាច្រើនរូប ក្រោយគេធ្វើឲ្យ តារាប្រដាល់ជើងចាស់ដៃ សនខាវសន្លប់ នៅទឹកទី​១  ដែលជាការប្រកួតនៅស្ថានីយ៍ទូរទស្សន៍ជាតិកម្ពុជា កាលពីថ្ងៃទី ២ ខែមិថុនា ឆ្នាំ២០២២ ។  បើតាមប្រភពច្បាស់ការមួយសុំមិនបញ្ចេញឈ្មោះ បានប្រាប់ក្រុមការងារ  Lee News ឲ្យដឹងថា មកដល់ពេលនេះ  ធន់ រិទ្ធី ត្រូវបានត្រៀមខ្លួនលេងអំបោះឆៅមួយប្រកួតទៀត សម្រាប់កម្មវិធី វើល៍ហ្វៃ  ដោយត្រៀមជួបកីឡាករថៃជួរមុខម្នាក់  ។ ប៉ុន្តែប្រភពដដែលនេះ មិនទាន់បាន បង្ហើប ពីកីឡាករ ថៃ រូបណា​ឲ្យប្រាកដនោះទេ ។  អ្នកលេងកណ្តាប់ដៃ បេតុ ធន់ រិទ្ធី  មកដល់ពេលនេះ រូបគេក៏មានបញ្ហារបួសបន្តិចបន្តួចផងដែរ  ក្រោយការប្រកួតចប់ កាលពីថ្ងៃទី២ ខែមិថុនា ដោយមានបញ្ហារបួសម្រាមដៃ ៕ ...
ប្រដាល់

ឃួន ឡាំកូស៊ីន ឬ ធន់ អៀងឡេង ដែលត្រូវលើកខ្សែក្រវ៉ាត់ TVK Fighter !

7 months ago
7 months ago

ឃួន ឡាំកូស៊ីន ឬ ធន់ អៀងឡេង ដែលត្រូវលើកខ្សែក្រវ៉ាត់ TVK Fighter !

ប្រដាល់
ភ្នំពេញ៖ សល់បេក្ខភាពចុងក្រោយពីរនាក់តែប៉ុណ្ណោះ ដែលត្រូវដណ្តើមខ្សែក្រវ៉ាត់នៅ TVK Fighter  នោះគឺការប្រកួត​ផ្តាច់ព្រ័ត្ររវាង ឃួន ឡាំកូស៊ីន និងធន់ អៀងឡេង  ដោយម្នាក់ៗបានត្រៀមបុកហាត់យ៉ាងពេញទំហឹង នឹងរំពឹងថា ក្លាយជាម្ចាស់ជើងឯក ។ នៅសល់រយៈពេល ១០ថ្ងៃទៀត ប៉ុណ្ណោះ ការប្រកួតផ្តាច់ព្រ័ត្រ ដណ្តើមខ្សែក្រវ៉ាត់​រជ្ជកាលដំបូង​របស់ស្ថានីយ៍ទូរទស្សន៍ជាតិ នឹងត្រូវបិទបញ្ចប់   មកដល់ពេលនេះ មានការលើកឡើងជុំវិញ ការប្រកួតនៅថ្ងៃទី ១៦ ខែមិថុនា រវាងកីឡាករទាំងពីរខាងលើ ។ មកដល់ពេលនេះ មានការលើកឡើង រវាង ធន់ អៀងឡេង និង ឃួន ឡាំកូស៊ីន   ដោយពួកគេបានសង្ឈឹមយ៉ាង មុតមាំ ថា អាយដលរបស់គេនឹងគ្រងខ្សែក្រវ៉ាត់ ។  ងាកទៅកាន់បណ្តាញសង្គមវិញ ពួកគេបានលើកឡើងថា ភាគរយខ្ពស់បំផុត នៅទីនេះ គឺឃួន ឡាំកូស៊ីន ជាអ្នកគ្រងខ្សែក្រវ៉ាត់ ។​ ទោះជាយ៉ាងនេះក្តី មានការបន្ទរនៅលើបណ្តាញសង្គមហ្វេសប៊ុកថា  កម្រិតខាំ កូនខ្លា ដែលល្អជើង កម្ពស់បាន កាយសម្បទាល្អ ក៏ត្រូវ ធន់ អៀងឡេង យកឈ្នះទៅហើយ  ចុះទម្រាំការជួបជាមួយ ឃួន ឡាំកូស៊ីន វាកាន់តែតានតឹង ហើយក៏មិនអាចមើលស្រាលទៅលើ កូនសិស្សលោកគ្រូ ធន់ សុភា បាននោះទេ ។  ប្រធានចាប់គូប្រដាល់ កម្មវិធី TVK Fighter របស់ ទទក លោក ម៉ុល នី វិញ បានលើកឡើងថា  «ទោះក្នុងវគ្គជម្រុះ ធន់ អៀងឡេង បានចាញ់ ឃួន ឡាំកូស៊ីនក្តី ប៉ុន្តែមកដល់ចំណុចនេះ លោកខ្លួនឯង ក៏ពិបាកថានោះទេ  សំខាន់អ្នកខ្លាំង មានសមត្ថភាពពិត លើកខ្សែក្រវ៉ាត់នេះទៅចុះ យកទៅចុះ» ។ គួរបញ្ជាក់ផងដែរថា  ម្ចាស់ជើងឯកគ្រងខ្សែក្រវ៉ាត់នេះ ទទួលបាន ខ្សែក្រវ៉ាត់ ១  អមដោយថវិកា ៥ពាន់ដុល្លារអាម៉េរិក និងលេខ ២ ទទួលបានថវិកា ២ពាន់ដុល្លារ​អាម៉េរិក ៕ ...
ប្រដាល់

មានការសាទរពីអ្នកគាំទ្រ ខណៈដែល ធន់ រិទ្ធី បានធ្វើឲ្យ សន ខាវ សន្លប់ធំ

7 months ago
7 months ago

មានការសាទរពីអ្នកគាំទ្រ ខណៈដែល ធន់ រិទ្ធី បានធ្វើឲ្យ សន ខាវ សន្លប់ធំ

ប្រដាល់
ភ្នំពេញ៖ ចាត់ទុកជារឿងភ្ញាក់ផ្អើលបំផុត នៅពេលដែល កីឡាស៊នខាវ របស់ថៃ បានសន្លប់ធំ ក្រោមកណ្តាប់ដៃ កីឡាករ ធន់ រិទ្ធី ដោយប្រើរយៈពេលប្រកួត មិនដល់ ៣នាទីផងនោះ ។ ក្នុងការប្រកួត នៅរាត្រីយប់មិញ នាសង្វៀន នាសង្វៀន TVK Fighter  ដែលមានការប្រកួតលក្ខណៈអំបោះឆៅ រហូតដល់ ៤គូ ដោយគូដែលប្រិយមិត្តអ្នកសេ្នហាគុនខ្មែរ ចាប់អារម្មណ៍ជាងគេ គឹគូឯក ដែលជាការប្រកួតរវាង កីឡាករ ធន់ រិទ្ធី ជាមួយ អ្នកលេងចិត្តសឿង សនខាវ  ។ មុនការប្រកួត រវាងអ្នកទាំងពីរ មានការព្យាករណ៍ថា ធន់ រិទ្ធី នឹងសន្លប់ធំ ក្រោមកណ្តាប់ដៃ របស់ កីឡាករថៃ ដែលមានប្រវត្តិប្រកួតដ៏អស្ចារ្យ ដោយបំបាក់កីឡាករ ជាច្រើនរបស់ខ្មែរ ក្នុងនោះ រាប់បញ្ចូលទាំងកីឡាករ កែវ រំចង់ ព្រំ សំណាង និងកីឡាករ​ជួរមុខជាច្រើនទៀត ធ្លាប់ ដេកដួលក្រោម ថ្វីដៃ កីឡាករថៃ រូបនេះ ។  មុនការប្រកួតនាល្ងាចថ្ងៃទី២ នៅសង្វៀន TVK Fighter កីឡាករ ធន់ រិទ្ធី បានប្តេជ្ញាចិត្ត យ៉ាងមុតមាំ ថា នឹងធ្វើឲ្យបានល្អបំផុត សម្រាប់ការប្រកួតនេះ  ។ ដូចការតាំងចិត្ត របស់ ធន់ រិទ្ធី​គាត់ធ្វើបានសម្រេច សម្រាប់ អ្នកស្នេហា​គុនខ្មែរ ដោយធ្វើឲ្យកីឡាករ ថៃ សនខាវ ដេកដួល រកផ្លូវ ទៅផ្ទះសឹងមិនឃើញ  ដោយប្រើរយៈពេលត្រឹមតែ ២នាទីប៉ុណ្ណោះ ។ ក្រោយសន្លប់ធំ សនខាវ បានប្រាប់មកកាន់ការងារ Lee News ឲ្យដឹងថា  មុនសន្លប់រូបគេមិនដឹងថា មានអ្វីកើត ឡើង ដោយមិនដឹងថា មានអ្វីចូលផ្ទៃមុខនោះទេ ។ ប្រូម៉ូតទ័រ ដែលនាំកីឡាករ សនខាវ មកចូលរួមការប្រកួតនេះ បានប្រាប់ថា រវាងធន់ រិទ្ធី និង សន ខាវ អាចជួបគ្នាម្តងទៀត នៅពេលដែល របួសកីឡាករ ថៃ រូបនេះ ជាសះស្បើយ ៕...
ប្រដាល់

ក្នុងនាមអ្នកស្រលាញ់គុនខ្មែរដូចគ្នាកូស៊ីនផ្ញើសារទៅវាសនាត្រូវពង្រឹងជើងបន្ថែម

9 months ago
9 months ago

ក្នុងនាមអ្នកស្រលាញ់គុនខ្មែរដូចគ្នាកូស៊ីនផ្ញើសារទៅវាសនាត្រូវពង្រឹងជើងបន្ថែម

ប្រដាល់
ឃួនឡាំកូស៊ីនបានផ្ដួលសាន្តវាសនាឲ្យចុះចាញ់នៅទឹកទី១ដោយការទាត់ជើងក្រោមក្នុងការប្រកួតសន្សំពិន្ទុដណ្ដើមខ្សែក្រវាត់TVKFighterកាលល្ងាចម្សិលមិញនេះនៅសង្វៀនទូរទស្សន៍ទទក។ក្រោយការផ្ដួលនោះកូស៊ីនបានផ្ញើសារទៅកាន់វាសនាថាគួរតែពង្រឹងជើងឲ្យបាន៥០ភាគរយបន្ថែមទៀត។ អ្នកប្រដាល់មកពីខេត្តបន្ទាយមានជ័យធ្វើបានយ៉ាងល្អដោយទាត់ជើងក្រោមរបស់សាន្តវាសនារហូតអាជ្ញាកណ្ដាលសម្រេចបញ្ឈប់ការប្រកួតត្រឹមទឹកទី១។ក្រោយការទាត់ជើងក្រោមយ៉ាងល្អសិស្សក្លឹបសៅយ៉ាន់នាគាខាងលើបាននិយាយថា«វាសនាគាត់នៅស្ទើរជើងក្រោមបងស្ទើរច្រើន។ក្បាច់លើគាត់ល្អមានកែងដៃអីតែគាត់នៅស្ទើរជើងក្រោម។ក្នុងនាមអ្នកប្រដាល់លើកស្ទួយគុនខ្មែរដូចគ្នាខ្ញុំចង់ឲ្យគេប្រឹងហាត់រត់ឲ្យបានច្រើនជាងនេះដើម្បីឲ្យជើងរឹងមាំល្អ។...និយាយទៅត្រូវពង្រឹងជើង៥០%បន្ថែមទៀតទើបល្អ»។ ទាក់ទងជើងនៅស្ទើរនេះវាសនាក៏យល់បែបនេះដែរដោយគេនឹងសិក្សាបន្ថែម។គេបានលើកឡើងថាបច្ចុប្បន្នគេក៏បានប្រឹងរត់ដូចអ្វីដែលកូស៊ីនបាននិយាយដែរគឺរត់មួយថ្ងៃចូលល្បាក់ក្បែរ១០គីឡូម៉ែត្រអីដែរ។ រំលឹកថាការប្រកួតដណ្ដើមខ្សែក្រវាត់នេះកូស៊ីនស្ថិតនៅលេខ១ក្នុងពូលដែលត្រូវប៉ះធន់អៀងឡេងនៅវគ្គពាក់កណ្ដាលផ្ដាច់ព្រ័ត្រ៕...