បាល់ទាត់

United មានឱកាសទាត់សំដៅទី Omonia ៣៤ជើង ចុងក្រោយចូលតែមួយគ្រាប់គត់

Manchester United បានយកឈ្នះក្រុម Omonia Nicosia ដោយលទ្ធផល ១-០ ក្នុងពានរង្វាន់ Europa League សម្រាប់ការប្រកួតទី៤វគ្គសន្សំពិន្ទុក្នុងពូល E។ការប្រកួតនេះក្រុមបិសាចក្រហមបានលេងគ្របលើ Omonia Nicosia ជាខ្លាំង ដោយគ្រប់គ្រងបាល់សរុបដល់ទៅ៧៨% និងមានឱកាសទាត់ដល់ទៅ៣៤ជើងឯណោះ។ យ៉ាងណាមិញ United រកបានតែមួយគ្រាប់គត់ពីជាទាត់បញ្ចូលទីរបស់កីឡាករបម្រុង McTominay នៅម៉ោងបន្ថែម៩០+៣។ជ័យជម្នះនេះមានន័យថា United នៅតែគម្លាត៣ពិន្ទុក្រោមក្រុមកំពូលតារាង Real Sociedad ដែលបានយកឈ្នះ Sheriff Tiraspol ៣-០។ Sociedad ធ្វើបានល្អមែនទែន ពោល៤ប្រកួតក្នុងពូលពួកគេឈ្នះទាំងអស់មាន១២ពិន្ទុពេញ។ ក្នុងការប្រកួតខាងលើ អ្នកចាំទីរបស់ក្រុម Omonia Nicosia កីឡាករ Francis Uzoho បានបង្ហាញទម្រង់លេងគួរឲ្យចាប់អារម្មណ៍ខ្លាំង។ ក្នុងចំណោមការទាត់ចំទី១២ដងរបស់ Man Utd គេបានជួយសង្គ្រោះបាន១១ដងទៅហើយរបូតតែមួយគ្រាប់គត់ដែលជាការទាត់របស់ McTominay។ ...

បាល់ទាត់

ចូលរួមទស្សនាបាល់ទាត់លីគកំពូលកម្ពុជាផ្ទាល់នៅកីឡដ្ឋាន មានឱកាសឈ្នះរង្វាន់ម៉ូតូពីក្រុមហ៊ុនម៉ូតូ Suzuki Cambodia

3 months ago

បាល់ទាត់

ពានរង្វាន់ជម្រើសជើងឯកខេមបូឌានព្រីមៀរលីគ Cambodian Premier League ឆ្នាំ២០២២ សប្តាហ៍ទី២០ គ្រោងនឹងចាប់ផ្តើមនៅថ្ងៃសៅរ៍ ទី១៥ ខែតុលា ខាងមុខនេះ។ ចំពោះអ្នកគាំទ្រដែលចូលរួមទស្សនាផ្ទាល់នៅកីឡដ្ឋាន អាចនឹងមានឱកាសឈ្នះម៉ូតូដ៏ស្រស់ស្អាត ពីក្រុមហ៊ុនម៉ូតូ Suzuki Cambodia នៅអំឡុងពេលសម្រាកវគ្គទី១ គ្រប់ការប្រកួតទាំង៤ដូចជាកីឡាដ្ឋាន Cambodia Airways, កំពង់ស្ពឺ, ស្តាតចាស់ និងកីឡដ្ឋានស្វាយរៀង។ សម្រាប់កម្មវិធីប្រកួតសប្តាហ៍ទី២០៖- បឹងកេត vs គិរីវង់សុខសែនជ័យ នៅកីឡដ្ឋាន Cambodia Airway វេលាម៉ោង ៣:៤៥នាទីរសៀល- ព្រះខ័នរាជស្វាយរៀង vs អង្គរថាយហ្គឺរ នៅកីឡដ្ឋានស្វាយរៀង វេលាម៉ោង ៦:៣០នាទីល្ងាច- Tiffy Army vs វិសាខា នៅកីឡដ្ឋានស្តាតចាស់ វេលាម៉ោង ៦:៣០នាទីល្ងាច- ណាហ្គារើលដ៍ vs ភ្នំពេញក្រោន នៅកីឡដ្ឋានកំពង់ស្ពឺ វេលាម៉ោង ៦:៣០នាទីល្ងាច។ តារាងចំណាត់ថ្នាក់បណ្តោះអាសន្នគិតត្រឹមសប្តាហ៍ទី១៩៖ ...

បាល់ទាត់

វគ្គផ្ដាច់ព្រ័ត្រ AFC Cup 2022 សម្រេចធ្វើនៅទីក្រុងកូឡាឡាំពួរ ប្រទេសម៉ាឡេស៊ី

3 months ago

វគ្គផ្ដាច់ព្រ័ត្រ AFC Cup 2022 សម្រេចធ្វើនៅទីក្រុងកូឡាឡាំពួរ ប្រទេសម៉ាឡេស៊ី

បាល់ទាត់

វគ្គផ្ដាច់ព្រ័ត្រពានរង្វាន់បាល់ទាត់ AFC Cup 2022 ត្រូវបានសហព័ន្ធកីឡាបាល់ទាត់អាស៊ី (AFC) សម្រេចជ្រើសរើសយកទីក្រុងកូឡាឡាំពួរ ជាទីកន្លែងប្រកួត ហើយថែមទាំងត្រៀមប្រើប្រាស់វីដេអូជំនួយការអាជ្ញាកណ្ដាល (VAR) ទៀតផង។ សម្រាប់ការប្រកួតវគ្គផ្ដាច់ព្រ័ត្រនឹងធ្វើឡើងនៅថ្ងៃទី២២ខែតុលា ឆ្នាំ២០២២ លើទីលានកីឡដ្ឋាន Bukit Jalil National Stadium ដោយក្រុម Kuala Lumpur City របស់ម៉ាឡេស៊ី ប៉ះក្រុម Al-Seeb របស់អូម៉ង់។ ពានរង្វាន់AFC Cup បានធ្វើការប្រកួតជម្រុះក្នុងចំណោមក្រុម៤៤មកពី២៧សហព័ន្ធសមាជិកក្នុងទ្វីបតាំងពីថ្ងៃទី៥ខែមេសា ឆ្នាំ២០២២ មក ដោយមានក្រុមចូលរួមពី៥តំបន់ក្នុងទ្វីបរួមមាន៖-អាស៊ីខាងលិច៖ ១២ប្រទេស-អាស៊ីខាងត្បូង៖ ៧ប្រទេស-អាស៊ីកណ្ដាល៖៦ប្រទេស-អាស៊ីអាគ្នេយ៍ (អាស៊ាន)៖ ១២ប្រទេស-អាស៊ីខាងកើត៖ ១០ប្រទេស ក្រុមAl-Kuwait របស់គុយវ៉ែត និងក្រុម Al-Quwa Al-Jawiyaរបស់អ៊ីរ៉ាក់ ជាអ្នកឈ្នះពានរង្វាន់ AFC Cup បានច្រើនជាងគេ គិតចាប់តាំងពីពានរង្វាន់បង្កើតឡើងដំបូងពីឆ្នាំ២០០៤ មក។ ចំណែកក្រុម Johor Darul Ta’zim របស់ម៉ាឡេស៊ី ជាក្រុមតំណាងតំបន់អាស៊ាន តែគត់ដែលធ្លាប់ឈ្នះជើងឯកពានរង្វាន់នេះគឺនៅឆ្នាំ២០១៥។ សម្រាប់ឆ្នាំ២០២២ នេះក្រុមឈ្នះជើងឯកនឹងទទួលបានថវិកាចំនួន១លាន៥សែនដុល្លារអាមេរិក ហើយក្រុមជើងឯករងទទួលបាន៧៥ម៉ឺនដុល្លារអាមេរិក ខណៈក្រុមជើងឯកតាមតំបន់ (Zone) នីមួយៗទទួលបានទឹកប្រាក់ ១០ម៉ឺនដុល្លារអាមេរិក៕ ...

បាល់ទាត់

លីគកំពូលវៀតណាម V. League 1 ត្រៀមប្រើប្រាស់ VAR នៅឆ្នាំ ២០២៣ ខាងមុខ

3 months ago

លីគកំពូលវៀតណាម V. League 1 ត្រៀមប្រើប្រាស់ VAR នៅឆ្នាំ ២០២៣ ខាងមុខ

បាល់ទាត់

លីគកំពូលវៀតណាម V. League 1 គ្រោងនឹងប្រើប្រាស់ Video Assistant Referee (VAR) សម្រាប់រដូវកាលឆ្នាំ ២០២៣ ខាងមុខនេះ។ របាយការណ៍បានបង្ហាញថា សហព័ន្ធកីឡាបាល់ទាត់វៀតណាម (VFF) បាននឹងកំពុងពិភាក្សាជាមួយក្រុមហ៊ុនភាគហ៊ុនកីឡាបាល់ទាត់អាជីពវៀតណាម (VPF) ក្នុងរយៈពេលប៉ុន្មានថ្ងៃកន្លងមកនេះ ទាក់ទងនឹងលទ្ធភាពនៃការអនុវត្តឡើងវិញនូវបច្ចេកវិទ្យាវីដេអូជំនួយការអាជ្ញាកណ្ដាល VAR នៅក្នុងលីគកំពូលរបស់ប្រទេសវៀតណាម។ កាលពីមុន បច្ចេកវិទ្យានេះត្រូវបានប្រើប្រាស់ក្នុងឆ្នាំ ២០១៩ ប៉ុន្តែលីគត្រូវផ្អាកទៅវិញដោយសារតែបញ្ហាបច្ចេកទេស។ ក្នុងជំនួបនោះ អគ្គលេខាធិការ VFF លោក Le Hoai Anh បាននិយាយថា VAR អាចប្រើបានលុះត្រាតែ V. League បំពេញតម្រូវការទាក់ទងនឹងធនធាន មិនថាមានអាជ្ញាកណ្តាលដែលបានទទួលការបណ្តុះបណ្តាលគ្រប់គ្រាន់ ឬហេដ្ឋារចនាសម្ព័ន្ធកីឡដ្ឋាន។ មកដល់ពេលនេះលោក Bui Thi Thu Trang គឺជាអាជ្ញាកណ្តាល FIFA Elite តែមួយគត់របស់ប្រទេស ដែលមានន័យថាមន្ត្រីផ្សេងទៀតត្រូវតែទទួលបានការបណ្តុះបណ្តាល និងការគាំទ្របន្ថែម ដើម្បីយល់ពីការប្រើប្រាស់ VAR។ លើសពីនេះ លោក Le Hoai Anh បានចែករំលែកថា គម្រោង VAR សហការជាមួយ FIFA នឹងមានរយៈពេល ១៣ ខែ។ កាលវិភាគដែលលឿនបំផុតសម្រាប់វាត្រូវប្រើគឺដល់ដំណាច់ឆ្នាំ ២០២៣ ។ ការចំណាយដែលរំពឹងទុកដើម្បីដំណើរការប្រព័ន្ធ VAR ពេញលេញនៅក្នុង V. League 1 ត្រូវបានគេប៉ាន់ស្មានថាមានចំនួន ៧០ ពាន់លានដុង ឬប្រហែល ៣ លានអឺរ៉ូ។ វៀតណាមនឹងក្លាយជាលីគអាស៊ីអាគ្នេយ៍ទីពីរ បន្ទាប់ពី Thai League 1 របស់ថៃ ដើម្បីប្រើប្រាស់ VAR ក្នុងលីគបាល់ទាត់កំពូលរបស់ប្រទេសនេះ ប្រសិនបើគម្រោងនេះដំណើរការដូចការគ្រោងទុក៕...

បាល់ទាត់

អាហ្សង់ទីនបារម្ភ Di Maria មិនអាចទៅលេងនៅ World Cup

3 months ago

អាហ្សង់ទីនបារម្ភ Di Maria មិនអាចទៅលេងនៅ World Cup

បាល់ទាត់

ក្រុមជម្រើសជាតិអាហ្សង់ទីនកំពុងបារម្ភមុនព្រឹត្តិការណ៍ World Cup មកដល់ ដោយសារតែខ្សែបម្រើប្រយុទ្ធ Angel Dimaria មានបញ្ហារបួសសរសៃពួរ។ កីឡាករវ័យ៣៤ឆ្នាំបានបង្ខំចិត្តប្ដូរចេញពីទីលាន ពេលដែល Juventus ប្រកួតចាញ់ Maccabi Haifa ២-០ ក្នុងក្របខណ្ឌ Champions League។ ត្បិតតែមានវ័យជ្រេបន្តតែ Di Maria នៅតែបង្ហាញទម្រង់លេងល្អដដែល ដោយ Assist បាន៣គ្រាប់ក្នុងការលេង៤ប្រកួតនៅ UCL រដូវកាលនេះ។គេក៏ជាកីឡាករនាំលេងដ៏សំខាន់សម្រាប់ក្រុមជម្រើសជាតិអាហ្សង់ទីន ហើយក៏ជាអ្នករកគ្រាប់បាល់ជ័យជម្នះក្នុងពាន Copa America កាលពីឆ្នាំមុនវគ្គផ្ដាច់ព្រ័ត្រលើក្រុមប្រេស៊ីលផងដែរ។ ប៉ុន្តែរបួសសរសៃពួរមានន័យថា Di Maria អាចនឹងខកខានទៅលេង World Cup ប្រសិនបើមិនជាទាន់ពេល។ប្រភពពី The Sun បញ្ជាក់ថា អតីតកីឡាកររបស់ PSG ខាងលើត្រូវសម្រាកច្រើនសប្ដាហ៍។ នេះជាបញ្ហាថ្មីមួយទៀតសម្រាប់អាហ្សង់ទីន បន្ទាប់ពីកីឡាករល្អ Paulo Dybala បានរងរបួសដូចគ្នា អំឡុងពេល Roma ប្រកួតជាមួយ Lecce៕ ...

បាល់ទាត់

Mohamed Salah ធ្វើបានកំណត់ត្រាពិសេសមួយនៅ UCL

3 months ago

Mohamed Salah ធ្វើបានកំណត់ត្រាពិសេសមួយនៅ UCL

បាល់ទាត់

ខ្សែបម្រើប្រយុទ្ធ Mohamed Salah សាងបានកំណត់ត្រាជាកីឡាករទាត់បញ្ចូលទី Hat-Trick លឿនជាងគេបំផុតក្នុងប្រវត្តិសាស្ត្រ UCL ក្រោយជួយ Liverpool ឈ្នះ Ranger ៧-១។ក្នុងការប្រកួតលេងបាន១៧នាទី ខ្សែបម្រើប្រយុទ្ធ Scott Arfield រកបានគ្រាប់នាំមុខឲ្យ Ranger ប៉ុន្តែនាទីបន្តបន្ទាប់ត្រូវបានហង្សក្រហមវាយបកវិញដល់ទៅ៧គ្រាប់។ ខ្សែប្រយុទ្ធ Roberto Firmino ធ្វើបាន២គ្រាប់ម្នាក់ឯងជាប់គ្នា ខណៈ Darwin Nunez ជាអ្នកសម្រេចបានគ្រាប់ទី៣។Salah ដែលប្ដូរចូលជំនួស Nunez នៅវគ្គទីពីររកបានគ្រាប់បាល់៣គ្រាប់ផ្ទួនៗត្រឹមតែ៦នាទីប៉ុណ្ណោះ ធ្វើឲ្យគេក្លាយជាកីឡាករទាត់បញ្ចូលទី Hat-Trick លឿនជាងគេបំផុតក្នុងប្រវត្តិសាស្ត្រ UCL។ គ្រាប់ចុងក្រោយរបស់ក្រុមលោក Klopp ធ្វើបានដោយកីឡាករ Elliott។ជ័យជម្នះនេះ Liverpool ឈរនៅលេខ២ក្នុងតារាងពិន្ទុពូល A គម្លាតក្រោមក្រុមកំពូលតារាង Napoli ៣ពិន្ទុ។ Ajax ស្ថិតនៅលេខ៣ ខណៈ Ranger នៅបាតតារាងគ្មានពិន្ទុរាប៕ ...

បាល់ទាត់

Barca ប្រឈមធ្លាក់ទៅ Europa League ក្រោយលេងស្មើគ្នាជាមួយ Inter

3 months ago

Barca ប្រឈមធ្លាក់ទៅ Europa League ក្រោយលេងស្មើគ្នាជាមួយ Inter

បាល់ទាត់

Barcelona កំពុងប្រឈមធ្លាក់ទៅកាន់ពានរង្វាន់ Europa League ក្រោយប្រកួតស្មើគ្នា ៣-៣ ជាមួយ Inter Milan ក្នុងក្របខណ្ឌ Champions League កាលពីយប់មិញ។ក្នុងការប្រកួតទី៤នៃវគ្គសន្សំពិន្ទុក្នុងពូល C រវាង Barca និង Inter កើតមានគ្រាប់បាល់ដល់ទៅ៦គ្រាប់ឯណោះ។ ក្រុមម្ចាស់ផ្ទះ Barca ជាអ្នករកបានគ្រាប់នាំមុខសម្រេចទីដោយខ្សែបម្រើប្រយុទ្ធ Dembele មុនពេល Barella និង Martinez ទាត់បញ្ចូលទីម្នាក់មួយគ្រាប់ជួយ Inter នាំមុខវិញម្ដង ២-១។ខ្សែប្រយុទ្ធ Robert Lewandowski បានព្យាយាមរកបានគ្រាប់តាមស្មើ មុនពេល Inter នាំមុខ ៣-២ ជាថ្មីរកគ្រាប់បាល់ដោយកីឡាករ Gosens។ ការប្រកួតឈានដល់នាទី៩០+២ ទៅហើយ Lewandowski ធ្វើបានគ្រាប់ទីពីររបស់ខ្លួនក្នុងការប្រកួតនេះជួយក្រុមលោក Xavi តាមស្មើ ៣-៣។យ៉ាងណា លទ្ធផលស្មើបែបនេះបានជះផលអាក្រក់មែនទែនដល់ Barcelona។ មានន័យថា ប្រសិនបើប្រកួតទី៥ Inter ប្រកួតឈ្នះក្រុម Viktoria Plzen ដែលនៅពូល C ជាមួយគ្នា នោះ Barca នឹងធ្លាក់ទៅលេងនៅពានរង្វាន់ Europa League តែម្ដង៕ ...

បាល់ទាត់

បឹងកេត ប៉ះ វិសាខា នៅវគ្គផ្តាច់ព្រ័ត្រ Hun Sen Cup ថ្នាក់ជាតិឆ្នាំ ២០២២

3 months ago

បឹងកេត ប៉ះ វិសាខា នៅវគ្គផ្តាច់ព្រ័ត្រ Hun Sen Cup ថ្នាក់ជាតិឆ្នាំ ២០២២

បាល់ទាត់

ក្លិបបាល់ទាត់វិសាខា ឡើងទៅកាន់វគ្គផ្តាច់ព្រ័ត្រពានរង្វាន់ សម្ដេចអគ្គមហាសេនាបតីតេជោ ហ៊ុន សែន ថ្នាក់ជាតិ ឆ្នាំ២០២២ ក្រោយយកឈ្នះភ្នំពេញក្រោន ២-១ នៅជំនួបជើងទី២ នៅកីឡដ្ឋានព្រីសន៍ កាលពីយប់ថ្ងៃទី១២ ខែតុលា (សរុបទាំង២ជើង វិសាខា ឈ្នះ ភ្នំពេញក្រោន ៤-២)។ ចាប់តាំងពីពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ជាតិ ត្រូវបានបង្កើតឡើងក្នុងឆ្នាំ ២០០៧ មក ហើយមានតែភ្នំពេញក្រោនប៉ុណ្ណោះ ដែលបានឡើងដល់វគ្គផ្ដាច់ព្រ័ត្រ៣ឆ្នាំជាប់ៗគ្នា ២០០៨, ២០០៩ និង ២០១០។ ខណ:ពេលនេះវិសាខាធ្វើបានដូចគ្នា ២០២០, ២០២១ និង ២០២២។ ចំណែកឯបឹងកេត ក៏បានឈានដល់វគ្គផ្តាច់ព្រ័ត្រដូចគ្នា ក្រោយយកឈ្នះអគ្គិសនីកម្ពុជា ២-០ នៅជំនួបជើងទី២ នៅកីឡដ្ឋានអគ្គិសនីកម្ពុជា។ សរុបទាំង២ជើង បឹងកេត ឈ្នះ អគ្គិសនីកម្ពុជា ៥-០។ ដូច្នេះក្លិបបាល់ទាត់បឹងកេត នឹងត្រូវជួប វិសាខា ក្នុងជំនួបវគ្គផ្ដាច់ព្រ័ត្រ នៅថ្ងៃអាទិត្យ ទី៦ ខែវិច្ឆិកា ឆ្នាំ២០២២ ខណ:ទីលានមិនទាន់កំណត់នោះទេ រង់ចាំគណៈកម្មការប្រកួតបាល់ទាត់ជាតិកម្ពុជា CNCC ជាអ្នកសម្រេច៕ ...

បាល់ទាត់

លោក Felix Dalmas អតីតគ្រូជម្រើសជាតិកម្ពុជា ទទួលសញ្ញាបត្រអនុបណ្ឌិតផ្នែកគ្រប់គ្រងកីឡាពីវិទ្យា ស្ថាន Johan Cruyff

3 months ago

បាល់ទាត់

អតីតគ្រូបង្គោលក្រុមជម្រើសជាតិកម្ពុជា លោក Felix Dalmas ជនជាតិអាហ្សង់ទីន បានបញ្ជាក់លើគណនីហ្វេសប៊ុករបស់លោក នៅព្រឹកថ្ងៃពុធ ទី១២ ខែតុលា ឆ្នាំ២០២២ ថាលោកទទួលសញ្ញាបត្រអនុបណ្ឌិតផ្នែកគ្រប់គ្រងកីឡាពីវិទ្យាស្ថាន Johan Cruyff នៅទីក្រុង Barcelona នៃប្រទេសអេស្ប៉ាញ។ ក្រោយទទួលបានសញ្ញាប័ត្រ បុរសវ័យ៣៤ឆ្នាំរូបនេះបានលើកឡើងថា៖«សូមធ្វើការរួមគ្នា ឆ្ពោះទៅមុខ ក្នុងពិភពកីឡា។ បន្តរីកប្រឹងប្រែងនិងរីកចម្រើនទាំងអស់គ្នា»។ គួរដឹងថាលោកគ្រូ Felix Dalmas ធ្លាប់ដឹកនាំក្រុមជម្រើសជាតិកម្ពុជាចាប់តាំងពីឆ្នាំ២០១៨ ហើយអ្វីដែលអ្នកគាំទ្រកម្ពុជាចងចាំមិនភ្លេចនោះគឺ លោកបានឈរដឹកនាំកូនក្រុមទាំងមានបញ្ហារបួសជើងមិនទាន់វះកាត់ និងជួយក្រុមកម្ពុជាបំបែកប្រវត្តិសាស្រ្តឡើងទៅវគ្គពាក់កណ្តាលផ្តាច់ព្រ័ត្រក្នុងព្រឹត្តិការណ៍ Sea Games ២០១៩ នៅប្រទេសហ្វីលីពីន។ ប៉ុន្តែកិច្ចសន្យារបស់លោក Felix Dalmas បានផុតកាលពីខែសីហា ឆ្នាំ២០២០ ហើយក្រោយមកសហព័ន្ធកីឡាបាល់ទាត់កម្ពុជា បានតែងតាំងលោក Ryu Hiros គ្រូបង្វឹកជនជាតិជប៉ុន ជំនួសវិញសម្រាប់ដឹកនាំក្រុមជម្រើសជាតិកម្ពុជា។ ក្រោយចាកចេញពីដឹកនាំក្រុមជម្រើសជាតិកម្ពុជា លោក Felix Dalmas មិនទាន់មានចូលរួមដឹកនាំក្រុមណាមួយផ្សេងឡើយ អាចថាលោកសំងំសិក្សា រហូតចេញលទ្ធផលជាផ្លែផ្កា នៅពេលនេះតែម្តង។ គេនៅចាំថាលោក Felix G. Dalmas ធ្លាប់បានឆ្លើយតបទៅកាន់អ្នកសារព័ត៌មាននិងអ្នកគាំទ្រមួយចំនួន ដោយគ្រាមួយលោក មិនបានការកោះហៅកីឡាករឆ្នើមៗមួយចំនួនចូលក្នុងក្រុមជម្រើសជាតិកម្ពុជា មុនការប្រកួតអន្តរជាតិមកដល់ ដោយលោកនិយាយពាក្យមួយមាត់ថា៖«ទង់ជាតិរបស់អ្នក មានតម្លៃខ្ពស់ជាង Idol របស់អ្នក»។ ដោយឡែកវិទ្យាស្ថាន Johan Cruyff ដែលមានមូលដ្ឋាននៅទីក្រុង Barcelona ប្រទេសអេស៉្បាញ គឺជាស្ថាប័នអប់រំមួយដែលបង្កើតឡើងដោយកីឡាករបាល់ទាត់សញ្ជាតិហូឡង់ Johan Cruyff ក្នុងគោលបំណងអប់រំអត្តពលិក កីឡា និងអ្នកជំនាញអាជីវកម្មក្នុងវិស័យគ្រប់គ្រងកីឡា៕ ...

បាល់ទាត់

Celtic គឺជាក្រុមទីមួយបានធ្លាក់ចេញពី Champions League

3 months ago

Celtic គឺជាក្រុមទីមួយបានធ្លាក់ចេញពី Champions League

បាល់ទាត់

ក្ដីសង្ឃឹមរបស់ក្រុម Celtic ក្នុងពានរង្វាន់ Champions League ត្រូវបានបញ្ចប់ បន្ទាប់ពីពួកគេប្រកួតចាញ់ RB Leipzig ២-០ កាលពីយប់មិញ។២គ្រាប់ជ័យជម្នះរបស់ RB Leipzig ធ្វើបានដោយខ្សែប្រយុទ្ធ Timo Werner និងកីឡាករបម្រុង Emil Forsberg។ បរាជ័យនេះបានធ្វើឲ្យ Celtic ស្ថិតនៅបាតតារាងពូល F មានតែមួយពិន្ទុគត់ ក្រោយឆ្លងកាត់៤ប្រកួតវគ្គសន្សំពិន្ទុ។យ៉ាងណាមិញ Celtic នៅសល់ឱកាសប្រជែងយកតំណែងលេខ៣ ដើម្បីមានឱកាសលេងនៅពាន Europa League។ ក្នុងពូល F បច្ចុប្បន្ន Real Madrid កំពុងឈរកំពូលតារាងមាន១០ពិន្ទុ ខណៈ RB Leipzig នៅលេខពីរមាន៦ពិន្ទុ ឯ Shakhta Donetsk នៅលេខបី។ ២ប្រកួតបន្ទាប់របស់ Celtic ត្រូវតទល់ជាមួយ Real Madrid និង Shakhta Donetsk។ក្រោយបញ្ចប់ការប្រកួតលោក Ange Postecoglou អ្នកចាត់ការរបស់ Celtic បាននិយាយថា ពិតជាខកចិត្តសម្រាប់អ្នកគាំទ្ររបស់ក្លិប និងកីឡាករដូចគ្នា។ លោកមើលឃើញថាក្រុមបានបង្ហាញការខិតខំដើម្បីឈ្នះការប្រកួត ប៉ុន្តែក្នុងកម្រិតប្រកួតបែបនេះប្រសិនបើមិនចេះចាប់យកឱកាសទេ វាពិតជាពិបាកក្នុងការបំប្លែងវាទៅជាលទ្ធផលណាស់៕ ...

បាល់ទាត់

Man City និង Real ជាពីរក្រុមដំបូងបានឡើងវគ្គ១៦ក្រុមចុងក្រោយ UCL

3 months ago

Man City និង Real ជាពីរក្រុមដំបូងបានឡើងវគ្គ១៦ក្រុមចុងក្រោយ UCL

បាល់ទាត់

ការប្រកួតក្របខណ្ឌ Champions League រកឃើញពីរក្រុមដំបូងបានឡើងទៅកាន់វគ្គ១៦ក្រុមចុងក្រោយហើយនោះគឺ Manchester City និង Real Madrid ក្រោយលេងបាន៤ប្រកួតក្នុងវគ្គសន្សំពិន្ទុ។ក្នុងការប្រកួតកាលពីយប់មិញ Real Madrid បានប្រកួតស្មើគ្នាជាមួយ Shakhtar Donetsk ១-១។ ខ្សែបម្រើ Oleksandr Zubkov ជាអ្នករកគ្រាប់នាំមុខឲ្យShakhtar នាទី៤៦ ប៉ុន្តែការប្រកួតឈានដល់នាទី៩០+៥ទៅហើយ ខ្សែការពារ Rudiger រកបានគ្រាប់តាមស្មើឲ្យ Madrid វិញ។ ទទួលបានមួយពិន្ទុបន្ថែមនេះគ្រប់គ្រាន់ឲ្យ Madrid ឡើងទៅកាន់វគ្គ១៦ក្រុមចុងក្រោយ និងបន្តឈរកំពូលតារាងពូល F។Man City ក៏បានឱកាសឡើងទៅកាន់វគ្គបន្តដូចគ្នា ក្រោយប្រកួតស្មើគ្នាជាមួយ Copehagen ០-០។ City មានឱកាសរកបានគ្រាប់ជ័យជម្នះ ប៉ុន្តែខ្សែបម្រើប្រយុទ្ធ Riyad Mahrez ទាត់ប៉េណាល់ទីមិនចូលនៅនាទីទី២៥។ ត្បិតស្មើបែបនេះក្ដី តែក្រុមលោក Pep Guardiola នៅតែបានឡើងទៅកាន់វគ្គ១៦ក្រុម បន្ទាប់ពី Sevilla មិនអាចយកឈ្នះ Borussia Dortmund សម្រាប់ការប្រកួតក្នុងពូល G៕ ...

បាល់ទាត់

ប្រទេសថៃ គ្រោងរៀបចំទទួលធ្វើជាម្ចាស់ផ្ទះពានរង្វាន់ AFC Futsal Asian Cup ឆ្នាំ 2024

3 months ago

ប្រទេសថៃ គ្រោងរៀបចំទទួលធ្វើជាម្ចាស់ផ្ទះពានរង្វាន់ AFC Futsal Asian Cup ឆ្នាំ 2024

បាល់ទាត់

បន្ទាប់ពីបញ្ចប់ព្រឹត្តិការណ៍ពានរង្វាន់បាល់ទាត់ហ្វូតសាលជើងឯកប្រចាំទ្វីបអាស៊ី 2022 AFC Futsal Asian Cup នៅប្រទេសគុយវែត ពេលនេះសមាគមបាល់ទាត់នៃប្រទេសថៃ (FAT) គ្រោងនឹងស្នើសុំទៅអាជ្ញាធរកីឡានៃប្រទេសថៃ សម្រាប់លទ្ធភាពនៃការធ្វើជាម្ចាស់ផ្ទះការប្រកួតបន្ទាប់នៃពានរង្វាន់ AFC Futsal Asian Cup នៅឆ្នាំ 2024។ លោក Adisak Benjasiriwan អនុប្រធានសមាគមកីឡាបាល់ទាត់ថៃ និងជាប្រធានក្រុម Futsal និង Beach Soccer របស់ប្រទេសថៃបានចែករំលែកថា លោកគ្រោងនឹងបន្តសំណើរក្នុងការអនុញ្ញាតឱ្យប្រទេសថៃធ្វើជាម្ចាស់ផ្ទះនៃព្រឹត្តិការណ៍ AFC Futsal Asian Cup 2024 នាពេលខាងមុខ។ ប្រទេសថៃធ្លាប់ធ្វើជាម្ចាស់ផ្ទះនៃការប្រកួតពានរង្វាន់ AFC Futsal Asian Cup ចំនួនពីរលើកក្នុងឆ្នាំ ២០០០ និង ២០០៨។ ខណ:ឆ្នាំ ២០២២ រៀបចំនៅប្រទេសគុយវែត ថៃទទួលបានចំណាត់ថ្នាក់លេខ៤ អ៊ូបេគីស្ថានលេខ៣ អ៊ីរ៉ង់លេខ២ និងម្ចាស់ជើងឯកសាំម៉ូរ៉ៃជប៉ុន។ គួរដឹងថាពានរង្វាន់ AFC Futsal Cup នេះរៀបចំឡើងតាំងពីឆ្នាំ ១៩៩៩ មកដោយដំបូងរៀបចំរាល់១ឆ្នាំម្តង តែក្រោយមកប្តូរជារៀបចំរាល់២ឆ្នាំម្តងវិញ ខណៈក្រុមអ៊ីរ៉ង់ ឈ្នះជើងឯកច្រើនជាងគេ រហូតដល់១២លើក ហើយជប៉ុនឈ្នះបាន៤លើក៕ ...

បាល់ទាត់

ក្រុមហ៊ុនយក្ស Google បើកកិច្ចពិភាក្សាជាមួយ Spurs ដើម្បីដាក់ឈ្មោះកីឡដ្ឋានថ្មី Google Stadium

3 months ago

បាល់ទាត់

ក្រុមហ៊ុនយក្ស Google បើកកិច្ចពិភាក្សាជាមួយក្លិប Tottenham Hotspur លើកិច្ចព្រមព្រៀងប្តូរឈ្មោះកីឡដ្ឋានក្រុមនៃក្របខណ្ឌ Premier League មួយនេះពី Tottenham Hotspur ទៅជា Google Stadium។ នេះបើតាមការផ្សាយរបស់កាសែត The Athletic។ Google បានបង្ហាញការចាប់អារម្មណ៍លើការដាក់ឈ្មោះ ក្រុមហ៊ុនខ្លួននៅកីឡដ្ឋានរបស់ Spurs ដែលមានមូលដ្ឋានក្នុងក្រុងឡុងដ៏ ក្នុងកិច្ចសន្យាតម្លៃប្រមាណ១ពាន់លានដុល្លារអាម៉េរិក។ បើទោះភាគីទាំងពីរ Google និងក្លិបមាន់ខ្នាយមាស ស្ថិតនៅតំណាក់កាលចរចាគ្នានៅឡើយក្តី ប៉ុន្តែ ត្រូវបានគេជឿជាក់ថា ម៉ាកយីហោរបស់ក្រុមហ៊ុនយក្សមួយនេះ នឹងត្រូវបង្ហាញលើផ្ទាំងឈ្មោះក្នុងកីឡដ្ឋានជាថ្មីថា Google Stadium។ កីឡដ្ឋាន Tottenham Hotspur ត្រូវបានជួសជុលសារជាថ្មីអំឡុងឆ្នាំ២០១៩ កាលនៅមានឈ្មោះថា White Hart Lane។ លោក Daniel Levy ប្រធានក្លិប Spurs លើកឡើងជុំវិញព័ត៌មានខាងលើថា បើក្រុមហ៊ុន Google ចង់ដាក់ឈ្មោះនៅកីឡដ្ឋានខ្លួន មិនលំបាកនោះទេ ដ្បិតពួកគេមានប្រាក់ច្រើន ស្របពេល Spurs បានបង្ហាញខ្លួននៅ Champions League ផង។ ការឧបត្ថម្ភនៅក្នុងវិស័យកីឡាមិនមែនជារឿងថ្មីសម្រាប់ Google ទេ។ ក្រុមហ៊ុនយក្សលើបណ្តាញអ៊ីនធឺណិតមួយនេះ មានការឧបត្ថម្ភស្រាប់នៅក្នុងក្របខណ្ឌបាល់បោះអាម៉េរិក NBA និង បេស្បល MLB ហើយកាលពីដើមឆ្នាំ២០២២នេះ ក៏បានចុះកិច្ចព្រមព្រៀងជាមួយក្រុមប្រណាំង McLaren នៃក្របខណ្ឌ Formula 1 ទៀតផង៕ ...

បាល់ទាត់

កីឡាករចំនួន៣រូបកំពុងប្រជែងតំណែង Top Scorers ពាន សម្តេចវគ្គ៤ក្រុមចុងក្រោយ

3 months ago

កីឡាករចំនួន៣រូបកំពុងប្រជែងតំណែង Top Scorers ពាន សម្តេចវគ្គ៤ក្រុមចុងក្រោយ

បាល់ទាត់

បាល់ទាត់

នុះ! Dybala អាចនឹងមិនបានហោះទៅជាមួយអាហ្សង់ទីនលេងពាន World Cup

3 months ago

នុះ! Dybala អាចនឹងមិនបានហោះទៅជាមួយអាហ្សង់ទីនលេងពាន World Cup

បាល់ទាត់

ខ្សែបម្រើប្រយុទ្ធ Paulo Dybala អាចនឹងមិនបានលេងនៅព្រឹត្តិការណ៍ World Cup 2022 បន្ទាប់ពីទទួលរងរបួសធ្ងន់ធ្ងរក្នុងជំនួប Romas ឈ្នះ ២-១ លើ Lecce កាលពីថ្ងៃអាទិត្យ។Dybala ត្រូវបានប្ដូរចេញ បន្ទាប់ពីរកបានគ្រាប់បាល់ជ័យជម្នះពីការទាត់ប៉េណាល់ទីនៅនាទី៤៨ ចាកចេញពីទីលានដោយមានបញ្ហារបួសសាច់ដុំ។ បុគ្គលិកពេទ្យត្រូវបានគេឃើញបានស្អំទឹកកកលើភ្លៅស្ដាំរបស់ Dybala ខណៈលោក Jose Mourinho បាននិយាយថា គេអាចនឹងសម្រាករហូតដល់ដាច់ឆ្នាំនេះ។ថ្លែងទៅកាន់សារព័ត៌មាន DAZN បន្ទាប់ពី Roma ឈ្នះ Mourinho និយាយថា ស្ថានភាព Dybala ពេលនេះមិនល្អទេ។ លោកមិនមែនជាគ្រូពេទ្យឡើយ តែតាមបទពិសោធន៍ពីអ្វីដែលបានយល់ពីការនិយាយរបស់ Paulo ស្ថានភាពពេលនេះមិនស្រួលទេ។ ក្នុងការប្រកួតខាងលើ ក្រោយទាត់បញ្ចូលទី កីឡាករវ័យ២៨ឆ្នាំមិនបានអបអរគ្រាប់បាល់របស់ខ្លួនឡើយ ដោយបានដើរទៅកន្លែងកៅអីបម្រុង។ បន្ទាបពីប្ដូរចេញ Dybala បានអង្គុយយំលើកៅអីបម្រុងដោយបារម្ភពីបញ្ហារបួសរបស់ខ្លួន។ នេះមានន័យថា ការចូលរួមរបស់ Dybala នៅ World Cup 2022 ក្នុងប្រទេសកាតាកំពុងស្ថិតក្នុងមន្ទិល៕ ...

បាល់ទាត់

កីឡាករសំខាន់ ៤នាក់របស់ PSG អវត្តមានក្នុងជំនួបជាមួយ Benfica

3 months ago

កីឡាករសំខាន់ ៤នាក់របស់ PSG អវត្តមានក្នុងជំនួបជាមួយ Benfica

បាល់ទាត់

ជំនួបរវាង Paris St-Germain ទល់នឹង Benfica ក្នុងក្របខណ្ឌ Champions League នៅយប់នេះមិនមានវត្តមានខ្សែបម្រើប្រយុទ្ធ Lionel Messi ឡើយដោយសារមានរបួសកំភួនជើង។ជំនួបកាលពីជើងមុនក្នុងទឹកដីប្រទេសព័រទុយហ្គាល់ Messi រកបានមួយគ្រាប់ជួយក្រុមស្មើគ្នា ១-១ ជាមួយ Benifca មុនពេលប្ដូរចេញដោយសាររបួស។ កីឡាករសញ្ជាតិអាហ្សង់ទីនក៏បានអវត្តមានការប្រកួត Ligue 1 កាលពីថ្ងៃសៅរ៍ ពេល PSG ប្រកួតស្មើគ្នា ០-០ ជាមួយ Reims។ក្រៅពី Messi កីឡាករសំខាន់របស់ PSG ៣រូបផ្សេងទៀតដូចជា Presnel Kimpembe, Nuno Mendes និង Renato Sanches សុទ្ធតែមិនបានលេងដូចគ្នា ព្រោះតែបញ្ហារបួស។ PSG កំពុងស្ថិតនៅកំពូលតារាងពូល H មាន៧ពិន្ទុស្មើគ្នាជាមួយក្រុមលេខពីរ Benfica ខណៈ Juventus នៅលេខបី និង Maccabi Haifa នៅលេខបួន។ការប្រកួតរវាង Paris St-Germain នឹង Benfica ដើម្បីប្រជែងយកតំណែងកំពូលតារាងត្រូវលងនៅកីឡដ្ឋាន Parc de Princes វេលាម៉ោង២រំលងអាធ្រាត្រ៕ ...

បាល់ទាត់

Luis Diaz នឹងមិនអាចលេងឲ្យ Liverpool រហូតដល់ខែធ្នូ

3 months ago

Luis Diaz នឹងមិនអាចលេងឲ្យ Liverpool រហូតដល់ខែធ្នូ

បាល់ទាត់

ខ្សែប្រយុទ្ធរបស់ Liverpool កីឡាករ Luis Diaz នឹងត្រូវសម្រាករហូតដល់ខែធ្នូ បន្ទាប់ពីមានបញ្ហារបួសជង្គង់ក្នុងការប្រកួត Premier League ចាញ់ Arsenal ៣-២ កាលពីថ្ងៃអាទិត្យ។ កីឡាករសញ្ជាតិកូឡុំប៊ីវ័យ២៥ឆ្នាំបានស្កេនរបួសកាលពីថ្ងៃច័ន្ទដោយឃើញថាមិនត្រូវចាំបាច់វះកាត់ឡើយ តែនឹងមិនអាចលេងឲ្យហង្សក្រហមរហូតព្រឹត្តិការណ៍ World Cup ចប់។ Liverpool ត្រូវលេង១០ប្រកួត មុនពេលក្លិបកំពូលរបស់អង់គ្លេសត្រូវសម្រាកដើម្បីត្រៀមខ្លួនលេង World Cup ដែលនឹងចាប់ផ្ដើមនៅចុងខែវិច្ឆិកា។Liverpool នឹងត្រឡប់មកប្រកួតវិញត្រូវប៉ះ Aston Villa នៅថ្ងៃទី២៦ ខែធ្នូ។ Diaz ដែលកំពុងបង្ហាញទម្រង់លេងល្អត្រូវបានគេឃើញចាកចេញពីកីឡដ្ឋាន Emirate ដោយប្រើប្រាស់ឈើច្រត់ពាក់ខ្សែការពារជង្គង់។ ខ្សែការពារ Alexander-Arnold ក៏ត្រូវបានប្ដូរចេញនៅវគ្គទីមួយ ក្រោយមានបញ្ហាកជើង។ Liverpool នឹងត្រូវធ្វើដំណើរទៅប៉ះក្រុម Ranger នៅថ្ងៃពុធស្អែកក្នុងពានរង្វាន់ Champions League ហើយបន្ទាប់មកត្រូវធ្វើជាម្ចាស់ផ្ទះស្វាគមន៍ក្រុមការពារតំណែងជើងឯក Manchester City ក្នុងក្របខណ្ឌ Premier League៕ ...

បាល់ទាត់

ក្រុម Albirex Niigata ឈ្នះជើងឯកពានរង្វាន់លីគកំពូលសិង្ហបុរី រដូវកាលឆ្នាំ២០២២

3 months ago

ក្រុម Albirex Niigata ឈ្នះជើងឯកពានរង្វាន់លីគកំពូលសិង្ហបុរី រដូវកាលឆ្នាំ២០២២

បាល់ទាត់

ក្លិបបាល់ទាត់ Albirex Niigata Singapore FC បានគ្រងជើងឯកពានរង្វាន់លីគកំពូលសិង្ហបុរី (Singapore Premier League) រដូវកាលឆ្នាំ២០២២ នេះ ខណៈជើងឯកឆ្នាំចាស់គឺ Lion City Sailors។ ពានរង្វាន់លីគកំពូលសិង្ហបុរី មានសមាជិក៨ក្រុម ខណៈប្រកួតវិលជុំចំនួន២១ប្រកួត ហើយក្រុម Albirex Niigata បានក្លាយជាម្ចាស់ជើងឯកបន្ទាប់ពីឈ្នះបាន១៧លើក ស្មើ៧លើក និងចាញ់២លើក ទាត់បញ្ជូលទីគេបាន៨៤គ្រាប់ តែគេទាត់ចូលវិញចំនួន៣៧គ្រាប់។ ក្រុមបាល់ទាត់ Warriors FC ជាក្រុមក្នុងស្រុកដែលឈ្នះពានរង្វាន់ Singapore League នៅឆ្នាំ២០១៤ ហើយគិតពីពេលនោះមកក្រុមបាល់តាត់ DPMM FC របស់ប្រ៊ុយណេ យកឈ្នះជើងឯកបាន២លើក ២០១៥និង២០១៩ និងក្រុមបាល់ទាត់ Albirex Niigata (S) របស់ជប៉ុន យកឈ្នះជើងឯកបាន ៤លើកផងដែរនៅឆ្នាំ២០១៦,២០១៧,២០១៨, ២០២០ និង ២០២២។ ក្នុងនាមជាក្រុមជើងឯកក្រុម Albirex Niigata ទទួលបានប្រាក់រង្វាន់ $150,000 មេដាយមាសម្នាក់១ និងពានរង្វាន់ចំនួន១ ហើយក្រុមជើងឯករង Lion City Sailors (S) ទទួលបានមេដាយប្រាក់ម្នាក់១ អមដោយប្រាក់រង្វាន់ $80,000 និងក្រុមលេខ៣ Tampines Rovers FC ទទួលបានមេដាយសំរឹទ្ធម្នាក់១ និងទឹកប្រាក់ $40,000៕ ...

បាល់ទាត់

យុវជនឡាវ ឆ្លងផុតវគ្គជម្រុះ AFC U17 Asian Cup ជាលើកដំបូងក្នុងប្រវត្តិសាស្រ្ត

3 months ago

យុវជនឡាវ ឆ្លងផុតវគ្គជម្រុះ AFC U17 Asian Cup ជាលើកដំបូងក្នុងប្រវត្តិសាស្រ្ត

បាល់ទាត់

ក្រុមជម្រើសជាតិឡាវអាយុក្រោម១៧ឆ្នាំ ក្រោមការដឹកនាំរបស់លោក Kanlaya Sysomvang ឡើងទៅវគ្គ១៦ក្រុមចុងក្រោយនៃពានរង្វាន់ AFF U17 Asian Cup 2023 ជាលើកដំបូងក្នុងប្រវិត្តសាស្រ្ត។ ក្រោយឆ្លងផុតវគ្គជម្រុះពូល I ដោយប្រកួតចំនួន៣លើក ឈ្នះ២ និងចាញ់១ មាន៦ពិន្ទុ ជាប់ក្រុមលេខ២ល្អប្រចាំពូល ពោលគឺផលសងគ្រាប់បាល់ល្អជាង ឥណ្ឌូនេស៊ី, បង់ក្លាដែស, អូម៉ង់ និង តួកមេនីស្ថាន។ ខណ:កម្ពុជាទទួលបាន៣ពិន្ទុបង្គ្រប់កិច្ចមុនដំណើរវិលត្រឡប់មកប្រទេសវិញ ក្រោយឈ្នះ កោះម៉ារីយ៉ាណាខាងជើង ៤-០ ក្នុងការប្រកួតពូលG បន្ទាប់ពីចាញ់ចិន ៩-0 និងអូស្ត្រាលី ១០-០។ ក្រុមទាំង១៦ដែលបានទៅកាន់ជុំចុងក្រោយរួមមាន៖ ជប៉ុន, ម៉ាឡេស៊ី, កាតារ, អារ៉ាប៊ីសាអូឌីត, យ៉េមែន, វៀតណាម, អូស្ត្រាលី, តាហ្ស៊ីគីស្ថាន, អ៊ីរ៉ង់, អ៊ូសបេគីស្ថាន, កូរ៉េខាងត្បូង, ចិន, អាហ្វហ្គានីស្ថាន, ឥណ្ឌា, ថៃ និងឡាវ៕ ...

បាល់ទាត់

Arsenal លោតឡើងកំពូលតារាងលើ Man City វិញ ក្រោយឈ្នះ Liverpool

3 months ago

Arsenal លោតឡើងកំពូលតារាងលើ Man City វិញ ក្រោយឈ្នះ Liverpool

បាល់ទាត់

ខ្សែបម្រើប្រយុទ្ធ Bukayo Saka រកបាន២គ្រាប់ម្នាក់ឯង ក្នុងជំនួប Arsenal យកឈ្នះ Liverpool ៣-២ ក្នុងកីឡដ្ឋាន Emirate Stadium ជួយកាំភ្លើងធំឡើងកំពូលតារាងវិញ។ជារឿងភ្ញាក់ផ្អើលការប្រកួតចាប់ផ្ដើមបានតែ៥៨វិនាទី Gabriel Martinelli ធ្វើបានគ្រាប់នាំមុខឲ្យ Arsenal មុនពេលខ្សែប្រយុទ្ធ Darwin Nunez រកបានគ្រាប់តាមស្មើឲ្យ Liverpool នាទីទី៣៤។ ឈានដល់ម៉ោងបន្ថែម៤៥+៥ទៅហើយកីឡាករសញ្ជាតិអង់គ្លេស Saka ធ្វើបានគ្រាប់នាំមុខជាថ្មីឲ្យកាំភ្លើងធំ។ចាប់ផ្ដើមវគ្គទីពីរបាន៨នាទី ខ្សែប្រយុទ្ធ Roberto Firmino ទាត់បញ្ចូលទីជួយហង្សក្រហមតាមស្មើម្ដងទៀត។ ជ័យជម្នះនិង៣ពិន្ទុដ៏សំខាន់របស់ Arsenal បានរកឃើញនៅនាទី៧៦ ពេលដែល Saka បំប៉ោងសំណាញ់ដោយបាល់ប៉េណាល់ទីដែលជាគ្រាប់ទីពីររបស់គេក្នុងការប្រកួតនេះ។ តាមរយៈជ័យជម្នះខាងលើ Arsenal បានលោតឡើងកំពូលតារាង Premier League លើ Manchester City វិញមាន២៤ពិន្ទុគម្លាតគ្នាមួយពិន្ទុ ខណៈ Liverpool នៅលេខ១០៕ ...