ពត៌មានកីឡាថ្មីៗ

Down Town Sport រកបានជ័យជម្នះជាលើកដំបូង ក្នុងពានរង្វាន់ជើងឯកអាស៊ាននៅប្រទេសថៃ

Down Town Sport រកបានជ័យជម្នះជាលើកដំបូង ក្នុងពានរង្វាន់ជើងឯកអាស៊ាននៅប្រទេសថៃ

ក្រុមបាល់ទាត់ហ្វូតសាល Down Town Sport របស់កម្ពុជា រកបានជ័យជម្នះ ជាលើកដំបូងលើក្រុមមកពីប្រ៊ុយណេ PERWIRA ក្នុងលទ្ធផល ៤-៨ ពានរង្វាន់ជើងឯកតំបន់អាស៊ាន 2022 AFF Futsal Cup កំពុងរៀបចំនៅប្រទេសថៃ។ លទ្ធផលសរុបទាំង២ប្រកួតរបស់ Down Town Sport ពានរង្វាន់ 2022 AFF Futsal Cup មាន៖- Down Town Sport ២-១២ Bintang Timur Suraba- Perwira ៤-៨ Down Town Sport។ គួរដឹងថាក្រុមដែលចូលរួមប្រកួតមានចំនួន ៧ បែងចែកជា២ពូល ដោយក្នុងនោះពូល A៖ Hongyen Thakam (ថៃ), Down Town Sport (កម្ពុជា), Bintang Timur Surabaya (ឥណ្ឌូណេស៊ី), Perwira (ប្រ៊ុយណេ) ខណ:ពូល B៖ Sahako (វៀតណាម), Selangor MAC (ម៉ាឡេស៊ី), Ramelau (ទីម័រខាងកើត)។ ការប្រកួតពានរង្វាន់តំបន់អាស៊ានលើកទី៧នេះ ធ្វើឡើងនៅថ្ងៃទី៤ដល់១០ ខែកញ្ញា ឆ្នាំ២០២២ ដោយក្រុមលេខ១និងលេខ២ក្នុងពូលមានឈ្មោះឡើងទៅប្រកួតវគ្គពាក់កណ្ដាលផ្ដាច់ព្រ័ត្រ និងបន្តរហូតដល់ផ្ដាច់ព្រ័ត្រ នៅNakhon ...

Ten Hag សរសើរ Antony និង Rashford លេងត្រូវគ្នាក្នុងជំនួបស៊ី Arsenal ៣-១

Ten Hag សរសើរ Antony និង Rashford លេងត្រូវគ្នាក្នុងជំនួបស៊ី Arsenal ៣-១

លោក Erik ten Hag បានសរសើរដល់កីឡាករចំណូលថ្មី Antony លេងស៊ីសង្វាក់គ្នាល្អជាមួយ Marcus Rashford ក្នុងជំនួបManchester United យកឈ្នះ Arsenal ៣-១។បិសាចក្រហមបានបញ្ចប់កំណត់ត្រាឈ្នះ១០០%ក្នុងលីគរបស់ Arsenal កាលពីយប់មិញ។ កីឡាករតម្លៃខ្លួន៨៥,៥លានផោន Antony រកបានគ្រាប់ដំបូងក្នុងការបង្ហាញខ្លួនប្រកួតដំបូងឲ្យ United ខណៈ Rashford ធ្វើបាន២គ្រាប់ម្នាក់ឯង។ជ័យជម្នះ ៣-១ លើកាំភ្លើងធំ គឺជាការឈ្នះ៤ប្រកួតជាប់គ្នាក្នុងលីគរបស់ Man Utd។ ក្រោយបញ្ចប់ការប្រកួតលោក Ten Hag បានសរសើរដល់កីឡាករពីររូបគឺ Antony និង Rashford លេងត្រូវគ្នាលើទីលាន។ លោកថា ពួកគេលេងល្អ ហើយនឹងគំរាមកំហែងក្រុមផ្សេងបន្តទៀត។ នេះជាលើកដំបូងដែលអ្នកទាំងពីរលេងជាមួយគ្នា និងបង្ហាញទម្រង់លេងល្អបែបនេះ ជាពិសេសការបង្កើតឱកាសនិងល្បឿន។ ត្បិត Arsenal ចាញ់ប្រកួតនេះមែន តែពួកគេនៅតែឈរកំពូលតារាង Premier League មាន១៥ពិន្ទុ គម្លាតលើក្រុមលេខពីរ Manchester City មួយពិន្ទុ។ United ស្ថិតនៅលេខ៥ មាន១២ពិន្ទុ៕ ...

ទីបំផុត! FIFA ប្រកាសថាស្រាបៀរ នឹងមានលក់នៅក្នុងព្រឹត្តិការណ៍ World Cup នៅកាតារ

ទីបំផុត! FIFA ប្រកាសថាស្រាបៀរ នឹងមានលក់នៅក្នុងព្រឹត្តិការណ៍ World Cup នៅកាតារ

ប្រទេសកាតារ នឹងអនុញ្ញាតឱ្យអ្នកគាំទ្រដែលមានសំបុត្រចូលរួមទស្សនាការប្រកួត World Cup អាចទិញស្រាបៀរដែលមានជាតិអាល់កុលបាន ប៉ុន្តែគឺមុនការប្រកួតចាប់ផ្តើម៣ម៉ោង មិនមែនក្នុងអំឡុងពេលប្រកួតនោះទេ។ ក្រុមហ៊ុនស្រាបៀរ Budweiser ដែលជាអ្នកឧបត្ថម្ភធំប្រចាំព្រឹត្តិការណ៍កីឡាបាល់ទាត់ពិភពលោក FIFA World Cup 2022 ដែលទិញសិទ្ធិផ្តាច់មុខក្នុងការលក់ស្រាបៀរ នឹងបម្រើស្រាបៀរនៅក្នុងបរិវេណដែលមានលក់សំបុត្រជុំវិញកីឡដ្ឋាននីមួយៗ ប៉ុន្តែមិនមែននៅក្នុងកីឡដ្ឋាន ឬកន្លែងអង្គុយនោះទេ។ យ៉ាងណាមិញប្រទេសកាតារ នៅតែបន្តអនុវត្តន៍ច្បាប់ដោយគ្មានការរួមភេទសម្រាប់អ្នកនៅលីវ ដោយសារការរួមភេទមុនពេលរៀបការ គឺខុសច្បាប់សម្រាប់ប្រជាជនម៉ូស្លីម សូម្បីតែការឱបថើបជាសាធារណៈ ក៏មិនត្រូវបានអនុញ្ញាតដែរ ពោលគឺការរួមភេទអាចធ្វើទៅបាន លុះត្រាតែជាប្តីប្រពន្ធ។ អ្នកល្មើសច្បាប់នឹងត្រូវផ្តន្ទាទោសដាក់ពន្ធនាគាររយៈពេល៧ឆ្នាំ។ ខាងក្រោមនេះគឺជាលទ្ធផលនៃការចាប់ឆ្នោតបែងចែកពូលទាំង៨៖ពូល A៖ កាតា (ម្ចាស់ផ្ទះ), ហូឡង់, សេណេហ្គាល់, អេក្វាឌ័រពូល B៖ អង់គ្លេស, សហរដ្ឋអាមេរិក, អ៊ីរ៉ង់, វេលស៍ពូល C៖ អាហ្សង់ទីន, ម៉ិកស៊ិក, ប៉ូឡូញ, អារ៉ាប៊ីសាអូឌីតពូល D៖ បារាំង, ដាណឺម៉ាក, ទុយនីស៊ី, អូស្ត្រាលីពូល E៖ អេស្ប៉ាញ, អាល្លឺម៉ង់, ជប៉ុន, កូស្តារីកាពូល F៖ បែលហ្សិក, ក្រូអាត, ម៉ារ៉ុក, កាណាដាពូល G៖ ប្រេស៊ីល, ស្វីស, ស៊ែប៊ី, កាមេរូនពូល H៖ ព័រទុយហ្គាល់, អ៊ុយរូហ្គាយ, កូរ៉េខាងត្បូង, ហ្គាណា។ តាមគម្រោងការប្រកួតពានរង្វាន់ពិភពលោក FIFA World Cup 2022 នឹងចាប់ផ្តើមឡើង នៅថ្ងៃទី២១ វិច្ឆិកា ដល់ថ្ងៃទី១៨ ខែធ្នូ ចុងឆ្នាំនេះ ហើយប្រទេសកាតាក៏បានក្លាយជាម្ចាស់ផ្ទះ World Cup ដំបូងគេបង្អស់នៅមជ្ឈិមបូព៌ា៕ ...

កីឡាករកាច Costa ជិតត្រឡប់មកអង់គ្លេសវិញហើយចូលរួមជាមួយក្លិបមួយ

កីឡាករកាច Costa ជិតត្រឡប់មកអង់គ្លេសវិញហើយចូលរួមជាមួយក្លិបមួយ

ខ្សែប្រយុទ្ធ Diego Costa នឹងមកពិនិត្យសុខភាពជាមួយក្លិប Wolves នៅសប្ដាហ៍នេះ មុនពេលត្រឡប់មកលេងនៅ Premier Leauge សាជាថ្មី។ខ្សែប្រយុទ្ធចំណូលថ្មីរបស់ Wolves កីឡាករ Sasa Kalajdzic ត្រូវសម្រាករយៈពេលវែង បន្ទាប់ពីរបួសដាច់សរសៃជង្គង់ក្នុងថ្ងៃបង្ហាញខ្លួនប្រកួតដំបូងឲ្យក្រុមកាលពីចុងសប្ដាហ៍។ Wolves ពេលនេះចង់បាន Costa មកជំនួសកន្លែងរបស់ Sasa។អតីតកីឡាកររបស់ Chelsea វ័យ៣៣ឆ្នាំបច្ចុប្បន្នកំពុងទំនេរគ្មានក្លិបទេ និងអាចចុះកុងត្រាបានទោះបីទីផ្សារដោះដូរកីឡាករបិទក៏ដោយ។ គេរំពឹងនឹងមកដល់ក្លិបនៅថ្ងៃអង្គារស្អែកដើម្បីពិនិត្យសុខភាព។ នេះបើតាមសារព័ត៌មាន The Athletic។Costa បានក្លាយជាកីឡាករទំនេរ ចាប់តាំងពីផ្ដាច់កុងត្រាជាមួយក្លិបនៅប្រទេសប្រេស៊ីល Atletico Moneiro។ Costa ធ្លាប់លេងឲ្យ Chelsea បាន៣រដូវកាលរកបាន៥២គ្រាប់ ក្នុងការបង្ហាញខ្លួន១២០ប្រកួតគិតគ្រប់កម្មវិធី មុនពេលចាកចេញទៅចូលរួមជាមួយ AT Madrid ក្នុងឆ្នាំ២០១៨។ គេក៏ធ្លាប់ឈ្នះពាន Premier League ២ដងផងដែរ៕ ...

ទីបំផុតរកឃើញម្ចាស់ជើងឯកយុវជនអាយុក្រោម១៥ឆ្នាំ និង១៨ឆ្នាំ ឆ្នាំ២០២២

ទីបំផុតរកឃើញម្ចាស់ជើងឯកយុវជនអាយុក្រោម១៥ឆ្នាំ និង១៨ឆ្នាំ ឆ្នាំ២០២២

ក្រុមបាល់ទាត់យុវជនក្រោមអាយុ១៨ឆ្នាំ វិសាខា គ្រងជើងឯកយុវជនថ្នាក់ជាតិឆ្នាំ២០២២ ក្រោយយកឈ្នះក្រុមភ្នំពេញក្រោន វគ្គផ្តាច់ព្រ័ត្រ ៣-១ រសៀលថ្ងៃអាទិត្យ ទី៤ ខែកញ្ញា នៅមជ្ឈមណ្ឌលសាលាបាល់ទាត់ជាតិបាទី។ លទ្ធផលវគ្គពាក់កណ្តាលផ្តាច់ព្រ័ត្រ៖– វិសាខា អេហ្វស៊ី ៤-០ ខេត្តបន្ទាយមានជ័យ– ភ្នំពេញក្រោន ៤-០ សាលាកីឡាបាល់ទាត់ជាតិ។ វគ្គផ្តាច់ព្រ័ត្រ៖– វិសាខា អេហ្វស៊ី ៣-១ ភ្នំពេញក្រោន។ ខណ:ក្រុមបាល់ទាត់យុវជនក្រោមអាយុ១៥ឆ្នាំ Tiffy Army FC គ្រងជើងឯកយុវជនថ្នាក់ជាតិឆ្នាំ២០២២ ក្រោយយកឈ្នះក្រុមខេត្តស្វាយរៀង ដោយបាល់កាត់សេចក្តី១១ម៉ែត្រ ៤-២ បន្ទាប់ពីស្មើគ្នានៅម៉ោងធម្មតា៩០នាទី ១-១ នៅមជ្ឈមណ្ឌលសាលាបាល់ទាត់ជាតិបាទី។ លទ្ធផលវគ្គពាក់កណ្តាលផ្តាច់ព្រ័ត្រ៖– ណាហ្គាវើលដ៍កំពង់ស្ពឺ ០-២ Tiffy Army FC– អង្គរថាយហ្គឺរ ០-០ (៦-៧) សាលាតម្រង់ទិសខេត្តស្វាយរៀង។ វគ្គផ្តាច់ព្រ័ត្រ៖– Tiffy Army FC ១-១ (៤-២) សាលាតម្រង់ទិសខេត្តស្វាយរៀង៕ ...

ក្លិបព្រះខ័នរាជស្វាយរៀង និង Emmanuel Mbarga យល់ព្រមទាំងសងខាងក្នុងការបញ្ចប់កិច្ចសន្យា

នៅព្រឹកថ្ងៃអាទិត្យ ទី០៤ ខែកញ្ញា ឆ្នាំ២០២២ ក្លិបបាល់ទាត់ព្រះខ័នរាជស្វាយរៀង ប្រកាសចែកផ្លូវជាមួយកីឡាករ Emmanuel Junior Mbarga Nkene ដោយមានការយល់ព្រមទាំងសងខាងក្នុងការបញ្ចប់កិច្ចសន្យា។ ខ្សែប្រយុទ្ធសញ្ជាតិកាមេរូន វ័យ២៣ឆ្នាំ កម្ពស់១.៧០ម៉ែត្ររូបនេះ បានចូលរួមជាមួយក្លិបបាល់ទាត់ព្រះខ័នរាជស្វាយរៀង កាលពីជើងទី២ នៃលីគកំពូលកម្ពុជា រដូវកាលឆ្នាំ២០២១។ ខណ:រដូវកាលឆ្នាំ២០២២នេះ Emmanuel Mbarga ស៊ុតបញ្ចូលទីបាន២គ្រាប់ និង Assists បាន៧ដង។ គួរដឹងថាខ្សែប្រយុទ្ធស្លាប Emmanuel Mbarga គឺជាម្ចាស់ពានកីឡាករឆ្នើមប្រចាំខែមីនា (CAMBODIAN PREMIER LEAGUE MVP OF THE MONTH) ដោយទទួលបានរង្វាន់ម៉ូតូថ្មីស្រឡាងពីក្រុមហ៊ុន Suzuki ក្នុងក្របខណ្ឌពានរង្វាន់លីគកំពូលកម្ពុជា។ បច្ចុប្បន្នក្លិបបាល់ទាត់ព្រះខ័នរាជស្វាយរៀង ក្រោមការដឹកនាំរបស់លោក Conor Nestor កំពុងស្ថិតនៅកំពូលតារាង គិតត្រឹមសប្តាហ៍ទី១៧ នៃលីគកំពូលកម្ពុជា ដោយឆ្លងកាត់១៧ប្រកួត ឈ្នះ១២ ស្មើ៣ និងចាញ់២ មាន៣៩ពិន្ទុ៕ ...

ឥណ្ឌា ប្រកាសតែងតាំងប្រធានសហព័ន្ធបាល់ទាត់ថ្មី ក្រោយផុតការដាក់ទណ្ឌកម្មពី FIFA

នៅល្ងាចថ្ងៃសុក្រ ខែកញ្ញា ឆ្នាំ២០២២ សហព័ន្ធកីឡាបាល់ទាត់ឥណ្ឌា បានប្រកាសឲ្យដឹងថាលោក Kalyan Chaubey នឹងក្លាយជាប្រធានសហព័ន្ធថ្មី និងលោក N.A Haris ជាអនុប្រធាន ក្រោយផុតការដាក់ទណ្ឌកម្មពី FIFA រយ:ពេល១៦ថ្ងៃ។ គួរដឹងថាកាលពីថ្ងៃទី២៩ ខែសីហា ឆ្នាំ២០២២ FIFA បានអនុម័តជាឯកច្ឆ័ន្ទដើម្បីលុបចោលការដាក់ទណ្ឌកម្មទាំងអស់លើសហព័ន្ធបាល់ទាត់ឥណ្ឌា (AIFF) បន្ទាប់ពីផ្អាករាល់សកម្មភាពបាល់ទាត់ទាំងអស់ឥណ្ឌា ដោយសារឥទ្ធិពលមិនសមរម្យពីភាគីទីបី (ការជ្រៀតជ្រែកពីភាគីទីបី) ដែលនេះជាការរំលោភបំពានយ៉ាងធ្ងន់ធ្ងរលើលក្ខន្តិកៈរបស់ FIFA។ ដូច្នេះរាល់សកម្មភាពទាំងអស់របស់សហព័ន្ធបាល់ទាត់ឥណ្ឌា (AIFF) អាចដំណើរការឡើងវិញ៖– ក្រុមជម្រើសជាតិឥណ្ឌា អាចចូលរួមក្នុងព្រឹត្តិការណ៍ AFC Asian Cup 2023– ក្រុមជម្រើសជាតិឥណ្ឌា នឹងចូលរួមប្រកួតមិត្តភាពអន្តរជាតិក្នុងថ្ងៃ FIFA Day នៅប្រទេសវៀតណាម– ក្រុម ATK Mohun Bagan របស់ឥណ្ឌា ប៉ះក្រុម Kuala Lumpur City របស់ប្រទេសម៉ាឡេស៊ី ពានរង្វាន់ AFC Cup – Inter Zone វគ្គពាក់កណ្តាលផ្តាច់ព្រ័ត្រ។– ប្រទេសឥណ្ឌា ត្រៀមធ្វើជាម្ចាស់ផ្ទះ FIFA U-17 Women’s World Cup ដែលគ្រោងនឹងធ្វើឡើងនៅថ្ងៃទី ១១ ដល់ ៣០ ខែតុលា ឆ្នាំ២០២២៕ ...

ក្រុមបាល់ទាត់ហ្វូតសាល Down Town Sport របស់កម្ពុជា ត្រូវប៉ះក្រុមមកពីឥណ្ឌូណេស៊ី ក្នុងពានក្លិបកម្រិតអាស៊ាន

ក្រុមបាល់ទាត់ Down Town Sport ត្រូវប្រកួតបើកឆាកប៉ះក្រុមមកពីឥណ្ឌូណេស៊ី ក្នុងពានរង្វាន់បាល់ទាត់ហ្វូតសាលកម្រិតអាស៊ាន 2022 AFF Futsal Championship ដែលនឹងរៀបចំនៅទីក្រុង Nakhon Ratchasima ប្រទេសថៃ។ ក្រុមដែលចូលរួមប្រកួតមានចំនួន ៧ បែងចែកជា២ពូល ដោយក្នុងនោះពូល A៖ Hongyen Thakam (ថៃ), Down Town Sport (កម្ពុជា), Bintang Timur Surabaya (ឥណ្ឌូណេស៊ី), Perwira (ប្រ៊ុយណេ) ខណ:ពូល B៖ Sahako (វៀតណាម), Selangor MAC (ម៉ាឡេស៊ី), Ramelau (ទីម័រខាងកើត)៕ ...

Aubameyang ក្លាយជាម្ចាស់អាវលេខ៩ថ្មីនៅ Chelsea

Aubameyang ក្លាយជាម្ចាស់អាវលេខ៩ថ្មីនៅ Chelsea

ក្លិប Chelsea ប្រកាសទិញបានខ្សែប្រយុទ្ធរបស់ Barcelona កីឡាករ Pierre-Emerick Aubameyang ក្នុងតម្លៃខ្លួន១២លានផោនបូកជាមួយខ្សែការពារឆ្វេង Marcos Alonso។នេះជាការត្រឡប់មកកាន់ទឹកដីអង់គ្លេសសាជាថ្មីសម្រាប់ Aubameyang ដែលបានផ្លាស់ទៅកាន់ Barcelona កាលពីខែកុម្ភៈដោយគ្មានតម្លៃខ្លួន បន្ទាប់ពីមានបញ្ហាជាមួយ Arsenal។ ហើយនេះក៏ជាការជួបជុំគ្នាម្ដងទៀតរវាងកីឡាករសញ្ជាតិហ្គាបុងនិងអតីតគ្រូរបស់ខ្លួនលោក Thomas Tuchel។Aubameyang បានក្លាយជាកីឡាករទី៦បន្ទាប់ពី Raheem Sterling, Kalidou Koulibaly, Marc Cucurella, Carney Chukwuemeka និង Wesley Fofana ដែល Chelsea ចំណាយអស់២៨០លានផោននាំចូលក្នុងរដូវក្ដៅនេះ។ជាមួយនឹងការចាយលុយ១២លានផោន Chelsea ក៏បានបន្ថែមខ្សែការពារ Alonso ទៅឲ្យ Barcelona ផងដែរ ក្រោយក្លិបនិងកីឡាករយល់ព្រមបញ្ចប់កុងត្រាជាមួយគ្នា។ Aubameyang នឹងពាក់អាវលេខ៩នៅតោខៀវ និងទទួលយកកុងត្រារយៈពេល២ឆ្នាំ៕ ...

Liverpool យកបាន Arthur ពី Juventus ក្រោមលក្ខខណ្ឌខ្ចីជើង

Liverpool យកបាន Arthur ពី Juventus ក្រោមលក្ខខណ្ឌខ្ចីជើង

ក្លិប Liverpool បានចុះកុងត្រាជាមួយខ្សែបម្រើរបស់ Juventus កីឡាករ Arthur Melo ក្រោមលក្ខខណ្ឌខ្ចីជើងរហូតដល់ចប់រដូវកាល។កីឡាករសញ្ជាតិប្រេស៊ីលវ័យ២៦ឆ្នាំបានបង្ហាញខ្លួន៣១ប្រកួតឲ្យ Juventus កាលពីរដូវកាលមុន ប៉ុន្តែក្នុងរដូវកាលថ្មីនេះមិនទាន់បានលេងមួយប្រកួតនៅឡើយទេ។ ការមកដល់កីឡដ្ឋាន Anfield គឺដើម្បីជួយ Liverpool ដែលកំពុងមានវិបត្តិខ្សែបម្រើរបួសច្រើន។ មកដល់ក្លិបថ្មី Arthur បាននិយាយថា គេពិតជាសប្បាយចិត្តដែលបានមកលេងនិងពាក់អាវរបស់ Liverpool។ វាគឺជាក្ដីស្រមៃមួយ ហើយគេនឹងផ្ដល់គ្រប់យ៉ាងដែលខ្លួនមានទៅឲ្យហង្សក្រហម។ Liverpool ពេលនេះកំពុងមានខ្សែបម្រើរបួសជាច្រើននាក់ដូចជា Henderson, Thiago Alcantara, Naby Keita និង Alex Oxlade-Chamberlain។Arthur ធ្លាប់បង្ហាញខ្លួន២២ប្រកួតឲ្យជម្រើសជាតិប្រេស៊ីល ឈ្នះពាន Copa America កាលពីឆ្នាំ២០១៩ ជាមួយ Alisson Becker និង Roberto Firmino ដែលជាកីឡាកររបស់ Liverpool បច្ចុប្បន្ន៕ ...

Paulo Victor របស់វិសាខាគឺជាកីឡាករចុងក្រោយគេរកបាន Hat-trick នៅលីគកំពូលកម្ពុជា គិតត្រឹមសប្តាហ៍ទី១៧

ពានរង្វាន់បាល់ទាត់ Cambodian Premier League 2022 បញ្ចប់សប្តាហ៍ទី១៧ កន្លងទៅ ដែលសមាជិកទាំង៨ បានទាត់បញ្ជូលទីគ្នាទៅមកកើនដល់២៤៣គ្រាប់ ហើយដោយថ្វីជើងកីឡាករ ៨៨នាក់ ស្របពេលកីឡាករ៦នាក់ រកគ្រាប់ Hat Tricks បានចំនួន៨លើកមកម៉្លេះ។ កីឡាករទាំង៨ដែលរកបាន Hat-trick នៅលីគកំពូលកម្ពុជាមានដូចជា៖1. Marcus Haberពេលព្រះខ័នរាជស្វាយរៀង ៣-១ Tiffy Army FC2. Takumu Nishihara ពេល Tiffy Army FC ៤-៥ អង្គរថាយហ្គឺរ3. Andres Nieto ពេលភ្នំពេញក្រោន ៦-១ គីរីវង់សុខសែនជ័យ4. Takumu Nishihara ពេល Tiffy Army FC ៥-១ គីរីវងសុខសែនជ័យ (៥គ្រាប់)5. Takumu Nishihara ពេល Tiffy Army FC ៥-១ អង្គរថាយហ្គឺរ6. Sakari Tukiainen ពេល បឹងកេត ៤-០ គីរីវង់សុខសែនជ័យ7. មិន រតនៈ ពេល ព្រះខ័នរាជស្វាយរៀង ១០-០ គីរីវង់សុខសែនជ័យ (៤គ្រាប់)8. Paulo Victor ពេលវិសាខា ៦-១ គីរីវង់សុខសែនជ័យ។ ក្នុងចំណោមកីឡាករ៨៨នាក់ដែលទាត់ចូលទីគូប្រកួតមកនេះ កីឡាករ ស៊ិន កក្កដា ជាកីឡាករថ្មីចុងក្រោយគេ ដែលទើបតែរកគ្រាប់បាល់បានក្នុងរដូវកាលនេះ ហើយកីឡាករកាណដា Marcus Haber ជាអ្នករកគ្រាប់បាល់បានច្រើនជាងគេរហូតដល់១៨គ្រាប់ម្នាក់ឯង៕ ...

កីឡាករ Lee Tuck ទទួលបានសញ្ជាតិម៉ាឡេស៊ី មុនពាន AFF Mitsubishi Electric Cup 2022 ចាប់ផ្តើម

កីឡាករ Lee Tuck ទទួលបានសញ្ជាតិម៉ាឡេស៊ី មុនពាន AFF Mitsubishi Electric Cup 2022 ចាប់ផ្តើម

ខ្សែបម្រើរបស់ក្លិបបាល់ទាត់ Sri Pahang សមាជិកលីគកំពូលរបស់ប្រទេសម៉ាឡេស៊ី កីឡាករ Lee Tuck ដែលមានដើមកំណើតអង់គ្លេស ពេលនេះទទួលបានសញ្ជាតិម៉ាឡេស៊ីដោយជោគជ័យ និងក្លាយជាពលរដ្ឋម៉ាឡេស៊ី ត្រៀមលេងពានប្រចាំតំបន់អាស៊ាន AFF Mitsubishi Electric Cup 2022។ Lee Tuck កើតនៅប្រទេសអង់គ្លេស ទីក្រុង Halifax នៅថ្ងៃទី៣០ ខែមិថុនា ឆ្នាំ១៩៨៨ បច្ចុប្បន្នមានវ័យ៣៤ឆ្នាំ ដោយបានចាកចេញពីស្រុកកំណើតក្នុងឆ្នាំ២០១០ ពោលគឺ Lee Tuck បានចំណាយពេលភាគច្រើននៃអាជីពបាល់ទាត់របស់គេនៅអាស៊ីអាគ្នេយ៍ ដោយលេងនៅលីគកំពូលនៃប្រទេសថៃ បង់ក្លាដែស និងម៉ាឡេស៊ី។ ខណ:ពានរង្វាន់ AFF Mitsubishi Electric Cup 2022 ដែលគ្រោងនឹងធ្វើឡើងពីថ្ងៃទី២០ ខែធ្នូ ឆ្នាំ២០២២ ដល់ថ្ងៃទី១៦ ខែមករា ឆ្នាំ២០២៣ ឃើញថាក្រុមជម្រើសជាតិម៉ាឡេស៊ី ស្ថិតនៅពូល B ជាមួយ វៀតណាម, សិង្ហបុរី, មីយ៉ាន់ម៉ា និង ឡាវ៕ ...

Chelsea បំបែកកំណត់ត្រាក្នុងការចំណាយផ្ទេរកីឡាករនៅទីផ្សារដោះដូររដូវក្ដៅ

Chelsea បំបែកកំណត់ត្រាក្នុងការចំណាយផ្ទេរកីឡាករនៅទីផ្សារដោះដូររដូវក្ដៅ

ក្រោយយកបានខ្សែការពារ Wesley Fofana ក្នុងតម្លៃខ្លួន៧០លានផោន Chelsea ពេលនេះបានបំបែកកំណត់ត្រាក្នុងការចំណាយផ្ទេរកីឡាករក្នុងទីផ្សារដោះដូរកីឡាករក្នុងរដូវក្ដៅនៅអង់គ្លេស។Chelsea បានទិញកីឡាករសញ្ជាតិបារាំងខាងលើពីក្លិបរួមលីគ Leicester City ដោយផ្ដល់កុងត្រារយៈពេល៧ឆ្នាំ។ ក្លិបដែលគ្រប់គ្រងដោយមហាសេដ្ឋីអាមេរិក Todd Boehly បានចំណាយអស់១៩៣លានផោនក្នុងការនាំកីឡាករថ្មីចូលនៅរដូវក្ដៅនេះ មុនការមកដល់របស់ Fofana។ប៉ុន្តែក្រោយពេល Fofana មកដល់ Chelsea ពេលនេះបានកើនការចំណាយដល់២៦៣លានផោន។ ក្រុមការពារតំណែងជើងឯក City គឺជាអ្នកកាន់កាប់កំណត់ត្រាចាស់ ពេលដែលពួកគេចំណាយ២២២លានផោនទិញក្នុងទីផ្សារដោះដូរកីឡាកររដូវក្ដៅឆ្នាំ២០១៧។ ប៉ុន្តែពេលនេះ Chelsea បានបំបែកកំណត់ត្រារបស់ City ហើយ ក្រោយចាយអស់២៦៣លានផោនទិញខ្សែការពារ Marc Cucurella, Fofana, Kalidou Koulibaly និង Raheem Sterling។ ទីផ្សារដោះដូរកីឡាកររដូវក្ដៅកាលពី២ឆ្នាំមុនតោខៀវធ្លាប់ចំណាយដល់២២០លានផោន ពេលដែលពួកគេនាំយក Kai Havertz, Timo Werner, Ben Chilwell, Hakim Ziyech, Edouard Medy និង Thiago Silva មកកាន់ក្លិប៕ ...

Sergino Dest ផ្លាស់ពី Barcelona ទៅ AC Milan ក្រោមលក្ខខណ្ឌខ្ចីជើង

Sergino Dest ផ្លាស់ពី Barcelona ទៅ AC Milan ក្រោមលក្ខខណ្ឌខ្ចីជើង

ខ្សែការពាររបស់ Barcelona កីឡាករ Sergino Dest នឹងទៅចូលរួមជាមួយក្លិបនៅអ៊ីតាលី AC Milan ក្រោមលក្ខខណ្ឌខ្ចីជើង។Milan គ្រោងខ្ចីជើង Dest រយៈពេលមួយឆ្នាំ ជាមួយជម្រើសទិញផ្ដាច់នៅពេលអនាគត។ កីឡាករសញ្ជាតិអាមេរិកបានយល់ព្រមលក្ខខណ្ឌផ្ទាល់រួចរាល់អស់ហើយ ខណៈ Milan ជាអ្នករ៉ាប់រងប្រាក់ឈ្នួលរបស់ Dest ទាំងអស់។ ប្រសិនបើ Dest វ័យ២១ឆ្នាំជាជម្រើស Milan ចង់បាននៅពេលអនាគត ក្លិបអាចនឹងចំណាយទិញផ្ដាច់ក្នុងតម្លៃខ្លួន២០លានអឺរ៉ូ ជាមួយកុងត្រា៤ឆ្នាំ។ Dest បានហោះទៅកាន់ទីក្រុង Milan កាលពីម្សិលមិញដើម្បីពិនិត្យសុខភាព និងចុះកុងត្រា ហើយអ្វីៗរងចាំតែការប្រកាសផ្លូវការពីក្លិបប៉ុណ្ណោះ។Sergino Dest ចូលរួមជាមួយ Barcelona ក្រោយផ្លាស់ពី Ajax កាលពី២ឆ្នាំមុន។ គេបង្ហាញខ្លួនបាន៧២ប្រកួតឲ្យ Barca រកបាន៣គ្រាប់និង៥ Asist ប៉ុន្តែមិនទាន់លេងបានមួយប្រកួតនៅឡើយទេសម្រាប់រដូវកាលថ្មី៕ ...

បឹងកេត ប៉ះ អគ្គីសនីកម្ពុជា ខណ: ភ្នំពេញក្រោន ប៉ះ វិសាខា វគ្គ៤ក្រុមចុងក្រោយ ពានសម្តេច

ពានរង្វាន់បាល់ទាត់សម្តេចអគ្គមហាសេនាបតីតេជោ ហ៊ុន សែន លើកទី១៦ជើងឯកថ្នាក់ជាតិ បានរកឃើញក្រុមខ្លាំងឡើងដល់វគ្គពាក់កណ្តាលផ្ដាច់ព្រ័ត្រហើយ ដោយក្នុងនោះមានបឹងកេត វិសាខា អគ្គីសនីកម្ពុជា និងភ្នំពេញក្រោន។ លទ្ធផលវគ្គ៨ក្រុមចុងក្រោយមាន៖-អគ្គីសនីកម្ពុជា (ជើងទី១:១-១) (ជើងទី២:៣-១) ព្រះខ័នរាជស្វាយរៀង (អគ្គីសនីកម្ពុជា ឈ្នះ៤-២)-Tiffy Army FC (ជើងទី១:១-៣) (ជើងទី២ : ០-៣) វិសាខា (វិសាខា ឈ្នះ៦-១)-ភ្នំពេញក្រោន(ជើងទី១:០-០) (ជើងទី២:០-០) ណាហ្គាវើល (ភ្នំពេញក្រោន ឈ្នះបាល់ប៉េណាំងទី៤-៣)-កោះកុង (ជើងទី១: ០-២) (ជើងទី២: ៣-៣) បឹងកេត (បឹងកេត ឈ្នះ៥-៣) កម្មវិធីប្រកួតវគ្គពាក់កណ្ដាលផ្ដាច់ព្រ័ត្រ ជើងទី១ នៅថ្ងៃទី៥ ខែតុលា និងជើងទី២ថ្ងៃទី១២ ខែតុលា៖-បឹងកេត ប៉ះ អគ្គីសនីកម្ពុជា-ភ្នំពេញក្រោន ប៉ះ វិសាខា៕ ...

Nick Taylor កូនកាត់ខ្មែរ-អាមេរិក ត្រូវបានលោក Keisuke Honda កោះហៅចូលក្រុមជម្រើសជាតិកម្ពុជា

ខ្សែប្រយុទ្ធ Nick Taylor កូនកាត់ខ្មែរ-អាមេរិក ដែលមានម្តាយជាជនជាតិខ្មែរ និងឪពុកជនជាតិអាមេរិក ស្ថិតក្នុងបញ្ជីរាយនាមបឋមរបស់ក្រុមកីឡាករ ដែលនឹងត្រូវកោះហៅសម្រាប់ការធ្វើតេស្ដកាយសម្បទានៅថ្ងៃទី១៣ ខែកញ្ញា ឆ្នាំ២០២២ ដើម្បីត្រៀមសម្រាប់ការប្រកួត “មិត្តភាពអន្តរជាតិ MinebearMitsumi” ទល់នឹងក្រុមជម្រើសជាតិបង់ក្លាដែស នៅថ្ងៃទី២២ ខែកញ្ញា ឆ្នាំ២០២២ ខាងមុខនេះ។ បច្ចុប្បន្ន Nick Taylor មានវ័យ២៣ឆ្នាំ រូបនេះកំពុងប្រកពអាជីពក្នុងក្រុម Orlando City B នៃលីគលំដាប់ទី៣ MSL Next Pro របស់ប្រទេសសហរដ្ឋអាមេរិក។ Nick Taylor មានកម្ពស់១.៧៨ម៉ែត្រ គឺជាថ្នាលយុវជនរបស់ក្រុម Dallas Texans, New Mexico Lobos, SMU Mustangs និង UCF Knights មុនផ្លាស់មកកាន់ Orlando City B នៅដើមឆ្នាំ ២០២២៕ ...

លោក Scott Parker អស់ការងារ ក្រោយដឹកនាំ Bournemouth ចាញ់ Liverpool 9-0

លោក Scott Parker អស់ការងារ ក្រោយដឹកនាំ Bournemouth ចាញ់ Liverpool 9-0

៤ប្រកួតនៅលីគកំពូលរបស់ប្រទេសអង់គ្លេស English Premier League 2022/23 ក្លិបបាល់ទាត់ AFC Bournemouth ក្រោមការដឹកនាំរបស់លោក Scott Parker ស្ថិតនៅលេខរៀងទី១៧ មានត្រឹមតែ៣ពិន្ទុប៉ុណ្ណោះ ដោយលេង៤ប្រកួត ឈ្នះ១ និងចាញ់៣ ស៊ុតបាន២គ្រាប់ និងរបូតគ្រាប់បាល់សរុប១៦។ ជាពិសេសនៅសប្តាហ៍ទី៤ នៅទឹកដី Anfield ក្រោមក្រសែលភ្នែកអ្នកគាំទ្រប្រមាណជាង៥ម៉ឺននាក់ ម្ចាស់ផ្ទះ Liverpool បានលត់ AFC Bournemouth យ៉ាងចាស់ដៃក្នុងលទ្ធផល ៩-០ ធ្វើឲ្យលោក Scott Parker អស់ការងារមុនគេនៅ English Premier League។ ក្រៅពី AFC Bournemouth បច្ចុប្បន្នមានក្រុមចំនួន៣ផ្សេងទៀតដែលប្រកួតមិនទាន់ស្គាល់ជ័យជម្នះជូនអ្នកគាំទ្រឡើយពោលគឺមានដូចជា Everton, Wolves និង Leicester City។ សម្រាប់សប្តាហ៍ទី៥ នៅថ្ងៃទី០១ ខែកញ្ញា ម៉ោង១:៣០នាទីរំលងអធ្រាត្រ AFC Bournemouth ត្រូវជួបជាមួយ Wolver នៅកីឡដ្ឋាន Vitality៕ ...

តើ Antony ទទួលបានប្រាក់ឈ្នួលប៉ុន្មាននៅក្លិប Manchester United?

តើ Antony ទទួលបានប្រាក់ឈ្នួលប៉ុន្មាននៅក្លិប Manchester United?

ខ្សែបម្រើប្រយុទ្ធ Antony បានផ្លាស់មកកាន់ Premier League ហើយ ក្រោយ Manchester United ឈានដល់កិច្ចព្រមព្រៀងទិញជាមួយ Ajax។Antony បានយល់ព្រមចុះកុងត្រារយៈពេល៥ឆ្នាំនៅកីឡដ្ឋាន Old Trafford។ ក្លិបបិសាចក្រហមបានចាយដល់ទៅ៩៥លានអឺរ៉ូទៅឲ្យ Ajax ដើម្បីនាំយកកីឡាករសញ្ជាតិប្រេស៊ីលមករួមក្រុម។ វាបានធ្វើឲ្យ Antony ក្លាយជាកីឡាករនៅលំដាប់ទី៤ដែលមានតម្លៃខ្លួនខ្ពស់ជាងគេនៅ Premier League។តាមប្រភពឲ្យដឹងថា កីឡាករវ័យ២២ឆ្នាំនឹងទទួលបានប្រាក់ឈ្នួលដល់ទៅ២០ម៉ឺនផោនក្នុងមួយសប្ដាហ៍ ធ្វើឲ្យគេក្លាយជាកីឡាករមានប្រាក់ពលកម្មខ្ពស់ជាងគេម្នាក់នៅ United។ Antony បានក្លាយជាកីឡាករចំណូលថ្មីទី៥ដែលលោក Erik ten Hag នាំចូលក្នុងរដូវក្ដៅនេះ ចាប់តាំងពីលោកចូលដឹកនាំកាលពីខែមិថុនា។Antony រកបាន២៥គ្រាប់ និង Assist ២២គ្រាប់ក្នុងការបង្ហាញខ្លួន៨២ប្រកួតឲ្យ Ajax ក្រោយផ្ទេរពីក្លឹបនៅប្រេស៊ីល Sao Paulo កាលពីឆ្នាំ២០២០ ដោយកាលនោះលោក Erik ten Hag ជាអ្នកទិញគេមក៕ ...

អតីតកីឡាកររបស់បិសាចក្រហម Januzaj ត្រៀមចូលរួមជាមួយ Sevilla

អតីតកីឡាកររបស់បិសាចក្រហម Januzaj ត្រៀមចូលរួមជាមួយ Sevilla