FC Sports logo
បាល់ទាត់

ខ្សែប្រយុទ្ធ Nick Taylor គឺជាកីឡាករដំបូងគេជាប់តេស្តកម្លាំង 30-15 IFT

4 months ago
4 months ago

ខ្សែប្រយុទ្ធ Nick Taylor គឺជាកីឡាករដំបូងគេជាប់តេស្តកម្លាំង 30-15 IFT

បាល់ទាត់
យោងតាមការបញ្ជាក់របស់លោក​ ភា សុភ័ត្រា ​គ្រូ​ជំនួយ​ក្រុម​ជម្រើស​ជាតិបានឲ្យដឹងថា ខ្សែប្រយុទ្ធ Nick Taylor ជាប់តេស្តកម្លាំងអំណត់ 30-15 IFT ដោយស្វ័យប្រវត្តិ ក្រោយមានការយោគយល់ពីសហព័ន្ធកីឡាបាល់ទាត់កម្ពុជា ដោយសារកត្តាធ្វើដំណើរផ្លូវឆ្ងាយ បូករួមការប្រមូលផ្តុំកីឡាករមិនចំថ្ងៃ FIFA Day។ ខ្សែប្រយុទ្ធ Nick Taylor កូនកាត់ខ្មែរ-អាមេរិក ដែលមានម្តាយជាជនជាតិខ្មែរ និងឪពុកជនជាតិអាមេរិក នឹងចេញដំណើរមកនាក់ប្រទេសកម្ពុជា នៅថ្ងៃទី១៥ ខែកញ្ញា ខាងមុខនេះ។ នេះគឺជាលើកដំបូងរបស់គេផងដែរចូលរួមក្រុមជម្រើសជាតិកម្ពុជា ដើម្បីត្រៀមការប្រកួត​មិត្តភាពអន្តរជាតិ ទល់នឹងក្រុមជម្រើសជាតិបង់ក្លាដែស នៅថ្ងៃទី២២ ខែកញ្ញា ឆ្នាំ២០២២ ខណៈសហព័ន្ធបាល់ទាត់កម្ពុជា នឹងរ៉ាប់រងថ្លៃចំណាយទាំងអស់ជូន Nick Taylor។ ខាងក្រោមនេះគឺជាបញ្ជីឈ្មោះកីឡាករទាំង៤០រូប៖ របៀបរត់កម្លាំងអំណត់ (30-15 Intermittent Fitness Test) របស់ក្រុមជម្រើសជាតិកម្ពុជាដែលទាមទារអោយកីឡាករទាំងអស់ធ្វើអោយបានកម្រិតល្បឿន ២០.៥។ កម្មវិធីរត់កម្លាំងអំណត់នេះកំពុងពេញនិយមក្នុងការធ្វើតេស្តកម្លាំងកីឡាករក្នុងរដូវកាលត្រៀម (Pre-Season) នៅបណ្តាលក្លិបជុំវិញពិភពលោក៕  ...
បាល់ទាត់

ក្រុម Bintang Timur Surabaya របស់ឥណ្ឌូនេស៊ី គ្រងជើងឯក AFF Futsal Cup 2022

4 months ago
4 months ago

ក្រុម Bintang Timur Surabaya របស់ឥណ្ឌូនេស៊ី គ្រងជើងឯក AFF Futsal Cup 2022

បាល់ទាត់
ពានរង្វាន់​បាល់ទាត់​ហ្វូតសាល AFF Futsal Cup 2022 បាន​រក​ឃើញម្ចាស់ជើងឯក គឺបានទៅលើក្រុម Bintang Timur Surabaya របស់ប្រទេសឥណ្ឌូនេស៊ី ក្រោយឈ្នះ​​ក្រុម Hongyen Thakam របស់​ថៃ នៅវគ្គផ្តាច់ព្រ័ត្រក្នុងលទ្ធផល ២-៤ កាលពីយប់ថ្ងៃទី១០ ខែកញ្ញា ឆ្នាំ២០២២។ លទ្ធផលនៃវគ្គដណ្តើមចំណាត់ថ្នាក់​លេខ៣៖– Sahako របស់វៀតណាម ២-២ Selangor MAC របស់ម៉ាឡេស៊ី (ក្រុម Selangor MAC ឈ្នះបាល់១១ម៉ែត្រ ៧-៨)លទ្ធផលវគ្គផ្តាច់ព្រ័ត្រ៖ – Hongyen Thakam របស់ថៃ ២-៤ Bintang Timur Surabaya របស់ឥណ្ឌូណេស៊ី។ ខាងក្រោមនេះគឺជាម្ចាស់ជើងឯកពានរង្វាន់​បាល់ទាត់​ហ្វូតសាល AFF Futsal Cup ចាប់តាំងពីបង្កើតឡើងដំបូងនៅឆ្នាំ ២០១៥៖– ២០១៥ ម្ចាស់ជើងឯក Port FC របស់ថៃ– ២០១៦ ម្ចាស់ជើងឯក Port FC របស់ថៃ– ២០១៧ ម្ចាស់ជើងឯក Port FC របស់ថៃ– ២០១៨ ម្ចាស់ជើងឯក Bangkok FC របស់ថៃ  – ២០១៩ ម្ចាស់ជើងឯក Chonburi Bluewave FC របស់ថៃ– ២០២១ ម្ចាស់ជើងឯក Chonburi Bluewave FC របស់ថៃ– ២០២២ ម្ចាស់ជើងឯក Bintang Timur Surabaya របស់ឥណ្ឌូណេស៊ី៕  ...
បាល់ទាត់

ល្ងាចនេះ! ក្រុម​ Hongyen Thakam ប៉ះក្រុម Bintang Timur Surabaya វគ្គផ្តាច់ព្រ័ត្រ AFF Futsal Cup ២០២២

4 months ago
4 months ago

ល្ងាចនេះ! ក្រុម​ Hongyen Thakam ប៉ះក្រុម Bintang Timur Surabaya វគ្គផ្តាច់ព្រ័ត្រ AFF Futsal Cup ២០២២

បាល់ទាត់
ពានរង្វាន់​បាល់ទាត់​ហ្វួតសាល​ 2022 AFF Futsal Club Championship បាន​រក​ឃើញ​ក្រុម​ឡើង​ដល់​វគ្គ​ផ្ដាច់ព្រ័ត្រ​ហើយ ដោយ​ក្រុម Hongyen Thakam របស់​ថៃ ត្រូវ​ប៉ះ​ក្រុម​ Bintang Timur Surabaya មក​ពី​ឥណ្ឌូណេស៊ី ក្នុង​វគ្គ​ផ្ដាច់ព្រ័ត្រ។ ពានរង្វាន់​នេះ​រៀបចំ​ឡើង​នៅ​ខេត្ត ​Nakhon Ratchasima ប្រទេស​ថៃ ដោយ​ធ្វើ​ឡើង​ពី​ថ្ងៃ​ទី​៤ ដល់​១០ ខែ​កញ្ញា ឆ្នាំ​២០២២ មាន​ក្រុម​ពី​តំបន់​អាស៊ាន​ចូលរួម​ចំនួន​៧ ចែក​ជា​២ពូល។ លទ្ធផល​វគ្គ​ពាក់កណ្ដាល​មាន៖-Sahako (វៀតណាម) ១-២ Bintang Timur Surabaya (ឥណ្ឌូណេស៊ី)-Hongyen Thakam (ថៃ)៦-២ Selangor MAC (ម៉ាឡេស៊ី) កម្មវិធី​វគ្គ​ចុងក្រោយ ធ្វើ​ឡើង​នៅ​ថ្ងៃ​ទី​១០ ខែ​កញ្ញា ៖*ចំណាត់ថ្នាក់​លេខ៣-Sahako (វៀតណាម) ប៉ះ Selangor MAC (ម៉ាឡេស៊ី) វេលាម៉ោង ២:៣០នាទីរសៀល។*ជើង​ឯក-Hongyen Thakam (ថៃ) ប៉ះ Bintang Timur Surabaya (ឥណ្ឌូណេស៊ី) វេលាម៉ោង ៥:០០នាទីល្ងាច៕  ...
បាល់ទាត់

ផាន សុផេន ទើបប្រឡូកបាល់ទាត់លក្ខណៈអាជីព ជាង១ឆ្នាំប៉ុណ្ណោះ ទទួលបានការកោះហៅពីក្រុមជម្រើសជាតិ

4 months ago
4 months ago

ផាន សុផេន ទើបប្រឡូកបាល់ទាត់លក្ខណៈអាជីព ជាង១ឆ្នាំប៉ុណ្ណោះ ទទួលបានការកោះហៅពីក្រុមជម្រើសជាតិ

បាល់ទាត់
ខ្សែប្រយុទ្ធវ័យក្មេងក្លិបព្រៃវែងអេហ្វស៊ី ផាន សុផេន ត្រូវបានកោះហៅចូលធ្វើតេស្ដក្នុងក្រុមបាល់ទាត់ជម្រើសជាតិកម្ពុជា ជាលើកដំបូង ដើម្បីយកឱកាសឆ្ពោះទៅបញ្ជីចុងក្រោយ ត្រៀមប្រកួតមិត្តភាពអន្តរជាតិតទល់បង់ក្លាដែស ថ្ងៃទី២២ ខែកញ្ញា ខាងមុខ។ កីឡាករវ័យក្មេងរូបនេះអះអាងមិននឹកស្មានអាចមានឱកាសចូលក្នុងបញ្ជីត្រៀមជម្រើសជាតិបែបនេះទេ ព្រោះទើបប្រឡូកបាល់ទាត់លក្ខណៈ អាជីពបានជាង១ឆ្នាំប៉ុណ្ណោះ។ ដោយឡែក គេគិតថា ការទទួលបានឱកាសដ៏ល្អនេះដោយសារតែបានមកពីការខិតខំប្រឹងប្រែង និងភាពលេចធ្លោក្នុងពានសម្ដេចតេជោ ហ៊ុន សែន ថ្នាក់ខេត្ត កាលនៅបន្ទាយមានជ័យផង កាលឆ្នាំ២០២១។ កាលណោះគេជា Top Scorer ក្នុងក្រុម ហើយក៏ត្រូវបានព្រៃវែងអេហ្វស៊ីនាំចូលរួមក្រុមក្នុងជើងទី២ ក្របខណ្ឌកំពូលកម្ពុជា រដូវកាលមុន។ ផាន សុផេន ថ្លែងបែបនេះ៖«ខ្ញុំអត់បានគិតថាមានថ្ងៃហ្នឹងទេ ព្រោះខ្ញុំទើបតែប្រឡូកក្នុងវិស័យហ្នឹង។ ក្នុងការត្រៀមខ្លួនរបស់ខ្ញុំ មានតែបន្តការប្រឹងប្រែងហ្វឹកហាត់បន្ថែមទៀតបង។ ខ្ញុំគិតថា ភាពលេចធ្លោក្នុងពានសម្ដេចកាលឆ្នាំមុន ការខិតខំប្រឹងប្រែង ការតស៊ូអត់ធ្មត់ ជាការរួមចំណែកមួយដ៏ធំសម្រាប់ខ្ញុំទើបធ្វើឱ្យមានថ្ងៃហ្នឹង។» ផាន សុផេន ផ្ដើមការហ្វឹកហាត់បាល់ទាត់ក្នុងក្រុមយុវជន Victory Poipet កាលជិត១០ឆ្នាំមុន ដោយបានចូលរួមការប្រកួតពានរង្វាន់ស្ម័គ្រចិត្តផ្សេងៗ។ ក្នុងរដូវកាល២០២២នៃក្របខណ្ឌ Cambodia League 2 គេ រកបាន៩គ្រាប់ហើយសម្រាប់ព្រៃវែងអេហ្វស៊ី៕  ...
បាល់ទាត់

RB Leipzig ប្រកាស​តែងតាំង​អ្នក​ចាត់​ការ​ថ្មី ក្រោយ​បណ្ដេញ​លោក Tedesco

4 months ago
4 months ago

RB Leipzig ប្រកាស​តែងតាំង​អ្នក​ចាត់​ការ​ថ្មី ក្រោយ​បណ្ដេញ​លោក Tedesco

បាល់ទាត់
ក្លិប RB Leipzig បាន​ប្រកាស​លោក Marco Rose ជា​អ្នក​ចាត់​ការ​ថ្មី ក្រោយ​បញ្ចប់​តួនាទី​លោក Domenico Tedesco ចេញ​ពី​តំណែង​។Rose បាន​ចុះ​កុងត្រា​រយៈពេល​២​ឆ្នាំ​នៅ Leipzig ហើយ​ក៏​ជា​ការ​ត្រឡប់​មក​ Bundesliga សាជាថ្មី ក្រោយ​ធ្លាប់​ដឹក​នាំ​ Moenchengladbach និង Borussia Dortmund។ អំឡុង​ពេល​ដឹក​នាំ​ Dortmund បុរស​សញ្ជាតិ​អាល្លឺម៉ង់​ត្រូវ​បាន​បណ្ដេញ​ចេញ​ពី​តំណែង ក្រោយ​​ជួយ​ក្លិប​បាន​មួយ​ឆ្នាំ។Rose វ័យ​៤៥​ឆ្នាំ​ជា​​អ្នក​ចាត់​ការ​​ថ្មី​​របស់ Leipzig មក​ជំនួស​លោក​ Tedesco ដែល​ត្រូវ​បាន​ក្លឹប​ដេញ​ពី​តំណែង​អ្នក​ចាត់​ការ​ ក្រោយ​បាន​ដឹកនាំ​ឲ្យ​ចាញ់​ក្លិប​​ Shakhtar Donetsk លទ្ធផល​ ១-៤ ក្នុង​ប្រកួត​បើក​ឆាក​ UEFA Champions League។Red Bull Salzburg ជា​ក្លិប​ដែល​លោក Rose ដឹក​នាំ​ជោគជ័យ​បំផុត​ក្នុង​អាជីព ដោយ​ជួយ​ពួក​គេ​ឈ្នះ​​ពាន​លីគ​កំពូល​របស់​​អូទ្រីស​២​ដង (រដូវ​កាល​២០១៧-១៨ និង ២០១៨-១៩) និង​ Cup ម្ដង​ (២០១៨-១៩)៕​...
បាល់ទាត់

Mata ទៅ​ចូលរួម​ជាមួយ Galatasaray ក្រោយ​ចេញ​ពី Man Utd

4 months ago
4 months ago

Mata ទៅ​ចូលរួម​ជាមួយ Galatasaray ក្រោយ​ចេញ​ពី Man Utd

បាល់ទាត់
ខ្សែ​បម្រើ​ប្រយុទ្ធ Juan Mata បាន​ទៅ​ចូលរួម​ជាមួយ​ក្លិប​ក្នុង​ប្រទេស​ទួរគី Galatasaray បន្ទាប់​ពី​យល់​ព្រម​លក្ខខណ្ឌ​ផ្ទាល់​ខ្លួន។កីឡាករ​វ័យ​៣៤​ឆ្នាំ​បាន​ក្លាយ​ជា​កីឡាករ​ទំនេរ ក្រោយ​អស់​កុងត្រា​ជាមួយ Manchester United ក្នុង​រដូវ​ក្ដៅ​នេះ។ កីឡាករ​សញ្ជាតិ​អេស្ប៉ាញ​បាន​ទទួល​យក​កុងត្រា​​រយៈពេល​មួយ​ឆ្នាំ ជាមួយ​ជម្រើស​បន្ថែម​មួយ​ឆ្នាំ​នៅ Galatasaray។ គេ​នឹង​ទទួល​បាន​ថ្លៃ​ពលកម្ម​១,៩​លាន​អឺរ៉ូ​ក្នុង​មួយ​ឆ្នាំ។Mata បាន​ចំណាយ​ពេល​៨​ឆ្នាំ​នៅ Old Trafford លេង​បាន​២៨៥​ប្រកួត រក​បាន​៥១​គ្រាប់​និង​៤៧ Assist ​ក្រោម​ការ​ដឹក​នាំ​របស់​អ្នក​ចាត់​ការ​​ជា​ច្រើន​ដូច​ជា David Moyes, Louis van Gaal, Jose Mourinho, Ole Gunnar Solskjaer, Michael Carrick និង Ralf Rangnick។   អំឡុង​ពេល​នៅ​បិសាច​ក្រហម​ សមាជិក​ឈ្នះ​ពាន World Cup ២០១០​ខាង​លើ​​ធ្លាប់​​ឈ្នះ​ពាន FA Cup, League Cop និង Europa League។ Mata មាន​ការ​ទាក់ទង​ចង់​បាន​​ពី​ក្លិប​ជា​ច្រើន​ដូច​ជា​នៅ Premier League, អេស្ប៉ាញ​និង​អាមេរិក ប៉ុន្តែ​ចុងក្រោយ​គេ​សម្រេច​ចិត្ត​មក​លេង​នៅ​ទួរគី៕ ...
បាល់ទាត់

​អ៊ីរ៉ង់ តែងតាំងគ្រូបង្វឹកថ្មី មុនព្រឹត្តិការណ៍ពិភពលោក FIFA World Cup 2022 នៅប្រទេសកាតាឈានមកដល់

4 months ago
4 months ago

​អ៊ីរ៉ង់ តែងតាំងគ្រូបង្វឹកថ្មី មុនព្រឹត្តិការណ៍ពិភពលោក FIFA World Cup 2022 នៅប្រទេសកាតាឈានមកដល់

បាល់ទាត់
លោក Carlos Queiroz គ្រូ​បង្វឹក​ជនជាតិ​ព័រទុយហ្គាល់ ដែល​ធ្លាប់​ដឹកនាំ​ក្រុម​បាល់ទាត់​ល្បីៗ​ដូចជា Real Madrid, Manchester United (គ្រូ​ជំនួយ) និង​ក្រុម​ជម្រើស​ជាតិ​ព័រទុយហ្គាល់, អាហ្វ្រិកខាងត្បូង, អារ៉ាប់រួម, កូឡុំប៊ី, អេហ្ស៊ីប និង​អ៊ីរ៉ង់ ពេល​នេះ​បាន​ចូល​ដឹកនាំ​ក្រុម​ជម្រើស​ជាតិ​អ៊ីរ៉ង់ ជា​លើក​ទី២​ហើយ ដើម្បី​ត្រៀម​ប្រកួត 2022 FIFA World Cup នៅ​ប្រទេស​កាតារ។ សហព័ន្ធ​កីឡា​បាល់ទាត់​អ៊ីរ៉ង់ បាន​ប្រកាស​ពី​ដំណើរ​ត្រឡប់​មក​វិញ​របស់​បុរស់​វ័យ​៦៩​ឆ្នាំ​រូប​នេះ​នៅ​ថ្ងៃ​ពុធ សប្ដាហ៍​នេះ ខណៈ​កាល​ពី​លើក​ទី១ លោក Carlos Queiroz ដឹកនាំ​ក្រុម​ខ្លាំង​ប្រចាំ​ទ្វីប​អាស៊ី មួយ​នេះ​បាន​ចំនួន​១០០​​ប្រកួត ក្នុង​នោះ​ឈ្នះ​បាន​​៦០​ប្រកួត ស្មើ​២៧​ប្រកួត​និង​ចាញ់​១៣​ប្រកួត ទាត់​ចូលទី​គូ​ប្រកួត​បាន​១៨១​គ្រាប់ និង​របូត​វិញ​៦០គ្រាប់ ក្នុង​រយៈ​ពេល​ពី​ថ្ងៃ​ទី៤ ខែ​មេសា ឆ្នាំ​២០១១ ដល់​២៨ មករា ២០១៩។ អ៊ីរ៉ង់ ជា​ក្រុម​១​ក្នុង​ចំណោម​​៦ ដែល​តំណាង​ឱ្យ​​ទ្វីប​អាស៊ី ជាមួយ​ជប៉ុន, កូរ៉េខាងត្បូង,អូស្ត្រាលី, កាតារ, (ម្ចាស់​ផ្ទះ) និង​អារ៉ាប៊ីសាអ៊ូឌីត ក្នុង​ព្រឹត្តិការណ៍ 2022 FIFA World Cup Qatar ខណៈ​ក្រុម​អ៊ីរ៉ង់ ស្ថិត​នៅ​ក្នុង​ពូល​ B ជាមួយ​អង់គ្លេស,​អាមេរិក និង​វ៉ែល។ ប្រកួត​បើក​ឆាក​ប្រចាំ​ពូល​អ៊ីរ៉ង់ ត្រូវ​ប៉ះ​អង់គ្លេស នៅ​ថ្ងៃ​ទី២១​ខែ​វិច្ឆិកា ឆ្នាំ​២០២២ លើ​ទីលាន​កីឡដ្ឋាន Khalifa International Stadium ក្នុង​ទីក្រុង Al Rayyan ប្រទេស​កាតារ៕  ...
បាល់ទាត់

ខ្សែបម្រើ កើត ពេជ្រ របស់ភ្នំពេញក្រោន លើកឡើងជុំវិញការជាប់ជម្រើសជាតិកម្ពុជាអាយុក្រោម២០ឆ្នាំ

4 months ago
4 months ago

ខ្សែបម្រើ កើត ពេជ្រ របស់ភ្នំពេញក្រោន លើកឡើងជុំវិញការជាប់ជម្រើសជាតិកម្ពុជាអាយុក្រោម២០ឆ្នាំ

បាល់ទាត់
កីឡាករ កើត ពេជ្រ សមាជិករបស់ក្លិបបាល់ទាត់ភ្នំពេញក្រោន បាននិយាយពីការជាប់ជម្រើសជាតិកម្ពុជាអាយុក្រោម២០ឆ្នាំ៖«នៅពេលដែលខ្ញុំបានចូលរួមជាមួយភ្នំពេញក្រោន​ ខ្ញុំគិតថាខ្ញុំបានបង្កើនសមត្ថភាពរបស់ខ្ញុំ និងយល់ពីការលេងបាល់ច្រើន យល់ពីស្ថានភាពនៃការលេងជាមួយក្រុម។ សម្រាប់ការចូលរួមជាមួយក្រុមអាយុក្រោម ២០ឆ្នាំនេះ ខ្ញុំនឹងព្យាយាមធ្វើឲ្យបានល្អ ជាពិសេសគឺការប្រកួតប្រជែងជាមួយប្រទេសផ្សេង ដើម្បីឲ្យកម្ពុជាយើងទទួលបានលទ្ធផលល្អ»។ ខាងក្រោមនេះគឺជា​បញ្ជី​ឈ្មោះ​កីឡាករ​របស់ក្លិបបាល់ទាត់ភ្នំពេញក្រោន ទាំងឈុតធំ, ឈុត U23 និងឈុត U20 សរុប (៩នាក់)៖-ឈុតធំមាន ៥នាក់៖ យើ ម៉ូស្លីម, អ៊ន ចាន់ប៉ូលីន. ប្រាក់ ធីវ៉ា, សឿន បារាំង, ជួន ចាន់ចាវ-ឈុត U23 មាន ២នាក់៖ លីម ពិសុទ្ធ, ឈុំ សុខហៃ។-ឈុត U20 មាន ២នាក់៖ កើត ពេជ្រ, សំអុល ទីណា។ សម្រាប់បញ្ជីរាយនាមរបស់ក្រុមជម្រើសជាតិកម្ពុជាអាយុក្រោម២០ឆ្នាំ ចូលរួមការប្រកួតពានរង្វាន់ AFC U20 CHAMPIONSHIP 2022 ដែលនឹងធ្វើឡើងពីថ្ងៃទី១៤ ខែកញ្ញា ឆ្នាំ​២០២២ ដល់ថ្ងៃទី១៨ ខែកញ្ញា ឆ្នាំ២០២២ នៅប្រទេសតាជីគីស្ថាន៕    ...
បាល់ទាត់

AFC Cup៖Kuala Lumpur City ទម្លាក់ ATK Mohun Bagan របស់ឥណ្ឌាឡើងទៅ​វគ្គ​ពាក់កណ្ដាល​ផ្ដាច់ព្រ័ត្រ​

4 months ago
4 months ago

AFC Cup៖Kuala Lumpur City ទម្លាក់ ATK Mohun Bagan របស់ឥណ្ឌាឡើងទៅ​វគ្គ​ពាក់កណ្ដាល​ផ្ដាច់ព្រ័ត្រ​

បាល់ទាត់
ពានរង្វាន់​បាល់ទាត់​សម្រាប់​ក្លិប​អាជីព​ប្រចាំ​ទ្វីប​អាស៊ី AFC Cup 2022 បាន​រក​ឃើញ​បេក្ខភាព​ឡើង​ដល់​វគ្គ​ពាក់កណ្ដាល​ផ្ដាច់ព្រ័ត្រ ហើយ ដោយ​ក្នុង​នោះ​មាន​ក្រុម Kuala Lumpure City ទៅ​ពី​លីគ​កំពូល​ម៉ាឡេស៊ី តំណាង​តំបន់​អាស៊ាន ឈាន​ដល់​វគ្គ​តានតឹង​នេះ។ លទ្ធផល​វគ្គ​៨ក្រុម​ចុងក្រោយ​មាន៖-Sogdiana Jizzakh (អ៊ូបេគីស្ថាន) ១-០ Eastern (ហុងកុង)-ATK Mohun Bagan (ឥណ្ឌា) ១-៣ Kuala Lumpur City (ម៉ាឡេស៊ី)-Al-Arabi (គុយវ៉ែត) ១-២ Al-Seeb (អូម៉ង់)-East Riffa (បារ៉ែន) ១-១ (៤-៥) Al-Riffa (បារ៉ែន) ដូច្នេះ​កម្មវិធី​ប្រកួត​វគ្គ​ពាក់កណ្ដាល​ផ្ដាច់ព្រ័ត្រ​ពានរង្វាន់ AFC Cup 2022 គឺ៖-៤ តុលា ២០២២ Al-Seeb (អូម៉ង់) Vs Al-Riffa (បារ៉ែន)-៥ តុលា ២០២២ Sogdiana Jizzakh (អ៊ូបេគីស្ថាន) ប៉ះ Kuala Lumpur City (ម៉ាឡេស៊ី) សូម​បញ្ជាក់​ថា​ពានរង្វាន់​បាល់ទាត់ AFC Cup 2022 ធ្វើ​ឡើង​ពី​ថ្ងៃ​ទី​​៥​ខែ​មេសា ដល់​២២ ខែ​តុលា ឆ្នាំ​២០២២ ដោយ​មាន​ក្រុម​ចូលរួម​​ពី​៥​តំបន់​ក្នុង​ទ្វីប​រួម​មាន៖-អាស៊ី​ខាង​លិច៖ ១២​ប្រទេស-អាស៊ីខាងត្បូង៖ ៧ប្រទេស-អាស៊ីកណ្ដាល៖៦ប្រទេស-អាស៊ី​អាគ្នេយ៍ (អាស៊ាន)៖ ១២​ប្រទេស-អាស៊ី​ខាង​កើត៖ ១០​ប្រទេស សហព័ន្ធ​កីឡា​បាល់ទាត់​អាស៊ី បាន​បង្កើត​រូបមន្ត​នៃ​ការ​ប្រកួត​មាន​ដូចជា​ វគ្គ​ជម្រុះ Preliminary stage, Play-Off Stage, Group Stage និង​ Knockout Stage។ ក្រុម​ឈ្នះ​ជើង​ឯក​នឹង​ទទួល​បាន​ថវិកា​ចំនួន​១លាន​៥សែន​ដុល្លារ​អាមេរិក ហើយ​ក្រុម​ជើង​ឯក​រង​ទទួល​បាន​៧៥​ម៉ឺន​ដុល្លារ​អាមេរិក ខណៈ​ក្រុម​ជើង​ឯក​តាម​តំបន់ (Zone) នីមួយៗ​ទទួល​បាន​ទឹក​ប្រាក់ ១០ម៉ឺន​ដុល្លារ​អាមេរិក។ រដូវកាល​នេះ​សម្រាប់​កម្ពុជា មាន​ក្រុម​ចំនួន​២​ ចូលរួម​គឺ​វិសាខា ជា​ម្ចាស់​ជើង​ឯក​ពានរង្វាន់​សម្តេច​តេជោ ហ៊ុន សែន ឆ្នាំ​២០២១ និង​ក្រុម​ភ្នំពេញក្រោន ម្ចាស់​ជើង​ឯក​ពានរង្វាន់​លីគ​កំពូល​កម្ពុជា ឆ្នាំ​២០២១។ ក្រុម​ទាំង​២​របស់​កម្ពុជា មាន​ឈ្មោះ​ដោយ​ស្វ័យប្រវត្តិ​ចូលរួម​ប្រកួត​ក្នុង​វគ្គ Group Stage តែ​អស់​ឱកាស​ត្រឹម​វគ្គ​នេះ​ដូចគ្នា៕    ...
បាល់ទាត់

Chelsea ចង់​បាន​​អ្នក​ចាត់​ការ​របស់ Brighton មក​ជំនួស​កន្លែង​លោក Tuchel

4 months ago
4 months ago

Chelsea ចង់​បាន​​អ្នក​ចាត់​ការ​របស់ Brighton មក​ជំនួស​កន្លែង​លោក Tuchel

បាល់ទាត់
Chelsea បាន​បើក​ការ​ចរចា​ជាមួយ​អ្នក​ចាត់​ការ​របស់​ក្លិប Brighton លោក graham potterដើម្បី​មក​ជំនួស​កន្លែង​លោក Thomas Tuchel។លោក Tuchel ដែល​​ឈ្នះ​​បាន​ពាន​៣​​គ្រឿង​ក្នុង​រយៈពេល​ដឹក​នាំ​២០​ខែ​នៅ​កីឡដ្ឋាន Stamford Bridge ត្រូវ​បាន​តោ​ខៀវ​បណ្ដេញ​ចេញ​ពី​តំណែង​កាល​ពី​​ម្សិលមិញ។ អតីត​អ្នក​ចាត់​ការ​របស់​ក្លិប Swansea និង Ostersunds FK លោក Potter វ័យ​៤៧​ឆ្នាំ​ត្រូវ​បាន​ក្លិប Brighton អនុញ្ញាត​ឲ្យ​​​ទៅ​និយាយ​ចរចា​ជាមួយ Chelsea។ លោក Tuchel ត្រូវ​បាន​បញ្ចប់​ការងារ​ បន្ទាប់​ពី​បាត់បង់​ទំនុក​ចិត្ត​ពី​ម្ចាស់​ក្លិប​ថ្មី​​ដែល​មក​គ្រប់គ្រង​កាល​ពី​ខែ​ឧសភា។លោក Potter ​បាន​ដឹក​នាំ Brighton ឈរ​លេខ​៤​ក្នុង​តារាង​ពិន្ទុ Premier League ក្នុង​រដូវ​កាល​នេះ បន្ទាប់​ពី​ឈ្នះ​៤ និង​ស្មើ​មួយ​ប្រកួត​ក្នុង​ចំណោម​៦​ប្រកួត​របស់​ពួក​គេ។ ​បុរស​សញ្ជាតិ​អង់គ្លេស​​ត្រូវ​បាន Brighton តែងតាំង​ជា​អ្នក​ចាត់​ការ​កាល​ពី​ខែឧសភា ឆ្នាំ​២០១៩ ហើយ​បាន​​ដឹក​​នាំ​ក្រុម​ឈរ​លេខ​១៥, ១៦​និង៩ នៅ​៣​រដូវ​កាល​ចុង​ក្រោយ។ ក្រោម​ការ​កាន់កាប់​របស់​ម្ចាស់​ក្លិប​ថ្មី Chelsea បាន​ចំណាយ​ដល់​ទៅ​២៥៥,៣​លាន​ផោន​​ក្នុង​ទីផ្សារ​ដោះដូរ​រដូវ​ក្ដៅ​នេះ នាំ​យក​កីឡាករ​ចំណូល​ថ្មី​ចំនួន​៨​នាក់៕ ...
បាល់ទាត់

មិន​ទាន់​នរណា​ធ្វើ​បាន! Lewandowski រក​បាន Hat-Trick នៅ​​​ UCL បី​ក្លិប​ផ្សេង​គ្នា

4 months ago
4 months ago

មិន​ទាន់​នរណា​ធ្វើ​បាន! Lewandowski រក​បាន Hat-Trick នៅ​​​ UCL បី​ក្លិប​ផ្សេង​គ្នា

បាល់ទាត់
ក្លិប Barcelona បាន​យក​ឈ្នះ​ក្លិប Viktoria Plzen លទ្ធផល ៥-១ ក្នុង​ពូល C នៃ​ការ​ប្រកួត​ដំបូង​​ពាន​រង្វាន់ Champions League កាល​ពី​យប់​មិញ។អំឡុង​ការ​ប្រកួត ខ្សែ​បម្រើ Franck Kessie ជា​អ្នក​រក​គ្រាប់​ដំបូង​ឲ្យ Barcelona។ ខ្សែ​ប្រយុទ្ធ​សញ្ជាតិ​ប៉ូឡូញ Lewandowski ធ្វើ​បាន​៣​គ្រាប់​ជាប់​ៗ​គ្នា​នៅ​នាទី​ទី​៣៤, ៤៥+៣ និង​៦៧ ខណៈ Ferran Torres ជា​អ្នក​បន្ថែម​គ្រាប់​ទី​៥។ ចំណែក​ឯ​មួយ​គ្រាប់​របស់ Viktoria Plzen សម្រេច​ទី​ដោយ​កីឡាករ Jan Sykora។Lewandowski ពេល​នេះ​បាន​ក្លាយ​​ជា​កីឡាករ​ដំបូង​​រក​បាន​ Hat-Trick នៅ Champions League ៣​​ក្លិប​ផ្សេង​​គ្នា ជាមួយ Bayern Munich, Borussia Dortmund និង Barcelona។ ក្នុង​ពូល C ​ជាមួយ​គ្នា​នេះ​ដែរ Bayern បាន​យក​ឈ្នះ​ក្រុម​ខ្លាំង​មក​ពី​អ៊ីតាលី Inter Milan ២-០។ក្នុង​ពូល​ C ពេល​នេះ Barcelona កំពុង​ស្ថិត​នៅ​កំពូល​តារាង​​មាន​៣​ពិន្ទុ​ស្មើ​​គ្នា​ជាមួយ Bayern ប៉ុន្តែ​ពួក​គេ​មាន​គ្រាប់​បាល់​ចំណេញ​ច្រើន​ជាង។ Inter ស្ថិត​នៅ​លេខ​៣ ខណៈ Viktoria Plzen នៅ​បាត​តារាង​​​គ្មាន​ពិន្ទុ​រាប់​ដូច​គ្នា៕ ​...
បាល់ទាត់

នគរបាលជាតិ ត្រៀមប៉ះ បឹងកេត ក្នុងជំនួបមិត្តភាព​នៅ​ទឹកដីខេត្ត​ព្រះសីហនុ

4 months ago
4 months ago

នគរបាលជាតិ ត្រៀមប៉ះ បឹងកេត ក្នុងជំនួបមិត្តភាព​នៅ​ទឹកដីខេត្ត​ព្រះសីហនុ

បាល់ទាត់
ការប្រកួតមិត្តភាពរវាងក្លិបបាល់ទាត់នគរបាលជាតិ ប្រកួតជាមួយ ក្លិបបាល់ទាត់បឹងកេត នៅក្នុងទឹកដីក្រុងព្រះសីហនុ ដែលនឹងប្រព្រឹត្តិទៅនៅថ្ងៃសៅរ៍ ទី១០ ខែកញ្ញា ឆ្នាំ២០២២ វេលាម៉ោង ៣:០០រសៀល ក្នុងទីលានវិទ្យាល័យសម្តេចឪ ខេត្តព្រះសីហនុ។ នេះគឺដំណើរទស្សនកិច្ចទៅកាន់ខេត្តព្រះសីហនុ របស់ក្លិបបាល់ទាត់បឹងកេត រយៈពេល ០៣ថ្ងៃ ចាប់ពីថ្ងៃទី៩ ដល់ថ្ងៃទី១១ ខែកញ្ញា ឆ្នាំ២០២២។ ហើយនៅចុងសប្ដាហ៍នេះក្លិបបាល់ទាត់បឹងកេត រួមជាមួយ យុវជនបរិស្ថាន និងសហភាពសហព័ន្ធយុវជនកម្ពុជា នឹងធ្វើដំណើរទៅកាន់ខេត្តព្រះសីហនុ ក្នុងយុទ្ធនាការចូលរួមផ្សព្វផ្សាយតំបន់ទេសចរណ៍ក្នុងខេត្ត រួមជាមួយនឹងកម្មវិធីអប់រំស្ដីពីបរិស្ថាន ការបង្ហាត់បង្ហាញនិងចែករំលែកចំណេះដឹងបាល់ទាត់ដល់ប្អូនៗកុមារ  ការប្រកួតមិត្តភាព និងកិច្ចការងារសង្គមដ៏ចាំបាច់ជាច្រើនទៀត។ ទស្សនកិច្ច​ដ៏​អស្ចារ្យមួយនេះ នឹងមានកម្មវិធីពិសេសៗដូចជា ស្តាប់បទបង្ហាញស្តីពី ការគ្រប់គ្រងធនធានធម្មជាតិនៅតំបន់ឆ្នេរសមុទ្រខេត្តព្រះសីហនុ ដោយតំណាងមន្ទីរបរិស្ថាន ព្រមទាំង វឌ្ឍនភាពនៃការអភិវឌ្ឍ និងចក្ខុវិស័យប្រែក្លាយខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង ថែមទៀតផង។ ជារួមដំណើរទស្សនកិច្ចនេះ នឹង​ឆ្លុះបញ្ចាំងឱ្យឃើញពីការស្វែងយល់​ពីគ្នាទៅវិញទៅមក អំពី​សក្តានុពល​ ការអភិវឌ្ឍ ការអភិរក្សធនធានធម្មជាតិ ក៏ដូចជាអំពី​ចំណេះដឹងបាល់ទាត់ តាមរយៈក្លិបបាល់ទាត់បឹងកេត និងខេត្ត ព្រះសីហនុ៕...
បាល់ទាត់

កីឡាករ​ចំណូល​ថ្មី Arthur អាច​នឹង​បង្ហាញ​ខ្លួន​ប្រកួត​ដំបូង​ឲ្យ Liverpool យប់​នេះ

4 months ago
4 months ago

កីឡាករ​ចំណូល​ថ្មី Arthur អាច​នឹង​បង្ហាញ​ខ្លួន​ប្រកួត​ដំបូង​ឲ្យ Liverpool យប់​នេះ

បាល់ទាត់
Liverpool នឹង​លេង​ដោយ​គ្មាន​​ប្រធាន​ក្រុម​កំពុង​របួស Jordan Henderson សម្រាប់​ការ​ប្រកួត​បើក​ឆាក​ Champions League ពូល A ទល់​​នឹង Napoli យប់​នេះ។Fabio Carvalho, Curtis Jones, Naby Keita និង Alex Oxlade-Chamberlain សុទ្ធតែ​មិន​បាន​បង្ហាញ​ខ្លួន​ប្រកួត​ឲ្យ​ហង្សក្រហម។ យ៉ាងណាមិញ ខ្សែ​បម្រើ Thiago Alcantara គ្រោង​នឹង​បង្ហាញ​ខ្លួន​ជា​លើក​ដំបូង​ ក្រោយ​សម្រាក​អស់​មួយ​ខែ។ បញ្ហា​​របួស​ខ្សែ​បម្រើ​ច្រើន​ពេក នៅ​ថ្ងៃ​​ដោះដូរ​កីឡាករ​ចុងក្រោយ Liverpool បាន​សម្រេច​ចិត្ត​ខ្ចី​ជើង Arthur Melo ពី​ក្លិប Juventus។ កីឡាករ​វ័យ​២៦​ឆ្នាំ​​អាច​នឹង​បង្ហាញ​ខ្លួន​ប្រកួត​ដំបូង​ឲ្យ Liverpool ទល់​នឹង Napoli នៅ​ក្នុង​កីឡដ្ឋាន Stadio Diego Armando Maradona។លោក Jurgen Klopp បាន​និយាយ​ថា ពេល​នេះ Arthur ត្រូវ​​ការ​បាល់ទាត់​និង​ហ្វឹកហាត់​ពិសេស។ សួរ​ថា​តើ​គេ​អាច​​លេង​បាន​ច្រើន​នាទី​ទេ? ពិត​ណាស់​បាន។ តើ​គេ​អាច​លេង​ពេញ​ម៉ោង​ទេ? គឺ​មិន​បាន​ទេ ព្រោះ​គេ​ត្រូវ​ការ​ភាព​ស៊ាំ​​ក្នុង​​ការ​ប្រកួត​នីមួយៗ។ គេ​​បាន​​​លះបង់​គ្រប់​យ៉ាង​​គ្រប់​ការ​ហ្វឹកហាត់។ ក្រុម​ត្រូវ​តែ​យក​ចិត្ត​ទុក​ដាក់​លើ​គេ ហើយ​បន្ទាប់​មក​​​នឹង​ឃើញ​ពេល​ណា​ដែល​អាច​ប្រើ​ការ​គេ​បាន៕ ​​...
បាល់ទាត់

លឹម ពិសុទ្ធ គឺកីឡាករខ្មែរដំបូងគេ ត្រូវបានជ្រើសរើសជាកីឡាករល្អប្រចាំខែនៅលីគកំពូលកម្ពុជា

4 months ago
4 months ago

លឹម ពិសុទ្ធ គឺកីឡាករខ្មែរដំបូងគេ ត្រូវបានជ្រើសរើសជាកីឡាករល្អប្រចាំខែនៅលីគកំពូលកម្ពុជា

បាល់ទាត់
ម្ចាស់ពានកីឡាករឆ្នើមប្រចាំខែសីហា (CAMBODIAN PREMIER LEAGUE MVP OF THE MONTH) បានទៅលើខ្សែប្រយុទ្ធស្លាប លឹម ពិសុទ្ធ សមាជិកក្លិបបាល់ទាត់ភ្នំពេញក្រោន ដោយទទួលបានរង្វាន់ម៉ូតូថ្មីស្រឡាងពីក្រុមហ៊ុន Suzuki ក្នុងក្របខណ្ឌពានរង្វាន់លីគកំពូលកម្ពុជា។ បច្ចុប្បន្នខ្សែប្រយុទ្ធវ័យក្មេង លឹម ពិសុទ្ធ របស់ក្លិបបាល់ទាត់ភ្នំពេញក្រោន ស៊ុតបញ្ចូលទីបាន៥គ្រាប់នៅក្នុងលីគកំពូលកម្ពុជា ជាប់ជាកីឡាករខ្មែរលំដាប់ទី២ដែលទាត់បញ្ចូលទីច្រើនជាងគេគិតត្រឹម (សប្តាហ៍ទី១៧) ចាញ់តែកីឡាករ សា ទី របស់វិសាខា, ម៉ាត់ នូរុណ របស់បឹងកេត និង មិន រតន: របស់ព្រះខ័នរាជស្វាយរៀង ចំនួន១គ្រាប់។ គួរដឹងថា លឹម ពិសុទ្ធ គឺជាកីឡាករទី៤ បន្ទាប់ពី Marcus Haber ឈ្នះពានកីឡាករឆ្នើមប្រចាំខែកក្កដា, Takumu Nishihara ឈ្នះនៅខែមេសា និង Emmanuel Mbarga ឈ្នះនៅខែមីនា។ ខាងក្រោមនេះគឺជាបញ្ជីឈ្មោះបេក្ខភាពកីឡាករឆ្នើមប្រចាំខែសីហា (Player of the Month) ទាំង៧រូបដូចជា៖– កីឡាករ Gabriel Silva​ សញ្ជាតិប្រេស៊ីល របស់ក្លិបអង្គរថាយហ្គឺរ– កីឡាករ ម៉ាត់ នូរុណ របស់ក្លិបបឹងកេត– កីឡាករ ជុង សុខា របស់ក្លិបគិរីវង់សុខសែនជ័យ– កីឡាករ ស៊ូ យ៉ាទី របស់ណាហ្គាវើលដ៍– កីឡាករ មិន រតន: របស់ក្លិបព្រះខ័នរាជស្វាយរៀង– កីឡាករ លឹម ពិសុទ្ធ របស់ក្លិបភ្នំពេញក្រោន– កីឡាករ សា ទី របស់ក្លិបវិសាខា៕ ...
បាល់ទាត់

Henry ថា Mbappe ល្អ​ជាង Haaland ព្រោះ​ហេតុផល​ទាំង​នេះ

4 months ago
4 months ago

Henry ថា Mbappe ល្អ​ជាង Haaland ព្រោះ​ហេតុផល​ទាំង​នេះ

បាល់ទាត់
លោក Thierry Henry បាន​និយាយ​ថា លោក​នឹង​ជ្រើសរើស Kylian Mbappe ចូល​ក្រុម​របស់​ខ្លួន​​​​ជំនួស​ Erling Haaland ដោយ​សារ​តែ​មើល​ឃើញ​ចំណុច​ល្អ​មួយ​ចំនួន។​Haaland រក​បាន​២​គ្រាប់​​ម្នាក់​ឯង ខណៈ Phil Foden និង Ruben Dias ធ្វើ​បាន​ម្នាក់​មួយ​គ្រាប់​​ក្នុង​ជំនួប Manchester City យក​ឈ្នះ Sevilla ៤-០។ មិន​​ចាញ់​គ្នា​ឡើយ Mbappe ក៏​ធ្វើ​បាន​២​គ្រាប់​ដូច​ Haaland ដែរ ជួយ PSG យក​ឈ្នះ Juventus ២-១ ក្នុង​ការ​ប្រកួត​បើក​ឆាក UCL។យ៉ាងណាមិញ​ តាម​មតិ​របស់​លោក Henry យល់​ឃើញ​ថា​​មិត្ត​រួម​ជាតិ​បារាំង Mbappe ល្អ​ជាង Haaland ត្បិត​​កីឡាករ​សញ្ជាតិ​ន័រវែស​​រក​បាន​ដល់​១២​គ្រាប់​ក្នុង​ការ​បង្ហាញ​ខ្លួន​៧​ប្រកួត​ដំបូង​ឲ្យ City ក៏​ដោយ។ និយាយ​ប្រាប់​សារព័ត៌មាន CBS អតីត​អ្នក​ចាត់​ការ​របស់​ក្លិប Monaco ថា Mbappe អាច​បង្កើត​ឱកាស​និង​បញ្ចប់​ទី​។ Haaland មិន​អាច​បង្កើត​ឱកាស​បាន​ទេ ចេះ​តែ​បញ្ចប់​ទី​ប៉ុណ្ណោះ។ Mbappe អាច​លេង​បាន​ទាំង​ប្រយុទ្ធ​​ខាង​ឆ្វេង​និង​ស្ដាំ ហើយ​​​ប្រយុទ្ធ​កណ្ដាល​ក៏​លេង​បាន។ ចំណែក Haaland បាន​តែ​ប្រយុទ្ធ​កណ្ដាល​តែ​មួយ​គត់៕  ​...
បាល់ទាត់

ទាំងឈុត U19 និងឈុតធំ របស់ក្រុម Dinamo Zagreb បំបាក់តោខៀវ Chelsea នៅក្របខណ្ឌ UCL

4 months ago
4 months ago

ទាំងឈុត U19 និងឈុតធំ របស់ក្រុម Dinamo Zagreb បំបាក់តោខៀវ Chelsea នៅក្របខណ្ឌ UCL

បាល់ទាត់
ក្រុមបាល់ទាត់ Dinamo Zagreb របស់ប្រទេសក្រូអាច ក្រោមការដឹកនាំរបស់លោក Ante Čačić បានយកឈ្នះតោខៀវ Chelsea ក្នុងលទ្ធផល ១-០ នៅកីឡដ្ឋាន Stadion Maksimir វគ្គជម្រុះពូល E ពានរង្វាន់​ជើង​ឯក​ទ្វីប​អឺរ៉ុប UEFA Champions League 2022–23។ ខាងក្រោមជាលទ្ធផលរបស់ក្រុម Dinamo Zagreb ទាំងឈុត U19 និងឈុតធំ៖– ឈុតធំ Dinamo Zagreb ១-០ Chelsea– ឈុត U19 Chelsea ២-៤ Dinamo Zagreb។ គួរដឹងផងដែរក្លិបតោខៀវ Chelsea ដែលមានលោក Todd Boehly ជាម្ចាស់ក្លិបបានចំណាយទឹកប្រាក់ប្រមាណ ២៥១លានផោន ច្រើនជាងគេនៅក្នុងលីគអង់គ្លេស Premier League 2022-23 នៃទីផ្សារដោះដូររដូវក្តៅនេះមានដូចជា៖– Raheem Sterling ផ្ទេរពី Manchester City ក្នុងតម្លៃ ៥០លានផោន– Kalidou Koulibaly ផ្ទេរពី Napoli ក្នុងតម្លៃ ៣៣លានផោន– Marc Cucurella ផ្ទេរពី Brighton ក្នុងតម្លៃ ៦០លានផោន– Cesare Casadei ផ្ទេរ​ពី Inter Milan ក្នុង​តម្លៃ​១២​លាន​ផោន– Carney Chukwuemeka ផ្ទេរពី Aston Villa ក្នុងតម្លៃ ២០លានផោន– Wesley Fofana ផ្ទេរពី Leicester City ក្នុងតម្លៃ ៧០លានផោន៕      ...
បាល់ទាត់

ក្រុម Down Town Sport របស់កម្ពុជា ជ្រុះចេញពីពានកម្រិតអាស៊ាន AFF Futsal Cup 2022

4 months ago
4 months ago

ក្រុម Down Town Sport របស់កម្ពុជា ជ្រុះចេញពីពានកម្រិតអាស៊ាន AFF Futsal Cup 2022

បាល់ទាត់
ក្រុមបាល់ទាត់ Down Town Sport បានជ្រុះចេញពីពានរង្វាន់​បាល់ទាត់​ហ្វូតសាល​កម្រិត​អាស៊ាន AFF Futsal 2022 បន្ទាប់ពីចាញ់ម្ចាស់ផ្ទះ Hongyen Thakam Futsal Club ដោយលទ្ធផល ១១-២ កាលពីយប់ថ្ងៃទី០៦ ខែកញ្ញា ឆ្នាំ២០២២។ ខាងក្រោមនេះគឺជាលទ្ធផល៣ប្រកួតក្នុងពូល A របស់ក្រុមបាល់ទាត់ Down Town Sport៖– Bintang Timur Surabaya របស់ឥណ្ឌូនេស៊ី ១២-២ Down Town Sport– Down Town Sport ៨-៤ Perwira របស់ប្រ៊ុយណេ– Hongyen Thakam របស់ថៃ ១១-២ Down Town Sport។ តារាងចំណាត់ថ្នាក់ពូល A៖1. Hongyen Thakam (ថៃ) លេង៣ប្រកួត ឈ្នះ៣ មាន៩ពិន្ទុពេញ2. Bintang Timur Surabaya (ឥណ្ឌូនេស៊ី) លេង៣ប្រកួត ឈ្នះ២ និងចាញ់១ មាន៦ពិន្ទុ3. Down Town Sport (កម្ពុជា) លេង៣ប្រកួត ឈ្នះ១ និងចាញ់២ មាន៣ពិន្ទុ4. Perwira (ប្រ៊ុយណេ) លេង៣ប្រកួត ចាញ់ទាំង៣។ វគ្គពាក់កណ្តាលផ្តាច់ព្រ័ត្រ៖– ថ្ងៃទី៨ ខែកញ្ញា វេលាម៉ោង ២:៣០នាទីរសៀល Hongyen Thakam (ថៃ) vs Selangor MAC (ម៉ាឡេស៊ី)– ថ្ងៃទី៨ ខែកញ្ញា វេលាម៉ោង ៥:០០នាទីល្ងាច Sahako (វៀតណាម) vs Bintang Timur Surabaya (ឥណ្ឌូនេស៊ី)៕  ...
បាល់ទាត់

ពីសមាជិកក្រុមបាល់ទាត់ភ្នំពេញក្រោន ក្លាយជាកីឡាការិនីហុកគីជម្រើសជាតិកម្ពុជា

4 months ago
4 months ago

ពីសមាជិកក្រុមបាល់ទាត់ភ្នំពេញក្រោន ក្លាយជាកីឡាការិនីហុកគីជម្រើសជាតិកម្ពុជា

បាល់ទាត់
សមាជិកនៃក្រុមកីឡាការិនីហុកគីជម្រើសជាតិកម្ពុជា ឌី គឹមយាន ជាអតីតកីឡាការិនីបាល់ទាត់ភ្នំពេញក្រោន និងធ្លាប់ហ្វឹកហាត់កីឡាវូស៊ូ មុននឹងសម្រេចចិត្តជ្រើសរើសកីឡាដែលលេងដោយប្រើដៃរហូតដល់សព្វថ្ងៃ។ កីឡាការិនី ឌី គឹមយាន កើតនៅថ្ងៃទី២០ ខែមករា ឆ្នាំ២០០១ នៅភូមិតាងួន សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។ នាងបានចាប់ផ្ដើមលេងកីឡាដំបូងគឺបាល់ទាត់ នៅឆ្នាំ២០១៧ ដោយពេលនោះរួមរស់ជាមួយក្លិបបាល់ទាត់នារីភ្នំពេញក្រោន ក្នុងតួនាទីជាខ្សែបម្រើ។ លុះចូលដល់ឆ្នាំ២០១៨ កីឡាការិនីរូបនេះបានចាប់ផ្ដើមហាត់កីឡាវូស៊ូ ប៉ុន្តែបានត្រឹមតែហ្វឹកហាត់ រួចក៏បន្ថែមការហ្វឹកហាត់កីឡាហុកគី ក្នុងឆ្នាំជាមួយគ្នា។ ក្រោយមកកីឡាការិនីវ័យ ២១ឆ្នាំរូបនេះ បានសម្រេចចាប់អាជីពកីឡាហុកគីពិតប្រាកដ និងប្រឹងប្រែងរហូតបានជាប់ជម្រើសជាតិនៅឆ្នាំ២០២០។ ជាមួយនឹងការផ្លាស់ប្ដូរពីកីឡាបាល់ទាត់ ទៅលេងកីឡាហុកគី ឌី គឹមយាន បានបង្ហើបពីមូលហេតុដោយសារយល់ឃើញកីឡាទាំងពីរនេះមានលក្ខណៈស្រដៀងគ្នា បូករួមជាមួយនឹងការចាប់អារម្មណ៍ ទន្ទឹមគ្នាដោយការមានឱកាស ទើបសម្រេចជ្រើសរើសលេងកីឡាហុកគី។ កីឡាការិនីវ័យ ២១ឆ្នាំរូបនេះបានចាត់ទុកថាបន្ទាប់ពីការប្រកួត នៅប្រទេសថៃរួច ធ្វើឲ្យខ្លួនទទួលបានបទពិសោធន៍ដ៏ល្អមួយទៀត សម្រាប់ជាមេរៀនដើម្បីត្រៀមខ្លួន ហ្វឹកហាត់ និងពង្រឹងបច្ចេកទេស កម្លាំងកាយ និងប្រឹងបង្កើនសមត្ថភាពទាំងខ្លួនឯងផ្ទាល់ និងមិត្តរួមក្រុមឱ្យបានរីកចម្រើនបន្ថែមទៀត។ ពិសេសជាងនេះទៅទៀត គឺការខិតខំប្រឹងប្រែងចាប់យកនូវរាល់ការពន្យល់ណែនាំពីពីក្រុមគ្រូបង្វឹកដើម្បីអភិវឌ្ឍសមត្ថភាពសម្រាប់ត្រៀមស៊ីហ្គេម នាឆ្នាំក្រោយនេះ៕  ...
បាល់ទាត់

​បង់ក្លាដែសបញ្ចេញបញ្ជីកីឡាករ២៧រូប ត្រៀមជួបគោព្រៃកម្ពុជាចុងខែកញ្ញានេះ

4 months ago
4 months ago

​បង់ក្លាដែសបញ្ចេញបញ្ជីកីឡាករ២៧រូប ត្រៀមជួបគោព្រៃកម្ពុជាចុងខែកញ្ញានេះ

បាល់ទាត់
ក្រុមជម្រើសជាតិបង់ក្លាដែស នឹងប្រកួតមិត្តភាពអន្តរជាតិ«MinebeaMitsumi» ទល់នឹង ក្រុមជម្រើស​ជាតិ​ឈុត​ធំ​កម្ពុជា នៅថ្ងៃ FIFA Day ត្រូវនឹងថ្ងៃទី២២ ខែកញ្ញា ឆ្នាំ២០២២ ក្នុងពហុកីឡដ្ឋានមរតកតេជោ បន្ទាប់ពីបានបញ្ជេញ​បញ្ជីឈ្មោះកីឡាករ២៧នាក់ជាផ្លូវការក្នុងផេកផ្លូវការរបស់ខ្លួន។ ខាងក្រោមនេះគឺជាបញ្ជីឈ្មោះកីឡាករទាំង២៧រូប៖(ដាក់រូប) បន្ទាប់ពីប្រកួតមិត្តជាមួយក្រុមជម្រើសជាតិកម្ពុជារួច ក្រុមជម្រើសជាតិបង់ក្លាដែស ក្រោមការដឹកនាំរបស់លោក Javier Fernández Cabrera នឹងត្រូវធ្វើដំណើរទៅប្រកួតមិត្តភាពជាមួយក្រុមជម្រើសជាតិនេប៉ាល នៅកីឡដ្ឋាន Dashrath Rangasala នាថ្ងៃទី២៧ ខែកញ្ញា ឆ្នាំ២០២២ ខាងមុខនេះ។ ជំនួបចុងក្រោយរបស់ក្រុមជម្រើសជាតិបង់ក្លា មុនពេលប៉ះក្រុមគោព្រៃកម្ពុជា បានចាញ់ក្រុមជម្រើសជាតិម៉ាឡេស៊ីក្នុងលទ្ធផល៤ ទល់និង១ ក្នុងវគ្គជម្រុះ ASIAN CUP កាលពីថ្ងៃទី១៤ ខែមិថុនា ឆ្នាំ២០២២ កន្លងទៅនៅ កីឡដ្ឋាន Nasional Bukit Jalil នាប្រទេសម៉ាឡេស៊ី៕    ...
បាល់ទាត់

អ្នក​គាំទ្រ Olympiakos ២​ម៉ឺន​នាក់​​ចេញ​មក​ស្វាគមន៍ Marcelo

4 months ago
4 months ago

អ្នក​គាំទ្រ Olympiakos ២​ម៉ឺន​នាក់​​ចេញ​មក​ស្វាគមន៍ Marcelo

បាល់ទាត់
អ្នក​គាំទ្រ​ប្រមាណ​២០ ០០០​នាក់​បាន​ចេញ​មក​ស្វាគមន៍​​ខ្សែ​ការពារ​ឆ្វេង Marcelo ក្នុង​ការ​បង្ហាញ​ខ្លួន​ជា​​ផ្លូវការ​ក្នុង​នាម​ជា​កីឡាករ​ថ្មី​​​របស់​ក្លិប Olympiakos។អ្នក​គាំទ្រ​បាន​​ស្រែក​និង​​ដុត​ភ្លើង​នៅ​ពេល​ដែល​កីឡាករ​សញ្ជាតិ​ប្រេស៊ីល​ដើរ​មក​កាន់​ទីលាន Georgios Karaiskakis។ Marcelo រួម​ដំណើរ​ដោយ​ប្រពន្ធ​និង​កូន​ប្រុស​ទាំង​ពីរ​បាន​មក​ដល់​ប្រលានយន្តហោះ​​ Athens International Airport ដោយ​យន្ត​ហោះ​ឯកជន​។គេ​បាន​មក​ដល់​កីឡដ្ឋាន​អម​ដំណើរ​​ដោយ​នាយក​ផ្នែក​កីឡា​របស់​ក្លិប​លោក Christian Karembeu។ កីឡាករ​វ័យ​៣៤​ឆ្នាំ​បាន​ដើរ​ចូល​ទីលាន​​ដោយ​ពាក់​អាវ​លេខ​១២ ដែល​​ជា​លេខ​គេ​ពាក់​រយៈពេល​១៦​ឆ្នាំ​នៅ Real Madrid។ Marcelo បាន​ចុះ​កុងត្រា​ជាមួយ​ក្លិប​មាន​មូលដ្ឋាន​ក្នុង​ប្រទេស​ក្រិក​រយៈពេល​មួយ​ឆ្នាំ​ ជាមួយ​ជម្រើស​បន្ថែម​មួយ​ឆ្នាំ។ Marcelo បាន​ចាកចេញ​ពី Madrid ដោយ​គ្មាន​តម្លៃ​ខ្លួន បន្ទាប់​ពី​អស់​កុងត្រា​ជាមួយ​ក្លិប។ រយៈពេល​១៦​រដូវ​កាល គេ​បាន​ជួយ​ក្រុម​ឈ្នះ​ពាន La Liga ចំនួន​៦​ដង Copa del Rey ​២ដង, Champions League ៥​ដង, UEFA Super Cup ៣​ដង និង FIFA Club World Cup ៤ដង៕  ...