ពត៌មានកីឡាថ្មីៗ

James Rodriguez ផ្លាស់មកកាន់ Olympiacos ហើយ

អតីតកីឡាកររបស់ Real Madrid និង Everton កីឡាករ James Rodriguez បានផ្លាស់មកកាន់ក្លិបក្នុងលីគប្រទេសក្រិក Olympiacos ហើយ។ កីឡាករសញ្ជាតិកូឡុំប៊ីមានបំណងចង់ចាកចេញពីក្លិបក្នុងប្រទេសកាតា Al-Rayyan ដែលជាកន្លែងគេសល់កុងត្រាដល់ឆ្នាំ២០២៤ ទទួលបានថ្លៃនឿយហត់៥,២លានផោនក្នុងមួយឆ្នាំ។ ប៉ុន្តែពេលនេះ Olympiacos នាំយក James មកកាន់អឺរ៉ុបវិញហើយ បន្ទាប់ពីឈានដល់កិច្ចព្រមព្រៀងជាមួយកីឡាករវ័យ៣១ឆ្នាំ។ Olympiacos បានប្រកាសការមកដល់របស់ James កាលពីម្សិលមិញ បន្ទាប់ពីគេបានយល់ព្រមផ្ដាច់កុងត្រាជាមួយ Al-Rayyan។ Olympiacos បានទាក់ទងនិយាយជាមួយ Rodriguez ជាច្រើនថ្ងៃ មុនពេលឈានដល់កិច្ចព្រមព្រៀងជាមួយគ្នា។ James Rodriguez ជាកីឡាករពោរពេញដោយបទពិសោធន៍ធ្លាប់លេងជាមួយក្លិបធំៗជាច្រើននៅអឺរ៉ុបដូចជា Porto, Monaco, Real Madrid, Bayern Munich, Everton។ Madrid ជាក្លិបដែល James លេងជោគជ័យបំផុតធ្លាប់ឈ្នះពាន Champions League ២ដង, La Liga ២ដង, UEFA Super Cupនិង FIFA Club World Cup ២ដងដូចគ្នា៕ ...

បាល់ទាត់

U20កម្ពុជា ត្រូវប៉ះសិង្ហបុរី នៅម៉ោង៧យប់នេះ ក្រោយធ្វើចាញ់លីបង់ក្នុងជំនួបបើកឆាក

4 months ago

បាល់ទាត់

ក្រុមជម្រើសជាតិកម្ពុជា យុវជនក្រោមអាយុ២០ឆ្នាំ (U20) នឹងត្រូវតទល់ជាមួយសិង្ហបុរី នាជំនួបសន្សំពិន្ទុ ពូល I នៃពានរង្វាន់បាល់ទាត់ AFC Asian Cup នៅវេលាម៉ោង៥ល្ងាច (ម៉ោង៧យប់នៅកម្ពុជា) ថ្ងៃទី១៦ ខែកញ្ញា នៅកីឡដ្ឋាន Pamir Stadium ក្រុង Dushanbe ប្រទេសតាហ្ស៊ីគីស្ថាន។ លទ្ធផលប្រកួតបើកឆាកកន្លងមកក្នុងវគ្គជម្រុះពូល I ៖- ថ្ងៃទី១៤ ខែកញ្ញា កម្ពុជា ០-១ លីបង់- ថ្ងៃទី១៤ ខែកញ្ញា តាជីគីស្ថាន ០-០ សិង្ហបុរី កាលវិភាគប្រកួតទី២៖- ថ្ងៃទី១៦ ខែកញ្ញា ម៉ោង៧យប់ កម្ពុជា Vs សិង្ហបុរី -ថ្ងៃទី១៦ ខែកញ្ញា ម៉ោង១០យប់ តាជីគីស្ថាន Vs លីបង់ កាលវិភាគប្រកួតចុងក្រោយ៖- ថ្ងៃទី១៨ ខែកញ្ញា ម៉ោង៧យប់ លីបង់ Vs សិង្ហបុរី- ថ្ងៃទី១៨ ខែកញ្ញា ម៉ោង១០យប់ តាជីគីស្ថាន ប៉ះ កម្ពុជា។ ខាងក្រោមនេះគឺជាតារាងចំណាត់ថ្នាក់ពូល I បណ្តោះអាសន្ន៖1. លីបង់ ឆ្លងកាត់១ប្រកួត ឈ្នះ១ ៣ពិន្ទុពេញ2. តាជីគីស្ថាន ឆ្លងកាត់១ប្រកួត ស្មើ១ ១ពិន្ទុ3. សិង្ហបុរី ឆ្លងកាត់១ប្រកួត ស្មើ១ ១ពិន្ទុ4. កម្ពុជា ឆ្លងកាត់១ប្រកួត ចាញ់១ មានសូន្យពិន្ទុ៕ ...

បាល់ទាត់

បង់ក្លាដេស មកដល់កម្ពុជា ១អាទិត្យមុនការប្រកួតមិត្តភាពអន្តរជាតិចាប់ផ្តើម

4 months ago

បាល់ទាត់

បាល់ទាត់

បាត់មុខ ទេស សម្បត្តិ, កែវ សុខផេង, ប៊ិន ចន្ថាធារី និងកីឡាករ១ចំនួនផ្សេងទៀត ក្រោយតេស្តកម្លាំង 30-15 IFT

4 months ago

បាល់ទាត់

បន្ទាប់ពីចម្រាញ់បានកីឡាករU23កម្ពុជា ២២នាក់ចុងក្រោយ ពេលនេះ សហព័ន្ធកីឡាបាល់ទាត់កម្ពុជា បានបញ្ចេញបញ្ជីឈ្មោះចុងក្រោយក្រុមកីឡាកជម្រើសជាតិកម្ពុជាឈុតធំវិញម្តង ដើម្បីប្រកួតមិត្តភាពអន្តរជាតិ MinebeaMitsumi ទល់នឹងក្រុមជម្រើសជាតិបង់ក្លាដែស ដែលឡើងនៅថ្ងៃទី២២ ខែកញ្ញា ឆ្នាំ២០២២ នៅពហុកីឡដ្ឋានមរតកតេជោ។ ក្រោយតេស្តកម្លាំងអំណត់ (30-15IFT) តម្រូវឱ្យកីឡាកររត់ចាប់ពី ២០.៥ គីឡូម៉ែត្រ/១ម៉ោង គេសង្កេតឃើញថាបាត់មុខកីឡាករសំខាន់ៗជាច្រើនដូចជា ទេស សម្បត្តិ, កែវ សុខផេង, ប៊ិន ចន្ថាធារី, កែន ច័ន្ទសុភក្តិ , ច្រឹង ពលរដ្ឋ, ទៀត គីមហេង សុះ ស៊ូហាណា, គួច សុគម្ភះ ជាដើម។ ប៉ុន្តែជំនួសមកវិញដោយកីឡាករដូចជា៖ ស៊ូ យ៉ាទី, រ៉ឹង ប៊ុនហៀង, ឈង់ ប៊ុនណាត, ដាវ នីម, ជឿន ណាចា, កាន់ ពិសាល, គួច ដានី, វ៉ាន់ តៃឡាម៊ី និង ត្រាយ វិចិត្រ បន្ទាប់ពីរត់ជាប់តេស្តកម្លាំងអំណត់ 30-15 IFT៕ ...

បាល់ទាត់

Messi, Mbappe និង Neymar រកបានគ្រាប់ដូចគ្នាក្នុងជ័យជម្នះរបស់ PSG

4 months ago

Messi, Mbappe និង Neymar រកបានគ្រាប់ដូចគ្នាក្នុងជ័យជម្នះរបស់ PSG

បាល់ទាត់

Lionel Messi, Neymar និង Kylian Mbappe រកបានម្នាក់មួយគ្រាប់ក្នុងជ័យជម្នះ Psris St-Germain វាយបកយកឈ្នះក្រុម Maccabi Haifa។ខ្សែបម្រើ Tjaronn Chery ធ្វើបានគ្រាប់នាំមុខមុនឲ្យក្រុមមកពីអ៊ីស្រាអែល Maccabi Haifa នៅនាទី២៤ មុនពេល Messi រកគ្រាប់តាមស្មើឲ្យ PSG វិញនៅនាទី៣៧។ ឈានដល់វគ្គទីពីរ PSG បានសម្រុករហូតរកបាន២គ្រាប់បន្ថែមធ្វើបានដោយខ្សែប្រយុទ្ធ Mbappe និង Neymar។បញ្ចប់ការប្រកួតក្រុមអ្នកមានបារាំង PSG យកឈ្នះ Maccabi Haifa ៣-១។ ជ័យជម្នះនេះបន្តជួយ PSG ឈរនៅលេខមួយក្នុងពូល H មាន៦ពិន្ទុស្មើគ្នាជាមួយ Benfica ដែលនៅលេខ២។ ក្លិបយក្សរបស់អ៊ីតាលី Juventus និង Maccabi Haifa ឆ្លងកាតពីរប្រកួតកន្លងទៅមិនទាន់មានពិន្ទុរាប់នៅឡើយទេ៕ ...

បាល់ទាត់

Haaland រកបានគ្រាប់ចុងម៉ោងជួយ City យកឈ្នះអតីតក្លិបចាស់ Dortmund

4 months ago

Haaland រកបានគ្រាប់ចុងម៉ោងជួយ City យកឈ្នះអតីតក្លិបចាស់ Dortmund

បាល់ទាត់

ខ្សែប្រយុទ្ធ Erling Haaland រកបានមួយគ្រាប់ជួយ Manchester City យកឈ្នះ Borrussia Dortmund ២-១ ក្នុងពានរង្វាន់ Champions League កាលពីយប់មិញ។ការប្រកួតដែលរៀបចំនៅកីឡដ្ឋាន Etihad Stadium ក្រុមភ្ញៀវ Dortmundបានបើកឆាករកគ្រាប់ បាល់បានមុនដោយខ្សែប្រយុទ្ធ Jude Bellingham នៅនាទី៥៦។ យ៉ាងណាមិញ នាទីទី៨០ខ្សែការពារ John Stones ក៏រកគ្រាប់តាមស្មើវិញឲ្យ City តាមរយៈការទាត់មួយជើងយ៉ាងស្អាត ផុតដៃអ្នកចាំទី Alexander Meyer។៤នាទីបន្ទាប់ Haaland ធ្វើបានគ្រាប់ជ័យជម្នះជូនក្រុមលោក Pep Guardiola ក្រោយមានការបញ្ជូនពី Joao Cancelo។ នេះគឺជាគ្រាប់ទី២៦ក្នុងអាជីពសម្រាប់ការបង្ហាញខ្លួន២១ប្រកួតរបស់ Haaland ក្នុងកម្មវិធី Champions League។ ឆ្លងកាត់២ប្រកួតក្នុងវគ្គសន្សំពិន្ទុពូល G ក្លិប Man City ឈរកំពូលតារាងមាន៦ពិន្ទុពេញ ខណៈ Dortmund នៅលេខពីរមាន៣ពិន្ទុ។ FC Copenhagen ស្ថិតនៅលេខបីមាន១ពិន្ទុស្មើគ្នាជាមួយ Sevilla ដែលនៅបាតតារាង៕ ...

បាល់ទាត់

សារ ទី, សៀង ចន្ធា និង លឹម ពិសុទ្ធ ស្ថិតក្នុងបញ្ជីឈ្មោះចុងក្រោយU23កម្ពុជា ត្រៀមប៉ះជប៉ុន

4 months ago

បាល់ទាត់

នៅព្រឹកថ្ងៃទី១៥ ខែកញ្ញា សហព័ន្ធកីឡាបាល់ទាត់កម្ពុជា បានបញ្ចេញឈ្មោះចុងក្រោយ របស់ក្រុមកីឡាករអាយុក្រោម២៣ឆ្នាំ ដើម្បីត្រៀមសម្រាប់ការប្រកួតមិត្តភាពអន្តរជាតិ ទល់នឹងក្រុមជម្រើសជាតិជប៉ុនអាយុក្រោម២៣ឆ្នាំ នៅថ្ងៃទី២០ ខែកញ្ញា ឆ្នាំ២០២២។ នេះគឺជាការត្រៀមដ៏សំខាន់មួយ ដើម្បីដកស្រង់បទពិសោធន៍ ជាមួយក្រុមដែលមានកម្រិតខ្ពស់ជាង ហើយក៏ជាលើកដំបូងសម្រាប់ U-23 កម្ពុជា ដែលចូលរួមការប្រកួតឡើងវិញ បន្ទាប់ពីបានបញ្ចប់សកម្មភាពប្រកួតក្នុងព្រឹត្តិការណ៍កីឡាស៊ីហ្គេម លើកទី៣១ ឆ្នាំ២០២១ (លើកមកឆ្នាំ២០២២) នៅប្រទេសវៀតណាម កាលពីខែឧសភា កន្លងទៅ។ លោក ភា សុភ័ក្ត្រា បានបញ្ជាក់យ៉ាងដូច្នេះថា៖«ដូចអ្វីដែលយើងរៀបចំ គឺក្រៅតែពីផែនការត្រៀមសម្រាប់ស៊ីហ្គេម នៅក្នុងឱកាសលេងមិត្តភាពនេះ យើងបានកោះហៅកីឡាករដ៏ច្រើន ខុសពីសព្វមួយដង ពីព្រោះជាហេតុផល នៅពេលយើងមើលទៅលើកម្រិតរបស់ពួកគាត់ដែលមានគុណភាពផ្សេងៗគ្នា គុណភាពប្រហាក់ប្រហែលគ្នា មានអ្នកខ្លះមានគុណភាពខ្ពស់ ប៉ុន្តែអ្វីដែលយើងចង់បានកាន់តែខ្លាំងគឺការប្រើប្រាស់កម្លាំង»។ អតីតគ្រូបង្វឹករបស់សមាគមកីឡាបាល់ទាត់កងយោធពលខេមរភូមិន្ទ បានបន្ថែមទៀតថា៖«ការប្រើប្រាស់កម្លាំងនេះគឺដើម្បីផ្សារភ្ជាប់ជាមួយនឹងតាក់ទិចនៃការលេងតម្រូវការខ្ពស់ផ្នែកកម្លាំងនៃការប្រយុទ្ធ បង្កើនចលនានៃការគាំទ្រ និងការប្រយុទ្ធ ក៏ដូចជារក្សាកម្លាំងឱ្យមានថិរវេលាគ្រប់គ្រាន់ដែលយើងតែងតែឃើញមកហើយថា កន្លងមកកីឡាករយើងភាគច្រើនគឺតែងតែធ្លាក់ចុះកម្លាំងក្រោយពីការរត់អស់។ អ៊ីចឹងវាជាហេតុលផលមួយនៅក្នុងន័យដើម្បីពួកគាត់បានដឹងផងដែរពាក់ព័ន្ធនឹងការហ្វឹកហាត់អភិវឌ្ឍសមត្ថភាពកម្លាំង»។ គ្រូជំនួយវ័យ ៤០ឆ្នាំរូបនេះបានសង្កត់ធ្ងន់ថា ៖«មួយវិញទៀត ក៏ជាការជម្រុញទឹកចិត្ត ឬក៏លើកទឹកចិត្តពួកគាត់ដែលបានប្រឹងប្រែងបង្ហាញការប្រកួតកម្រិតខ្ពស់នៅលើទីលានសម្រាប់ក្លិបរៀងៗខ្លួន ក៏ដូចជាការសាបព្រោះដំណាក់កាលដំបូងអំពីរបៀបនៃការរត់ (30-15IFT) ហើយនៅពេលគាត់គិតថា ពេលគាត់បានចូលរួម គាត់ទទួលបានបទពិសោធន៍ ឬក៏ដឹងថា ខ្លួនឯងនៅខ្វះខាតបញ្ហាកម្លាំងនេះ ដើម្បីឲ្យគាត់ប្រឹងប្រែងជម្រុញទឹកចិត្តខ្លួនឯងក្នុងការអភិវឌ្ឍសមត្ថភាពកម្លាំង ដើម្បីឲ្យមានឱកាសមកចូលរួមលើកក្រោយទៀត»។ ក្រុមដែលប្រកួតមិត្តភាពនាពេលខាងមុខនេះ នឹងប្រមូលផ្ដុំទៅដោយសមាសភាពកីឡាករដែលមានអាយុក្រោម២៣ឆ្នាំ ត្រូវនឹងលក្ខខណ្ឌអាយុនៃការប្រកួតស៊ីហ្គេម លើកទី៣២ ឆ្នាំ២០២៣ ដែលកម្ពុជា ទទួលធ្វើម្ចាស់ផ្ទះជាលើកដំបូងក្នុងប្រវត្តិសាស្ត្រ សម្រាប់ប្រភេទកីឡាដ៏មានប្រជាប្រិយភាព (បាល់ទាត់) វិញ្ញាសាបុរស អាយុក្រោម២៣ឆ្នាំ៕ ...

បាល់ទាត់

AFC U20៖គោជំទង់កម្ពុជា របូត៣ពិន្ទុក្នុងជំនួប បើកឆាកទល់នឹងលីបង់ នៅទឹកដីតាជីគីស្ថាន

4 months ago

បាល់ទាត់

ក្រុមជម្រើសជាតិកម្ពុជា យុវជនក្រោមអាយុ២០ឆ្នាំ (U20) បានប្រកួតបើកពូល I ចាញ់ក្រុម U20 លីបង់ ក្នុងលទ្ធផល ១-០ នៅកីឡដ្ឋាន Republic Central Stadium កាលពីយប់ថ្ងៃពុធ ទី១៤ ខែកញ្ញា ឆ្នាំ២០២២ ក្នុងពានរង្វាន់កម្រិតទ្វីបអាស៊ី 2023 AFC U-20 Asian Cup qualification ស្ថិតក្នុងវគ្គជម្រុះ។ គ្រាប់បាល់ជ័យជម្នះរបស់ក្រុមជម្រើសជាតិលីបង់អាយុក្រោម២០ឆ្នាំ រកបានដោយកីឡាករ Mohammad Sadek នៅនាទី៨’ ដើមតង់ទី១ ស៊ុតទម្លាយអ្នកចាំទីកម្ពុជា វីរៈ ដារ៉ា។ ហើយលទ្ធផល ១-០ នេះរក្សារហូតដល់ចប់ការប្រកួត។ ខណ:ការប្រកួតពូល I ១គូទៀតរវាងម្ចាស់ផ្ទះតាជីគីស្ថាន ទល់នឹងសិង្ហបុរី បញ្ចប់លទ្ធផល ០-០ ដោយគ្មានការទាត់បញ្ចូលទីគ្នាឡើយ ដោយចែកគ្នាម្នាក់១ពិន្ទុ នៅកីឡដ្ឋាន Republic Central Stadium។ ខាងក្រោមនេះគឺជាតារាងចំណាត់ថ្នាក់ពូល I បណ្តោះអាសន្ន៖1. លីបង់ ឆ្លងកាត់១ប្រកួត ឈ្នះ១ ៣ពិន្ទុពេញ2. តាជីគីស្ថាន ឆ្លងកាត់១ប្រកួត ស្មើ១ ១ពិន្ទុ3. សិង្ហបុរី ឆ្លងកាត់១ប្រកួត ស្មើ១ ១ពិន្ទុ4. កម្ពុជា ឆ្លងកាត់១ប្រកួត ចាញ់១ មានសូន្យពិន្ទុ៕ ...

បាល់ទាត់

សហព័ន្ធសម្រេចទិញសិទ្ធិផ្សាយបន្តផ្ទាល់ការប្រកួត U20កម្ពុជា ពីម្ចាស់ផ្ទះតាជីគីស្ថាន

4 months ago

បាល់ទាត់

ដើម្បីនាំយកការផ្សាយបន្តផ្ទាល់ការប្រកួតរបស់ក្រុមជម្រើសជាតិកម្ពុជាអាយុក្រោម ២០ឆ្នាំ ជូនអ្នកគាំទ្របានទស្សនា សហព័ន្ធកីឡាបាល់ទាត់កម្ពុជា បានសម្រេចឲ្យទិញសិទ្ធិផ្សាយបន្តផ្ទាល់លើអនឡាញពីម្ចាស់ផ្ទះតាជីគីស្ថាន នៃពានរង្វាន់ AFC U20 Championship 2023 ដើម្បីផ្សាយលើទំព័រហ្វេសបុករបស់សហព័ន្ធកីឡាបាល់ទាត់កម្ពុជាជូនបងប្អូនកម្ពុជាទស្សនា ទោះមិនមានអ្នកឧបត្ថម្ភការផ្សាយ។ ក្រុមជម្រើសជាតិកម្ពុជាយុវជនក្រោមអាយុ២០ឆ្នាំ (U20) ត្រូវប្រកួតបើកពូល I ជាមួយក្រុម U20 លីបង់ នៅវេលាម៉ោង៧យប់នៅកម្ពុជា ថ្ងៃពុធ ទី១៤ ខែកញ្ញា ឆ្នាំ២០២២ ក្នុងពានរង្វាន់កម្រិតទ្វីបអាស៊ី 2023 AFC U-20 Asian Cup qualification ស្ថិតក្នុងវគ្គជម្រុះ។ ក្រុម U20កម្ពុជា ដឹកនាំដោយលោកគ្រូបង្វឹកជនជាតិជប៉ុន Koji Gyotoku ដែលមានកីឡាករ២៣នាក់ធ្វើដំណើរទៅកាន់ប្រទេសតាជីគីស្ថាន ជាទឹកដីសម្រាប់ប្រកួតក្នុងពូល I នៃវគ្គជម្រុះប្រចាំទ្វីបអាស៊ី នេះ លើវាលស្មៅកីឡដ្ឋាន Pamir Stadium។ កម្ពុជា ស្ថិតក្នុងពូលជាមួយម្ចាស់ផ្ទះតាជីគីស្ថាន លីបង់ និងសិង្ហបុរី។ កម្មវិធីប្រកួតសរុបក្នុងពូល I របស់ក្រុមជម្រើសជាតិកម្ពុជា៖– ថ្ងៃទី១៤ ខែកញ្ញា កម្ពុជា ប៉ះ លីបង់ នៅកីឡដ្ឋាន Pamir– ថ្ងៃទី១៦ ខែកញ្ញា សិង្ហបុរី ប៉ះ កម្ពុជា នៅកីឡដ្ឋាន Pamir– ថ្ងៃទី១៨ ខែកញ្ញា តាជីគីស្ថាន ប៉ះ កម្ពុជា នៅកីឡដ្ឋាន Pamir៕ ...

បាល់ទាត់

Mendy និង Kante អវត្តមានក្នុងការប្រកួតរវាង Chelsea និង Salzburg

4 months ago

Mendy និង Kante អវត្តមានក្នុងការប្រកួតរវាង Chelsea និង Salzburg

បាល់ទាត់

អ្នកចាំទី Edouard Mendy និងខ្សែបម្រើ N’Golo Kante នឹងត្រូវខកខានក្នុងការដឹកនាំប្រកួតដំបូងរបស់លោក Graham Potter ពេលដែល Chelsea ជួប RB Salzburg នៅ Champions League។Chelsea នឹងត្រូវស្វាគមន៍ Salzburg ក្នុងកីឡដ្ឋាន Stamford Bridge នៅរាត្រីនេះ បន្ទាប់ពីចាញ់ការប្រកួតបើកឆាកក្នុងពូល E ក្រោមថ្វីជើងរបស់ Dinamo Zabreb ដែលជាការប្រកួតចុងក្រោយរបស់លោក Tomas Tuchel ក្នុងនាមជាអ្នកចាត់ការ។Kante វ័យ៣១ឆ្នាំអវត្តមានដោយសារមានបញ្ហារបួសសរសៃពួរ ខណៈ Mendy មានរបួសជង្គង់។ នេះគឺជាការចូលដឹកនាំក្នុងកម្មវិធីប្រកួត UCL ដំបូងសម្រាប់លោក Graham Potter។ មុនការប្រកួតមកដល់ Potter បាននិយាយថា វាជាពេលវេលាល្អសម្រាប់លោកដែលបានឈានចូលកម្មវិធីធំ ហើយបទពិសោធន៍របស់លោកនៅ Champions League គឺត្រឹមកម្រិតអ្នកគាំទ្រប៉ុណ្ណោះ៕ ...

បាល់ទាត់

Matip ជួយ Liverpool រកបានជ័យជម្នះដំបូងនៅ UCL ក្រោយរកបានគ្រាប់ចុងម៉ោង

4 months ago

Matip ជួយ Liverpool រកបានជ័យជម្នះដំបូងនៅ UCL ក្រោយរកបានគ្រាប់ចុងម៉ោង

បាល់ទាត់

ការតែតបញ្ចូលទីរបស់ខ្សែការពារ Joel Matip ទល់នឹង Ajax នៅកីឡដ្ឋាន Anfield បានជួយ Liverpool រកបានជ័យជម្នះដំបូងនៅពានរង្វាន់ Champions League ក្នុងរដូវកាលនេះ។ប្រកួតទីមួយរបស់ក្រុមលោក Jurgen Klopp ក្នុងពាន UCL បានចាញ់ Napoli ធ្ងន់ក ៤-១ ក្នុងទឹកដីប្រទេសអ៊ីតាលី។ យ៉ាងណាមិញ ហង្សក្រហមបានស្រោចស្រង់ជ័យជម្នះបានវិញក្នុងប្រកួតទីពីរ ដោយបានយកឈ្នះ Ajax ២-១ កាលពីយប់មិញ។ក្នុងការប្រកួត Mahamed Salah ជាអ្នករកគ្រាប់បើកឆាកឲ្យ Liverpool ក្រោយមានការបញ្ជូនពី Diogo Jota នៅនាទី១៧។ ១០នាទីបន្ទាប់ Ajax ក៏តាមស្មើបានវិញតាមរយៈការរកគ្រាប់បាល់ដោយMohammed Kudus។ នាទី៨៩ទៅហើយ ខ្សែការពារកណ្ដាល Matip បានតែតបញ្ចូលទី ជួយ Liverpool ទទួលបានជ័យជម្នះ ២-១។តាមរយៈការឈ្នះនេះ Liverpool ស្ថិតនៅលេខ៣ពូល A មាន៣ពិន្ទុស្មើគ្នាជាមួយក្រុមលេខមួយនិងពីរ Ajax និង Napoli តែចាញ់គ្រាប់បាល់ចំណេញ ខណៈ Rangers នៅបាតតារាង៕ ...

បាល់ទាត់

FIFA គ្រោងនឹងដកអេក្វាទ័រ ចេញពីពាន World Cup ក្រោយរកឃើញថាប្រើប្រាស់លិខិតឆ្លងដែនក្លែងក្លាយ

4 months ago

បាល់ទាត់

សហព័ន្ធកីឡាបាល់ទាត់ពិភពលោកហៅកាត់ថា «FIFA» គ្រោងនឹងដកប្រទេសអេក្វាទ័រ ចេញពីពានរង្វាន់ FIFA World Cup 2022 នៅប្រទេសកាតា ក្រោយរកឃើញថាកីឡាករ Byron Castillo មានសញ្ជាតិ កូឡុំប៊ី និងបានប្រើប្រាស់លិខិតឆ្លងដែនក្លែងក្លាយ (Fake Passport) ដើម្បីលេងតំណាងឲ្យអេក្វាទ័រ នាពេលកន្លងមក។ កីឡាករ Byron Castillo វ័យ២៣ឆ្នាំ លេងតួនាទីជាខ្សែការពារ និងបានចូលលេងឲ្យជម្រើសជាតិអេក្វាទ័រ អំឡុងការប្រកួតជម្រុះនៅតំបន់អាមេរិកឡាទីននាពេលកន្លងទៅ។ ដោយ Byron បានកើតនៅតំបន់ Tumaco ក្នុងប្រទេសកូឡុំប៊ី ដែលជាតំបន់មួយនៅជាប់គ្នានឹងព្រំប្រទល់ប្រទេសអេក្វាទ័រ ដោយរូបគេមានសំបុត្រកំណើតជាជនជាតិកូឡុំប៊ី។ តាមរយៈការចែកពូល អេក្វាទ័រ ស្ថិតនៅពូល A ជាមួយ កាតា (ម្ចាស់ផ្ទះ) សេណេហ្គាល់ និងហូឡង់។ ប្រសិនបើ អេក្វាទ័រ ត្រូវបានកាត់ចេញជាផ្លូវការមែននោះ ប្រទេសដែលនឹងចូលរួមប្រកួតជំនួស នឹងប្រកួតមួយខែមុន World Cup 2022 ចាប់ផ្តើម។ តាមគម្រោងការប្រកួតពានរង្វាន់ពិភពលោក FIFA World Cup 2022 នឹងចាប់ផ្តើមឡើង នៅថ្ងៃទី២១ វិច្ឆិកា ដល់ថ្ងៃទី១៨ ខែធ្នូ ចុងឆ្នាំនេះ ហើយប្រទេសកាតាក៏បានក្លាយជាម្ចាស់ផ្ទះ World Cup ដំបូងគេបង្អស់នៅមជ្ឈិមបូព៌ា៕ ...

បាល់ទាត់

បន្ទាប់ពីការធ្វើដំណើរអស់រយៈពេលជាង២០ម៉ោង U20កម្ពុជា ត្រូវប៉ះលីបង់ ម៉ោង៥ល្ងាចនេះតាជីគីស្ថាន

4 months ago

បាល់ទាត់

ក្រុមជម្រើសជាតិកម្ពុជា យុវជនក្រោមអាយុ២០ឆ្នាំ (U20) ត្រូវប្រកួតបើកពូល I ជាមួយក្រុម U20 លីបង់ នៅវេលាម៉ោង៧យប់ (ម៉ោង៥ល្ងាចនៅកម្ពុជា) ថ្ងៃពុធ ទី១៤ ខែកញ្ញា ឆ្នាំ២០២២ ក្នុងពានរង្វាន់កម្រិតទ្វីបអាស៊ី 2023 AFC U-20 Asian Cup qualification ស្ថិតក្នុងវគ្គជម្រុះ។ ក្រុមគោជំទង់កម្ពុជា បានធ្វើដំណើរចេញពីមាតុភូមិនៅវេលាម៉ោង២៣:០០យប់ថ្ងៃទី១២ខែកញ្ញា ហើយទៅដល់ទីក្រុង Dushanbe ប្រទេសតាជីគីស្ថាន វេលាម៉ោង៥:៣០នាទីថ្ងៃទី១៣ ខែកញ្ញា ពោលគឺត្រូវប្តូរជើងហោះហើររហូតដល់៣កន្លែង ហើយរំលងមិនដល់២៤ម៉ោងផងត្រូវប្រកួតជាមួយក្រុមលីបង់ តែម្តង។ ក្រុម U20កម្ពុជា ដឹកនាំដោយលោកគ្រូបង្វឹកជនជាតិជប៉ុន Koji Gyotoku ដែលមានកីឡាករ២៣នាក់ធ្វើដំណើរទៅកាន់ប្រទេសតាជីគីស្ថាន ជាទឹកដីសម្រាប់ប្រកួតក្នុងពូល I នៃវគ្គជម្រុះប្រចាំទ្វីបអាស៊ី នេះ លើវាលស្មៅកីឡដ្ឋានPamir Stadium។ កម្ពុជា ស្ថិតក្នុងពូលជាមួយម្ចាស់ផ្ទះតាជីគីស្ថាន លីបង់ និងសិង្ហបុរី។ កម្មវិធីប្រកួតសរុបក្នុងពូល I មាន៖ថ្ងៃទី១៤ ខែកញ្ញា៖-កម្ពុជា ប៉ះ លីបង់-តាជីគីស្ថាន ប៉ះ សិង្ហបុរីថ្ងៃទី១៦ ខែកញ្ញា៖-សិង្ហបុរី ប៉ះ កម្ពុជា-លីបង់ ប៉ះ តាជីគីស្ថានថ្ងៃទី១៨ ខែកញ្ញា៖-លីបង់ ប៉ះ សិង្ហបុរី-តាជីគីស្ថាន ប៉ះ កម្ពុជា៕ ...

បាល់ទាត់

Dortmund នឹងធ្វើដំណើរទៅប្រកួតមិត្តភាព នៅប្រទេសសិង្ហបុរី, ឥណ្ឌូនេស៊ី និងវៀតណាម ចុងឆ្នាំនេះ

4 months ago

បាល់ទាត់

ក្លិបបាល់ទាត់ Borussia Dortmund សមាជិកលីគកំពូលរបស់ប្រទេសអាល្លឺម៉ង់ Bundesliga បានប្រកាសថានៅថ្ងៃទី២១ ខែវិច្ឆិកា ដល់ថ្ងៃទី១ ខែធ្នូ ឆ្នាំ២០២២ ខាងមុននេះ ក្លិបនឹងធ្វើដំណើរមកកាន់តំបន់អាស៊ាន ដើម្បីប្រកួតមិត្តភាពនៅប្រទេសចំនួន៣ ដែលមានដូចជាសិង្ហបុរី, ឥណ្ឌូនេស៊ី និងវៀតណាម។ ប៉ុន្តែយ៉ាងណាក្តីក្លិបបាល់ទាត់ Borussia Dortmund ក៏បានបញ្ជាក់បន្ថែមទៀតថាជំនួបមិត្តភាពខាងលើនឹងគ្មានវត្តមានតារាឆ្នើមដូចជា Julian Brandt និង Marco Reus ឡើយ ដោយសារជាប់លេងពានរង្វាន់ FIFA World Cup 2022 នៅកាតា ឲ្យក្រុមជម្រើសជាតិអាល្លឺម៉ង់។ នេះមិនមែនជាលើកទី១ទេដែលក្រុមធំៗនៅទ្វីបអឺរ៉ុបបានធ្វើដំណើរប្រកួតមិត្តភាពនៅតំបន់អាស៊ាន ដោយសារតែប្រជាប្រិយភាពចេញពីអ្នកគាំទ្រនៅអាស៊ី បានរីកដុះដាលខ្លាំងណាស់នៅប៉ុន្មានឆ្នាំចុងក្រោយនេះ។ តួរយ៉ាងប្រទេសថៃធ្លាប់ទទួលធ្វើជាម្ចាស់ផ្ទះសម្រាប់ការប្រកួតរវាង Man United ទល់នឹង Liverpool, Juventus បានទៅដល់កូរ៉េ , Barcelona ធ្លាប់ប៉ះក្រុមជម្រើសជាតិថៃជាដើម៕ ...

បាល់ទាត់

ក្ដៅៗ! ខ្សែការពារ ឆេង ម៉េង ដកខ្លួនចេញពីជម្រើសជាតិដោយសាររបួសជង្គង់

4 months ago

ក្ដៅៗ! ខ្សែការពារ ឆេង ម៉េង ដកខ្លួនចេញពីជម្រើសជាតិដោយសាររបួសជង្គង់

បាល់ទាត់

នៅថ្ងៃអង្គារ ទី១៣ ខែកញ្ញា ឆ្នាំ២០២២ តាមការគ្រោងទុកក្រុមជម្រើសជាតិកម្ពុជាទាំងឈុតធំ និងឈុតអាយុក្រោម២៣ឆ្នាំ នឹងប្រមូលផ្ដុំដើម្បីតេស្តកម្លាំងអំណត់ 30-15 FT ហើយកីឡាករទាំងអស់ត្រូវមានសមត្ថភាពរត់យ៉ាងហោច ២០,៥ គីឡូម៉ែត្រក្នុងមួយម៉ោង។ ក្នុងនោះផងដែរលោក Keisuke Honda បានបង្ហោះលើគណនីហ្វេសប៊ុកដូច្នេះថា៖«ថ្ងៃនេះសំខាន់ណាស់សម្រាប់ក្រុមជម្រើសជាតិកម្ពុជា (It’s very an important day for Cambodian national team today)»។ ស្រាប់តែខ្សែការពារ ឆេង ម៉េង មិនអាចចូលរួមជួយជម្រើសជាតិកម្ពុជា បានដកខ្លួនពីគម្រោងត្រៀមប្រមូលផ្ដុំសម្រាប់ការប្រកួតមិត្តភាពជាមួយបង់ក្លាដែសនៅថ្ងៃទី២២ ខែកញ្ញា ឆ្នាំ២០២២។ បច្ចុប្បន្នមិនទាន់មានការប្រកាសជាផ្លូវការ ពីសហព័ន្ធកីឡាបាល់ទាត់ជាតិកម្ពុជានៅឡើយទេប៉ុន្តែច្បាស់ណាស់ថាខ្សែការពាររបស់ក្លិបបាល់ទាត់វិសាខារូបនេះត្រូវបានដកខ្លួនចេញពីបញ្ជីក្រុមជម្រើសជាតិកម្ពុជា៕ ...

បាល់ទាត់

Costa ត្រឡប់មក Premier League វិញហើយចូលរួមជាមួយ Wolves

4 months ago

Costa ត្រឡប់មក Premier League វិញហើយចូលរួមជាមួយ Wolves

បាល់ទាត់

ខ្សែប្រយុទ្ធ Diego Costa បានចូលរួមជាមួយក្លិប Wolves ក្នុងកិច្ចសន្យារហូតដល់ចប់រដូវកាលនេះ បន្ទាប់ពីបំពេញបែបបទរួចរាល់ក្នុងការត្រឡប់មកកាន់ Premier League វិញ។កីឡាករវ័យ៣៣ឆ្នាំអតីតកីឡាកររបស់ Chelsea បានចុះកុងត្រាដោយគ្មានតម្លៃខ្លួន បន្ទាប់ពីចាកចេញពីក្លិបនៅប្រេស៊ីល Atletico Mineiro កាលពីខែមករា។ នៅ Atletico Mineiro គេលេងបាន១៩ប្រកួត និងរកបាន៥គ្រាប់កាលពីរដូវកាល២០២១ មុនពេលកុងត្រារបស់គេត្រូវបានបញ្ចប់ក្រោយរួមរស់បាន៥ខែ។Wolves បានសម្រេចចិត្តនាំយក Costa មករួមក្រុម បន្ទាប់ពីខ្សែប្រយុទ្ធចំណូលថ្មីរបស់ពួកគេ Sasa Kalajdzic បានរបួសសរសៃជង្គង់អំឡុងពេលលេងទល់នឹង Southampton កាលពីសប្ដាហ៍មុន។ Costa មិនបានលេងជាលក្ខណៈអាជីពមួយប្រកួតសោះចាប់តាំងពីខែធ្នូ ឆ្នាំ២០២១ ហើយគេអាចនឹងបង្ហាញខ្លួននៅ Premier League ចុងសប្ដាហ៍នេះទល់នឹង Man City៕ ...

បាល់ទាត់

Xavi ប្ដេជ្ញាកែប្រែប្រវត្តិសាស្ត្រពេលជួប Bayern Munichម្ដងទៀត

4 months ago

Xavi ប្ដេជ្ញាកែប្រែប្រវត្តិសាស្ត្រពេលជួប Bayern Munichម្ដងទៀត

បាល់ទាត់

ក្លិប Bayern Munich នឹងត្រូវបើកទ្វារកីឡដ្ឋាន Allianz Arena ស្វាគមន៍ក្លិប Barcelona នៅរាត្រីនេះក្នុងការប្រកួតវគ្គសន្សំពិន្ទុក្នុងពូល C នៃពានរង្វាន់ Champions League។ជំនួបប៉ះគ្នា៤ប្រកួតចុងក្រោយរវាងក្រុមទាំងពីរ Barcelona មិនដែលលេងឈ្នះ Bayern ម្ដងណាឡើយ។ ក្នុងនោះគេចាំបានថា Bayern បានឈ្នះ Barca ៣-០ ទាំងពីរជើងក្នុងការប្រកួតវគ្គសន្សំពិន្ទុកាលពីរដូវកាលមុន និងឈ្នះ ៨-២ ក្នុងវគ្គ៨ក្រុមចុងក្រោយកាលពីឆ្នាំ២០២០។យ៉ាងណាមិញ ការតទល់គ្នាលើកនេះលោក Xavi ជឿជាក់ថា Barcelona នឹងអាចផ្លាស់ប្ដូរប្រវត្តិសាស្ត្រ ក្រោយធ្វើមិនបានល្អពេលជួប Bayern នៅប៉ុន្មានប្រកួតចុងក្រោយ។ និយាយក្នុងសន្និសីទកាសែតអ្នកចាត់ការសញ្ជាតិអេស្ប៉ាញបាននិយាយថា មានការរំពឹងទុកច្រើនមកលើ Barca។ ការប្រកួតមិនអាចផ្លាស់ប្ដូរអ្វីបានឡើយ ហើយក៏មិនអាចសន្និដ្ឋានបានឡើយ។លោកបានបន្ថែមទៀតថា៖ “៩ខែបានកន្លងផុតទៅ ហើយគ្រប់យ៉ាងមើលទៅខុសគ្នា។ ពួកយើងបានផ្លាស់ប្ដូរទិដ្ឋភាពជាច្រើន។ ពួកយើងមើលឃើញថាពួកយើងមានសមត្ថភាពប្រកួតប្រជែង។ ពួកយើងពិតជារំភើប និងអាចឈ្នះការប្រកួតនេះ ផ្លាស់ប្ដូរប្រវត្តិសាស្ត្រ។ ពួកយើងនឹងបង្ហាញថាពួកយើងស្ថិតនៅកម្រិតណា”៕ ...

បាល់ទាត់

ក្រុម Union Berling ឡើងកំពូលតារាង Bundesliga ជាលើកដំបូងក្នុងប្រវត្តិសាស្ត្រ

4 months ago

ក្រុម Union Berling ឡើងកំពូលតារាង Bundesliga ជាលើកដំបូងក្នុងប្រវត្តិសាស្ត្រ

បាល់ទាត់

ក្រុម Union Berling បានឡើងទៅឈរកំពូលតារាងនៃលីគកំពូលអាល្លឺម៉ង់ Bundesliga ជាលើកដំបូងក្នុងប្រវត្តិសាស្ត្ររបស់ពួកគេ ក្រោយយកឈ្នះ Cologne ១-០។Union Berling បានបើកការនាំមុខតាំងតែនាទីទី៤ បន្ទាប់ពី Timo Hubers របស់ Cologne ធ្វើឲ្យចូលទីខ្លួនឯង មុនពេល Jordan Siebatcheu របស់ Berling ទាត់ប៉េណាល់ទីមិនចូលនៅនាទីទី១០។ ក្រុមម្ចាស់ផ្ទះ Cologne ខាតសល់គ្នាតែ១០នាក់ប៉ុណ្ណោះ ក្រោយពេលកីឡាករ Luca Kilian ទទួលបានកាតលឿងទីពីរនៅនាទី៨១។លទ្ធផល ១-០ បានបន្សល់រហូតដល់ចប់៩០នាទីនៃការប្រកួត។ ក្រុមមិនទាន់ស្គាល់ពាក្យថាចាញ់ Union Berling ដណ្ដើមបានចំណាត់ថ្នាក់កំពូលតារាងក្នុងលីគ ក្រោយពេល Freiberg ប្រកួតស្មើគ្នាជាមួយ Borussia Monchengladbach។ឆ្លងកាត់៦ប្រកួតក្នុងលីគ Union Berling ឈ្នះ៤និងស្មើ២ប្រកួតមាន១៤ពិន្ទុ ឈរលើក្រុមលេខពីរ Freiburg និង Bayern Munich ដែលនៅចំណាត់ថ្នាក់លេខ៣៕...

បាល់ទាត់

កាតក្រហមកើតឡើងដល់ទៅ៤សន្លឹកក្នុងការប្រកួតរបស់ Juventus យប់មិញ

4 months ago

កាតក្រហមកើតឡើងដល់ទៅ៤សន្លឹកក្នុងការប្រកួតរបស់ Juventus យប់មិញ

បាល់ទាត់

កាតក្រហមកើតឡើងដល់ទៅ៤សន្លឹកក្នុងការប្រកួត Juventus ស្មើគ្នាជាមួយ Salernitana ២-២ ក្នុងក្របខណ្ឌ Serie A សម្រាប់សប្ដាហ៍ទី៦។ក្នុងវគ្គទីមួយក្រុមភ្ញៀវ Salernitana រកបានដល់ទៅ២គ្រាប់នាំមុខមុនដោយកីឡាករ Antonio Candreva និងប៉េណាល់ទីរបស់ Krzysztof Piatk។ យ៉ាងណាមិញ ឈានដល់វគ្គទីពីរ Juventus ក៏តាមស្មើបានវិញរកគ្រាប់បាល់ដោយកីឡាករ Bremer និងខ្សែការពារ Leonardo Bonucci។ ខ្សែប្រយុទ្ធ Arkadiusz Milik របស់ Juventus បានតែតបញ្ចូលទីនៅនាទី៩០+៥ ប៉ុន្តែត្រូវអាជ្ញាកណ្ដាលពិនិត្យ VAR មិនឲ្យចូលវិញ ក្រោយរកឃើញថា Offside។ អាជ្ញាកណ្ដាលបានផ្ដល់កាតលឿងទីពីរស្មើនឹងកាតក្រហមទៅឲ្យ Milik ក្រោយរូបគេដោះអាវដើម្បីអបអរគ្រាប់បាល់ដែលជាបាល់ Offside។នៅចុងម៉ោងនៅលើទីលានមានការប៉ះទង្គិចគ្នារវាង Federico Fazio របស់ក្រុម Salernitana និង Juan Cuadrado របស់ Juventus។ អាជ្ញាកណ្ដាលផ្ដល់កាតក្រហមទៅឲ្យកីឡាករទាំងពីរ ខណៈលោក Massimiliano Allegri ក៏ត្រូវបណ្ដេញចេញពីទីលានដូចគ្នា៕ ...

បាល់ទាត់

មកស្គាល់ទីតាំងលក់សំបុត្រចូលទស្សនាការប្រកួតក្រុមជម្រើសជាតិទាំង២ឈុត នៅពហុកីឡដ្ឋានមរតតជោ

4 months ago

បាល់ទាត់

សហព័ន្ធកីឡាបាល់ទាត់កម្ពុជា បានបញ្ជាក់ពីទីតាំងលក់សំបុត្រចំនួន៦ទីតាំង នៅក្នុងរាជធានីភ្នំពេញ សម្រាប់អ្នកគាំទ្រទិញ ទុកដើម្បីចូលរួមទស្សនាការប្រកួតបាល់ទាត់មិត្តភាពអន្តរជាតិ រវាងក្រុមគោព្រៃកម្ពុជា ២ឈុត ទទួលក្រុមជម្រើសជាតិបង់ក្លាដេស និងក្រុម U23ជប៉ុន។ ទីតាំងលក់សំបុត្រផ្ទាល់ទាំង៦ នោះនឹងចាប់ផ្តើមលក់ពីថ្ងៃទី១៥ កញ្ញា តទៅមាន៖-ទីតាំងទី១ The Blue Sport Center. (សែនសុខ)-ទីតាំងទី២ ពហុកីឡាដ្ឋានជាតិអូឡាំពិក (ច្រកទ្វាធំ)-ទីតាំងទី៣ ហាងកីឡា Bouble H Sport-ទីតាំងទី៤ កីឡាដ្ឋានក្លិបបឹងកេត (បឹងស្នោ)-ទីតាំងទី៥ ហាង Motor Café (ទូលគោក)-ទីតាំងទី៦ ហាងកីឡា CAMPUCHEA (ក្រោយផ្សាដេប៉ូ) សម្រាប់អ្នកដែលនៅតាមបណ្តាលខេត្ត ឬមិនអាចអញ្ជើញទៅផ្ទាល់បានបងប្អូនក៏អាចទិញសំបុត្រអនឡាញតាមរយៈ App LIVE. by Wonderpass។ ចំណែកតម្លៃសំបុត្របែងចែកជា៤ ប្រភេទតម្លៃដូចជា៖-CAT-1 តម្លៃ ៣០,០០០៛-CAT-2 តម្លៃ ២០,០០០៛-CAT-3 តម្លៃ ១៤,០០០៛-CAT-4 តម្លៃ ៨,០០០៛ សម្រាប់ក្រុមបាល់ទាត់ជម្រើសជាតិកម្ពុជា ក្រោយអាយុ២៣ឆ្នាំ នឹងត្រូវប្រកួតទល់ក្រុមយុវជនក្រោមអាយុ២៣ឆ្នាំរបស់ជប៉ុន នៅវេលាម៉ោង៧យប់ថ្ងៃទី ២០ ខែកញ្ញា ឆ្នាំ២០២២ លើទីលានពហុកីឡដ្ឋានជាតិមរតតេជោ ក្នុងរាជធានីភ្នំពេញ។ ចំណែកក្រុមជម្រើសជាតិកម្ពុជា ក្រុមធំ ត្រូវបន្តប៉ះក្រុមជម្រើសជាតិបង់ក្លាស នៅថ្ងៃទី២២ ខែកញ្ញា ឆ្នាំ២០២២ នៅម៉ោងនិងទីលានជាមួយគ្នានេះដែរ៕ ...