ពត៌មានកីឡាថ្មីៗ - SportFC

បាល់ទាត់

គោព្រៃកម្ពុជាបន្តចាញ់បង់ក្លាដែសជាលើកទី៤ ក្នុងចំណោមការជួបគ្នាទាំង៥លើក ខណ:ស្មើ១លើកមិនដែលឈ្នះម្តងណាឡើយ

គោព្រៃកម្ពុជាបន្តចាញ់បង់ក្លាដែសជាលើកទី៤ ក្នុងចំណោមការជួបគ្នាទាំង៥លើក ខណ:ស្មើ១លើកមិនដែលឈ្នះម្តងណាឡើយ

បាល់ទាត់

ក្រុមបាល់ទាត់ជម្រើសជាតិកម្ពុជា បានបន្តចាញ់ក្រុមជម្រើសជាតិបង់ក្លាដេស ពោលគឺក្នុងចំណោមប្រកួត៥លើក កម្ពុជា មិនធ្លាប់ឈ្នះក្រុមមកពីតំបន់អាស៊ីខាងត្បូងនេះ នោះទេ បានក្នុងចំណោមជំនួបជាប្រវត្តិសាស្រ្ត៥លើកមកនេះ។ ការប្រកួតលើកទី៥ នេះកម្ពុជា បានចាញ់ក្រុមបង់ក្លាដេស ១ទល់០ នៅរាត្រីថ្ងៃព្រហស្បត្តិ៍ ទី២២ ខែកញ្ញា ឆ្នាំ២០២២ លើទីលានពហុកីឡដ្ឋានជាតិមរតតេជោ ក្នុងរាជធានីភ្នំពេញ។ កីឡាករម្ចាស់អាវលេខ១១ Rakib Hossain ក្នុងនាទីទី២៣ ហើយលទ្ធផលនេះបានបន្តរហូតដល់ចប់ការប្រកួត។ ប្រវត្តិជួបគ្នាកន្លងមករវាងកម្ពុជា និងបង់ក្លាដេស មាន៖លើកទី១ ថ្ងៃទី១មេសា ២០០៦ បង់ក្លាដេស ២-១ កម្ពុជា (2006 AFC Challenge Cup)លើកទី២ ថ្ងៃទី២២ មេសា ២០០៧ បង់ក្លាដេស ១-១ កម្ពុជា (2007 Nehru Cup)លើកទី៣ ថ្ងៃទី២៦ មេសា ២០០៩ កម្ពុជា ០-១ បង់ក្លាដេស (2010 AFC Challenge Cup)លើកទី៤ ថ្ងៃទី៨ មីនា ២០០៩ កម្ពុជា ០-១ បង់ក្លាដេស (មិត្តភាពអន្តរជាតិ)លើកទី៥ ថ្ងៃទី២២ កញ្ញា ២០២២ កម្ពុជា ០-១ បង់ក្លាដេស (មិត្តភាពអន្តរជាតិ)៕ ...

បាល់ទាត់

បាត់មុខយូរ! Cannavaro ពេលនេះមកដឹកនាំក្រុម Benevento នៅ Serie B

បាត់មុខយូរ! Cannavaro ពេលនេះមកដឹកនាំក្រុម Benevento នៅ Serie B

បាល់ទាត់

អតីតខ្សែការពាររបស់ជម្រើសជាតិអ៊ិតាលី Fabio Cannavaro បានក្លាយជាអ្នកចាត់ការថ្មីរបស់ក្លិប Benevento ក្នុងក្របខណ្ឌ Serie B។បុរសវ័យ៦៩ឆ្នាំបានត្រឡប់មកកាន់បាល់ទាត់ប្រទេសអ៊ីតាលីជាលើកដំបូងចាប់តាំងចាកចេញពី Juventus កាលពីឆ្នាំ២០១០។ តួនាទីដឹកនាំចុងក្រោយរបស់ Cannavaro គឺជាគ្រូរបស់ក្លឹប Guangzhou FC ប៉ុន្តែលោកបានចាកចេញពីក្លឹបនេះកាលពីខែតុលា ឆ្នាំ២០២១។ Cannavaro ដែលជាប្រធានក្រុមនាំអ៊ីតាលីឈ្នះ World Cup ឆ្នាំ២០០៦ បានចូលនិវត្តន៍ពីបាល់ទាត់កាលពីឆ្នាំ២០១១ និងបានទៅធ្វើគ្រូនៅតំបន់អាស៊ី។ លោកធ្លាប់ដឹកនាំក្លឹបក្នុងប្រទេសចិននិងអារ៉ាប៊ីសាអ៊ូឌីត និងចំណាយពេល៦សប្ដាហ៍ជាអ្នកចាត់ការក្នុងក្រុមជម្រើសជាតិចិន។ អំឡុងពេលជាកីឡាករ Cannavaro ជាខ្សែការពារកណ្ដាលល្អម្នាក់ ធ្លាប់ឈ្នះពាន Ballon d’Or ក្នុងឆ្នាំ២០០៦ និងធ្លាប់លេងឲ្យក្រុម Parma, Juventus, Inter Milan និង Real Madrid។ និយាយពីBenevento ដែលបានកាត់ចេញពី Serie A កាលពីរដូវកាល២០២០-២១ ពេលនេះកំពុងស្ថិតនៅលេខ១៣ក្នុងតារាងពិន្ទុ Serie B មាន៧ពិន្ទុពីការលេង៦ប្រកួត៕ ...

បាល់ទាត់

Ronaldo ដាក់គោលដៅលេងដល់ Euro ២០២៤ ជាមួយព័រទុយហ្គាល់

Ronaldo ដាក់គោលដៅលេងដល់ Euro ២០២៤ ជាមួយព័រទុយហ្គាល់

បាល់ទាត់

អំឡុងពេលទទួលពានរង្វាន់អ្នកទាត់កីឡាករបញ្ចូលទីច្រើនជាងគេឲ្យជម្រើសជាតិ Cristiano Ronaldo បានបង្ហាញពីមហិច្ឆតារបស់ខ្លួនថា នឹងលេងជាមួយព័រទុយហ្គាល់ដល់ឆ្នាំ២០២៤។ម្ចាស់ពាន Ballon d’Or ៥សម័យដែលធ្លាប់និយាយថា នឹងលេងដល់អាយុ៤០ឆ្នាំ ពេលនេះកំពុងបំពេញភារកិច្ចជាមួយជម្រើសជាតិព័រទុយហ្គាល់ ដើម្បីត្រៀមប្រកួតពាន Nations League ទល់នឹងឆេក និងអេស្ប៉ាញ។ Ronaldo ដែលមានកំណត់ត្រាគ្រាប់បាល់១១៧គ្រាប់នៅ១៨៩ប្រកួតឲ្យជម្រើសជាតិបាននិយាយពីមហិច្ឆតាក្នុងការដឹកនាំក្រុមបន្ទាប់ពីព្រឹត្តិការណ៍ World Cup នៅកាតា ដោយគេចង់បន្តលេងរហូតដល់ Euro ២០២៤ ពេលដែលគេមានវ័យ៣៩ឆ្នាំ។ ក្រោយពីទទួលបានពានខាងលើកីឡាកររបស់ក្លិប Manchester United បាននិយាយថា៖ “ខ្ញុំសង្ឃឹមនឹងបន្តជាផ្នែករបស់សហព័ន្ធនៅប៉ុន្មានឆ្នាំខាងមុខ។ ខ្ញុំនៅតែមានការជំរុញទឹកចិត្ត ហើយមហិច្ឆតារបស់ខ្ញុំខ្ពស់។ ផ្លូវរបស់ខ្ញុំក្នុងក្រុមជម្រើសជាតិមិនទាន់បញ្ចប់ទេ។ ពួកយើងមានកីឡាករវ័យក្មេងមានគុណភាពជាច្រើន។ ខ្ញុំនឹងមានវត្តមាននៅ World Cup និងចង់បន្តលេងដល់ Euro”៕ ...

បាល់ទាត់

ប្រ៊ុយណេ តែងតាំងគ្រូបង្វឹកថ្មីជនជាតិអេស្ប៉ាញ ត្រៀមលេងពាន AFF Mitsubishi Electric Cup 2022

ប្រ៊ុយណេ តែងតាំងគ្រូបង្វឹកថ្មីជនជាតិអេស្ប៉ាញ ត្រៀមលេងពាន AFF Mitsubishi Electric Cup 2022

បាល់ទាត់

ក្រុមជម្រើសជាតិប្រ៊ុយណេ បានប្រកាសតែងតាំងគ្រូបង្គោលថ្មី Mario Rivera ជនជាតិអេស្ប៉ាញ វ័យ៤៥ឆ្នាំ ពោលគឺប៉ុន្មានក្រោយចែកផ្លូវជាមួយលោក Rosanan Samak មុនពេលពានរង្វាន់ AFF Mitsubishi Electric Cup 2022 មកដល់ចុងឆ្នាំនេះ។ លោក Mario Rivera ធ្លាប់ជាគ្រូយុវជនអាយុក្រោម២១ឆ្នាំ របស់ក្រុមជម្រើសជាតិប្រ៊ុយណេ អំឡុងឆ្នាំ ២០១៧-១៨ មុនផ្លាស់ទៅជាគ្រូជំនួយក្រុម East Bengal Club សមាជិកលីគកំពូលឥណ្ឌា Indian Super League ២រដូវកាល និងបន្តឡើងទៅជាគ្រូធំពីឆ្នាំ ២០២០-២២។ ខណ:នៅតំបន់អឺរ៉ុបលោក Mario Rivera ធ្លាប់ជា៖– គ្រូយុវជន CD Leganés នៅប្រទេសអេស្ប៉ាញ ២០០៧-០៩– គ្រូបង្គោល CD Betis San Isidro នៅប្រទេសអេស្ប៉ាញ ២០០៩-១០– គ្រូជ្រើសរើសយុវជនក្រៅប្រទេស ឲ្យក្រុម Celtic FC នៅប្រទេសស្កុតឡេន ២០១០-១១– គ្រូវិភាគ Atlético Madrid C នៅប្រទេសអេស្ប៉ាញ ២០១១-១២– គ្រូបង្គោល CU Collado Villalba នៅប្រទេសអេស្ប៉ាញ ២០១២-១៣– គ្រូបង្គោល Los Yébenes នៅប្រទេសអេស្ប៉ាញ ២០១៣-១៤– គ្រូវិភាគ SD Leioa នៅប្រទេសអេស្ប៉ាញ ២០១៦-១៧៕...

បាល់ទាត់

លោក Javier Martin សរសើរម្ចាស់ផ្ទះកម្ពុជា ទទួលរៀបចំក្រុមជម្រើសជាតិបង់ក្លាដែសបានល្អបំផុត

លោក Javier Martin សរសើរម្ចាស់ផ្ទះកម្ពុជា ទទួលរៀបចំក្រុមជម្រើសជាតិបង់ក្លាដែសបានល្អបំផុត

បាល់ទាត់

ចំណាប់អារម្មណ៍របស់លោក Javier Fernandez Cabrera Martin គ្រូបង្វឹករបស់ក្រុមជម្រើសជាតិបង់ក្លាដែស ក្នុងសន្និសីទសារព័ត៌មានមុនការប្រកួតមិត្តភាពអន្តរជាតិ MinebeaMitsumi ទល់នឹងគោព្រៃកម្ពុជា នៅថ្ងៃទី២២ ខែកញ្ញា ឆ្នាំ២០២២ យប់នេះ។ គ្រូបង្គោលវ័យ៣៧ឆ្នាំរូបនេះថ្លែងថា៖«យើងយល់ឃើញថាកម្ពុជាបានរៀបចំទទួលក្រុមរបស់យើងបានល្អបំផុត ដែលវាជាកត្តាសំខាន់ សម្រាប់កីឡាករមានភាពងាយស្រួលក្នុងក្រៀមសម្រាប់ការប្រកួតនៅថ្ងៃទី២២នេះ»។ លោក Javier Martin បន្តទៀតថា៖«ដូច្នេះការប្រកួតនៅថ្ងៃទី២២ ពួកយើងមានកម្លាំងកាយ និងកម្លាំងចិត្តដើម្បីធ្វើការប្រកួត ឱ្យបានល្អបំផុតនៅយប់នេះ ហើយយើងមកទីនេះដើម្បីបង្ហាញអោយអ្នកទាំងអស់គ្ន បានឃើញពីជ័យជម្នះរបស់ពួកយើង»។ ក្រុមជម្រើសជាតិកម្ពុជា នឹងត្រូវប្រកួតមិត្តភាពអន្តរជាតិទល់នឹង ក្រុមជម្រើសជាតិបង់ក្លាដែស នៅថ្ងៃទី២២ ខែកញ្ញា ឆ្នាំ២០២២ វេលាម៉ោង៧:០០នាទីយប់ នៅពហុកីឡដ្ឋានជាតិមរតកតេជោ។ សម្រាប់ជំនួប៤លើកចុងក្រោយកម្ពុជា មិនដែលឈ្នះ បង់ក្លាដែស ពោលគឺចាញ់៣ និងស្មើ១លើក៖– ថ្ងៃទី០១ ខែមេសា ឆ្នាំ២០០៦ បង់ក្លាដែស ២-១ កម្ពុជា ពាន AFC Challenge Cup– ថ្ងៃទី២២ ខែសីហា ឆ្នាំ២០០៧ បង់ក្លាដែស ១-១ កម្ពុជា ពាន Nehru Cup– ថ្ងៃទី២៦ ខែមេសា ឆ្នាំ២០០៩ បង់ក្លាដែស ១-០ កម្ពុជា ការប្រកួតមិត្តភាពអន្តរជាតិ– ថ្ងៃទី០៩ ខែមីនា ឆ្នាំ២០១៩ កម្ពុជា ០-១ បង់ក្លាដែស ការប្រកួតមិត្តភាពអន្តរជាតិ៕ ...

បាល់ទាត់

ថៃ កោះហៅកីឡាករឆ្នើម២រូបពីលីគកំពូលជប៉ុន ត្រៀមប៉ះម៉ាឡេស៊ី លេងពាន King Cup 2022

ថៃ កោះហៅកីឡាករឆ្នើម២រូបពីលីគកំពូលជប៉ុន ត្រៀមប៉ះម៉ាឡេស៊ី លេងពាន King Cup 2022

បាល់ទាត់

ក្រុមជម្រើសជាតិថៃ ក្រោមការដឹកនាំរបស់លោក Alexandré Pölking បានកោះហៅកីឡាករសរុប២៣នាក់ ក្នុងនោះមានជើងខ្លាំងពីលីគកំពូលជប៉ុន២រូបគឺ Chanathip Songkrasin និង Supachok Sarachat ត្រៀមលេងពានរង្វាន់ King Cup 2022 លើកទី៤៨។ កាលវិភាគពានរង្វាន់ King Cup 2022 នៅខេត្តឈៀងម៉ៃ៖– ថ្ងៃទី២២ ខែកញ្ញា ថៃ vs ម៉ាឡេស៊ី នៅកីឡដ្ឋាន 700th Anniversary– ថ្ងៃទី២៥ ខែកញ្ញា ថៃ vs តាជីគីស្ថាន ឬ ទ្រីនីដាតនិងតូបាហ្គោ នៅកីឡដ្ឋាន 700th Anniversary ។ ដំបូងឡើយកីឡាករ Chanathip Songkrasin សមាជិករបស់ក្លិបបាល់ទាត់ Kawasaki Frontale លីគកំពូលជប៉ុន បានប្រកាសដកខ្លួនមិនចូលរួមលេងពានរង្វាន់ King Cup នៅខេត្តឈៀងម៉ៃនោះទេ។ ប៉ុន្តែដោយសារការប្រកួតចំថ្ងៃ FIFA Day ដូច្នេះក្របខណ្ឌ J1-League ឈប់សម្រាក ទើបវាជាឱកាសសម្រាប់ Messi Jay ចូលរួមក្រុមជម្រើសជាតិ។ គួរដឹងថាពានរង្វាន់ King Cup ត្រូវបានបង្កើតឡើងដំបូងនៅឆ្នាំ ១៩៦៨ បច្ចុប្បន្នមានអាយុកាល ៥៤ឆ្នាំ ខណ:ក្រុមជម្រើសជាតិថៃឈ្នះពាននេះច្រើនជាងគេសរុប១៥សម័យកាល ចំណែកជើងឯកឆ្នាំចាស់ ២០១៩ គឺក្រុមជម្រើសជាតិគូរ៉ាកាវ៕ ...

បាល់ទាត់

Ramos សង្ឃឹមថាគ្រូអេស្ប៉ាញនឹងមើលឃើញខ្លួនមុន World Cup មកដល់

Ramos សង្ឃឹមថាគ្រូអេស្ប៉ាញនឹងមើលឃើញខ្លួនមុន World Cup មកដល់

បាល់ទាត់

ខ្សែការពារ Sergio Ramos សង្ឃឹមថា គ្រូរបស់ជម្រើសជាតិអេស្ប៉ាញលោក Luis Enrique នឹងមើលឃើញខ្លួនមុនព្រឹត្តិការណ៍ World Cup នៅប្រទេសកាតាមកដល់។ កីឡាកររបស់ក្លិប PSG ខាងលើបានបង្ហាញការខកចិត្ត ក្រោយពេលលោក Enrique មិនចុចឈ្មោះរបស់ខ្លួនដើម្បីលេងពាន Nations League ទល់នឹងស្វីសនិងព័រទុយហ្គាល់ក្នុងពេលខាងមុខ។ កីឡាករល្អៗមួយចំនួនដូចជា Thiago Alcantara និង Ansu Fati ក៏មិនត្រូវបានលោក Enrique កោះហៅចូលជម្រើសជាតិដែរ។ចាប់ផ្ដើមរដូវកាលថ្មី Ramos បានបង្ហាញទម្រង់លេងគួរឲ្យចាប់អារម្មណ៍ជម្រើសដំបូង១០ប្រកួតក្នុងចំណោម១១ប្រកួតគិតគ្រប់កម្មវិធីរបស់ PSG រកបានមួយគ្រាប់និងបិទមិនឲ្យមានគ្រាប់៦ប្រកួត។ ត្បិតលេងល្អតែមិនត្រូវបានគ្រូកោះហៅ អតីតកីឡាកររបស់ Real Madrid រូបនេះបានបង្ហាញអារម្មណ៍សោកស្ដាយដែលមិនបានលេងពាន Nations League។ទោះជាយ៉ាងណា ក្ដីសង្ឃឹមរបស់ Ramos មិនទាន់អស់នៅឡើយទេ គេនឹងប្ដេជ្ញាបន្តបង្ហាញទម្រង់លេងឲ្យកាន់តែល្អ និងអាចជាប់ក្នុងជម្រើសរបស់លោក Enrique ឡើងវិញមុនព្រឹត្តិការណ៍ World Cup 2020 មកដល់នៅខែវិច្ឆិកា៕ ...

បាល់ទាត់

មិនទាន់ឆ្អែត! Nottingham Fotest យកបានកីឡាករចំណូលថ្មីទី២៣មករួមក្រុម

មិនទាន់ឆ្អែត! Nottingham Fotest យកបានកីឡាករចំណូលថ្មីទី២៣មករួមក្រុម

បាល់ទាត់

ក្រុមទើបឡើងមកលីគកំពូលអង់គ្លេស Nottingham Fotest បានចុះកុងត្រាកីឡាករចំណូលថ្មីទី២៣ក្នុងរដូវក្ដៅនេះ បន្ទាប់ពីព្រមព្រៀងកិច្ចសន្យាជាមួយអ្នកចាំទី Adnan Kanuric។កីឡាករវ័យ២២ឆ្នាំគ្មានក្លិបលេងចាប់តាំងពីដើមខែកក្កដា បន្ទាប់ពីបញ្ចប់កុងត្រាជាមួយក្លិប FK Sarejevo ប៉ុន្តែពេលនេះគេ Forest បានទទួលយកគេមកលេងនៅ Premier League ហើយ។ Forest បានប្រកាសដំណឹងនេះកាលពីថ្ងៃអង្គារជាមួយសេចក្ដីថ្លែងការណ៍ខ្លីមួយ។ វាជារដូវក្ដៅដ៏រវល់សម្រាប់ Forest ដោយក្រុមលោក Steve Cooper បាននាំចូលកីឡាករចំណូលថ្មីដល់ទៅជាង២០នាក់ក្នុងនោះរួមមានកីឡាករល្អៗដូចជា Jesse Lingard, Morgan Gibbs-White និង Neco Williams។ ត្បិតទីផ្សារដោះដូរកីឡាករបិទមែន ប៉ុន្តែក្លិបនៅតែឆ្លៀតចុះកុងត្រាជាមួយកីឡាករដែលមិនទាន់មានក្រុមលេង។ ជាក់សម្ដែង Forest យកបានខ្សែការពារ Serge Aurier អតីតកីឡាករ Spurs និង Kanuric ជាដើម៕ ...

បាល់ទាត់

U23 កម្ពុជា ចាញ់ U23 ជប៉ុន ក្នុងលទ្ធផល ៣-១ ក្រោមក្រសែលភ្នែកអ្នកគាំទ្រជិត១ម៉ឺននាក់

U23 កម្ពុជា ចាញ់ U23 ជប៉ុន ក្នុងលទ្ធផល ៣-១ ក្រោមក្រសែលភ្នែកអ្នកគាំទ្រជិត១ម៉ឺននាក់

បាល់ទាត់

លទ្ធផលសរុបក្រោយលោកអាជ្ញាកណ្ដាលជនជាតិថៃ Warintorn Sassadee ផ្លុំកញ្ចែបញ្ចប់ការប្រកួត ក្រុម U23 កម្ពុជា បន្តចាញ់ក្រុម U23 ជប៉ុន ជាលើកទី៣ ដោយលទ្ធផល ៣-១ លើទីលានពហុកីឡដ្ឋានមរតតេជោ ក្នុងរាជធានីភ្នំពេញ នារាត្រីថ្ងៃអង្គារ ទី២០ ខែកញ្ញា ឆ្នាំ២០២២ នេះ។ ៣គ្រាប់របស់ក្រុមជប៉ុនរកបានដោយកីឡាករ Komori Hiiro គ្រាប់បាល់ទី១ ហើយកីឡាករ Fujii Kaito រកបានគ្រាប់បាល់ទី២អោយជប៉ុន និងគ្រាប់ទី៣ រកបានដោយកីឡាករ Mizuno Hayata។ ចំណែកគ្រាប់បាល់វាយបករបស់កម្ពុជា រកបានដោយ ជួន ចាន់ចាវ ទាត់បាល់ពិន័យ១១ម៉ែត្រ។ ដូច្នេះលទ្ធផលជួបគ្នាផ្លូវការទាំង៣លើករវាងក្រុម U23 កម្ពុជា ជាមួយ U23 ជប៉ុន៖-វគ្គជម្រុះជើងឯកប្រចាំទ្វីបឆ្នាំ២០១៧៖ U23ជប៉ុន ៤-០ U23 កម្ពុជា (នៅភ្នំពេញ)-វគ្គជម្រុះជើងឯកប្រចាំទ្វីបឆ្នាំ២០២១៖ U23 កម្ពុជា ២-០ U23 ជប៉ុន (នៅជប៉ុន)-មិត្តភាពអន្តរជាតិ ឆ្នាំ២០២២ ៖ U23 កម្ពុជា ១-៣ U23 ជប៉ុន (នៅភ្នំពេញ) ក្រោយចប់ការប្រកួត គ្រូបង្គោលរបស់កម្ពុជា U23 លោក Ryu Hirose បាននិយាយថា លទ្ធផលនេះមិនមែនជាអ្វីដែលលោកចង់បាននោះឡើយ ប៉ុន្ដែក្នុងនោះលោកក៏មើលឃើញពីចំណុចវិជ្ជមានរបស់ក្រុមទាំងមូលផងដែរ។ បុរសសញ្ជាតិជប៉ុនរូបនេះក៏បានបញ្ជាក់ដែរថា ចំណុចវិជ្ជមានរបស់ក្រុមនោះគឺការការបំលាស់ទី ការគ្រប់គ្រងបាល់ និងការរត់បានខ្លាំងជាងមុន ខណៈការរត់បានខ្លាំងនេះ គឺបានមកពីការធើ្វតេស្ដរត់កាលពីថៃ្ងមុន៕ ...

បាល់ទាត់

មកដឹងអំពីជំនួបលើកចុងក្រោយរវាងក្រុមសកលវិទ្យាល័យជប៉ុន ទល់នឹងគោជំទង់កម្ពុជា

មកដឹងអំពីជំនួបលើកចុងក្រោយរវាងក្រុមសកលវិទ្យាល័យជប៉ុន ទល់នឹងគោជំទង់កម្ពុជា

បាល់ទាត់

កាលពីឆ្នាំ២០១៧ ក្រុមសកលវិទ្យាល័យជប៉ុនអាយុក្រោម២០ឆ្នាំ បានយកឈ្នះក្រុមជម្រើសជាតិកម្ពុជាអាយុក្រោម២២ឆ្នាំ ក្រោមការដឹកនាំរបស់គ្រូបង្វឹកជនជាតិប្រេស៊ីលលោក Leonardo Vitorino ក្នុងលទ្ធផល ៥-១ នៅកីឡដ្ឋានធូវូណា ប្រទេសមីយ៉ានម៉ា ពានរង្វាន់ KBZ Bank Cup 2017។ តាមពិតទៅលីគវិទ្យាល័យជប៉ុនមានថ្នាល មានកីឡដ្ឋាន មានរចនាសម្ព័ន្ធត្រឹមត្រូវ និងការបង្ហាត់តាមក្បួនខ្នាត និងស្ដង់ដារបាល់ទាត់យ៉ាងល្អ ហើយជំនួបក្នុងព្រឹត្តិការណ៍ AFC Asian Cup U23 កាលពីឆ្នាំ២០២១ U23កម្ពុជាចាញ់ U23ជប៉ុន ក្នុងលទ្ធផល ៤-០ ក្រោមការដឹកនាំរបស់លោក Ryu Hiros គ្រូបង្គោលជនជាតិជប៉ុន។ សម្រាប់ជំនួបមិត្តភាពអន្តរជាតិរវាងក្រុមជម្រើសជាតិកម្ពុជាអាយុក្រោម២៣ឆ្នាំ ជាមួយក្រុមជម្រើសជាតិជប៉ុនអាយុក្រោម២៣ឆ្នាំ នឹងចាប់ផ្តើមនៅថ្ងៃទី២០ ខែកញ្ញា ឆ្នាំ២០២២ វេលាម៉ោង៧:០០នាទីយប់ នៅពហុកីឡដ្ឋានមរតកតេជោ៕ ...

បាល់ទាត់

ទីផ្សារបើកម្ដងទៀត Xavi ចង់ទិញកីឡាកររបស់ Real ម្នាក់នេះ

ទីផ្សារបើកម្ដងទៀត Xavi ចង់ទិញកីឡាកររបស់ Real ម្នាក់នេះ

បាល់ទាត់

អ្នកចាត់ការ Xavi មានគម្រោងចង់នាំយកខ្សែបម្រើប្រយុទ្ធ Marco Asensio របស់ Real Madrid មកកាន់កីឡដ្ឋាន Nou Camp ក្នុងពេលខាងមុខ។ក្នុងទីផ្សារដោះដូរកីឡាករនៅខែមករាខាងមុខ Barcelona មានគម្រោងបន្តការចំណាយរបស់ខ្លួនដើម្បីនាំយកកីឡាករថ្មីបន្ថែម។ ក្នុងនោះដែរ Asensio ជាមុខសញ្ញាដែលលោក Xavi ចង់បានមករួមក្រុម។នៅ Madrid កីឡាករសញ្ជាតិអេស្ប៉ាញនៅសល់កុងត្រាមិនដល់មួយឆ្នាំទៀតទេ។ អំឡុងពេលទីផ្សារដោះដូរកីឡាកររដូវក្ដៅ Asensio មានការទាក់ទងផ្លាស់ចេញពីកីឡដ្ឋាន Bernabeu ប៉ុន្តែមិនអាចទៅរួច ស្របពេលឆ្នាំក្រោយគេអស់កុងត្រាជាមួយក្លិប។ ប្រភពពីសារព័ត៌មានក្នុងប្រទេសអេស្ប៉ាញឲ្យដឹងថា Barca កំពុងចាប់អារម្មណ៍លើ Asensio។Barca កំពុងមានមហិច្ឆតាងើបខ្លួនឲ្យក្លាយជាក្រុមកំពូលឡើងវិញនៅអឺរ៉ុប ដូច្នេះពួកគេបានចំណាយលុយជាច្រើនទិញចូលកីឡាករល្អៗដូចជា Lewandowski និង Raphinha ជាដើម។ ហេតុផលដែល Barca ចង់បាន Asensio ដោយសារតែមើលឃើញពីកត្តាអាយុ កម្រិតនៃការលេងនិងបច្ចេកទេស៕ ...

បាល់ទាត់

Lewandowski មានបំណងចង់ឈ្នះពាន Ballon d’Or នៅ Barcelona

Lewandowski មានបំណងចង់ឈ្នះពាន Ballon d’Or នៅ Barcelona

បាល់ទាត់

ខ្សែប្រយុទ្ធ Robert Lewandowski បានបង្ហើបមានទំនុកចិត្តអាចឈ្នះពាន Ballon d’Or នៅក្លិប Barcelona នៅពេលខាងមុខដ៏ខ្លី។Lewandowski បានផ្លាស់មកកាន់កីឡដ្ឋាន Camp Nou យ៉ាងភ្ញាក់ផ្អើល បន្ទាប់ពីបានប្រាប់ក្លិបចាស់ Bayern Munich ថាចង់ស្វែងរកការប្រកួតប្រជែងថ្មី។ កីឡាករសញ្ជាតិប៉ូឡូញត្រូវបានគេរំពឹងថានឹងឈ្នះពាន Ballom d’Or ឆ្នាំ២០២០ មុនពេលកម្មវិធីត្រូវបានលុបចោលវិញក្រោយសារតែការរាតត្បាតជំងឺកូវីដ។Lionel Messi បានការពារពានរបស់ខ្លួនក្នុងឆ្នាំ២០២១ ខណៈ Lewandowski ត្រូវបានគេមើលរំលងជាងថ្មី ទោះបីបង្ហាញសមត្ថភាពលេចធ្លោនៅ Bayern ក៏ដោយ។ យ៉ាងណាក្ដី Lewandowski ពេលនេះរកបាន១១គ្រាប់ហើយគិតគ្រប់កម្មវិធី ក្រោយផ្លាស់មកកាន់ Barca និងរំពឹងអាចឈ្នះពាន Ballon d’Or ក្នុងពេលឆាប់ៗ។និយាយប្រាប់សារព័ត៌មាន Marca កីឡាករវ័យ៣៤ឆ្នាំលើកឡើងថា គេមិននឹកស្មានថាអ្នកគាំទ្រ Barca ពេញចិត្តខ្លួនលឿនបែបនេះទេ។ វាធ្វើឲ្យគេមានអារម្មណ៍ថាដូចជាបាននៅ Camp Nou ជាយូរមកហើយអ៊ីចឹង។ Barcelona ជាក្រុមដែលមានកីឡាករឈ្នះពាន Ballon d’Or ច្រើនជាងគេ ហើយគេក៏សង្ឃឹមនឹងឈ្នះដូចគ្នានៅពេលដ៏ខ្លីខាងមុខ៕ ...

បាល់ទាត់

១០ក្រុមមានសិទ្ធិឡើងទៅវគ្គបន្តពានរង្វាន់ AFC U20 Asian Cup ២០២៣ នៅអ៊ូបេគីស្ថាន

១០ក្រុមមានសិទ្ធិឡើងទៅវគ្គបន្តពានរង្វាន់ AFC U20 Asian Cup ២០២៣ នៅអ៊ូបេគីស្ថាន

បាល់ទាត់

ក្រុមជើងឯកតាមពូលនីមួយៗនៃវគ្គជម្រុះពានរង្វាន់បាល់ទាត់យុវជនក្រោមអាយុ២០ឆ្នាំប្រចាំទ្វីបអាស៊ី 2023 AFC U20 Asian Cup Qualification សុទ្ធតែទទួលបានឱកាសឡើងទៅប្រកួតវគ្គ១៦ក្រុមចុងក្រោយ ក្នុងជុំផ្ដាច់ព្រ័ត្រ ដែលគ្រោងរៀបចំនៅប្រទេសអ៊ូបេគីស្ថាន ក្នុងខែមីនា ឆ្នាំ២០២៣ខាងមុខ។ ក្រុមជាសមាជិកទ្វីបអាស៊ីទាំង៤៤ក្រុមបានចូលរួមប្រកួតក្នុងវគ្គជម្រុះ 2023 AFC U20 Asian Cup Qualification នេះដោយបែងចែកជា១០ក្រុម ហើយក្រុមលេខ១តាមពូលនីមួយៗមានឈ្មោះឡើងទៅជុំផ្ដាច់ព្រ័ត្រ ខណៈម្ចាស់ផ្ទះអ៊ូបេគីស្ថាន មានឈ្មោះដោយស្វ័យប្រវត្តិ។ ចំណែក៥ក្រុមផ្សេងទៀតគេជ្រើសរើសយកក្រុមចំនួន៥ដែលមានចំណាត់ថ្នាក់ល្អជាងគេបើធៀបក្រុមលេខ២មកពីសមាជិកទាំង១០ពូល។ ប៉ុន្តែអ្វីៗមិនទាន់ច្បាស់ការ១០០% សម្រាប់ក្រុមចំណាត់ថ្នាក់លេខ២ល្អ ព្រោះពូល H មិនទាន់ប្រកួតនៅឡើយនោះទេ។ ពានរង្វាន់ 2023 AFC U20 Asian Cup ជុំផ្ដាច់ព្រ័ត្រ គ្រោងធ្វើឡើងនៅថ្ងៃទី១ ដល់១៨ ខែមីនា ឆ្នាំ២០២៣ នៅប្រទេសអ៊ូប៊ែគីស្ថាន ដោយក្រុមទាំង១៦ ត្រូវបែងចែកជា៤ពូល ខណៈក្រុមលេខ១និងលេខ២តាមពូលមានឈ្មោះ បន្តកៅអីឡើងទៅវគ្គ៨ក្រុមចុងក្រោយហើយបន្តជម្រុះដល់វគ្គផ្ដាច់ព្រ័ត្រ។ ពានរង្វាន់ AFC U20 Asian Cup រៀបចំដំបូងតាំងពីឆ្នាំ១៩៥៩ ដោយធ្វើឡើងរាល់១ឆ្នាំម្តង ប៉ុន្តែរហូតដល់ឆ្នាំ២០០៨ មានការផ្លាស់ប្តូររៀបចំរាល់២ឆ្នាំម្តង។ ក្រុមកូរ៉េខាងត្បូង ឈ្នះជើងឯកបានច្រើនលើកជាងគេរហូតដល់១២ដង ស្របពេលដែលបច្ចុប្បន្ន ក្រុមលេខដល់លេខ៤ មានឈ្មោះតំណាងឱ្យទ្វីបអាស៊ីចូលរួមប្រកួតពានរង្វាន់ FIFA U20 World Cup ផងដែរ៕ ...

បាល់ទាត់

លោក Lee Wooyoung គ្រូបង្គោល U23 ជប៉ុន ថា ការប្រកួតថ្ងៃស្អែកគឺលោកចង់ឈ្នះ

លោក Lee Wooyoung គ្រូបង្គោល U23 ជប៉ុន ថា ការប្រកួតថ្ងៃស្អែកគឺលោកចង់ឈ្នះ

បាល់ទាត់

នៅក្នុងសន្និសីទសារព័ត៌មាន មុនការប្រកួតមិត្តភាពអន្តរជាតិ នៅថ្ងៃទី២០ ខែកញ្ញា ឆ្នាំ២០២២ ស្អែកនេះរវាងក្រុមជម្រើសជាតិកម្ពុជាអាយុក្រោម២៣ឆ្នាំ ទល់នឹង ក្រុមជម្រើសជាតិជប៉ុនអាយុក្រោម២៣ឆ្នាំ វេលាម៉ោង៧:០០នាទីយប់ នៅពហុកីឡដ្ឋានមរតកតេជោ។ លោក Lee Wooyoung គ្រូបង្គោល U23 ជប៉ុនបានថ្លែងថា៖«ក្រុមរបស់យើងមិនមែនជាឈុតកីឡាករអាជីពទាំងអស់គ្នានោះទេ ជាកីឡាករឈុតសកលវិទ្យាល័យ ប៉ុន្តែការប្រកួតថ្ងៃស្អែកគឺជាការប្រកួតមួយដ៍សំខាន់ និងចង់ទទួលបានលទ្ធផលល្អត្រលប់មកវិញ»។ «កីឡាករទាំងអស់មានអាយុចាប់ពី១៩ឆ្នាំ ដល់២១ឆ្នាំ យ៉ាងច្រើន២២ឆ្នាំ ហើយឆ្នាំក្រោយនៅពេលពួកគេបញ្ចប់សកលវិទ្យាល័យ នោះពួកគេនឹងចូលរួមក្រុមដែលស្ថិតនៅក្របខណ្ឌ J1 League លីគកំពូលជប៉ុន ដោយសារពួកគេសុទ្ធតែជាកីឡាករមានសក្តានុពល»។ លោកបន្តទៀតថា៖«ការប្រកួតថ្ងៃស្អែកគឺយើងចង់ឈ្នះ ដើម្បីបង្ហាញថាសិស្សសកលវិទ្យាល័យអាចយកឈ្នះកីឡាករលំដាប់កំពូលៗនៅប្រទេសកម្ពុជាបាន»។ ប៉ុន្តែយ៉ាងណាមិញលោក Lee Wooyoung ក៏សរសើរថាបច្ចុប្បន្នបាល់ទាត់នៅប្រទេសកម្ពុជាមានការរីកចម្រើនខ្លាំងផងដែរ៕ ...

បាល់ទាត់

អ្នកគាំទ្រ Juventus ទាមទារឲ្យបណ្ដេញ Allegri ចេញពីតំណែង ក្រោយដឹកនាំអន់ពេក

អ្នកគាំទ្រ Juventus ទាមទារឲ្យបណ្ដេញ Allegri ចេញពីតំណែង ក្រោយដឹកនាំអន់ពេក

បាល់ទាត់

ក្រុមទើបឡើងមកថ្មី Monza រកបានជ័យជម្នះជាលើកដំបូងនៅ Serie A ក្នុងប្រវត្តិសាស្ត្ររបស់ពួកគេ ដោយបានយកឈ្នះក្រុមខ្លាំង Juventus ១-០ ធ្វើឲ្យកៅអីរបស់លោក Massimiliano Allegri កាន់តែក្ដៅ។ កីឡាករ Christian Gytkjaer រកបានគ្រាប់ជ័យជម្នះនៅវគ្គទីពីរ ជួយ Monza ឈ្នះជាលើកដំបូងក្នុងរដូវកាលនេះក្នុងលីគ រំកិលឡើងផុតពីបាតតារាង។ Monza បានឡើងមកកាន់ Serie A ជាលើកដំបូងកាលពីរដូវកាលមុន ហើយក្លិបមួយនេះគ្រប់គ្រងដោយអតីតនាយករដ្ឋមន្ត្រីរបស់អ៊ីតាលីលោក Silvio Berlusconi។ Juventus បានចាប់ផ្ដើមរដូវកាលជាមួយលទ្ធផលមិនល្អសោះ ហើយតំណែងរបស់លោក Allegri កំពុងស្ថិតក្រោមសម្ពាធ។ ក្រុមរហស្សនាមសេះបង្កង់កំពុងស្ថិតនៅលេខ៨ក្នុងតារាងពិន្ទុ ឈ្នះបានតែ២ប្រកួតគត់ក្នុងចំណោម៧ប្រកួត ហើយចាញ់ទាំងពីរប្រកួតនៅ UCL ទៀតផង។ក្រុមអ្នកគាំទ្ររបស់ Juventus កំពុងតែទាមទារឲ្យក្លិបបណ្ដេញលោក Allegri ចោលទៅ ដោយចង់ឲ្យតែងតាំងលោក Thomas Tuchel ជំនួសវិញ។ Tuchel ទើបតែត្រូវ Chelsea បញ្ចប់តួនាទីក្រោយដឹកនាំក្រុមចាញ់ប្រកួតដំបូងនៅ UCL៕ ...

បាល់ទាត់

Real Madrid បន្តកំណត់ត្រាមិនចាញ់សោះក្នុងលីគ ក្រោយបំបាក់ AT Madrid

Real Madrid បន្តកំណត់ត្រាមិនចាញ់សោះក្នុងលីគ ក្រោយបំបាក់ AT Madrid

បាល់ទាត់

Real Madrid បានយកឈ្នះ Atletico Madrid លទ្ធផល ២-១ បន្តកំណត់ត្រាមិនទាន់ចាញ់សោះក្នុង La Liga នារដូវកាលនេះ។ខ្សែប្រយុទ្ធវ័យក្មេង Rodrygo ជួយ Real នាំមុខ ក្រោយមានការបញ្ជូនពីខ្សែបម្រើចំណូលថ្មី Aurelien Tchouameni ។ គ្រាប់បាល់ទីពីរបានកើតឡើង ពេលដែល Vinicius Jr ទាត់បុកបង្គោលទី ហើយ Federico Valverde រត់ទៅបន្ថែមបញ្ចូលទី។ខ្វះ៧នាទីបញ្ចប់ការប្រកួត កីឡាករ Mario Hermoso រកបានមួយគ្រាប់សងវិញឲ្យ AT Madrid។ ប៉ុន្តែគ្រប់យ៉ាងហាក់យឺតពេល បញ្ចប់ប្រកួត Real ឈ្នះ AT Madrid ២-១ ក្នុងជំនួបដែលគេឲ្យឈ្មោះថា Madrid Derby។ ក្រុមលោក Carlo Ancelotti ពេលនេះបានឈ្នះគ្រប់៦ប្រកួតជាប់គ្នាបន្តឈរកំពូលតារាង La Liga គម្លាតពីក្រុមលេខពីរ Barcelona ២ពិន្ទុ ខណៈ AT Madrid នៅលេខ៧។ នេះជាការឈ្នះបើករដូវកាល៦ប្រកួតជាប់គ្នាជាលើកដំបូងសម្រាប់ Real ចាប់តាំងពីរដូវកាល១៩៨៧-៨៨៕ ...

បាល់ទាត់

U20កម្ពុជា បញ្ចប់ចំណាត់ថ្នាក់បាតតារាង ក្នុងព្រឹត្តិការណ៍ជម្រុះ U20 AFC Asian Cup ក្នុងពូល I

U20កម្ពុជា បញ្ចប់ចំណាត់ថ្នាក់បាតតារាង ក្នុងព្រឹត្តិការណ៍ជម្រុះ U20 AFC Asian Cup ក្នុងពូល I

បាល់ទាត់

ក្រុមជម្រើសជាតិកម្ពុជា យុវជនក្រោមអាយុ២០ឆ្នាំ (U20) បញ្ចប់ចំណាត់ថ្នាក់លេខ៤ (បាតតារាង) ក្នុងព្រឹត្តិការណ៍ជម្រុះ U20 AFC Asian Cup ក្នុងពូល I ក្រោយចាញ់ម្ចាស់ផ្ទះតាហ្ស៊ីគីស្ថាន ក្នុងលទ្ធផល ២-១ កាលពីយប់ថ្ងៃអាទិត្យ ទី១៨ ខែកញ្ញា ឆ្នាំ២០២២ នៅកីឡដ្ឋាន Pamir។ ៣ប្រកួតរបស់គោជំទង់កម្ពុជាក្រោមការដឹកនាំរបស់លោក Koji Gyotoku៖– ១៤ កញ្ញា កម្ពុជា ០-១ លីបង់– ១៦ កញ្ញា សិង្ហបុរី ១-១ កម្ពុជា– ១៨ កញ្ញា តាហ្ស៊ីគីស្ថាន ២-១ កម្ពុជា។ ខណ:ក្រុមជម្រើសជាតិលីបង់ យុវជនអាយុក្រោម២០ឆ្នាំ (U20) ក៏អស់ឱកាសឡើងទៅវគ្គបន្តដូចគ្នាទោះមាន៦ពិន្ទុក្នុងដៃក៏ដោយ ដោយលេង៣ប្រកួត ឈ្នះ២ និងចាញ់១ ស៊ុតបញ្ចូលទីគូប្រកួត៧គ្រាប់ របូតវិញ៥គ្រាប់ ខណ:គ្រាប់ចំណេញមាន២គ្រាប់ប៉ុណ្ណោះ ពោលគឺចាញ់ប្រៀបក្រុមលេខ២នៃពូលផ្សេងៗទៀត ដែលមានគ្រាប់បាល់ចំណេញ៣គ្រាប់។ ខាងក្រោមនេះគឺជាតារាងចំណាត់ថ្នាក់ពូល I៖១. តាជីគីស្ថាន ឆ្លងកាត់៣ប្រកួត ឈ្នះ២ ស្មើ១ ៧ពិន្ទុ២. លីបង់ ឆ្លងកាត់៣ប្រកួត ឈ្នះ២ និងចាញ់១ ៦ពិន្ទុ ៣. សិង្ហបុរី ឆ្លងកាត់៣ប្រកួត ស្មើ២ ចាញ់១ ២ពិន្ទុ៤. កម្ពុជា ឆ្លងកាត់៣ប្រកួត ស្មើ១ ចាញ់២ ១ពិន្ទុ៕ ...

បាល់ទាត់

កីឡាករធ្លាប់លើកពានសម្ដេចបាន៤លើកនៅព្រះខ័នរាជស្វាយរៀង ទទួលបានការងារថ្មីក្នុងក្រុមការងារជម្រើសជាតិ

កីឡាករធ្លាប់លើកពានសម្ដេចបាន៤លើកនៅព្រះខ័នរាជស្វាយរៀង ទទួលបានការងារថ្មីក្នុងក្រុមការងារជម្រើសជាតិ

បាល់ទាត់

ខ្សែការពារសម្បូរបទពិសោធ ឡាយ រស្មី ទទួលបានបទពិសោធថ្មីមួយទៀតហើយបន្ថែមពីលើតួនាទីជាកីឡាករ ដោយរូបគេត្រូវបានជ្រើសរើសចូលក្រុមការងារជម្រើសជាតិកម្ពុជានាពេលថ្មីៗ ដោយទទួលបន្ទុកលើផ្នែកកម្លាំង និងកាយសម្បទា។ តាមពិតទៅ វាក៏មិនថ្មីណាស់ណាទេសម្រាប់ ប្រធានក្រុមអាស៊ីអឺរ៉ុបយូណាយធីតរូបនេះ ដ្បិតគេក៏មានការងារក្រៅម៉ោងគ្រូ fitness មួយរូបដែរ ហើយចាប់ផ្ដើមធ្វើការងារនេះច្រើនឆ្នាំមកហើយ។ ក្រៅពីហ្វឹកហាត់បាល់ទាត់ គេបានឆ្លៀតបង្ហាត់កម្លាំងដល់កីឡាករ AEU និងជួយកីឡាករព្រះខ័នរាជស្វាយរៀងខ្លះៗដែរ។ តែសម្រាប់កម្រិតជម្រើសជាតិវិញ គឺជាលើកទី១ហើយសម្រាប់រូបគេ។ ឡាយ រស្មី លេងនៅព្រះខ័នរាជស្វាយរៀងពីឆ្នាំ២០០៧ដល់២០១៨ និងរួមចំណែកឈ្នះជើងឯកសម្ដេចតេជោ ហ៊ុន សែន ថ្នាក់ជាតិ៤លើក គឺ ២០១១, ២០១២, ២០១៥ និង២០១៧ បូករួមទាំងលីគកំពូល ឆ្នាំ២០១៣៕ ...

បាល់ទាត់

AFC U20៖កម្ពុជាសល់ឱកាសតិចតួច ក្រោយស្មើសិង្ហបុរី ខណ:តាគីជីស្ថានឈរកំពូលតារាងបណ្តោះអាសន្ន

AFC U20៖កម្ពុជាសល់ឱកាសតិចតួច ក្រោយស្មើសិង្ហបុរី ខណ:តាគីជីស្ថានឈរកំពូលតារាងបណ្តោះអាសន្ន

បាល់ទាត់

ក្រុមជម្រើសជាតិកម្ពុជា យុវជនក្រោមអាយុ២០ឆ្នាំ (U20) បានត្រឹមស្មើ ១-១ U20 សិង្ហបុរី ចែកគ្នាម្នាក់១ពិន្ទុនៅកីឡដ្ឋាន Republic Central Stadium កាលពីយប់ថ្ងៃពុធ ទី១៦ ខែកញ្ញា ឆ្នាំ២០២២ ក្នុងពានរង្វាន់កម្រិតទ្វីបអាស៊ី 2023 AFC U-20 Asian Cup qualification ស្ថិតក្នុងវគ្គជម្រុះពូល I។ គួរដឹងថាខ្សែបម្រើវ័យក្មេង កើត ពេជ្រ សមាជិកភ្នំពេញក្រោនគឺជាកីឡាករដំបូងគេរបស់គោព្រៃកម្ពុជាអាយុក្រោម២០ឆ្នាំដែលអាចស៊ុតបញ្ចូលទីតាមស្មើសិង្ហបុរី ១-១ នៅប្រទសតាជីគីស្ថាន។ ខណ:ការប្រកួតពូល I ១គូទៀតម្ចាស់ផ្ទះតាជីគីស្ថាន យកឈ្នះ លីបង់ ក្នុងលទ្ធផល ៤-០ នៅកីឡដ្ឋាន Republic Central Stadium ឡើងទៅឈរកំពូលតារាងបណ្តោះអាសន្ន។ បច្ចុប្បន្ន តាគីជីស្ថាន ឈរកំពូលតារាងមាន៤ពិន្ទុ ខណ: លីបង់ នៅចំណាត់ថ្នាក់ទី២ មាន៣ពិន្ទុ និងសិង្ហបុរី ឈរចំណាត់ថ្នាក់ទី៣ មាន២ពិន្ទុ ហើយចុងក្រោយគេគឺ កម្ពុជា នៅចំណាត់ថ្នាក់ទី៤ (បាតតារាង) មាន ១ពិន្ទុ៕ ...

បាល់ទាត់

កីឡាកររបស់ Barca ៧រូបមានតម្លៃខ្លួនទិញផ្ដាច់កុងត្រាដល់ទៅ១ពាន់លានអឺរ៉ូ

កីឡាកររបស់ Barca ៧រូបមានតម្លៃខ្លួនទិញផ្ដាច់កុងត្រាដល់ទៅ១ពាន់លានអឺរ៉ូ

បាល់ទាត់

ខ្សែបម្រើសញ្ជាតិអេស្ប៉ាញ Gavi បានក្លាយជាកីឡាកររបស់ Barcelona ទី៧ដែលមានតម្លៃខ្លួនទិញផ្ដាច់កុងត្រាដល់ទៅ១ពាន់លានអឺរ៉ូ ក្រោយគេចុះកុងត្រាថ្មីដល់ឆ្នាំ២០២៦។កីឡាករវ័យ១៨ឆ្នាំដែលបានបង្ហាញខ្លួន៥៤ប្រកួតចាប់តាំងពីចូលលេងដំបូងឲ្យ Barca កាលពីខែសីហា ឆ្នាំ២០២១ កំពុងសល់កុងត្រាចាស់ដល់ឆ្នាំ២០២៣។ គេបានក្លាយជាកីឡាករក្មេងបំផុតទី៤របស់ក្លិប ពេលដែលគេបង្ហាញខ្លួនប្រកួតដំបូងក្នុងវ័យ១៧ឆ្នាំនិង២៤ថ្ងៃ។មិត្តរួមក្រុម Pedri, Ansu Fati, Ferran Torres, Raphinha, Jules Kounde និង Ronald Araujo សុទ្ធតែជាកីឡាករមានតម្លៃខ្លួនទិញផ្ដាច់កុងត្រា១ពាន់លានអឺរ៉ូ។ Gavi បានចាប់ផ្ដើមជាជម្រើសដំបូងគ្រប់ការប្រកួតនៅ La Liga របស់ Barcelona ក្នុងរដូវកាលនេះ៕ ...