FC Sports logo
បាល់ទាត់

Arsenal លោត​ឡើង​កំពូល​តារាង​លើ Man City វិញ ក្រោយ​ឈ្នះ Liverpool

3 months ago
3 months ago

Arsenal លោត​ឡើង​កំពូល​តារាង​លើ Man City វិញ ក្រោយ​ឈ្នះ Liverpool

បាល់ទាត់
ខ្សែ​បម្រើ​ប្រយុទ្ធ Bukayo Saka រក​បាន​២​គ្រាប់​ម្នាក់​ឯង ក្នុង​ជំនួប Arsenal យក​ឈ្នះ Liverpool ៣-២ ក្នុង​កីឡដ្ឋាន Emirate Stadium ជួយ​កាំភ្លើង​ធំ​ឡើង​​កំពូល​តារាង​វិញ។ជា​រឿង​ភ្ញាក់ផ្អើល​ការ​ប្រកួត​ចាប់​ផ្ដើម​បាន​តែ​៥៨​វិនាទី Gabriel Martinelli ធ្វើ​បាន​គ្រាប់​នាំ​មុខ​ឲ្យ Arsenal មុន​ពេល​​ខ្សែ​ប្រយុទ្ធ Darwin Nunez រក​បាន​គ្រាប់​តាម​ស្មើ​ឲ្យ Liverpool នាទី​​ទី​៣៤។ ឈាន​ដល់​ម៉ោង​បន្ថែម​៤៥+៥​ទៅ​ហើយ​កីឡាករ​សញ្ជាតិ​អង់គ្លេស Saka ធ្វើ​បាន​គ្រាប់​នាំ​មុខ​​ជា​ថ្មី​ឲ្យ​កាំភ្លើង​ធំ។ចាប់​ផ្ដើម​វគ្គ​ទី​ពីរ​បាន​៨​នាទី ខ្សែ​ប្រយុទ្ធ Roberto Firmino ទាត់​បញ្ចូល​ទី​ជួយ​ហង្សក្រហម​តាម​ស្មើ​ម្ដង​ទៀត។ ជ័យជម្នះ​និង​៣​ពិន្ទុ​ដ៏​​សំខាន់​របស់ Arsenal បាន​រក​ឃើញ​នៅនាទី​៧៦ ពេល​ដែល Saka បំប៉ោង​សំណាញ់​​ដោយ​បាល់​ប៉េណាល់ទី​ដែល​ជា​គ្រាប់​ទី​ពីរ​របស់​គេ​ក្នុង​ការ​ប្រកួត​នេះ។ តាម​រយៈ​ជ័យជម្នះ​ខាង​លើ Arsenal បាន​លោត​ឡើង​កំពូល​តារាង Premier League ​លើ Manchester City វិញ​​មាន​២៤​ពិន្ទុ​គម្លាត​​គ្នា​​មួយ​ពិន្ទុ ខណៈ Liverpool នៅ​លេខ​១០​៕ ​...
បាល់ទាត់

Ronaldo រក​បាន​គ្រាប់​ដំបូង​ក្នុង​លីគ និង​ជា​គ្រាប់​ទី​៧០០​សម្រាប់​ក្លិប​អាជីព

3 months ago
3 months ago

Ronaldo រក​បាន​គ្រាប់​ដំបូង​ក្នុង​លីគ និង​ជា​គ្រាប់​ទី​៧០០​សម្រាប់​ក្លិប​អាជីព

បាល់ទាត់
ទីបំផុត Cristiano Ronaldo រក​បាន​គ្រាប់​ដំបូង​​​នៅ Premier League រដូវ​កាល​នេះ​ហើយ ក្រោយ​នាំ Manchester United យក​ឈ្នះ Everton ២-១ កាល​ពី​យប់​មិញ។ក្នុង​ការ​ប្រកួត​​ក្រុម​​ម្ចាស់​ផ្ទះ​ Everton គឺ​ជា​អ្នក​រក​បាន​គ្រាប់​នាំ​មុខ​ទាត់​បញ្ចូល​ទី​ដោយ​ខ្សែ​បម្រើ Alex Iwobi។ យ៉ាងណាមិញ United បាន​ធ្វើ​ការ​វាយ​បក​វិញ​រក​បាន​ពីរ​គ្រាប់​ដោយ​ខ្សែ​បម្រើ​ប្រយុទ្ធ​ចំណូល​ថ្មី Antony និង Ronaldo ដែល​ប្ដូរ​ចូល​ជំនួស Anthony Martial ក្នុង​វគ្គ​ទី​មួយ។វា​គឺ​ជា​គ្រាប់​​ដំបូង​សម្រាប់​កីឡាករ​​វ័យ​៣៧​ឆ្នាំ​​ក្នុង​ Premier League សម្រាប់​រដូវ​កាល​២០២២-២៣ ក្នុង​ការ​បង្ហាញ​ខ្លួន​៧​ប្រកួត។ ហើយ​វា​ក៏​ជា​គ្រាប់​ទី​៧០០​​សម្រាប់​ក្លិប​អាជីព​របស់​ Ronaldo ផង​ដែរ ដោយ​​រក​បាន​១៤៤​គ្រាប់​នៅ United ៤៥០​គ្រាប់​នៅ Real Madrid ១០១​គ្រាប់​នៅ Juventus និង​៥​គ្រាប់​នៅ Sporting Lisbon។នេះ​ក៏​ជា​គ្រាប់​បាល់​ដំបូង​របស់ Ronaldo នៅ​ក្នុង​ទឹក​ដី​កីឡដ្ឋាន Goodison Park ចាប់​តាំង​ពី​ឆ្នាំ​២០០៥។ ខ្សែ​បម្រើ​ការពារ Casemiro ​បាន​​ជាប់​ឈ្មោះ​ជា Man of The Match សម្រាប់​ការ​ប្រកួត​រវាង United និង Everton៕  ​...
បាល់ទាត់

ជប៉ុន គ្រងជើងឯកជាលើកទី៤ ក្រោយឈ្នះអ៊ីរ៉ង់ នៅវគ្គផ្តាច់ព្រ័ត្រ AFC Futsal Asian Cup 2022

3 months ago
3 months ago

ជប៉ុន គ្រងជើងឯកជាលើកទី៤ ក្រោយឈ្នះអ៊ីរ៉ង់ នៅវគ្គផ្តាច់ព្រ័ត្រ AFC Futsal Asian Cup 2022

បាល់ទាត់
ម្ចាស់ជើងឯក៣សម័យកាល ជប៉ុនបានគ្រងដំណែងជាលើកទី៤ បន្ទាប់ពីយកឈ្នះម្ចាស់ជើងឯក១២សម័យកាលអ៊ីរ៉ង់ ៣-២។ អ៊ូសបេគីស្ថាន យកបានដំណែងលេខ៣ ក្រោយលត់ក្រុមថៃ ៨-២ នៅវគ្គផ្តាច់ព្រ័ត្រពានរង្វាន់បាល់ទាត់ AFC Futsal Asian Cup នៅថ្ងៃទី៩ ខែតុលា នាទីលានបាល់ទាត់ Saad Al Abdullah City ក្រុងកូវ៉ែត ប្រទេសកូវ៉ែត។ ក្នុងវគ្គទី១ ក្រុមបាល់ទាត់ក្នុងសាលអ៊ីរ៉ង់ បើកការនាំមុខស៊ាំម៉ូរ៉ៃ ជប៉ុន ១០ នៅនាទី១៥ ដោយខ្សែបម្រើ Ahmadabbasi។ មិនយូរប៉ុន្មាន ស៊ាំម៉ូរ៉ៃ តដៃវិញបានគ្រាប់ស្មើ ១-១ ដោយខ្សែបម្រើ Shimizu នៅនាទី១៦។ ចូលដល់វគ្គទី២ ខ្សែប្រយុទ្ធជប៉ុន Oliveira ស៊ុតបញ្ចូល១គ្រាប់បើកទំព័រនាំមុខសារជាថ្មីទៅលើក្រុមអ៊ីរ៉ង់ ២-១ នៅនាទី២៧។ អ្វីដែលអស្ចារ្យនោះគឺនៅនាទី៤០ អ៊ីរ៉ង់ តាមបានស្មើ ២-២ សម្រេចទីបានដោយខ្សែបម្រើ Javan ។ ការរំពឹងរបស់ក្រុមអ៊ីរ៉ង ត្រូវបានខកចិត្តជាថ្មីម្តងទៀតបន្ទាប់ពីការវាយបកលឿនពីក្រុមជប៉ុន រហូតបង្ករឱ្យបាល់ចូលទីខ្លួនឯងក្នុងនាទី៤០ ដោយខ្សែបម្រើ Ahmadabbasi។ បញ្ចប់ការប្រកួត ជប៉ុន ឈ្នះអ៊ីរ៉ង់ ក្នុងលទ្ធផល ៣-២។ ចំណែកក្រុមថៃវិញ ខកបំណងក្នុងជំនួបវគ្គផ្តាច់ព្រ័ត្រដោយភ្លាត់ចាញ់ អ៊ូសបេគីស្ថាន យ៉ាងធ្ងន់ធ្ងរដោយលទ្ធផល ៨-២។ គ្រាប់បាល់របស់អ៊ូសបេគីស្ថាន រកបានដោយខ្សែប្រយុទ្ធ Repiev សម្រេចទីបាន២គ្រាប់ពោលនៅនាទី២ និងនាទី២៦, ខ្សែការពារ Choriev(នាទី៧), ខ្សែបម្រើTulkinov(នាទី១៤), ខ្សែប្រយុទ្ធNishinov(នាទី១៦), ខ្សែបម្រើJuraev(នាទី២២), ខ្សែការពារ A.Rakhmatov(នាទី២៣) និងខ្សែប្រយុទ្ធ Khamroev(នាទី៣១)។ ចំណែកថៃ ២គ្រាប់ធ្វើបានដោយខ្សែបម្រើWingwon នៅនាទី២ និងខ្សែការពារ Worasakនៅនាទី២៧។   ពានរង្វាន់ AFC Futsal Cup នេះ​រៀបចំ​ឡើង​តាំង​ពី​ឆ្នាំ​១៩៩៩ មក​​ដោយ​ដំបូង​រៀបចំ​រាល់​១ឆ្នាំ​ម្តង តែ​ក្រោយ​មក​​ប្តូរ​ជា​រៀបចំ​រាល់​២ឆ្នាំ​ម្តង​វិញ ខណៈ​ក្រុម​​អ៊ីរ៉ង់ ឈ្នះ​ជើង​ឯក​ច្រើន​ជាង​គេ រហូត​ដល់​១២​លើក ហើយ​ជប៉ុន​ឈ្នះ​បាន៤លើក៕  ...
បាល់ទាត់

CPL៖ វិសាខា ប៉ះ បឹងកេត, អង្គរថាយហ្គឺរ ប៉ះ ទ័ព, គិរីវង់ ប៉ះ ក្រោន ខណ:ស្វាយរៀង ប៉ះ ណាហ្គា សប្តាហ៍ទី១៩

3 months ago
3 months ago

CPL៖ វិសាខា ប៉ះ បឹងកេត, អង្គរថាយហ្គឺរ ប៉ះ ទ័ព, គិរីវង់ ប៉ះ ក្រោន ខណ:ស្វាយរៀង ប៉ះ ណាហ្គា សប្តាហ៍ទី១៩

បាល់ទាត់
អង្គរថាយហ្គឺរ ត្រៀមបើកទ្វារកីឡដ្ឋានហនុមានចាំ Tiffy Army  រីឯគិរីវង់សុខសែនជ័យ ទទួលក្រុមភ្នំពេញក្រោន នៅតាកែវ ចំណែកឯព្រះខ័នរាជស្វាយរៀង ទទួលក្រុមភ្ញៀវណាហ្គាវើលដ៍ ក្នុងកីឡដ្ឋានខេត្តស្វាយរៀង ខណៈវិសាខា ស្វាគមភ្ញៀវបឹងកេត នាកីឡដ្ឋានព្រីនស៍ក្នុងការប្រកួតពានរង្វាន់ខេមបូឌានព្រីមៀរលីគ(CPL) សប្តាហ៍ទី១៩ នៅថ្ងៃទី៨ ខែតុលា។ ទាំងណាហ្គាវើលដ៍, បឹងកេត និងភ្នំពេញក្រោន សុទ្ធតែត្រូវការឈ្នះដើម្បីមានឱកាស បន្តទៅវគ្គខ្វែង ខណៈ ព្រះខ័នរាជស្វាយរៀង និង វិសាខាកក់កៅអីរួចហើយ។ ម្ចាស់ផ្ទះព្រះខ័នរាជស្វាយរៀង ឆ្លងកាត់១៨ប្រកួតកន្លងមក ឈ្នះ១៣ ស្មើ៣ និងចាញ់២ មាន៤២ពិន្ទុ ឈរកំពូលតារាង CPL ។ ចំណែក ណាហ្គាវើលដ៍ ១៨ប្រកួតឈ្នះ៦ ស្មើ៥ និងចាញ់៧ ប្រកួតចុងក្រោយឈ្នះគីរីវង់ ២-០ មាន២៣ពិន្ទុ ឈរចំណាត់ថ្នាក់ទី៥។ ព្រះខ័នរាជ ពុំដែលចាញ់ណាហ្គា ឡើយ ក្នុងនោះ៦ប្រកួត ឈ្នះ៥ និងស្មើ១។   ក្នុងពេលជាមួយគ្នាបឹងកេត នឹងត្រូវស្វែងរកពិន្ទុពីម្ចាស់ផ្ទះវិសាខា ដែលកំពុងនាំមុខខ្លួន៤ពិន្ទុ។ ១៨ប្រកួតរបស់បឹងកេត ឈ្នះ៩ ស្មើ៤ និងចាញ់៥ មាន៣១ពិន្ទុ ស្ថិតនៅចំណាត់ថ្នាក់ទី៣ ខណៈវិសាខា ឈ្នះ១១ ស្មើ២ និងចាញ់៥ មាន៣៥ពិន្ទុ ឈរលេខ២ ដោយតាមពីក្រោយក្រុមកំពូលតារាងទះព្រះខ័នរាជស្វាយរៀង៧ពិន្ទុ។ ជួបគ្នា៦លើក បឹងកេត ឈ្នះ៥ និងចាញ់១។  អង្គរថាយហ្គឺរ ទទួលកងយោធពលខេមរភូមិន្ទ(ទ័ព) នៅម៉ោង៣ និង៤៥នាទី។ ជួបគ្នា៥លើក ថាយហ្គឺរឈ្នះ ៣ស្មើ១ និងចាញ់១។ ជាមួយគ្នានោះដែរ ភ្នំពេញក្រោន សួរសុខទុក្ខគីរីវង់សុខសែនជ័យ ពួកគេធ្លាប់ជួបគ្នា៥លើក ភ្នំពេញក្រោនពុំដែលស្គាល់ពាក្យបរាជ័យឡើយ។   ព្រះខ័នរាជស្វាយរៀង មាន៤២ពិន្ទុ និងវិសាខា មាន៣៥ពិន្ទុ កក់សំបុត្រវគ្គ៤ក្រុមចុងក្រោយ។ ខណៈបឹងកេត មាន៣១ពិន្ទុ ភ្នំពេញក្រោន ២៧ពិន្ទុ ណាហ្គាវើលដ៍ ២៣ពិន្ទុ និងអង្គរថាយហ្គឺរ មាន២១ពិន្ទុត្រូវប្រជែងសំបុត្រយកពីរក្រុមទៅវគ្គខ្វែង៤ក្រុមចុងក្រោយ។ ចំណែក ទ័ព មាន១៧ពិន្ទុ គីរីវង់សុខសែនជ័យ ឈរលេខ៨ មាន៥ពិន្ទុ។ ការប្រកួតនឹងចាប់ផ្តើមពីម៉ោង ៣និង៤៥នាទីរសៀលតទៅ៕    ...
បាល់ទាត់

AFC U17៖កម្ពុជា ចាញ់អូស្ត្រាលី ១០-០ ខណ:ចិន លត់ម៉ារីយ៉ាណាខាងជើង ១១-០

3 months ago
3 months ago

AFC U17៖កម្ពុជា ចាញ់អូស្ត្រាលី ១០-០ ខណ:ចិន លត់ម៉ារីយ៉ាណាខាងជើង ១១-០

បាល់ទាត់
ក្រុមកីឡាបាល់ទាត់ជម្រើសជាតិកម្ពុជាអាយុក្រោម ១៧ឆ្នាំ របូត៣ពិន្ទុជាថ្មីក្នុងជំនួបទី២របស់ខ្លួនក្រោយចាញ់ ម្ចាស់ផ្ទះអូស្ត្រាលី ១០-០ បន្ទាប់ពីចិន លត់ កោះម៉ារីយ៉ាណាខាងជើង ១១-០ ក្នុងវគ្គសន្សំពិន្ទុពូលG នៃពានរង្វាន់បាល់ទាត់ AFC U17 Asian Cup កាលថ្ងៃទី៧ ខែតុលា នាកីឡដ្ឋាន Shepparton Sports City ប្រទេសអូស្រ្តាលី។ វគ្គទី១ នៅនាទី៤ ម្ចាស់ផ្ទះអូស្រ្តាលី នាំមុខកម្ពុជា ១-០ ដោយការតែតពីខ្សែការពារ Andriano Lebib បន្ទាប់ពីលើកបាល់ចេញពីជ្រុងដោយខ្សែបម្រើ Corey Sutherland។ កម្ពុជា ព្យាយាមវាយបកទៅវិញពីរបីលើកដែរតែមិនមានវាសនាក្នុងការទម្លាយសំណាញ់ទីម្ចាស់ផ្ទះបានឡើយ។ មុននឹងបញ្ចប់វគ្គទី១ អូស្ត្រាលី បន្ថែមបាន២គ្រាប់ទៀតនៅនាទី១៣ សម្រេចទីបានដោយខ្សែប្រយុទ្ធ Mitchel Glasson និងនាទី៣៥ ដោយការតែតពីខ្សែប្រយុទ្ធ Max Hately ក្រោយបញ្ជូនបាល់ចេញពីខ្សែប្រយុទ្ធ Nestory Irankunda។ ចូលដល់វគ្គទី២ នាទី៤៩ ខ្សែប្រយុទ្ធ Nestory Irankunda រកបានគ្រាប់ទី៤ និងខ្សែការពារ Andriano Lebib បន្ថែមបានគ្រាប់ទី៥ នៅនាទី៥២ និងគ្រាប់ទី៦ ខ្សែប្រយុទ្ធ Tiago Quintal ស៊ុតបាល់ពិន័យ១១ម៉ែត្រនៅនាទី៦៦ និង១នាទីក្រោយខ្សែប្រយុទ្ធ Max Hately តែតបញ្ចូលទីបន្ថែមបានគ្រាប់ទី៧ នៅនាទី៦៧។ មុននឹងបញ្ចប់វគ្គទី២ ម្ចាស់ផ្ទះបន្ថែម៣គ្រាប់ទៀតលើភ្ញៀវកម្ពុជា ខ្សែបម្រើ Capbell Dovison ទម្លាយសំណាញ់នៅនាទី៧២ ខ្សែប្រយុទ្ធ Tiago Quintal សម្រេចទីនៅនាទី៧៥ និងនាទី៨៤ ខ្សែបម្រើ Miguel Pizio។ បញ្ចប់ការប្រកួតពូលG អូស្រ្តាលី ឈ្នះកម្ពុជា ១០-០ បន្តឈរលេខ១ មាន៦ពិន្ទុស្មើចិន ឈរលេខ២។ កម្ពុជា ឈរលេខ៣ ពុំមានពិន្ទុដូចម៉ារីយ៉ាណា ដែលឈរលេខ៤។ ប្រកួតបន្ទាប់ កម្ពុជា នឹងត្រូវជួបកោះម៉ារីយ៉ាណាខាងជើង និងម្ចាស់ផ្ទះអូស្ត្រាលី ទទួលក្រុមចិន នៅថ្ងៃទី៩ ខែតុលា៕    ...
បាល់ទាត់

Chanathip Songkrasin បដិសេធមិនចូលរួមក្នុងព្រឹត្តិការណ៍ AFF Mitsubishi Electric Cup ២០២២ ចុងឆ្នាំនេះ

3 months ago
3 months ago

Chanathip Songkrasin បដិសេធមិនចូលរួមក្នុងព្រឹត្តិការណ៍ AFF Mitsubishi Electric Cup ២០២២ ចុងឆ្នាំនេះ

បាល់ទាត់
ក្រុម​ជម្រើសជាតិ​ថៃ​បាន​បាត់បង់​កីឡាករ​ឆ្នើម​មួយ​រូប​របស់​ពួកគេ​គឺ Chanathip Songkrasin សម្រាប់​ព្រឹត្តិការណ៍ AFF Mitsubishi Electric Cup 2022 ដែល​នឹង​ប្រព្រឹត្ត​ទៅ​នៅ​ចុង​ឆ្នាំ​នេះ។ មូលហេតុមួយដែល Chanathip បដិសេធមិនចូលលេងក្នុងការប្រកួតលើកនេះ គឺដោយសារគាត់ចង់ផ្តោតលើការជួយក្លឹបរបស់គាត់គឺ Kawasaki Frontale ក្នុងលីគជប៉ុន ហើយគាត់មិនចង់រងរបួសដែលអាចប៉ះពាល់ដល់ឱកាសនៃការបង្ហាញខ្លួនជាមួយគាតនៅក្លិប។ ការប្រកួតពានរង្វាន់ Mitsubishi Electric AFF Cup ឆ្នាំ ២០២២ លើកនេះធ្វើឡើង ស្របពេលដែលក្លិបបាល់ទាត់ Kawasaki Frontale កំពុងត្រៀមខ្លួនដើម្បីចាប់ផ្តើមរដូវកាលមុនរបស់ពួកគេ ប្រឈម​មុខនឹងការប្រកួតប្រជែងក្នុងរដូវកាលឆ្នាំ ២០២៣ ហើយ Chanathip ចង់ផ្តោតអារម្មណ៍របស់គាត់ជាមួយក្រុម។ Chanathip Songkrasin បាននិយាយថា «គ្រប់ការប្រកួតទាំងអស់ ថៃមិនអាចចាញ់បានទេ។ លេងជាមួយអ្នកណាក៏ដោយ យើងត្រូវក្លាយជាជើងឯក។ ការបរាជ័យក្នុង​នាមជាជើងឯក ប្រាកដជាធ្វើឱ្យអ្នកគាំទ្រខកចិត្ត ប៉ុន្តែខ្ញុំសប្បាយចិត្តជាងនេះ ប្រសិនបើខ្ញុំអាចធ្វើបានជាមួយមនុស្សជំនាន់ថ្មី»។ Chanathip បាន​ជួយ​ថៃ​ឡើង​ជា​ម្ចាស់​ជើង​ឯក​បី​លើក​ក្នុង​ឆ្នាំ ២០១៤, ២០១៦ និង ២០២០។ ក្នុង​ឆ្នាំ ២០១៤ ថៃ​បាន​យក​ឈ្នះ​ម៉ាឡេស៊ី​ក្នុង​លទ្ធផល ៤-៣ ខណៈ​ឆ្នាំ ២០១៦ ក្រុម​ដំរី​ស​បាន​យក​ឈ្នះ​ឥណ្ឌូណេស៊ី​ក្នុង​លទ្ធផល ៣-២ សរុបទាំងពីរជើង៕...
បាល់ទាត់

Ten Hag សរសើរ Rashford ជា​កីឡា​បម្រុង​តែ​ជួយ​​ស្រង់​ស្ថានការណ៍​ក្រុម​​បាន​ច្រើន​

3 months ago
3 months ago

Ten Hag សរសើរ Rashford ជា​កីឡា​បម្រុង​តែ​ជួយ​​ស្រង់​ស្ថានការណ៍​ក្រុម​​បាន​ច្រើន​

បាល់ទាត់
អ្នក​ចាត់​ការ Erik ten Hag បាន​សរសើរ​ចំពោះ​ទម្រង់​លេង​របស់ Marcus Rashford បន្ទាប់​ពី​គេ​បាន​ជួយ Manchester United យក​ឈ្នះ  Omonia Nicosia ៣-២ ក្នុង​ពាន​រង្វាន់ Europa League។ក្រុម​ម្ចាស់​ផ្ទះ Omonia Nicosia ជា​អ្នក​រក​គ្រាប់​នាំ​មុខ​បាន​មុន​ដោយ​កីឡាករ Karim Ansarifard ក្នុង​វគ្គ​ទី​មួយ​។ យ៉ាងណាមិញ​ឈាន​ដល់​វគ្គ​ទី​ពីរ United អាច​រក​បាន​៣​គ្រាប់​ជាប់​ៗ​គ្នា​ដែល​ជា​ការ​ធ្វើ​បាន​​ដោយ​​កីឡាករ​បម្រុង​ប្ដូរ​ចូល​វគ្គ​ទី​ពីរ​ Rashford ២​គ្រាប់​ម្នាក់​ឯង​ និង​ Martial មួយ​គ្រាប់។ ខ្វះ​៥​នាទី​បញ្ចប់​ការ​ប្រកួត Omonia Nicosia អាច​រក​បាន​មួយ​ទៀត​សង​វិញ​ ធ្វើ​បាន​ដោយ​កីឡាករ Panagiotou។ ក្រោយ​បញ្ចប់​ការ​ប្រកួត​លោក Ten Hag បាន​​និយាយ​ថា Rashford ធ្វើ​ឲ្យ​ការ​ប្រកួត​ផ្លាស់​ប្ដូរ និង​​ពិត​ជា​លេង​បាន​ល្អ។ នេះ​ហើយ​ដែល​ធ្វើ​ឲ្យ​ក្រុម​ខ្លាំង។ជ័យជម្នះ ៣-២​នេះ Manchestert United ឈរ​នៅ​លេខ​ពីរ​មាន​៦​ពិន្ទុ គម្លាត​ក្រោម​​ក្រុម​លេខ​មួយ Real Sociedad ៣​ពិន្ទុ។ Sheriff Tiraspol ស្ថិត​នៅ​លេខ​បី​មាន​៣​ពិន្ទុ​ ខណៈ Omonia Nicosia នៅ​បាត​តារាង​គ្មាន​ពិន្ទុ​រាប់៕ ...
បាល់ទាត់

Messi ប្រកាស​ថា កាតា​២០២២​គឺ​ជា World Cup ចុងក្រោយ​របស់​ខ្លួន

3 months ago
3 months ago

Messi ប្រកាស​ថា កាតា​២០២២​គឺ​ជា World Cup ចុងក្រោយ​របស់​ខ្លួន

បាល់ទាត់
ខ្សែ​បម្រើ​ប្រយុទ្ធ Lionel Messi បាន​និយាយ​ថា ព្រឹត្តិការណ៍ World Cup នៅ​ខែ​វិច្ឆិកា​ក្នុង​ប្រទេស​កាតា គឺ​ជា​​ការ​លេង​ចុងក្រោយ​សម្រាប់​ខ្លួន។កីឡាករ​វ័យ​៣៥​ឆ្នាំ​​បច្ចុប្បន្ន​កំពុង​លេង​នៅ​ក្រុម Paris St-Germain ធ្លាប់​លេង​ក្នុង​ព្រឹត្តិការណ៍ World Cup ៤​ដង រក​បាន​៦​គ្រាប់ និង Assist ៥​ដង​ក្នុង​ការ​បង្ហាញ​ខ្លួន​១៩​ប្រកួត។ គេ​ធ្លាប់​ជួយ​អាហ្សង់ទីន​​បាន​រង​ជើងឯក​កាល​ពី​ឆ្នាំ​២០១៤ មុន​ពេល​លើក​ពាន Copa America កាល​ពី​ឆ្នាំ​២០២១។បញ្ជាក់​កាល​ពី​ពេល​ថ្មី​ៗ​នេះ Messi បាន​និយាយ​ថា គេ​កំពុង​រាប់​ថ្ងៃ​ដល់​ការ​ប្រកួត World Cup។ វា​ក៏​ជា​ព្រឹត្តិការណ៍​ចុងក្រោយ​របស់​គេ​ផង​ដែរ។ Messi បង្ហាញ​ខ្លួន​ឲ្យ​ជម្រើស​ជាតិ​ដំបូង​ក្នុង​ឆ្នាំ​២០០៥ ដោយ​លេង​បាន​១៦៤​ប្រកួត​ឲ្យ​អាហ្សង់ទីន និង​រក​បាន​៩០​គ្រាប់។អាហ្សង់ទីន​បច្ចុប្បន្ន​ស្ថិត​នៅ​លេខ​៥​ក្នុង​ចំណាត់​ថ្នាក់​របស់ FIFA ហើយ​ពួក​គេ​នឹង​ត្រូវ​តទល់​ជាមួយ​​អារ៉ាប៊ីសាអ៊ូឌីត ម៉ិកស៊ិក និង​ប៉ូឡូញ​ក្នុង​ពូល C ក្នុង​ព្រឹត្តិការណ៍ World Cup ដែល​នឹង​ចាប់​ផ្ដើម​លេង​នៅ​ថ្ងៃ​ទី​២០ ខែ​វិច្ឆិកា៕ ...
បាល់ទាត់

AFF U17៖កម្ពុជា ត្រូវជួបម្ចាស់ផ្ទះអូស្រ្តាលី ដែលទើបលត់ កោះម៉ារីយ៉ាណា ២៣-០ ពីរថ្ងៃមុន

3 months ago
3 months ago

AFF U17៖កម្ពុជា ត្រូវជួបម្ចាស់ផ្ទះអូស្រ្តាលី ដែលទើបលត់ កោះម៉ារីយ៉ាណា ២៣-០ ពីរថ្ងៃមុន

បាល់ទាត់
ក្រុមជម្រើសជាតិកម្ពុជាអាយុក្រោម១៧ឆ្នាំ នឹងត្រូវប្រកួតជាមួយក្រុមជម្រើសជាតិអូស្ត្រាលីអាយុក្រោម១៧ឆ្នាំ នារសៀលថ្ងៃទី៧ ខែតុលា ឆ្នាំ២០២២ វេលាម៉ោង៣:៣០នាទី (ម៉ោងនៅកម្ពុជា) នៅកីឡដ្ឋាន Sheppaton Sport City ពានរង្វាន់ AFF U17 Asian Cup 2023 វគ្គជម្រុះពូល G ក្នុងប្រទេសអូស្រ្តាលី។ ខណ:ក្រុមជម្រើសជាតិចិនអាយុក្រោម១៧ឆ្នាំ ត្រូវជួបជាមួយ ក្រុមជម្រើសជាតិកោះម៉ារីណាខាងជើងអាយុក្រោម១៧ឆ្នាំ នៅវេលាម៉ោង១១:០០នាទីថ្ងៃត្រង់។ កម្ពុជា ប្រកួតដំបូងរបស់ខ្លួនបរាជ័យក្រោមថ្វីជើងចិន ៩-០ មុនពេលដែលអូស្រ្តាលី លត់កោះម៉ារីយ៉ាណា ២៣-០។ សម្រាប់កម្ពុជា ពុំដែលធ្លាប់ជួបអូស្ត្រាលីឡើយក្នុងពានរង្វាន់បាល់ទាត់ AFC U17 Asian Cup នេះ។ ចំណែកម្ចាស់ផ្ទះអូស្ត្រាលី ជាក្រុមដែលគ្រងដំណែងជើងឯក (OFC) ១០លើក និងAFF ២លើក ។  បច្ចុប្បន្នម្ចាស់ផ្ទះអូស្រ្តាលី ជាក្រុមដែលឈរនៅលើកំពូលតារាង មាន៣ពិន្ទុស្មើ ចិន ដែលឈរលេខ២ ចំណែកកម្ពុជា ឈរលេខ៣ ស្មើម៉ារីយ៉ាណាខាងជើង ប៉ុន្តែមានផលសងគ្រាប់បាល់ខុសគ្នា ដោយកម្ពុជាខាតផលសងគ្រាប់បាល់ដក៩ ខណៈម៉ារីយ៉ាណា ខាតផលសងគ្រាប់បាល់ដក២៣។  សូមបញ្ជាក់ថា សម្រាប់ក្រុមដែលចូលរួមប្រកួតប្រជែងពានរង្វាន់បាល់ទាត់ AFC U17 Asian Cup មាន៤៤ក្រុម ដែលបែងចែកជា ១០ពូល ពី Aដល់J។ ដោយពុំមានការទិញការផ្សាយបន្តពីក្រុមហ៊ុនដៃគូឧបត្ថម្ភសម្រាប់ការប្រកួតរបស់ក្រុមជម្រើសជាតិអាយុក្រោម១៧ឆ្នាំនេះទេ សហព័ន្ធកីឡាបាល់ទាត់កម្ពុជាបានសម្រេចចិត្តបន្តទិញសិទ្ធិផ្សាយបន្តផ្ទាល់លើអនឡាញពីម្ចាស់ផ្ទះអូស្រ្តាលី នៃពានរង្វាន់ AFC U17 Asian Cup 2023 វគ្គជម្រុះ ដើម្បីផ្សាយលើទំព័រហ្វេសបុករបស់សហព័ន្ធកីឡាបាល់ទាត់កម្ពុជា ជូនបងប្អូនកម្ពុជាទស្សនា ទោះមិនមានចំណូលពីអ្នកឧបត្ថម្ភការផ្សាយក៏ដោយ៕        ...
បាល់ទាត់

អ៊ីរ៉ង់ ទម្លាក់ថៃ ឡើងទៅជួបជប៉ុន នៅវគ្គផ្តាច់ព្រ័ត្រ AFC Futsal Asian Cup 2022

3 months ago
3 months ago

អ៊ីរ៉ង់ ទម្លាក់ថៃ ឡើងទៅជួបជប៉ុន នៅវគ្គផ្តាច់ព្រ័ត្រ AFC Futsal Asian Cup 2022

បាល់ទាត់
ពានរង្វាន់​បាល់ទាត់​ហ្វូតសាល​ជើង​ឯក​ប្រចាំ​ទ្វីប​អាស៊ី 2022 AFC Futsal Asian Cup ដែលរៀបចំចាប់​ពីថ្ងៃទី២៧ ខែកញ្ញា ឆ្នាំ២០២២ ដល់ថ្ងៃទី៨ ខែតុលា ឆ្នាំ២០២២ នៅ​ប្រទេស​គុយវែត ពេលនេះរកឃើញជើងខ្លាំងឡើងដល់វគ្គ​ផ្តាច់ព្រ័ត្រហើយ។ លទ្ធផលវគ្គ៨ក្រុមចុងក្រោយ៖– វៀតណាម ១-៨ អ៊ីរ៉ង់– ជប៉ុន ៣-២ ឥណ្ឌូនេស៊ី– ថៃ ៣-២ តាជីគីស្ថាន– អ៊ូបេគីស្ថាន ៣-០ គុយវ៉ែត។ លទ្ធផលវគ្គពាក់កណ្តាលផ្តាច់ព្រ័ត្រ៖– អ៊ូបេគីស្ថាន ១-២ ជប៉ុន– ថៃ ០-៥ អ៊ីរ៉ង់។ កាលវិភាគវគ្គដណ្តើមយកលេខ៣៖-ថ្ងៃទី៨ ខែតុលា អ៊ូបេគីស្ថាន VS ថៃ ម៉ោង៥:០០នាទីល្ងាច នៅសាល Saad Al Abdullah កាលវិភាគវគ្គផ្តាច់ព្រ័ត្រ៖-ថ្ងៃទី៨ ខែតុលា ជប៉ុន VS អ៊ីរ៉ង់ ម៉ោង៨:០០នាទីយប់ នៅសាល Saad Al Abdullah។ ពានរង្វាន់ AFC Futsal Cup នេះ​រៀបចំ​ឡើង​តាំង​ពី​ឆ្នាំ​១៩៩៩ មក​​ដោយ​ដំបូង​រៀបចំ​រាល់​១ឆ្នាំ​ម្តង តែ​ក្រោយ​មក​​ប្តូរ​ជា​រៀបចំ​រាល់​២ឆ្នាំ​ម្តង​វិញ ខណៈ​ក្រុម​​អ៊ីរ៉ង់ ឈ្នះ​ជើង​ឯក​ច្រើន​ជាង​គេ រហូត​ដល់​១២​លើក ហើយ​ជប៉ុន​ឈ្នះ​បាន​៣លើក៕      ...
បាល់ទាត់

Kyle Walker អាច​នឹង​មិន​បាន​លេង World Cup ដោយ​សារ​របួស

3 months ago
3 months ago

Kyle Walker អាច​នឹង​មិន​បាន​លេង World Cup ដោយ​សារ​របួស

បាល់ទាត់
ខ្សែ​ការពារ​របស់ Manchester City និង​ជម្រើសជាតិ​អង់គ្លេស Kyle Walker អាច​នឹង​មិន​បាន​លេង​នៅ​ព្រឹត្តិការណ៍ World Cup ដោយ​សារ​តែ​របួស​ពោះ​ត្រូវ​សម្រាក​រយៈពេល​យូរ។Walker បាន​អវត្តមាន​ការ​ប្រកួត City ឈ្នះ ៥-០ នៅ Champions League លើ​ក្រុម Copehagen កាល​ពី​យប់​មិញ ខណៈ​លោក Pep Guardiola មិន​អាច​បញ្ជាក់​ពី​ពេលវេលា​សម្រាក​របស់​គេ​​ឡើយ។ នៅ​សល់​តែ​៦​សប្ដាហ៍​ទៀត​ប៉ុណ្ណោះ​ព្រឹត្តិការណ៍ World Cup នឹង​មក​ដល់​​ទៅ​ហើយ។អ្នក​ចាត់​ការ​សញ្ជាតិ​អេស្ប៉ាញ​បាន​និយាយ​ថា Walker មាន​បញ្ហា​របួស​ក្បាល​ពោះ និង​ត្រូវ​សម្រាក​មួយ​រយៈ ប៉ុន្តែ​មិន​ដឹង​​រយៈពេល​ច្បាស់លាស់​នោះ​ទេ។ លោក​សង្ឃឹម​ គេ​អាច​ជា​ទាន់​ពេល​លេង World Cup ដូច​មិត្ត​រួម​ក្រុម Kalvin Phillips ហើយ​​ក៏​ដឹង​ថា គេ​សំខាន់​ប៉ុណ្ណា​សម្រាប់​ជម្រើសជាតិ​អង់គ្លេស។Walker ត្រូវ​បាន​ប្ដូរ​ចេញ​​អំឡុង​ការ​ប្រកួត​កាល​ពី​ថ្ងៃ​អាទិត្យ City ឈ្នះ​៦-៣ លើ Manchester United ដោយ​ដាក់ Sergio Gomez ចូល​ជំនួស​នៅ​នាទី​៤១។ កីឡាករ​វ័យ​៣២​ឆ្នាំ​លេង​បាន​៨​ប្រកួត​​គិត​គ្រប់​កម្មវិធី​ឲ្យ City និង​តែងតែ​ស្ថិត​ក្នុង​ជម្រើស​របស់​លោក Gareth Southgate នៅ​​ជម្រើសជាតិ​អង់គ្លេស​​ជា​ច្រើន​ឆ្នាំ​ចុងក្រោយ​នេះ៕ ​...
បាល់ទាត់

Juventus ស្គាល់​រសជាតិ​ឈ្នះ​ជា​លើក​​ដំបូង​នៅ Champions League

3 months ago
3 months ago

Juventus ស្គាល់​រសជាតិ​ឈ្នះ​ជា​លើក​​ដំបូង​នៅ Champions League

បាល់ទាត់
Juventus រក​បាន​ជ័យជម្នះ​ជា​លើក​ដំបូង​ក្នុង​ពានរង្វាន់ Champions League រដូវ​កាល​នេះ ក្រោយ​យក​ឈ្នះ​លើ​ក្រុម Maccabi Haifa ៣-១ ដោយ​មាន​ការ​រួម​ចំណែក​ដ៏​ធំ​ពី Angel Di Maria។ខ្សែ​បម្រើ Adrien Rabiot រក​បាន​២​គ្រាប់​ម្នាក់​ឯង​ និង​ខ្សែ​ប្រយុទ្ធ​ Dusan Vlahovic ធ្វើ​បាន​មួយ​គ្រាប់​ជួយ Juventus បាន​៣​ពិន្ទុ​ជា​លើក​ដំបូង។ ៣​គ្រាប់​ខាង​លើ​សុទ្ធតែ​មាន​ការ​រួម​ចំណែក Assist ដោយ​ខ្សែ​បម្រើ​ប្រយុទ្ធ Di Maria ដែល​ផ្លាស់​ពី PSG ក្នុង​រដូវ​ក្ដៅ​នេះ។ចំណែក​ឯ​មួយ​គ្រាប់​របស់​ក្រុម​មក​ពី​អ៊ីស្រាអែល Maccabi Haifa ទាត់​បញ្ចូល​ទី​ដោយ​កីឡាករ Din David។ ក្នុង​ការ​ប្រកួត​នេះ​មាន​​​អ្នក​គាំទ្រ​ចូល​ទស្សនា​មិន​ដល់​៣០ ០០០​​នាក់​ទេ​ក្នុង​កីឡដ្ឋាន Allianz Stadium ដោយ​សារ​តែ​ពួក​គេ​មាន​ការ​ខកចិត្ត​ចំពោះ​​ទម្រង់​លេង​មិន​ល្អ​​​របស់ Juventus រដូវ​កាល​នេះ។Juventus កំពុង​ប្រឈម​មុខ​​ក្នុង​លទ្ធភាព​មិន​អាច​​ឡើង​ដល់​វគ្គ​១៦​ក្រុម​ចុងក្រោយ UCL ដោយ​សារ​បច្ចុប្បន្ន​គម្លាត​​៤​ពិន្ទុ​ក្រោម​ក្រុម​លេខ​១​និង​២ PSG និង Benfica៕  ...
បាល់ទាត់

ក្រុម Kuala Lumpure City របស់ម៉ាឡេស៊ីតំណាង​អាស៊ាន ឡើង​ដល់​វគ្គព្រ័ត្រ AFC Cup 2022

3 months ago
3 months ago

ក្រុម Kuala Lumpure City របស់ម៉ាឡេស៊ីតំណាង​អាស៊ាន ឡើង​ដល់​វគ្គព្រ័ត្រ AFC Cup 2022

បាល់ទាត់
ពានរង្វាន់​បាល់ទាត់​សម្រាប់​ក្លិប​អាជីព​ប្រចាំ​ទ្វីប​អាស៊ី AFC Cup 2022 បាន​រក​ឃើញ​បេក្ខភាព​ឡើង​ដល់​វគ្គ​​ផ្ដាច់ព្រ័ត្រហើយ ដោយ​ក្នុង​នោះ​មាន​ក្រុម Kuala Lumpure City សមាជិក​លីគ​កំពូល​ម៉ាឡេស៊ី តំណាង​តំបន់​អាស៊ាន ឈាន​ដល់​វគ្គ​តានតឹង​នេះ។ អ្វី​ដែល​គួរ​ឱ្យ​កត់​សម្គាល់​នោះ​លោក Bojan Hodak ជនជាតិ​ក្រូអាត គ្រូបង្វឹករបស់ Kuala Lumpur City ក៏ធ្លាប់ដឹកនាំភ្នំពេញក្រោន ជាពិសេសអំឡុងឆ្នាំ​២០១០-២០១១ ជួយឲ្យ​ឈ្នះ​ជើង​ឯក​លីគ​កំពូល​កម្ពុជា នឹង​ធ្លាប់​បាន​ជួយ​ក្រុម​ប្រកួត​ក្នុង​វគ្គ​ជម្រុះ​ពានរង្វាន់ AFC President’s Cup ផង​ដែរ។ លទ្ធផល​វគ្គ​៨ក្រុម​ចុងក្រោយ​មាន៖-Sogdiana Jizzakh (អ៊ូបេគីស្ថាន) ១-០ Eastern (ហុងកុង)-ATK Mohun Bagan (ឥណ្ឌា) ១-៣ Kuala Lumpur City (ម៉ាឡេស៊ី)-Al-Arabi (គុយវ៉ែត) ១-២ Al-Seeb (អូម៉ង់)-East Riffa (បារ៉ែន) ១-១ (៤-៥) Al-Riffa (បារ៉ែន) លទ្ធផល​វគ្គ​ពាក់កណ្ដាល​ផ្ដាច់ព្រ័ត្រ​ពានរង្វាន់ AFC Cup 2022 គឺ៖-Al-Seeb (អូម៉ង់) ៤-០ Al-Riffa (បារ៉ែន)-Sogdiana Jizzakh (អ៊ូបេគីស្ថាន) ០-០(៣-៥) Kuala Lumpur City (ម៉ាឡេស៊ី)។ កាលវិភាគវគ្គផ្តាច់ព្រ័ត្រ៖- ថ្ងៃទី២២ ខែតុលា Al-Seeb (អូម៉ង់) vs Kuala Lumpur City (ម៉ាឡេស៊ី) វេលាម៉ោង៤:០០នាទីរសៀល។ សូម​បញ្ជាក់​ថា​ពានរង្វាន់​បាល់ទាត់ AFC Cup 2022 ធ្វើ​ឡើង​ពី​ថ្ងៃ​ទី​​៥​ខែ​មេសា ដល់​២២ ខែ​តុលា ឆ្នាំ​២០២២ ដោយ​មាន​ក្រុម​ចូលរួម​​ពី​៥​តំបន់​ក្នុង​ទ្វីប​រួម​មាន៖-អាស៊ី​ខាង​លិច៖ ១២​ប្រទេស-អាស៊ីខាងត្បូង៖ ៧ប្រទេស-អាស៊ីកណ្ដាល៖៦ប្រទេស-អាស៊ី​អាគ្នេយ៍ (អាស៊ាន)៖ ១២​ប្រទេស-អាស៊ី​ខាង​កើត៖ ១០​ប្រទេស។ សហព័ន្ធ​កីឡា​បាល់ទាត់​អាស៊ី បាន​បង្កើត​រូបមន្ត​នៃ​ការ​ប្រកួត​មាន​ដូចជា​ វគ្គ​ជម្រុះ Preliminary stage, Play-Off Stage, Group Stage និង​ Knockout Stage។ ក្រុម​ឈ្នះ​ជើង​ឯក​នឹង​ទទួល​បាន​ថវិកា​ចំនួន​១លាន​៥សែន​ដុល្លារ​អាមេរិក ហើយ​ក្រុម​ជើង​ឯក​រង​ទទួល​បាន​៧៥​ម៉ឺន​ដុល្លារ​អាមេរិក ខណៈ​ក្រុម​ជើង​ឯក​តាម​តំបន់ (Zone) នីមួយៗ​ទទួល​បាន​ទឹក​ប្រាក់ ១០ម៉ឺន​ដុល្លារ​អាមេរិក៕      ...
បាល់ទាត់

Pep Guardiola បញ្ជាក់​ថា Haaland គ្មាន​របួស​អ្វី​ទេ

3 months ago
3 months ago

Pep Guardiola បញ្ជាក់​ថា Haaland គ្មាន​របួស​អ្វី​ទេ

បាល់ទាត់
Manchester City បាន​យក​ឈ្នះ​ Copehagen ដល់​ទៅ ៥-០ ក្នុង​ការ​ប្រកួត​វគ្គ​សន្សំ​ពិន្ទុ Champions League បន្ត​​ភាព​មិន​ទាន់​ចាញ់​របស់​ខ្លួន​កាល​ពី​យប់​មិញ។ខ្សែ​ប្រយុទ្ធ​កំពុង​ឡើង​ជើង​ខ្លាំង Erling Haaland រក​បាន​​២​គ្រាប់​ម្នាក់​ឯង ដែល​ជា​គ្រាប់​ទី​១៩​ក្នុង​ការ​បង្ហាញ​ខ្លួន​១២​ប្រកួត​ឲ្យ City គិត​គ្រប់​កម្មវិធី​រដូវ​កាល​នេះ​។ ៣​គ្រាប់​ផ្សេង​ទៀត​របស់ City ធ្វើ​បាន​ដោយ​​ខ្សែ​បម្រើ​ប្រយុទ្ធ Riyad Mahrez, Julian Alvarez និង​ Davit Khocholava ខ្សែ​ការពារ​របស់  Copehagen ធ្វើ​​ឲ្យ​ចូល​ទី​ខ្លួន​ឯង។Haaland ត្រូវ​បាន​​លោក Guardiola ប្ដូរ​ចេញ​ក្រោយ​បញ្ចប់​វគ្គ​ទី​មួយ ជំរុញ​ឲ្យ​អ្នក​គាំទ្រ​ជា​ច្រើន​មាន​មន្ទិល។ យ៉ាងណា ក្រោយ​បញ្ចប់​ការ​ប្រកួត​អ្នក​ចាត់​ការ​សញ្ជាតិ​អេស្ប៉ាញ​បាន​ចេញ​មក​បញ្ជាក់​ថា កីឡាករ​សញ្ជាតិ​ន័រវែស​​គ្មាន​បញ្ហា​របួស​អ្វី​ទេ គ្រាន់​តែ​ចង់​ឲ្យ​មាន​ពេល​សម្រាក​ខ្លះ។ឆ្លង​កាត់​​៣​ប្រកួត​កន្លង​មក​ក្នុង​ពាន​រង្វាន់​ UCL រដូវ​កាល​២០២២-២៣ Man City ឈ្នះ​ទាំង​អស់​មាន​៩​ពិន្ទុ​ពេញ​ឈរ​លេខ​មួយ​ក្នុង​ពូល​ G ខណៈ Dortmund នៅ​លេខ​ពីរ​មាន​៦​ពិន្ទុ។ Sevilla និង Copehagen នៅ​លេខ​បី​និង​បួន មាន​១​ពិន្ទុ​ដូច​គ្នា។  ...
បាល់ទាត់

AFC U17៖កម្ពុជា ចាញ់ចិន ៩-0 ខណ:អូស្រ្តាលី បំបាក់ កោះម៉ារីណាខាងជើង ២៣-០ វគ្គជម្រុះពូល G

3 months ago
3 months ago

AFC U17៖កម្ពុជា ចាញ់ចិន ៩-0 ខណ:អូស្រ្តាលី បំបាក់ កោះម៉ារីណាខាងជើង ២៣-០ វគ្គជម្រុះពូល G

បាល់ទាត់
ក្រុមជម្រើសជាតិអូស្ត្រាលីអាយុក្រោម ១៧ឆ្នាំ បានលត់កោះម៉ារីណាខាងជើងយ៉ាងចាស់ដៃ ក្នុងលទ្ធផល ២៣-០ នៃពានរង្វាន់ AFC U17 Asian Cup 2023 វគ្គជម្រុះវិលជុំសន្សំពិន្ទុពូល G​ នៅថ្ងៃទី៥ ខែតុលា។ ខណ: U17កម្ពុជា ចាញ់ U17ចិន ក្នុងលទ្ធផល ៩-០ ស៊ុតដោយកីឡាករ Zhang Junjie នៅនាទី១៦, Huang Kaijun(២៤), Wang Yudong រកបាន៣គ្រាប់(២៦,៥៩,៦១), Kuai Jiwen(៤៥+១), Wang Haobin(៨៦), Li Ming (៨៧), Quyang Jiaxin(៩០+២)។ ដូច្នេះការប្រកួតបើកឆាកពូល G មានគ្រាប់បាល់ស៊ុតបញ្ចូលទីគ្នាសរុប៣២គ្រាប់ឯណោះ។ តារាងចំណាត់ថ្នាក់ពូល G បណ្តោះអាសន្ន៖1. អូស្ត្រាលី ឈ្នះ១ប្រកួត ស៊ុតបញ្ចូលទី២៣គ្រាប់ មិនរបូតគ្រាប់បាល់2. ចិន ឈ្នះ១ ស៊ុតបាន៩គ្រាប់ មិនរបូតគ្រាប់បាល់3. កម្ពុជា ចាញ់១ របូត៩គ្រាប់4. កោះម៉ារីណាខាងជើង ចាញ់១ របូត២៣គ្រាប់។ ភារកិច្ចបន្ទាប់ U17កម្ពុជា នឹងត្រូវជួបម្ចាស់ផ្ទះអូស្ត្រាលី ខណ: U17កោះម៉ារីណាខាងជើង ប៉ះ ចិន នៅថ្ងៃទី៧ ខែតុលា ក្នុងកីឡដ្ឋាន Shepparton Sport City ប្រទេសអូស្ត្រាលី៕  ...
បាល់ទាត់

 HSC៖បឹងកេត លត់អគ្គិសនី ៣-០ ខណ:ភ្នំពេញក្រោន ចាញ់វិសាខា ២-១ ជើងទី១ វគ្គ៤ក្រុមចុងក្រោយ

3 months ago
3 months ago

 HSC៖បឹងកេត លត់អគ្គិសនី ៣-០ ខណ:ភ្នំពេញក្រោន ចាញ់វិសាខា ២-១ ជើងទី១ វគ្គ៤ក្រុមចុងក្រោយ

បាល់ទាត់
ជំនួបនៅកីឡដ្ឋាន Cambodia Airway វគ្គពាក់កណ្តាលផ្តាច់ព្រ័ត្រ ជើងទី១ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៦ ឆ្នាំ២០២២ ដែលម្ចាស់ផ្ទះបឹងកេត បានយកឈ្នះអគ្គិសនីកម្ពុជា ក្នុងលទ្ធផល ៣-០ នារសៀលថ្ងៃទី៥ ខែតុលា។ ៣គ្រាប់របស់ម្ចាស់ផ្ទះបឹងកេត ស៊ុតបញ្ចូលទីដោយកីឡាករ សេត រ៉ស៊ីប នៅនាទី២២' និង ម៉ាត់ នូរុណ នៅនាទី ២៥', ៩០+៣'។ ខណ:នៅកីឡដ្ឋាន Smart RSN ម្ចាស់ផ្ទះភ្នំពេញក្រោន បានរងបរាជ័យក្រោមថ្វីជើងវិសាខា ក្នុងលទ្ធផល ២-១ ស៊ុតដោយកីឡាករ អ៊ុក សុវណ្ណ នៅនាទី៦’, យ៉ែម ដេរីត នៅនាទី១៦’ និង រ៉ឹង​ ប៊ុនហៀង នៅនាទី៥១’។ ជើងទី២នឹងធ្វើឡើងនៅថ្ងៃទី១២ ខែតុលា ឆ្នាំ២០២២ ដោយអគ្គិសនីកម្ពុជា ទទួល បឹងកេត នៅកីឡដ្ឋាន អគ្គិសនីកម្ពុជា វេលាម៉ោង ១៥:៣០នាទីរសៀល រីឯវិសាខា ស្វាគមន៍ ភ្នំពេញក្រោន នៅកីឡដ្ឋាន ព្រីនស៍ វេលាម៉ោង ១៨:៣០នាទីល្ងាច ក្នុងករណីចប់ការប្រកួត ហើយលទ្ធផលសរុបគ្រាប់បាល់ទាំង២ជើងស្មើគ្នា នឹងមានការបន្ថែមម៉ោង ១៥នាទី ២ដង នឹងឈានដល់ការទាត់បាល់១១ម៉ែត្រកាត់សេចក្តី ប្រសិនលទ្ធផលនៅតែស្មើគ្នាក្នុងម៉ោងបន្ថែម ១៥នាទី ២ដង៕ ...
បាល់ទាត់

ជម្រើស​ជាតិ​ដាណឺម៉ាក​​ត្រូវ​បាន​ហាម​មិន​ឲ្យ​យក​គូ​ស្នេហ៍​​តាម​ខ្លួន​ទៅ World Cup

3 months ago
3 months ago

ជម្រើស​ជាតិ​ដាណឺម៉ាក​​ត្រូវ​បាន​ហាម​មិន​ឲ្យ​យក​គូ​ស្នេហ៍​​តាម​ខ្លួន​ទៅ World Cup

បាល់ទាត់
សហព័ន្ធ​បាល់ទាត់​ដាណឺម៉ាក​​បាន​ដាក់​បម្រាម​មិន​ឲ្យ​កីឡាករ​ជម្រើសជាតិ​​នាំ​គូស្នេហ៍​ទៅ​តាម​ខ្លួន​ដើម្បី​ចូលរួម​ព្រឹត្តិការណ៍ World Cup ដែល​រៀបចំ​នៅ​ប្រទេស​កាតា។ ជា​​ប្រពៃណី​​របស់​កីឡាករ​ជម្រើសជាតិ​ដាណឺម៉ាក​តែងតែ​នាំ​មិត្តស្រី​និង​ប្រពន្ធ​ទៅ​ចូលរួម​ព្រឹត្តិការណ៍​ធំ​ៗ​ដើម្បី​លើក​ទឹក​ចិត្ត។ ប៉ុន្តែ​សម្រាប់​លើក​នេះ​សហព័ន្ធ​ដាណឺម៉ាក​បាន​បដិសេធ​​ក្នុង​ការ​នាំ​គូស្នេហ៍​ទៅ​ជាមួយ។កីឡាករ​នាំ​​លេង​របស់​ Manchester United ខ្សែ​បម្រើ Christian Eriksen និង​​ Pierre-Emile Hojberg កីឡាករ​របស់ Spurs ស្ថិត​ក្នុង​ចំណោម​​កីឡាករ​ដែល​មិន​អាច​​នាំ​ប្រពន្ធ​​ទៅ World Cup។ មិនមែន​មាន​តែ​​២នាក់​នេះ​ទេ​ នៅ​មាន​កីឡាករ​មួយ​ចំនួន​ធំ​ទៀត​ដូច​ជា Joachom Andersen, Jannik Vestergaard, Daniel Lversen និង Rasmus Kristiansen សុទ្ធតែ​ខក​ចិត្ត​ដែល​មិន​អាច​យក​គូ​ស្នេហ៍​ទៅ​បាន។លើក​ទំព័រ​មុខ​របស់​កាសែត​នៃ​ប្រទេស​ដាណឺម៉ាក Ekstra Bladet  បាន​ដាក់​ចំណង​ជើង​ធំ​ៗ​ថា៖ "​គ្មាន​ការ​ថើប និង​ឡើង​គ្រែ​សម្រាប់​កីឡាករ World Cup”។ អ្នក​តំណាង​របស់​សហព័ន្ធ​បាន​ចេញ​មក​បញ្ជាក់​រឿង​នេះ​ថា ដោយ​សារ​តែ​ជម្រើសជាតិ​មិន​ចង់​ចំណាយ​ច្រើន​លើ​ការ​ធ្វើ​ដំណើរ​ទៅ​កាន់​ប្រទេស​កាតា។ កន្លង​ទៅ​ប្រពន្ធ​និង​មិត្ត​ស្រី​របស់​​កីឡាករ​តែ​ធ្វើ​ដំណើរ​ជាមួយ​​ក្រុម​ប្រឹក្សាភិបាល ប៉ុន្តែ​សម្រាប់ World Cup លើក​នេះ​គឺ​មិន​មាន​ទេ៕ ​​​...
បាល់ទាត់

អ៊ីរ៉ង់ លត់វៀតណាម យ៉ាងចាស់ដៃ ខណ:ថៃ ទម្លាក់តាជីគីស្ថាន ឡើងទៅវគ្គ៤ក្រុមចុងក្រោយ AFC Futsal

3 months ago
3 months ago

អ៊ីរ៉ង់ លត់វៀតណាម យ៉ាងចាស់ដៃ ខណ:ថៃ ទម្លាក់តាជីគីស្ថាន ឡើងទៅវគ្គ៤ក្រុមចុងក្រោយ AFC Futsal

បាល់ទាត់
ពានរង្វាន់​បាល់ទាត់​ហ្វូតសាល​ជើង​ឯក​ប្រចាំ​ទ្វីប​អាស៊ី 2022 AFC Futsal Asian Cup ដែល​ប្រទេស​គុយវែត ទទួលធ្វើជាម្ចាស់ផ្ទះ ពេលនេះរកឃើញជើងខ្លាំងឡើងដល់វគ្គពាក់កណ្តាលផ្តាច់ព្រ័ត្រ បន្ទាប់ពី អ៊ីរ៉ង់ លត់វៀតណាម យ៉ាងចាស់ដៃ ខណ:ថៃ ទម្លាក់តាជីគីស្ថាន។ លទ្ធផលវគ្គ៨ក្រុមចុងក្រោយ៖– វៀតណាម ១-៨ អ៊ីរ៉ង់– ជប៉ុន ៣-២ ឥណ្ឌូនេស៊ី– ថៃ ៣-២ តាជីគីស្ថាន– អ៊ូបេគីស្ថាន ៣-០ គុយវ៉ែត។ កាលវិភាគវគ្គពាក់កណ្តាលផ្តាច់ព្រ័ត្រ៖-ថ្ងៃទី៦ ខែតុលា អ៊ូបេគីស្ថាន VS ជប៉ុន ម៉ោង៥:០០នាទីល្ងាច នៅសាល Saad Al Abdullah-ថ្ងៃទី៦ ខែតុលា ថៃ VS អ៊ីរ៉ង់ ម៉ោង៨:០០នាទីយប់ នៅសាល Saad Al Abdullah។ បច្ចុប្បន្នបញ្ជីឈ្មោះកីឡាករ Top Scorers មានដូចជា៖-កីឡាករ Hossein Tayyebi របស់អ៊ីរ៉ង់ ស៊ុតបាន៨គ្រាប់-កីឡាករ Saeid Ahmadabbasi របស់អ៊ីរ៉ង់ ស៊ុតបាន៦គ្រាប់-កីឡាករ Idris Yorov របស់អ៊ីរ៉ង់ ស៊ុតបាន៦គ្រាប់៕  ...
បាល់ទាត់

ល្អ​ហួស! Napoli វាយ​បក​យក​ឈ្នះ Ajax ៦-១ បន្ត​កំណត់ត្រា​ល្អ​របស់​ខ្លួន

3 months ago
3 months ago

ល្អ​ហួស! Napoli វាយ​បក​យក​ឈ្នះ Ajax ៦-១ បន្ត​កំណត់ត្រា​ល្អ​របស់​ខ្លួន

បាល់ទាត់
ក្លិប​ខ្លាំង​របស់​អ៊ីតាលី Napoli បាន​យក​ឈ្នះ​ក្លិប​​កំពូល​របស់​ហុល្លង់​ Ajax លទ្ធផល ៦-១ ក្នុង​ការ​ប្រកួត​វគ្គ​សន្សំ​ពិន្ទុ​ពូល A នៃ​ពាន​រង្វាន់ Champions League។ចាប់​ផ្ដើម​ការ​ប្រកួត​បាន​តែ​៩​នាទី ខ្សែ​ប្រយុទ្ធ Mohammed Kudus រក​បាន​គ្រាប់​នាំ​មុខ​ឲ្យ Ajax។ យ៉ាងណាមិញ Napoli ដែល​ជា​ក្រុម​​កំពុង​ស្រែ​ឃ្លាន​ជ័យជម្នះ​បាន​វាយ​បក​រហូត​រក​បាន​៦​គ្រាប់​ផ្ទួន ក្នុង​នោះ​ធ្វើ​បាន​ដោយ​កីឡាករ Raspadori ២​គ្រាប់​ម្នាក់​ឯង, Di Lorenzo, Zielonski, Kvaratskhelia និង Simeone រក​បាន​ម្នាក់​មួយ​គ្រាប់។Napoli ពេល​នេះ​កំពុង​រក្សា​កំណត់ត្រា​របស់​ខ្លួន​ឯង​យ៉ាង​ល្អ ដោយ​មិន​ទាន់​ចាញ់​សោះ​គិត​គ្រប់​កម្មវិធី​នា​រដូវ​កាល​នេះ។ តាម​រយៈ​លទ្ធផល​ខាង​លើ​ ពួក​គេ​​បាន​ឈរ​នៅ​កំពូល​តារាង​ពូល A លើ Liverpool ៣​ពិន្ទុ និង​រក​បាន​ដល់​១៣​គ្រាប់​ឯណោះ​ឆ្លង​កាត់​ត្រឹម​៣​ប្រកួត​កន្លង​ទៅ។Napoli បច្ចុប្បន្ន​ក៏​កំពុង​ឈរ​កំពូល​តារាង Serie A ផង​ដែរ លេង​៨​ប្រកួត ឈ្នះ​៦​ប្រកួត​និង​ស្មើ​២​ប្រកួត​មិន​ទាន់​ស្គាល់​ពាក្យ​ចាញ់​នៅ​ឡើយ​ទេ មាន​២០​ពិន្ទុ​ស្មើ​គ្នា​ជាមួយ​ក្រុម​លេខ​ពីរ Atalanta។...
បាល់ទាត់

កម្ពុជា ប៉ះ ចិន វគ្គជម្រុះ AFC U17 Asian Cup 2023 វេលា​​ម៉ោង​១២ថ្ងៃត្រង់នេះ

3 months ago
3 months ago

កម្ពុជា ប៉ះ ចិន វគ្គជម្រុះ AFC U17 Asian Cup 2023 វេលា​​ម៉ោង​១២ថ្ងៃត្រង់នេះ

បាល់ទាត់
ក្រុមបាល់ទាត់យុវជនកម្ពុជាអាយុក្រោម១៧ឆ្នាំ នឹងត្រូវជួប ចិន ដែលជាម្ចាស់ជើងឯក២សម័យកាល នៅថ្ងៃទី៥ ខែតុលា ឆ្នាំ២០២២ វេលាម៉ោង ១២:០០ថ្ងៃត្រង់ នៅប្រទេសអូស្តា្រលី ពានរង្វាន់បាល់ទាត់ AFC ASIAN Cup Bahrain 2023។ ដោយពុំមានការទិញការផ្សាយបន្តពីក្រុមហ៊ុនដៃគូឧបត្ថម្ភសម្រាប់ការប្រកួតរបស់ក្រុមជម្រើសជាតិអាយុក្រោម១៧ឆ្នាំនេះទេ សហព័ន្ធកីឡាបាល់ទាត់កម្ពុជាជាថ្មីម្ដងទៀត បានសម្រេចចិត្តបន្តទិញសិទ្ធិផ្សាយបន្តផ្ទាល់លើអនឡាញពីម្ចាស់ផ្ទះអូស្រ្តាលី នៃពានរង្វាន់ AFC U17 Asian Cup 2023 Qualifiers ដើម្បីផ្សាយលើទំព័រហ្វេសបុករបស់សហព័ន្ធកីឡាបាល់ទាត់កម្ពុជាជូនបងប្អូនកម្ពុជាទស្សនា ទោះមិនមានចំណូលពីអ្នកឧបត្ថម្ភការផ្សាយក៏ដោយ។ គួរដឹងថា U17 កម្ពុជា ស្ថិតក្នុងពូល G ជាមួយម្ចាស់ផ្ទះអូស្ត្រាលី ចិន និង កោះម៉ារីណាខាងជើង ការប្រកួតវគ្គជម្រុះនៃពានរង្វាន់បាល់ទាត់ទ្វីបអាសុី AFC U17 ASIAN CUP BAHRAIN 2023 ដែលគ្រោងនឹងរៀបចំចាប់ពីថ្ងៃ១-៩ ខែតុលា ឆ្នាំ២០២២។ លក្ខខណ្ឌពិសេស៖ ក្រុមដែលអាចឡើងទៅកាន់វគ្គពាក់កណ្តាលផ្តាច់ព្រ័ត្រ នឹងមានលក្ខណៈគ្រប់គ្រាន់សម្រាប់ចូលរួមការប្រកួត FIFA U-17 ក្នុងនាមជាតំណាងរបស់ AFC។ ដូច្នេះប្រសិន U17 កម្ពុជា អាចឡើងទៅកាន់វគ្គពាក់កណ្តាលផ្តាច់ព្រ័ត្រនោះយើងនឹងមានឱកាសឡើងទៅលេងពានរង្វាន់ពិភពលោក FIFA World Cup 2023៕    ...